青葉日本料理 (已結業)

嬲爆！整件事令我對日本放題的好感大減！！從此之後打死、請我去都唔．會．再．去！！本身有訂位，不過因為係兆萬樓下要排隊搭lift，上到去就係遲個5分鐘佢就要我地即場再等位。好，佢都係揸正黎做，但一等就要等成八個字40min，又要食貴10幾蚊，呢下先再嬲。入到去個位又污漕，個帶位都係用紙巾掃落地下就算，衛生真係唔係好得囉！去到食野先最嬲，d天婦羅樣樣都係「梅」嫁！蝦又梅、蟹柳又梅！講明要兩set就次次都淨係俾一set，叫左個北海道牛乳鍋，入面d牛肉dun過擦子膠！搞到我地最後食晒d 菜都食唔晒d 肉！熟食就咸到死！雞軟骨、豬軟骨、雜菌、椰菜食到想死！間野淨係識到叫人last order，落左last order又唔肯上菜！d waiter成日係你隔離打爛野！一地玻璃啊！一句講晒，呢間咁既日本放題請都唔好浪費自己時間同虐待自己個胃啊朋友！！

今日同一班朋友到來, 5:30 p.m.入座有折, 而朋友極力推介,不妨一試 。這個時間不是太多人, 但點了的食物郤是上得越來越慢, 每枱都追單, 到時間來臨完結前的半個鐘先至再快一點落單, 放題... 就是這樣... 但水準郤不遜色, 牛肉很冧及入味, 刺身無論叫多少片都好, 都是每樣 3-5片, 有心人不妨keep 住來追, 味道真的不錯; 海膽三文魚手卷, 三文魚飯, 真的料多好味; 刺身很新鮮, 金瓜天婦羅好甜好好味, 有益及可多吃。牛乳牛肉煲, 不是太多味精, 正 , 雞軟骨都接受, 無乜投訴。唯特色飲品頗甜, 要溶冰溝淡比較好 。7:00 後出面人山人海, 故不介意早吃, 真的抵 !下次都係這些時間來會好一點; 食完行下街, 夫復何求 !

起初是由觀塘分店開始光顧，後來就多了去旺角分店都算是光顧了不少次，但個人覺得，食品無錯係非常之好食，但不知是工作流程上出錯還是其它原因落單的食品每每都來不齊。以往飲品落單不久便到，但有時要等足三個字刺身，壽司等，寫了幾次單都無來，去到last order追單，都可以話無落過一些食品賣完也不告知顧客，成餐有5張單miss左服務員對環境不熟，食品常常送錯隔離檯，隔離檯可能因為記唔起落了什麼所以照食吧，但就算減埋這些去錯檯的情況，漏單情況依然嚴重。但另一方面，青葉的食品比其它同類食店款式多，而且水準更是比一般食店更佳，特別係刺身類食品會用有冰的容器盛載，希望真的要在正作流程上改善，否則，食唔夠的任飲任食，會令人非常失望。

星期四晚約左班朋友食放題,七點半就有位,唔係等左好耐...$168要加一..一般ge價錢,果然係一般ge食物....d刺身真係上得勁慢...又少...每次都係得個10塊..我地明明寫30塊..三文魚,甜蝦,八爪魚個d刺身真係好一般,同超級市場ge差唔多....有鍋物ge,,叫左蕃茄牛肉鍋...烏冬得個兩三條....不過蕃茄鍋味道ok ge...小食方面,雞翼最好食...天婦羅,炸蠔個d都好好味,,好脆,唔太油...手卷壽司都ok,,飯唔會太多...紫菜係脆ge...都ok啦!特別係饅魚手卷

