金田長壽司 (已結業)

細佬話今晚一齊去尖沙咀食日本菜～ 果然無介紹錯, 餐廳服務好之外, 款式多又抵食, 整體食物質素令人滿意呢~ 走進店，已經見到酒櫃擺放著各式各樣的酒~再走進餐廳內，店子不少, 座位寬敞, 坐得蠻舒服^^今日既超值推介, 據知天天不同, 數量有限 ~前菜我地食左呢個<清酒大蜆配鮑魚 $58> 大蜆大大隻, 清甜又無沙~ 最讚係個鮑魚口感柔嫩細滑, 烹調時間控制得岩岩好, 用清酒煮味道更鮮甜~話晒食日本野, 刺身必點~ 先講刺身我最推介 <三文魚雪花腩 $78> 好新鮮, 三文魚腩相當肥美, 仲要厚切, 大滿足! 仲有 <活赤貝 $48/ 隻> 爽脆又清新~其次大愛 <象拔蚌刺身 $168/隻> 肉質很甜喔, 又滑又嫩~ 必點推介之一~食完刺身就輪到壽司喇 XD8吋長壽司係代表作之一~ 第一次黎到點可以唔食先?! 哈哈<8吋長壽司 $138> 一上枱, 件件8吋長, 哇! 我度過8吋足足有一隻筷子咁長!8個不同款式分別有三文魚, 8爪魚, 鱆紅魚, 鰻魚, 吞拿魚 劍魚腩, 立魚, 牛油魚各一件~ 咁多

今日一班同事行去山林道附近，柯士甸道除左茶餐廳之外，我地都唔覺有咩好野食。然後因為路太窄，我們塞喺一個有樓梯既巷仔入口度，天外有天，居然有一家頗有日本巷仔feel的日本餐廳開喺度。一來嘗鮮，二來好曬。三來我唔想行了。哈哈，全部食物我地都係開心share，好正。D魚子大粒到反光gar。好犀利燒物我幾中意，尤其用日式筷子（個頭好尖好細），督督下，一細啖一細啖咁吉D魚肉嚟食，一大享受。哈哈哈。呢個係我嗌既，我真系好唔想同佢地share，因為好好食，仲想添食。我地係lunch去，老闆話夜晚有軍艦，系一米長既軍艦。勁唔勁？驚唔驚？哈哈，努力做野，老細賺左錢就嗌佢請我地去食好野。

是日家族聚會, 之前聽人介紹在佐敦有間開左好耐既日式壽司刺身店, 出名大件夾抵食, 所以一行10人去試試, 6點多去到可能時間還早, 人不是太多. 首先點左几件長壽司試試, 好快送上來, 眨下眼搶晒, 影都影唔切, 不過其他食評都好多相, "長"壽司的確有名有實, 足有成尺長. 因為今次人多, 點左餐單上最頂級的 "大阪金田長剌身橋", 經理話其他不用點太多, 呢條"橋"夠我們10個人食半飽... (甘誇張!?) 最后證實經理系 "老實人", 條橋送上來足足放滿兩張台 (有圖有真相!). 剌身, 壽司, 蝦, 生牛肉壽司, 海膽, 沙律... 已經無心機數. SIZE, 賣相唔洗講, 食材都好新鮮, 同一般放題不可同日而語.好不容易條橋拆左一半, 再點了一些串燒同銀鱈魚西京燒送啤酒, 串燒飲酒既話正, 無飲酒既就覺得口味有D重, 所以見人見智, 都算中上. 銀鱈魚 Very Good!!! 估唔到既係連啤酒都要加長版 ^_^.最后再加一個海膽飯 -- 點解D海膽要鋪係上面...? 材料几足, 起碼真係有几件海膽, 不過飯同海膽無撈埋一齊, 再加上大家都飽飽地, 覺得味道有點淡, 有進步

第一次黎呢間長壽司既始祖。咁就緊係要試下呢個8吋長壽司啦~~講真，幾得意。同可以包住成個飯黎食都ＯＫ。我最怕食果Ｄ細細件刺身大大舊飯果隻。呢個８吋長壽司係要將條刺身尾包埋落個飯圈住咁食。　另有一番風味。跟住就見到有呢個巨大手卷。我地就叫左個三文魚手卷普通版同巨大版。巨大版真係好大條。大足足一半。而且入面Ｄ刺身都係跟番比例。呢個巨大版我絕對覺得男仕岩食。大件夾抵食之後仲有隻刺身船。勁～～～～～大隻龍船。Ｄ刺身都幾鮮。係個海膽爭少少。可能因為唔係ＳＥＡＳＯＮ啦最後就叫埋呢個帆立貝花之戀。由於我係最鍾意食花之戀同帆立貝，呢２個組合加埋一齊，揀直係冇得頂呀～～～而且又大件。對絕抵食。

