貓抓烤肉

營業中

休息中

旺角新開咗一間以貓做主題嘅燒肉店，知道之後，當然即刻要去朝聖啦，店舖裝修充滿貓貓嘅蹤影，店內有好多打卡位， 3百幾蚊就可以食到二人餐價錢好合理。川味小皮蛋細細粒皮蛋好得意，帶有微微辣香。貓抓烤茄子香辣口味，調味料好足貓抓全明星拼盤烤肉拼盤帶來了一股肉香四溢的風暴。這個拼盤結合了有炭燒梅花肉，雪花牛肉，秘製牛五花，藤椒雞腿肉，現拌牛肉，藤椒牛舌，蒜香豬五花。每一片肉都經過精心調味，使其質感鮮嫩多汁，口感豐富。一口咬下，肉汁四溢，肉香在口中綻放，令人陶醉。優質的五花肉經過烤製，令人難以忘懷的美食,外層金黃酥脆，內部肉質鮮嫩多汁，每一口都是一次口感的盛宴。吃到嘴裡時，脂肪在舌尖上融化，釋放出濃郁的肉香，令人欲罷不能。烤五花肉的層次感和口感豐富口蘑蝦滑蝦滑釀入磨菇先烤有蝦既一邊最近佢地推出了限定既貓罐頭聖誕樹搭出嚟嘅烤肉真係好有心事又特別打卡就啱晒啦🥰

朋友推荐过来的，位置在旺角豉油街，店员推荐的泡椒肥牛，泡椒味十足，又不会很辣，很好吃适合我的口味，洋葱牛小粒，好嫩，有酱汁，店里装修很可爱，有一个大猫公子，服务员很热情，经常会帮我们换烤盘，还会帮我们烤肉，在香港很难有这样的服务，体验很好，没让我们失望，赞赞赞

與朋友相約嚟食烤肉，一入門口就見到有隻貓貓在迎賓，店入面周圍都被貓貓圖片包圍，我個人最中意個拼盤，入面有豚肉，牛肉、仲有雞肉，一次過食到幾款肉，而且份量都唔少！

經過旺角逛街，見到這間店好可愛就上一樓看了一下，環境舒服，有雙人套餐，拼盤裡面有牛肉，豬肉，雞肉，不同口味，好好食，很好的一次體驗，值得推薦，服務好貼心，倒茶水，洗烤盤，吃完還會問我們滿不滿意，在香港真的好少餐廳有這樣服務，超讚！下次還會再來貓抓烤肉，希望有更多的驚喜

走入去呢間以🐱貓咪做主題嘅燒肉宜家，就覺得一陣溫馨嘅氛圍。牆上嘅貓貓裝飾同櫈上嗰隻大咕𠱸足貓公仔蠻拍得夠趣味，令人目不轉睛！今次試左幾款佢哋嘅招牌菜，簡直是好到爆炸嘅經歷！首先講下貓抓全明星拼盤，乾冰嘅煙霧一上，場面嘅嘩眾取寵嘅效果加分唔少！攞起其中一片秘制牛五花，外焦內嫩嘅口感同淡淡嘅蒜香真係令我停唔到口。而現拌牛肉同藤椒牛舌，鮮香多汁，嗌麻嗌辣嘅，真係嘆為觀止！泡椒肥牛令人驚艷，個泡椒酸辣帶出肥牛嘅鮮美，啖啖肉香，幾有韌性，嗜辣嘅朋友絕對唔可以錯過。話說，貓爪焦糖布甸嘅造型打卡滿分！味道都唔遜色，甜度啱啱好，布甸口感幼滑，底部嘅焦糖味剛剛好，真係鎮店之寶！食物新鮮，環境得意，服務員都幾殷勤，完全係性價比之選。但要留意，人多嘅時候就要耐心啲，因為呢度暫時未設訂位，得行過嚟等位。今次食完，成個人心情都好曬，滿足地離開咗，下次聚會定必再黎！🥳🍢🥰