啲態度差到不得了！佢個到寫明任飲任食兩小時，咁一去到肚餓梗係叫勁多嚟食架啦！加上又有啲食得之人係到！點知次次叫 嘅份量同嚟到個d係差好遠囉！仲要比我聽到個經理同d師傅講話唔好再比咁多我地！頂！你唔整嚟我地 咪又係會再嗌，到其時你咪又係要整！個經理真係超級過份！以後都唔會再去呢到食嘢！表面上係放題任食，實情其實係d壽司師傅話事，想整幾多你就食幾多

環境衛生都不錯..首先一入到去..等左15分鐘位..都算快..之後叫野食啦..等左半個鍾..叫左十樣有九樣都未黎..吹單3,4次都無黎到..都算啦..再落單..都係無黎wo..最後等左成粒鍾..終於到左大部分食物..刺生..得個"凍"字..完全無味..燒物..什麼雞軟骨..鹽都無落啦..食骨咩..呢d算啦..百幾蚊任食都係咁..到11點啦..已經不停問呢D野要唔要..收野啦..明明寫住12點先收鋪..最後都唔知特登定乜野..收野果時成杯野落左個朋友生上..果個仲要係經理..都算啦..唔小心都唔怪得佢..最弊連道歉都無句..拎左D紙巾黎..就走埋一邊..理都無理過..真係諗起都火..大家千奇唔好去呢間野..失望!

朋友約食飯先講下D野食...刺身.壽司.款式都幾多,三文魚/立魚..都ok.卷物.. 刺身幾抵死, 好大件炸物就好好多，可能係星期日啦，可以話即炸即上食物味度還可以，天婦羅都係熱騰騰的端上食物亦來得有效率，服務都ok。頭幾輪點的食物，都來到足，大家都很滿意。汽水任飲,有 Coke, Cream Soda, Sprite...甜品得四款，係大路o野，亦不是日式的，好失望$158 加一算係咁啦

一行六人九點幾旺角搵食。去左兆萬食放題，見青葉未試過一於去試下。點知. . . . . .九點零鐘開始有人走，好快就有位。reception姐姐仲問有冇人響前後一星期生日，好似有discount。一坐低即填紙仔入轉刺身、飲品先啦~ 好快就到啦，雖然份量唔太多，但係都唔錯~ 食完一轉再入單，關東煮、牛油栗米、甚至燒物，天婦羅都食左一轉。但都未見刺身既出現。問左樓面職員但冇咩反應，話黎緊。於是再入多張單，又等左十分鐘，連碟都收晒咩到未到. . .應該係第五張單啦~ 忍唔住叫個女經理過黎問，佢走去去check單，竟然話我地果枱只係入左一張單!!!! 咪玩啦!! 跟住叫我地入過單佢親自去跟。果然有反應，出單快左好多，但都過左個幾鐘lu....Overall: 我覺得燒雞中翼最好食, 雞軟骨都可以。刺身就麻麻地，唔係好新鮮。值得一提既就係走單情況真係好好好嚴重！！！

依間野真係走單王，我張枱只係黎左一轉食物，之後乜都未黎過，我依家就坐喺度等緊食物黎悶到寫食評，後面枱客剛剛鬧完話唔比錢，我地依家同經理投訴緊，我朋友重見到啲侍應接左客人啲單後掉左無入過廚房。大家千期唔好黎食呀，勞氣！

係旺角揀左好耐都唔知食咩好,最後就揀左呢間,第一次食...4個人食,等位等左9個字左右啦甜品得好少...而且唔好食雪糕就得一杯仔

不記得是否一早約定了今個是我第2間食放題的店題種類不少，不過不失連栗米都有得叫比較特別，都十分甜魚生不算太差，但也不算太新鮮，不過不失啦唯魚生飯既配搭 正合我這個愛飯之人所好可以自己叫飯再加散叫既魚生，一舊魚生一啖飯，人生之樂而最正係可以任叫飲品！呢個我覺得值得讚賞。

