金泰皇泰國餐廳 (已結業)

今天一行4人到位於力生廣場的"金泰皇"話說大半年前 無意之中發現開左新既泰國餐館本住一試無坊既心態記得當時佢剛剛開張無耐 等一次食既時候 只有我和另外一木台客人在這個佔地超級大既地方 顯得格外冷清一開頭都擔心食物質數但食過1ST次後 在短短幾個月不斷帶唔同朋友來幫襯 原因都只係呢間野食物有水準 價錢公道 地方寬敞舒服想食好味既泰國菜就不用再千山1萬水咁去9龍城了但最近有點失望 由於人氣旺了經常全場爆滿 要等一段時間先有位餐廳侍應忙過不停 笑容不見了服務也沒有咁周到了 不過食物依舊一流! 未試過的朋友建議一試哦!Our orders:-恐龍蛋-冬蔭公湯-無國界蒜蓉飽-生蝦刺身 x 2-青咖哩(雞)-菠蘿炒飯-泰式沙律-珍多冰 x 2 (買一送一)-椰汁冰 x 2 (買一送一)恐龍蛋 不是間間泰國餐廳都有恐龍蛋食的對於皮蛋迷的我一定要叫恐龍蛋既!上碟時賣相很吸引! 大大舊的皮蛋炸物 擺成一朵花似的 中間放著一小碟泰式辣醬 大飽眼福味道方面 一件件的皮蛋被一層層的炸魚蛋包著 炸魚蛋好厚 炸到金黃色的 味食已經知道好香脆甫入口時就食到好濃既魚肉香味魚蛋好硬身 好彈牙爽口 連埋軟身既皮蛋一併食

荃灣的力生廣場我只去過一次，那次都只不過到浦和吃個放題而已。那次後，覺得力生廣場已經成為外傭的聚腳點，因這裡有齊他們所需要的物資(以我眼所見)，所以正常情況下我都不會入去。今次又再重臨，因為晚餐的地點再次找到力生廣場，不是去浦和啦，而是對面間金泰皇泰國餐廳。力生的三樓全層就只有這兩間餐廳，以今天的客量所觀察，原來都有不少食客喎(至少不是小貓幾隻)，所以只要是出品好，價錢公道，即使不是在大街大巷大商場內營業，也自不然會吸引到食客上門。餐廳的地方非常大，多人食飯也不是問題。我們被安排坐餐廳最入的位置，這邊幽幽暗暗的，好在有部大電視送下飯，但冷氣就真的凍死了﹗特別是電視機下那枱，對正出風口，已經有兩組人一坐下要即時調位了，我坐旁邊都不禁打冷顫呢﹗埋單後出去先知道，原來近正門的位置有不少花巧佈置，而且燈光也夠光猛，下次來還是坐出少少好。餐牌其實只得數版紙，估不到所提供的食物有非常的多﹗小食(十款)﹑BBQ(有魚﹑肉﹑有雞，共十一款)﹑沙律(十六款)﹑湯(七款)﹑泰國特色(有海南雞，肉類，共六款)﹑蔬菜(共十六款)﹑海鮮(二十五款)﹑咖哩(十三款)﹑飯(十三款)﹑炒粉麵(十一款)﹑飲品(十二款)

記得這個位置之前是一間台式餐廳 也光顧過幾次如今裝修和擺設都沒有變更 只是多了幾張泰王的照片不知是否長期被外傭佔據的關係 力生廣場有種讓人不想內進的感覺廣場內的店燈光都偏暗 有種黑箱作業的感覺對泰國菜並不太了解 店員也沒多作解釋隨便點了幾個菜和飲料就算了無國界蒜蓉包的名字很厲害 但其實只是普通蒜蓉包蠔餅既不像蚵仔煎也不像港式蠔餅 淺嚐就夠了串燒有豬牛雞可選 蘸的是花生醬而不是吵嗲 有點印尼風味餐廳裡的燈光太暗 完全提不起勁拍照不過南瓜飯的樣子挺出色 值得一拍南瓜飯上堆了些咕嚕魚柳和兩隻青口配搭得有點奇怪 泰國風味亦欠奉 很港式多款食物中以咖喱最叫人失望此店提供多款咖喱 青紅黃咖喱任君選擇點了一款紅咖喱雞 咖喱汁極稀 如水一般而雞是陣陣雪味 和咖喱一起吃還是吃得出雪味 差想不到泰國餐廳連咖喱都做不好 實在失望另外還點了其他菜式和飲品 味道都沒甚麼特別就泰國菜而言 比這裡質素高價錢低的餐廳多的是還是比較懷念從前的台式食品