終於「貓抓烤肉」喺旺角開咗分店啦！🐱呢間餐廳係國內已經有好多間分店，而家終於嚟到香港嘅旺角啦！佢嘅燒烤肉質好好，而且價格亦都好親民，性價比極高！上星期放工嘅時候，我同朋友去咗呢間分店。店舖嘅地方好大，而且抽風系統好好，食完燒烤之後，身上都唔會留住燒烤嘅味道。真係一個值得推介嘅燒肉餐廳！✨🍖🔥👍我哋點咗二人套餐，真係超級豐富！只不過$348就包括好多款燒肉、小食、飲品同甜品！真係抵食到不得了！🤩💰首先，有川味小皮蛋。呢個小食好特別，小皮蛋入面加咗川味調味料，味道麻辣又鮮美，令人回味無窮！🌶️🥚👅然後係貓抓全明星拼盤，真係一個燒肉的天堂！有各種類型嘅肉類，包括牛肉、豬肉同雞肉，每一款都燒得剛剛好，口感鮮嫩多汁，而且都帶有炭燒嘅香味。真係令人垂涎三尺！🥩🍗🔥😋再黎就係貓抓拌飯，好濃郁嘅味道！飯粒彈牙，拌埋紫菜飯素，令味道更加豐富，一口接一口簡直停唔到口！🍚🍛🤤咔吧雞脆骨都好好味！雞脆骨燒到香脆，每一口都帶來滿滿嘅口感享受，一啖下去，咬得到骨頭間嘅肉汁，真係好味。🍗🍖🍻😁貓抓烤茄於係一個傳統燒烤食品，茄子烤得軟綿，配上醬汁，味道微辣又帶點炭燒香氣，真係一個好選擇！🍆🔥🍅飲品方面，有貓檸茶同貓草茶

朋友話旺角新開左間以貓貓做主題嘅燒肉店，所以特登去呢度食飯。入門口已經見到大大隻招財貓打卡位，牆上就充滿貓貓掛畫，愛貓之人必去！呢度用QR code落單，見到2人套餐都幾多嘢食，價錢又抵，咁就叫左佢，另外都加左D小食。川味小皮蛋：小皮蛋細細粒好透明，好精緻。味道帶少少麻辣，做前菜都幾好。藤椒爽脆魚皮：跟餐小食唔夠喉，所以另外叫多個小食。魚皮咬落爽脆，裡面仲有好多青瓜，麻辣味，辣辣地，都開胃喎。鐵板豆腐：豆腐味道剛好，清清地唔太鹹，用鐵板上食到最後都無凍晒。厚蘑蝦滑：白蘑菇鑲左蝦滑個樣都幾可愛，蝦滑食落彈牙，調味幾好，好食。全明星拼盤：豬牛雞樣樣齊，有炭燒梅花肉、雪花牛肉、秘製牛五花、藤椒雞肉、現伴牛肉、藤椒牛舌同蒜香豬五花。拼盤賣相幾靚，新鮮，每款入口都油脂豐富，好香。其中藤椒雞肉燒嘅時候，藤椒味好濃，但辣度又剛好喎。旁邊有生菜，可以夾住肉一齊食無咁油膩。特別一提，我哋燒嘅時候雞手鴨腳，店員主動問需唔需要幫忙。然後睇到店員燒嘅時候，時間同火喉都控制得好好，燒好嘅肉剪開分比哋，真心覺得佢哋專業，服務一流。拌飯：份量多，上面鋪滿紫菜同芝麻，食落幾香又唔單調。飲品：朋友叫左貓檸茶，佢話唔太甜

今日同朋友食炸肉，呢間餐廳係旺角鬧區，位置非常便利，服務員態度好欣勤，見我地個爐有少少燶，立刻幫我地用蘿白絲清洗，隔一陣就幫我地換塊新嘅燒烤板，見我地停手無再燒，會主動問我地係咪食物有咩問題，請我地俾建議點樣改善，其實係我地食得太飽，想停一停，加上餐廳環境都算好大，座位舒服，抽煙設備幾好，食完都唔會好大陣味，係食炸肉的不二之選。我地叫咗個二人套餐，份量超足，可以三個人食都得！ 啲肉好新鮮，種類都足夠，而且好好味，醬油配料齊。另外值得一讚嘅係個口蘑蝦滑，超好味！

二人套餐只需$348，真係物超所值！我揀咗呢個套餐，有好多款美味嘅菜式。套餐有全明星拼盤：有蒜香豬五花、秘製牛五花、雪花牛肉、藤椒雞、現拌牛肉、梅花肉、黑椒牛舌同雞脆骨。每一款肉都有獨特嘅味道同質感。生菜可以用嚟包肉食，可以加入啲肉同埋醬汁，味道更加豐富。鐵板豆腐亦都好好味，豆腐煎得香脆，香辣嘅醬汁令味道更加提升。貓抓拌飯有好多紫菜令到個飯更好味。另外單點咗特色的牛肋條和牛小排。特色牛肋條肉質鮮嫩多汁。牛小排切成小塊，經過烤制後，帶有濃郁的牛肉香味。套餐飲品方面，我揀咗貓草茶同貓檸檬茶。貓草茶有特殊嘅香氣，貓檸檬茶則有一股清新嘅檸檬味，兩者都好解渴。最後，甜品揀咗爪焦糖布丁同黑糖豆花。爪焦糖布丁口感滑順，焦糖味道香甜；黑糖豆花滑嫩細滑，黑糖味道濃郁，真係一個完美嘅結束。呢個二人套餐係物超所值，有好多款菜式。