朋友買左團購，所以我地就黎試下！佢買左兩個唔同既set最主要係有生蠔同埋壽司唔同既分別！Book左8點，7:30去到，無咩人等左20分鐘左右就食得，睇落分量唔多Set A一盤好似定食咁出，有個沙律，三文魚同牛油魚刺身，三文魚唔算肥美，不過都算新鮮，牛油魚好香，好好味吉蝦卷，好大件，味道都幾好！鵝肝多士，香脆好味炸蝦天婦羅，好油雞軟骨及雞腎及一串，好硬叉燒拉面，食晒其他野先食個拉面，好難食，叉燒又乾又硬三文魚及蟹棒八寸壽司，刺身ok朋友食set B有兩隻美國珍珠蠔，佢話新鮮肥美總結，可能因為係團購所以唔好食

第一次同朋友嚟試著名長壽司。我睇睇個餐牌，有長壽司便當，一場嚟到梗要試下啦！但心諗，咦？日本啲便當樣樣都係丁咁多，唔飽架喎！於是改變策略，同朋友一人一個便當，再加小食啦！正揀小食時，咁啱畀我見到長壽司併盤，啱哂！我叫咗個三文魚豚肉鍋便當配烏冬 （$6×），配菜有花生雜豆 （唔知用咩醬料撈）、味附螺肉、雜菜沙律同和果子。烏冬份量好足，三文魚剛熟軟滑，豚肉唔嚡冇渣，不過黐埋一大舊係唯一敗筆。配菜方面，花生介乎脆與唔脆之間，感覺奇怪；螺肉辣到冇命；沙律毫無特別；和果子唔太甜但粘口。另外叫咗個八吋長壽司併盤 （$11×） share 食。總共有 10 件，包括三文魚、吞拿魚、鰻魚等，好抵食。醋飯堅挺唔易散，刺身新鮮，鰻魚好肥美。今餐整體嚟講好滿足，好飽。有機會會再嚟試午市放題，因為見到呢個餐牌好吸引：

早兩晚，朋友仔推介情況底下，三個人走到這間金田長壽司晚飯，人不少，我們也大約等了20分鐘，肚子已經響起警號。。。入到店内，當然要點最出名的長壽司，都有點期待，真的有這麼長嗎？有喎，長成咁。。，大啖大啖咬下，可惜三文魚不太新鮮， 吃下的時候欠缺魚油的感覺。。。而魚本身温也不夠凍，失望也。還點了這麼多。。。。。。 八爪魚相對比較好，可是溫度也是不夠凍。。。 帶子感覺也不新鮮，沒有多汁彈牙的口感。。。鰻魚相對較可取，但原來鰻魚太多，感覺會有點"漏"。。。總結是，不敢苟同長壽司的特點。

有三文魚的地方﹐怎會沒有我..........所以﹐為了「長長尾巴」的三文魚壽司﹐特地與朋友預約了晚餐時段7:30前來一嚐。單是這八吋三文魚壽司與我短小的手指之比, 便可想而知這八吋並非浪得虛名。份量是滿足的, 但略嫌三文魚本身不夠新鮮及肥美, 入口魚油並無平日新鮮魚生的甘美。玉子不錯。朋友'啦啦林'及'米走雞'極力要我推薦這鰻魚壽司﹐說肉質肥美﹑入口即溶, 值得一試, 但因我不吃鰻魚的關係﹐無緣品嚐。這香芒炸蝦卷亦不錯﹐蝦肉夠厚身有口感, 芒果的酸甜中和了炸物的油膩感。不錯的雞軟骨小食, 炸得香口而不會'啖啖油'。香芒沙律配上特製的蛋黃醬﹐說實話真的不太嚐得出醬料的射別之處, 但一向喜愛清新的芒果沙律, 一讚。雜錦天婦羅有蝦啦﹑茄子啦﹑蓄蕃啦﹑菇啦﹐ 豐盛而脆口。這鍋物有點失望﹐ 不像其他枱以爐熱著上, 只是'一鑊熟'的牛肉鍋﹐ 急凍牛加蔬菜﹐無甚特色。總的來說, 為完我的長長三文魚夢, 值得的, 也吃得相當滿足。