趁著工作之便可以走遠一點吃午飯,可是港鐵站一帶食肆同是人頭湧湧,街上熱辣辣的氣溫令人透不過氣,忽而想到力生廣場樓上的兩家食肆,正常應該較少人,一於走上去看看。推測果然沒錯,商場頂層兩家日本餐廳或泰國餐廳也是人流不多,今次先試泰國午餐吧;臨窗的幾張大圓桌的景觀較其他為佳,就算只看到樓景及繁忙街道而已,侍應帶領我到小型2人卡位,對我這些一人食客來說剛好。一坐下已有一碗湯在桌上?! 雖然是午飯送湯也不用那麼快吧。碗內除兩件豬骨外沒其他材料,從清甜湯底猜想應是煲冬瓜吧,味道清清的熱湯總有點豬骨香,真正豬骨沒有丁點肉可吃,還未有東西吃的時候,飲碗湯濕濕口腔也好的。泰式海南雞飯($38)以碟頭飯形式送來,不是飯餸分開的陣容;黃得有點螢光的油飯有一飯碗份量,飯粒沒有黏作一團但卻有少少硬,幸好胃部消化能力不低,稍硬的米飯也不成問題,微微雞油香的飯粒整體不太油,還有隱約一點香茅味道在內,以油飯來說已算夠味,只是不太夠熱而已。只有四件的雞肉已代為起骨,今次還是雞腿部份,只是我想吃雞胸多一點。如雞飯般黃的雞皮有層厚厚脂肪,雞肉絕對夠肥美,只是這層皮是日我沒興趣吃了,反正都是軟軟的沒彈力水準,棄之不可惜;細滑

這篇食評應該大概兩三個月前的事了哈, 現在憑記憶把他完成下來吧 ... 那天約了幾位同事到荃灣吃晚飯我們去了力生的金泰皇泰式生蝦某位同事第一次食生蝦她覺得很好玩, 新奇我也覺得這味不錯蝦新鮮, 味道清甜加上金泰皇的辣汁(有辣椒, 蒜泥等 ... ), 很開胃!!椰汁海鮮湯這味印象中很足料, 有很多蜆和蘑菇湯底頗濃郁, 有些微的辣, 不過不吃辣的人都可以接受呢青咖喱雞賣相很像一碗污水青咖喱很香不過就下次不會再點了 ... 咕嚕斑塊斑塊很多, 炸粉不太厚味道少許酸, 也很開胃呢送的榔汁糕記得是有幾款的 有椰青味, 芒果味, 另外的忘記了這個飯後甜品作為晚飯的結尾很不錯

今日同好友們食飯, 諗住食泰國菜, 但荃灣的泰菜餐廳不多...路德圍個間又試過, 所以最尾去左力生廣場新開的「金泰皇」!餐廳的位置是以前稻草人台式餐廳的舊址..一段時間沒去, 想不到稻草人已經結業, 可惜!入到去餐廳的環境是和稻草人的時候接近一樣! 再看看餐牌, 款式滿多~另外亦有套餐選擇, 亦有星期一至五的特價食物。最終我們點了6個菜式~「無國界蒜蓉包」,個名稱幾有趣..不過唔係好明點解會用無國界呢個字眼~賣相都幾得意, 不過味道普通, 感覺蒜蓉包唔夠熱, 而且蒜蓉望落多, 但食落好淡!「泰式豬頸肉」,配埋泰式醬汁, 酸酸甜甜的我覺得很醒胃, 而且價錢只需 ($38), 挺抵食呢。「鐵板蠔仔餅」是星期三的優惠, 原價$78, 特價$58, 熱辣辣的上桌~~我就冇食太多, 不過入面見到幾多蠔仔。另外亦叫左「泰式生蝦刺身」同「馬拉盞炒通菜」, 馬拉盞炒通菜的味道不太濃烈。飯後亦有每位一件小糕點奉送 (馬豆糕, 椰汁糕等等)~6款菜式, 整體來說尚算不俗, 雖不至於好好味, 但仍合格有餘, 埋單接近三百元, 尚算便宜和抵食的泰國菜。

檢查新居完畢去吃晚飯，本打算吃小妹心儀了一段時間的熱狗店，誰知中途碰到爸爸，擾攘一輪後熱狗店都關門了，唯有改地點。記得上次有朋友帶小妹來這裡晚餐，味道、環境和服務都尚算不錯，又鄰近我們的新居，就跟爸爸三人行前來晚飯。在力生廣場的餐廳真的需要更多宣傳才可增廣客源，就兩次經驗所見，晚市平均一半入座率，食肆來說情況不太理想，但對我們這等walk-in客來說就當然方便。上次沒有留意，原來星期一至四晚市都有不同款式的特價菜，是晚的是咖哩辣椒炒青口，由原來的$78特價至$28！我仨立刻點一客啦！非常非常驚訝！”平野無好”這個概念根深柢固，以為特價後就總會”縮水”，所以上枱時我們都讚嘆這份量之大！一客十隻沒欺場～重點是，每隻都如上圖般大大隻，也沒有討厭的雪藏味！最可惜的是我們點了個炒飯，以致無法加點蒜蓉包，根據上次的經驗，這裡的蒜蓉包是不錯的，一客還有六條，可惜可惜。MP要求吃燒豬頸肉，當然要應他要求。豬頸肉就燒得太乾了，連本身的油份都燒光了，只可算是一碟半肥瘦豬肉　不太推介大家吃。　小食拼盤是貪心食客如我們的最佳選擇，一次就試勻經典泰式小食。餐牌上寫每樣小食都有兩件，有些一開二成了四件，基本上每款