🐱以貓做主題既烤肉店😸裝修好可愛，全部都同貓有關❤️店內環境舒服，張枱好大😌叫左個2人套餐$348💰有齊涼拌小食、多款特式烤肉、烤茄子、拌飯、飲品、甜品🍮份量超多，兩個人唔洗$400就食到超飽😎詳細有咩食可以睇圖😝燒肉拼盤來講，最推薦係蒜香豬五花😋半肥瘦既豬腩肉超香，肉質鮮嫩🤩配埋蒜蓉好好食😉另外推薦藤椒牛舌👅牛吞係薄切，秘製藤椒唔會太辣得來係好惹味👅口蘑蝦滑都有特式閂晒😁每粒蘑菇包住粒蝦，燒熟之後粒蘑菇係爆汁，非常juicy😆呢個會想encore😌

❤️ 烤肉烤肉~ 搭𨋢上到去，即刻見到有隻可愛貓貓擺設🐱 另外發現左呢間餐廳性價比係極高！😳二人餐 $348 有以下咁多野食😝👇🏼👇🏼❤️ 川味涼拌小皮蛋❤️ 貓爪鐵板豆腐/ 烤茄子我哋揀咗鐵板豆腐。有香脆外層，食落有啲辣~❤️ 雞軟骨/ 蝦滑我哋就揀咗🐼最鍾意嘅雞軟骨！份量都幾多👍🏼❤️ 貓爪全明星拼盤♡ 蒜香豬五花 ♡ 現拌牛肉 ♡ 秘製牛五花 ♡雪花牛肉 ♡ 貓爪藤椒雞 ♡ 藤椒牛舌 ♡炭燒黑豬梅花肉 ❤️ 拼盤肉類其實都唔差，唔會韌😉 份量仲比想像中多😆 藤椒少少辣，幾開胃。仲有牛豬雞三款都有！❤️ 蔬菜可以揀生菜/ 小瓜雙拼我哋揀咗小瓜雙拼！但最後係三拼？🤣 因為有茄子，翠玉瓜，同埋紅蘿蔔🥕我覺得煎翠玉瓜勁好食👍🏼 煎咗之後會有濕潤感覺，食得多肉，食塊翠玉瓜平衡下剛剛好👍🏼❤️ 唔好以為呢個二人餐就咁完😂 仲有兩碗勁大碗嘅貓爪拌飯！有滿滿嘅紫菜同埋醬汁，我完全食唔晒🙈❤️ 仲有兩杯飲品，可以揀貓草茶/貓檸檬茶。兩款我哋揀咗各一😊 檸檬茶有少少薑味幾得意😆 貓草茶有粒粒椰果，好有咬口~❤️ 未完未完，最後仲有甜品🤪又係有得揀貓爪焦糖布甸🍮/ 黑糖豆花。咩都想試嘅我梗係又揀各一啦🤣 甸上面真係有貓爪

以前嚟到油尖旺區，輪椅朋友除咗入商場都比較難搵食，現家多咗新建嘅單棟式大廈，唔少都開咗不同食肆，輪椅朋友就有口服了；今次就來到內地人氣店，嚟個烤肉晚餐作個年度美食總結！一上到嚟舖頭，即時感受到一份歡樂氣氛，佳音全場都係貓；無論係場櫃檯掛飾全部都係貓。熄開好多座位都係卡位，領導成間鋪頭都好齊，但係當然唔少得有普通拉得開嘅座椅，方便唔同食客嘅需要。可能今日比較晏先至嚟到，2人套餐已經無曬，所以就決定散叫；呢個時候先知原來佢哋除左烤肉之外，仲有好多唔同特色小食，所以決定試埋佢。落咗order之後，侍應送上醬料，當中燒烤汁、柚子醬，仲有辣粉香蒜；另外亦都有白蘿蔔絲，后嚟先知原來啲蘿蔔絲系用嚟清潔鐵板，真係笑自己大鄉里。貓抓洋蔥小牛粒，上臺嘅時候係3個洋蔥兜放滿小牛粒，切得好細舊，即使係櫻桃小嘴度可以食到真正一口牛嘅感覺；牛肉唔加醬料食其實已經好好，加埋柚子醬以及辣粉香蒜，就更加非同凡響色。即使載住牛肉嘅洋蔥，都唔好嘥，放埋一齊燒嚟食，相當唔錯。貓抓現拌牛肉，喺佢哋嘅招牌菜之一，用自家醃製方法，同時也有洋蔥絲；呢碟牛肉有啲難逐塊燒，所以最終盤度半燒半炒，就咁睇落有啲似牛肉飯上面果啲洋蔥肥牛，但食