近年最興日式放題，愛吃日本菜的我曾經光顧過幾家，但總覺得一分錢一分貨，又唔太喜歡迫迫夾夾、限時限刻。又可能年紀漸長，胃口不大，於是對“大件夾抵食”說sayonara, 反之對質素就有啲要求。星期日晚行開尖沙咀，轉入柯士甸道，見到原來都好有多食肆。因我同老公最愛日本菜，而仔仔最鍾意食手卷，所以走咗入一間唔太起眼嘅“金田長”(後來上openrice先知咁多like)。可能我哋早，六點到，唔駛點等就可入坐。我哋order咗8吋長嘅壽司，我仔仔就叫咗客手卷，waitress問要大定細，我覺得好出奇，原來大size有成個珍寶雪糕筒咁大，我仔仔好興奮，當食雪糕咁食，仲再來一個㖭！而我要講吓嘅係，8吋長壽司實在值得一讚，皆因我愛魚生，但總喜歡夾埋飯一齊食，又唔想舊飯太大舊，容易飽，所以呢個8吋嘅設計啱晒 我。(我係咪太麻煩呢？)我哋仲有order其他熱食，一般中上水評，三文魚頭就燒得唔錯。最驚喜是臨走時waitress送給我們一盒日本小食包做禮物，我個仔最開心！食物質素算唔錯，服務員都好醒目(服務員嘅態度我覺得好重要)。 不過餐廳就略嫌唔夠光猛，而且要行一小段樓梯先到正門，比較隔涉，真可說是大隱隱於

近年最興日式放題，愛吃日本菜的我同曾經光顧幾家，但總覺得一分錢一分貨，又唔太喜歡迫迫夾夾、限時限刻。又可能年紀漸長，胃口不大，於是對“大食抵件”說sayonara, 反之對質素就有啲要求。星期日晚行開尖沙咀，轉入柯士甸道，見到原來都好有多食肆。因我同老公最愛日本菜，而仔仔最鍾意食手卷，所以走咗入一間唔太起眼嘅“金田長”(後來上openrice先知咁多like)。可能我哋早，六點到，唔駛點等就可入坐。我哋order咗8吋長嘅壽司，我仔仔就叫咗客手卷，waitress問要大定細，我覺得好出奇，原來大size有成個珍寶雪糕筒咁大，我仔仔好興奮，當食雪糕咁食，仲再來一個㖭！而我要講吓係8吋長壽司實在值得一讚，皆因我愛魚生，但總喜歡夾埋飯一齊食，又唔想舊飯太大舊，容易飽，所以呢個8吋嘅設計啱晒我。(我係咪太麻煩呢？)我哋仲有order其他熱食，一般中上水評，三文魚頭就燒得唔錯。最驚喜是臨走時waitress送給我們一盒日本小食包做禮物，我個仔最開心！食物質素算唔錯，服務員都好醒目。(呢個我覺得好重要) 不過餐廳就略嫌唔夠光猛，而且要行一小段樓梯先到正門，比較隔涉，可說是大隱隱於巿！

呢到故唔會我第一次黎喇,今次反而係朋友帶我黎,不過其實一直都想番黎試下嫁喇,因為真係幾正,依到既長壽司真係好正,好滿足到鍾意食刺身既我。壽司飯又做得好,唔太硬,又唔會軟到勁易散,醋既味道又岩岩好,真係幾正嫁。首先叫左一個焗雜菇,幾正嫁依個,味道都唔錯,唔會過份咸既又，份量好多,一開始就想食飽人。之後就依個燒雪魚,食落一D都唔腥，肉質夠哂嫩,味道都唔錯。忌廉薯餅又無想象中食到咁膩。之後就主角壽司喇,整體感覺非常唔錯，用料夠哂新鮮，食落當然夠哂鮮香。不過玉子就比較長可能因為咁就比較易散，,不過味道上就甜左少少已無咩蛋味。最後就叫左依個和風牛肉煮，如果有飯就正喇，咁樣就咁食就真係太咸喇,不過依到既服務真係唔錯既,抵讚。 