湯是送的, 一坐下女侍應生便送上湯, 未問但她已主動答說是午市送給每位客人 湯的材料有蓮藕、眉豆、綠豆, 味道清清地但不至於淡茂茂。金不換雞球配白飯$38...有好香的金不換香氣, 雞肉是先沾粉去炸一炸才再落鑊與醬汁炒炒, 個人來說並不喜歡被醬汁弄糊的炸皮(尤其是厚皮), 舌頭不舒服! 不過那醬汁實在是好吃(最主要原因是有金不換同煮) 洋葱、青紅椒吃出新鮮味, 落得又多, 能減糊雞肉的滯辣椒膏魚柳配白飯$38...辣椒膏帶甜微辣, 醬汁是惹味得很, 因為配料豐富, 除了青紅椒外, 還有很多香茅碎及南薑片 魚柳肉質滑溜而且炸得薄, 所以炸皮沒有被糊掉甜品是兩個客人得三粒糕, 只好大家一人半件, 泰式甜糕的質地較腍, 味道一般。最初睇見碟飯感覺份量少, 但原來吃罷全餐已經是全飽, 眼闊肚窄呀~

這裡的LUNCH是去到5點的（好似係）所以2點幾都好放心咁上黎食。有COUPON送了蒜蓉包兩件，同厚身的多士相似，但係四面都塗上了牛油+蒜蓉醬，真係好食而LUNCH試過幾次，最好都係咖哩，$38，青/黃/紅咖哩，配豬/牛/雞，跟飯我自己最鍾意係青咖哩，很香的香草味道（九層塔？）還有椰汁的味道食食下又有d辣味滲出黎咁黃咖哩的話裡面會有薯仔，都係椰汁（椰奶？）味比較重但係同平時咖哩魚蛋果個味唔同紅咖哩最辣，唔知是咪因為落左辣椒去煮之故。為左中和辣味，咖哩入面會有新鮮菠蘿粒，GOOD！餐飲的話就一般般啦，冇咩特別如果星期六日同平時一樣，食完有甜品送就好喇～上次試過黑糯米，不會太甜，幾好食

在網頁買了$128咖哩炒蜆2人套餐, 店鋪很大很多空位, 但不明白為什麼一定要星期一至四8時半後才可用COUPON,一進餐廳, 店員說 : 啊!團購嘅? "唔緊要啦" 入去座, 什麼意思? 我完全感到不受歡迎~第一客食物蒜蓉包到了, 團購網頁的照片和一客正常份量明明有6條, 偏偏因為團購就只有兩條 (我重覆再看團購網頁是沒有列明的)!!第二客炒通菜上檯, 都一樣, 是正常份量的一半!!! 而且味道很一般!第三客咖哩等了很久才上檯, 蒜蓉包都凍了 (難道餐廳店員認為蒜蓉包是頭盤不是跟咖哩一起吃?)第四度金邊粉份量總算合理一點, 但完全不是熱的, 是暖和凍之間,但都不好吃~最後甜品是兩舊糕,賣相很差!我們另加了飲品連加一全單實花了$170, 兩人完全覺得不飽和不好吃.... 這次團購的體會是有些餐廳把食物減份量將貨就價,要是這樣不大方的話就不要花廣告錢去做團購, 因最後顧客只會被嚇走不會再光顧!!!最後聽說店鋪是新開的但卻感覺很殘舊, 應該是隨意把上手鋪頭執一下便開張~

星期六同朋友去荃灣行街.行到晚上6點...成班友都話好耐冇去稻草人食野,不如去食.咁我地就去左力生廣場啦..上到去..O晒咀..說好的稻草人唔見左....眼前就係一間叫金泰皇O既餐龐.由於我地都餓了..所以就入去試下泰菜.....入到去,個格局冇變..不過唔理啦..睇餐牌先..睇左陣..我地點左無國界蒜蓉包,黃咖喱炒雜菜,冬蔭公湯,海鮮濕炒河,xx炒金邊粉,.無耐就來餸了..首先講下無國界蒜蓉包,我覺得最好味係呢個..好香蒜蓉味,好正.黃咖喱炒雜菜d雜菜都幾新鮮.用蒜蓉包點d咖喱汁都別有一番風味.冬蔭公湯我覺得真係好泰國feel= =第一口食落去,好大陣泰國香料味同埋好辣..我麻麻..海鮮濕炒河味道幾好,不過d河炒到幾散下...炒金邊粉幾得別,有d甜甜地.不過我唔中意食甜o既炒粉- -食飽後埋單時佢地會送上一人一舊甜品.我麻麻..總括而言,第一次黎呢間野,我覺得唔錯.應該會再去試下第2d泰菜.