去旺角睇完戲，之後想食燒肉見到呢間好似幾得意，個餐都幾平，就搭𨋢上去望吓一打開lift見到好多貓貓好得意，就入去即刻坐低叫咗個二人餐，入邊都有好多嘢食，仲要做特價$348，個餐有前菜主菜包埋甜品，同野飲川味凉拌小皮蛋全明星拼盤雞脆骨/口蘑蝦滑烤茄子/鐵板豆腐貓抓拌飯2份貓草茶/貓檸檬茶2杯貓爪焦糖布丁/貓抓黑糖豆花2份雜菜沙律川味凉拌小皮蛋，酸酸辣辣幾開胃鐵板豆腐勁大碟，熱辣辣上枱，注意呢個係二人餐，兩個人食10嚿豆腐，真係好抵食好多貓抓拌飯上面有好多紫菜，撈咗一齊就好好食啦，個豆腐其實可以要嚟送飯～開始燒肉啦，個燒烤爐上邊有個吸管，可以吸走啲油煙，食完都唔會一陣味，好貼心呀食食吓覺得要好似啲韓國人咁要整個菜包烤肉飯卷玩下heehee呢度啲職員都好細心呀，見到我哋個爐一污糟就幫我哋換盤，仲有佢哋會用啲蘿蔔絲嚟掃乾淨個盤，好神奇，真係一抹之後就令立立臨走嗰陣時收銀姐姐仲好好禮貌，問我哋有冇意見俾咁抵食，下次再去先～

黎來旺角呢頭，見到呢間係深圳嘅烤肉店-貓抓烤肉，竟然開左黎香港，即刻忍唔住要上去試下，睇下有咩分別。成間店都係貓主題，十分多打卡位，愛貓人士真係好去試下啦。一出電梯，已經見到員工企左係到，好好禮貌，帶左我地兩人去左張四人檯，好闊落，雖然係烤肉店，但唔係好大浸烤肉味，唔會食到成身都係個浸味。 張檯已經set好左，已經放好左三個醬汁，一支檸檬水同餐牌，落單係用QR code自助落單。哇，見到個餐牌忍唔住同朋友講，呢個價錢烤肉真係抵，不過要試下先知啦，但係！係無令我地失望嘅，性價比極高。 由於兩位都好細食，就無叫set啦，散叫左一份貓抓全牛拼，現拌魷魚🦑，貓抓烤茄子🍆同埋一個貓抓拌飯。貓抓全牛拼($258)有五款，每款都好多塊，肉質嫩，有幾款係有醬汁調左味，都好好食。現拌魷魚🦑($42)，份量十足，好新鮮，呢個價錢真係抵食。貓抓烤茄子🍆($39)，呢個就烤好拎上黎，可以即食，落左孜然粉，辣椒粉，唔錯。總括黎講，呢個價錢食烤肉，真係好抵食，而且味道也十分唔錯。

貓抓烤肉.味道：😋😋😋😋抵食：👍🏻👍🏻👍🏻👍🏻👍🏻回訪指數：🤤🤤🤤🤤/5..平安夜朋友帶我去食燒肉 同我講抵食到我唔信 真係估唔到！2023年 食烤肉都仲可以$200唔使 重點晚市 仲真係可以吃到飽 ！ 3人叫了2人餐 再加2份肉 同用積分換了雪花冰一開頭上菜好慢 可能因為節日太忙 朋友話平日過嚟個體驗唔同嘅 所以可以比次機會.✨二人套餐 $348枱面有辣粉 柚子汁 燒肉汁✨貓抓全明星拼盤 烤肉有7款 炭燒梅花肉 朋友好欣賞呢個 呢個厚度啱啱好 雪花牛肉 配柚子汁好好味 秘製牛五花 生菜包住好好味 藤燒雞腿肉 超級滑！ 現拌牛肉 唔使任何醬汁 夠晒味 滕椒牛舌 唔太食呢款 蒜香豬五花 太厚肥肉 食左一件夠了✨紅糖糍粑 (原本係川味小皮蛋 冇晒所以轉左) 好食 糖量我本人夠了 如果正常既量 糖再多啲比較好✨貓抓拌飯 好食 本身已經撈咗醬汁 飯煙靭✨貓抓烤茄子 厚肉 調味剛剛好 如果烤得透啲更加好✨咔吧雞脆骨 😍😍👍🏻 好鐘意 好咬口 仲要大份✨貓草茶 好好飲 入邊仲有椰果✨貓檸茶 朋友喝的✨焦糖布丁 面頭