其實這裏的食物算是不過不失，最大問題在於走單問題非常嚴重。壽司只記得吃了帶子壽司，還挺好吃的。刺身則有時不太夠凍，但整體來說還算是挺新鮮的，尤其喜歡魷魚、馬刀貝、甜蝦、八爪魚等等，但吞拿魚背還是麻麻地。燒雞串、雞軟骨都很好吃。雞軟骨真的燒得很好，脆得來不是很油。有一碟是炒雜菌甚麼的，實在很難吃是苦的，接受不了。天婦羅那些的確很好吃，蝦自然值得推介、而茄子也很大件，外脆內多汁，好吃！但問題在於走單那邊，刺身在我們叫了兩三輪時還未送到，催了很多次還未來，終於只上了一碟，而且不是按我們寫單的份量來，但其後再叫也是來不了，天婦羅也一樣，三催四請才來，最後侍應還問我們last order要叫，便索性半發脾氣地向他們投訴，最後才來了兩三碟，但也是不依份量。其實嚴格來說，最後也算是來齊沒走單，但要我們催成這樣，吃也不吃得開心，尤其本身已經限時，再走單的話便真的吃不了甚麼，且叫人勞氣，我覺得要吃的話吃其他分店好了，旺角真的是繁忙得過份，所以免得過不會再去這間。

離哂譜我係特登申請個acc黎寫呢個食評~!!!!!尋日同5位朋友去食青葉~d staffs 都ok, 態度都正常但係d野食除左第1round之外, 之後寫極都唔黎,係唔黎, 並唔係黎得慢(週邊有3~4張枱ge情況同我地一樣)最終都係要叫經理黎理論, 個經理真係好唔得閒, 因為枱枱都搵佢, 佢地不斷話d食物整緊出緊, 但係就不斷係咁等~唉, 呢d放題又要限人地食野既時間, 但係order左又唔黎, 咁同錕錢有咩分別?根本無左食放題既真正義意~算啦, 我同朋友都諗住下次食日本野唔食放題啦~對青葉太失望了~

今日同朋友食飯去咗青葉！開始ge時候食物好快上啦！咁食到加洲卷ge時候，發覺青瓜係苦！同侍應講，侍應黑面收起，之後有位着西外套ge女人就黑口黑面話唔可以話d嘢苦就唔要！之後食物過咗成45分鐘都未黎就叫侍應跟！發覺係連張單都沒埋，叫我地再落過，落完之後又等咗30分鐘再叫侍應跟先黎以後都唔會再去(帶子係乾到好似帶子乾）

前兩日行旺角~男友話想食日本野~咁o岩見到街上派傳單~所以就上去睇下啦@@~其實之前有fd都話想黎呢間ge~不過最後都冇去到~依家終於有機會試下啦~入到去可能因為我地得2個人~所以唔洗等就有位坐了@@~不過D位都好逼下...同隔離台幾乎0距離...因為我地坐在盡頭~o係正收野個位隔離~所以遞單係即時有人收~而且等左一陣就已經上左個刺身盤比我地@@~雖然我地寫左好多份量但係佢都係計翻人頭咁出單~(寫單一定要寫埋人數...唔係會比人話= =...)不過佢出單出得非常快~所以就算份量不多~但寫多幾轉都補翻晒啦^^~刺身質素就一般放題店ge水準啦~不過有件象拔蚌就好多沙點左一個牛奶鍋物~好大個鍋都唔差~不過我地掛住傾計冇開到個蓋~(其實係咪應該送黎ge時候開?因為係金屬蓋...自己用手開應該都幾熱...)最後滾左出黎...好彩我地個位長期都有人在旁...所以服務員小姐即時幫我地開左個蓋同幫我地抹翻張台味道都ok~不過冇吉壽咁好@@嗯~反而最大驚喜係串燒呢~點左雞軟骨同牛肉串~雞軟骨我覺得就好普通~尤其我唔太鐘意咁"瘦弱"ge不過我男友就好鐘意~之後佢再叫左幾串但個牛肉串就好好味係我暫時食過咁多