貓山皇 (已結業)

之前新開張時經過門口免費試食過貓山王榴槤雪糕, 因當時舖內太多人所以冇幫襯.所以今日下午入元朗時特登去買D外賣試吓...下午三四點呢段時間果然冇咁多人.問一位似老闆娘嘅有邊款甜品可以留過夜, 佢都有耐性咁建議咗幾種.最後買咗6粒貓山王糯米糍同貓山王班蘭班戟.佢哋有兩種班戟, 我揀咗軟呢種, 班蘭班戟我係堂食嘅.個皮頗香及煙韌, 裏面嘅榴槤(茸?)唔太甜少少甘, 非常非常香!!!另有些少Cream, 食落去口感豐富.糯米糍諗住買近公司嘅, 佢哋教放入雪櫃冰格.第二日朝早拎返公司途中自然解凍.糯米糍解凍後都回復到煙韌, D餡應該係同班戟嘅一樣.一食D香味傳到全公司都聞到, 但相信D外籍同事唔會太欣賞喇哈哈.整體價錢唔平, 糯米糍成$20一粒, 但好食...個人都算物有所值.另外見到其他食評, 個拿破崙千層餅好似唔錯, 下次有機會要試試

於來了試元朗貓山王，果然名不虛傳！貴！$55/一客夢幻榴槤雪糕，那些乾冰效果已經收你十元八塊，加上真正好味榴槤雪糕，軟滑不過甜，但我不喜歡那些黃色的芒果珠，酸味破壞了整體味道；榴槤班戟一客兩件$58，每件再切一半，都頗細件，但充滿榴槤肉香。榴槤雞蛋布丁，店員細心解說先吃布丁，因較啖味。至於榴槤奶昔，不試也吧！總的來說可以一試，說是用貓山王製作卻無從稽考！

朋友介紹這間貓山皇的甜品，說很特別，於是就去一試。九點幾到，未到黃金甜品時段，去到就有位坐囉。點個榴槤雪糕，造型實在太特別，乾冰做出來的夢幻效果，使整杯雪糕看起來很有特式，而且有很多配料，配搭起來賣相不錯，論味道，其實與一般榴槤雪糕差不多（超級巿場一盒四杯的味道無差）只是餐牌標榜［貓山王］［Ｄ２４］，我個人在吉隆坡試過吃馬來西亞的貓山王Ｄ２４，它們的味道是側重苦味以及之後回甘的，只是這杯雪糕卻甜味為主，我不敢武斷裡面沒有貓山王榴槤的成分，但憑個人淺薄的經驗這是泰國榴槤....吧？糖水店之所以收到成本翻幾倍的價錢，是因為能提供三五知己飯後再有個地方坐着再續話題，只是這間糖水店，才剛吃完不久，店員就禮貌委婉地送客［不好意思，你們吃完了嗎？我們還有客人在等。可不可以讓位給人？不好意思，下次再來坐吧。］這是唯一美中不足的地方。

榴槤拿破崙 - 十分足料! 層層都好似係榴槤蓉咁!夢幻榴槤雪糕比普通的大杯好多，但其實除咗個底有啲乾冰之外無咩分別! 雪糕都算滑!榴槤雞蛋布丁 - 本人極力推薦! 有榴槤蓉!有啲貴，不過相信貓山王係要貴啲㗎喇

聽聞新開張，就去試下，點知係失望嘅！榴槤雞蛋布丁:普通雞蛋布丁不如，上面只有一個5毫子大嘅稀薄榴櫣水，蓉都不是，35蚊2只，焗要2只20分榴槤雪糕:比我想像中普通，無乜榴槤味70分得個名，榴櫣用料，少之又少！下次唔會再去！

經過見到有貓山皇甜品專門店,本人我係一個榴槤愛好者,知道貓山皇一個要成$700-$1000一個.因為當天經過店舖是下午4點左右,只叫左杯榴槤雪糕外賣試下.意個貓山皇雪糕真係名不虛傳,非常好味,十分香濃.^^下次我一定會再帶家人去試埋佢地D24既甜品,應該會更加好味

新開張的甜品店, 專賣榴槤的! (唔使成日食果幾間了~)o係球場都聞到浸榴槤味, 唔食榴槤果 d 街坊 happy 了 XD點了一杯榴槤雪糕, 等左一分鐘有得食。唔大杯, $28 蚊, 但味道幾好, 係有榴槤味~細細杯但幾襟食, 因為每一啖都可以慢慢 dap。會再去。

我這個榴槤痴得知元朗開了間榴槤甜品又點會錯過, 還急不及待新開張當晚便試了, 大約11點到達, 門外已有很多人等外賣, 店內雖然細少但裝修特別很多貨櫃還有坐位方面還可以有二十多人. 算是不錯, 只是座位有點迫. 當晚可能是第一天開業, 有點混亂, 而待應都很忙碌, 先送上我們兩份菜單, 價錢一點都不便宜!!!!但當晚只是11時對元朗夜鬼來說一點都不夜, 已很多款式都售罄了, 不知是否今朝免費派雪糕有關. 但希望下次再來會食到想吃的東西.非常差非失望的楊枝甘露, 完全跟其他甜品舖的是兩回事, 有一種很特別的味道, 我感覺上似一些香精的味道, 真是十分失望.又是失望的一款, 本以為吃榴槤會穩陣一點, 誰不知榴槤味一點也沒有???與我認識的D24完全是兩回事, 朋友都很失望. 沒有奶味沒有榴槤味, 如果不是那麼貴我想他們已放棄不飲.夢幻是指定要堂食的, 是因為要用乾冰製作煙霧, 這個雪糕終於令我們沒有失望了. 榴槤味很濃烈, 而雪糕亦很滑. 份量只是還可以. 因榴槤雪糕一向都是很貴的, 而這稱是貓山王當然會更貴一點. 我本身非常愛吃芒果拿破崙很喜歡那種酥皮的香味和鬆化的感覺, 在這裏看見有貓