有晚有個朋友生日,想搵個地方食飯,荃灣地方我唔多熟問個fd有乜好介紹行行下咁岩有人派傳單金泰皇,費時諗咁多於是成班fd上去一試,上到去地方都幾大但由於肚餓唔埋咁多,一坐底首先叫左碟生蝦刺生先...再配d辣汁都算ok叫左兩客蒜蓉飽,賣相都幾特別,幾好食唔錯,無國界個名都幾特別,但點解叫無國界真係唔明跟住到個冬陰公大蜆湯d大蜆都ok,但個湯味道就一般,好重椰汁味,冇乜特別...可能我食慣辣炒金邊粉個味道酸酸甜甜幾好食,幾開胃鐵板蠔仔蛋熱辣辣好食必點其他飯後甜品,例牌

有晚有個朋友生日,想搵個地方食飯,荃灣地方我唔多熟問個fd有乜好介紹行行下咁岩有人派傳單金泰皇,費時諗咁多於是成班fd上去一試,上到去地方都幾大但由於肚餓唔埋咁多,一坐底首先叫左碟生蝦刺生先...再配d辣汁都算ok叫左兩客蒜蓉飽,賣相都幾特別,幾好食唔錯,無國界個名都幾特別,但點解叫無國界真係唔明跟住到個冬陰公大蜆湯d大蜆都ok,但個湯味道就一般,好重椰汁味,冇乜特別...可能我食慣辣炒金邊粉個味道酸酸甜甜幾好食,幾開胃鐵板蠔仔蛋熱辣辣好食必點其他飯後甜品,例牌

平時見客係港島尖沙咀，揾間平／貴又好食既餐廳真係冇難道。但今次個新客話荃灣先方便，仲提意泰國菜，即刻頭都大埋！朋友話上openrice揾下，即管試試，點知呢度真係有料到！講番呢間＂金泰皇＂，見其他食評post啲相個裝修都似樣，心諗個客都ok掛～點之去到出奇的吾錯！寬敞，乾淨，舒服。生意張單都成功左三份一！（吾係講笑，你揀錯間餐廳分分鐘單生意都冇埋）早到左同個負責人吹下水，佢話d廚全部係泰國人（估吾到係荃灣都有呢d standard ），但d客落order時都可以按自己要求tune下d味。問佢有乜好介紹，如下！個客見d菜個買相吾錯，拿部手機係甘影，好彩我都附和佢，吾係冇得post上黎。燒鱔，好少係泰菜餐廳食過，佢加埋個泰式辣汁真係冇得頂！時令凍食加菲蟹，鮮！甜！雖然吾係正宗泰菜，用番之前個辣汁，非常夾。泰式炒芥蘭，miss客話怕太salty，負責人同個廚講，出黎d味啱哂miss口味。我覺得吾係太特出但ok啦～芒果＂特飲＂，真係特別，吾知佢用幾多芒果肉整，好似成杯100%芒果汁甘！叫佢加少d冰應該仲正！冬陰公，足料，同其他出名既餐廳差吾多。免費甜品，ok，好有泰式風味。因為同過客食都忘哂形

有日行過荃灣地鐵站, 攞到張金泰皇既傳單, 見有D肚餓, 就同左屋企人一齊上去試下個午餐雖然係樓上餐廳, 但係都好易就搵到上到去, 門口D佈置好有令你去左泰國既feel午餐價錢合理, 選擇眾多 係香港好少見到餐廳用既燈, 好特別 菠菜炒飯, 味道有水準, 菠菜同海鮮配搭一流 豬頸肉檬粉, 面多肉爽之後有日, 決定同呀爸呀媽再去食一次, 不過係晚餐!!! 恐龍蛋, 如果唔試過, 唔會知有幾好味, 真係非食不可!!!! 無國界蒜蓉飽. 長條形的包, 4面都搽滿牛油. 建議加點黃咖哩既食物, 包+咖哩汁,保證好味到爆!!!!其實仲有豬肉, 雞肉, 鱔串燒. 黃咖哩蟹等等......晚餐仲有甜品送, 正!!!