之前已經聽姑仔對金田長讚不絕口，說火山卷份量十足，吃得飽飽的。從OPENRICE的評論得知金田長最出名的是長壽司，趁今日行經柯士甸道，就買D壽司返去同老公試下。今次我好豪氣咁叫左幾條8寸長鰻魚壽司、甜蝦壽司、三文魚壽司、珍寶帶子壽司、香芒炸蝦卷等等。魚生味道好新鮮大件，一對筷子都夾唔穩，但我就嫌飯粒較散，師傅握得不夠實淨，但整體都唔錯。幾款食物之中，我對8寸長鰻魚壽司、甜蝦壽司同珍寶帶子壽司印象特別深刻，甜蝦同帶子新鮮得嚟亦啖啖肉，雖然貴D，都抵嘅。但我同老公最愛嘅都係8寸長鰻魚壽司，啖啖好，好入味，真係好想快D ENCORE!!

聽聞過金田長既八吋長壽司，好似幾得意。一行5人黎見識下，究竟有幾長有幾大？由於唔知份量，為免叫得太多，幾樣幾樣咁叫。先黎個蟹籽沙律，有大同細揀。我地都係保守派，揀左細。其實已經好大，幾新鮮，青瓜絲咬落都好爽。特級火山卷真係幾大，一件重大過平時4件加州卷疊埋。都係噱頭成份居多，味道同普通加州卷無異，入面係青瓜，玉子，蟹柳，漬蘿蔔。上面薄薄一塊三文魚，加大量沙律醬同蟹籽。貪得意試下係唔錯既。北海道帶子花之戀唔錯，帶子幾甜，又係好慷慨既蟹籽。八吋長壽司，就係為左佢而黎。見到實物總算冇失望，真係好長，好特別。 味道都唔錯，特別係牛油魚，好香。唔知係咪食慣左，雖然八吋長好有新意，但食落都係鍾意食正常個D。熟食冇乜特別，正常quality。卷物都可以。意式反卷，海膽上面有少少黑松露醬，都幾香，不過一齊食，味道唔算好夾。炸蝦卷都唔錯，吉列蝦好脆。整體食物唔錯，再加上創意，難怪好評如潮。

好耐以前已聽過餐廳大名，當時尖沙咀店仍未開業，總店亦以八吋長壽司打響名號。但由於喺元朗等候人數太多嘅關係，所以仍未前往一嚐其味。直至今日，終於有機會一試。雖然此店於佐敦、尖沙咀旺區營業，但感覺上較為隱蔽。一入店舖，燈光較為昏暗，被招呼至近窗的位置，由於二人枱關係，感覺上仍較為狹窄。但整體感覺上仍可以接受，且乾淨整齊。是次選擇咗 2件帶子花之戀(A)，蟹棒，鰻魚八吋長壽司各 1件(B)，以及金田和風刺身龍船 1份(C)。A：以帶子配上花之戀還是第一次見，所以立即落單。落單後隔咗五分鐘就上枱。乍看整件份量不大，可惜我還是未能將之完好無缺夾起。其實依個同普通的無甚分別，只係師傅放沙律醬及蟹子前加上帶子，但少少嘅變化已令整個食物嘅感覺唔同晒。帶子非薄切，而且咬落仍有其鮮味，但三文魚卻只是一般而已。B：點了兩款不同嘅壽司，亦好快上枱。終於可以食到八吋鰻魚壽司，感覺上的大滿足。味道方面，燒鰻魚汁夠稠，味道剛剛好，不會太甜或過鹹。至於蟹棒當然由我另一半品嚐，根據其餐後結論，蟹棒感覺上不太好，而且質感比較似蟹柳。八吋長更顯得有啲狼狽。故此不推依款壽司。C：此套餐先嚟一份蟹子沙律，份量剛好適合二人，且蟹

聽聞呢間野好食 朋友又力推我去好耐 終於可以一試 我地一行兩個女仔去食唔知係咪我地早 7點幾去到冇咩人 環境寧靜舒服野食都上得好快芝士明太子豆腐 好滑天婦羅 炸粉較薄 但緊記要熱食凱撒醬蝦沙律好新鮮 正！軟殼蟹手卷 好大 係king size 一個已經好飽肚黎到重點 三文魚長壽司好新鮮 好好味 每人$140呢個價錢野食新鮮加埋個環境好難唔去encore 諗起都想食😋