薩莉亞意式餐廳 (平田商場) (已結業)

黃氏力場今日去到冇得輸嘅地方食西餐，點解咁講，因為一家三口只需要$120已經有意粉Pizza同埋小食作為豐富嘅晚餐，這就是薩利亞！細細個已經聽過你個名，今次都係第一次同你食嘢！哈哈哈！估唔到啲嘢都OK喎！因為便宜到這個價錢，所以每個星期六日都排長龍，他們上菜的速度好快，好明顯係預先整好的，但係質素都幾好唔錯！我會推介這個溫泉蛋卡邦拿那意大利粉，因為將隻蛋打爛之後撈勻所有嘅白汁同煙肉混合一起來吃真係好鬼入味，雖然係好似好易整，但係$32 已經係我哋所叫嘅最貴嘅東西，怪不得咁鬼多人星期六日都要排隊食啦！我寧願出街食，我唔使洗碗唔使買餸唔使煮才是重點吧！另外白汁焗雞肉通粉亦都好鬼好食，佢哋好鬼多白汁，我哋將啲白汁醬撈埋意粉一齊食仲得，另外Pizza雖然細細，但係全部都係$29 ，點叫都冇得輸，如果你係我你又會點揀呢？

外賣自取點知番到屋企打開盒雞翼得4隻，收就收8隻錢打去問就有個自稱阿ma?? Rk??店員叫我過去拎番4隻我話:行過去要10分鐘仲要上斜路，可唔可以退番4隻錢比我算?店員竟然話:咁我寄番4隻雞翼比你囉，一係你自己過黎拎我真係好嬲。。。態度點解可以咁差仲話自己係最話得事，即管上fb,openrice投訴我打上來唔會諗住有啲咩回覆或者幫助，深信呢間公司都係投訴無門只係大家有得揀可以揀間食得開心啲既餐廳。

藍田，這個地方，聽到名字，可能有點兒陌生。但是原來去到體育館，就發現之前曾經去過。原來，現在這個商場，也有薩莉亞，那我們就快快的吃「高級意大利快餐」吧。薩莉亞各區分店水平也差不多，這兒更是非常少人，拿了票，以為要等，怎料阿姐說不用等，大把位，可直接進店。因為比較趕時間，而且在等候朋友，吾等就先下個單吧。肉醬多莉亞，次次都點，肉醬和芝士、牛奶鋪在面頭，混和飯一起吃，每一次都覺得非常好吃。炒蜆放在鐵板上，沒有沙，幾乾淨，肉不太小，不賴。香辣雞翼，次次都要點，味道只微辣，香口而不算太辣太嗆口。墨魚汁意粉，烏卒卒的，又會吃骯髒，有甚麼好吃？比薩，原來友人不太懂用那滾輪式切割器，真弱智。底層較像麵包，烤得不太脆，不太喜。點餐出餐進度也很快，水平就像一般的薩莉亞。

幫襯過好幾次, 好多間分店都超多人排,藍田呢間確係幾隔涉的,所以易有位.怕等位的朋友,不妨多點來呢間食吓.刺激吓藍田的經濟,哈哈三人行叫左八碟嘢,超級飽喔剎你媽的食物係平靚正食得開懷.喪叫喪食都係所費無幾.雞亦,腸仔,蜆,焗菠菜,長通粉,意粉,飯,魷魚,PIZZA,真係成枱美食,個人至愛佢個焗菠菜,差不多每次必點睇得好食得.SOFA位又坐得舒舒服服.以往幾次來都有加12蚊一位叫任飲.慢慢坐得耐的就飲得過.

今日放假，等老公收工後就去薩利亞食晚餐。平時都會幫襯呢間意式餐廳，食咗咁多次，都未試過寫食評。哈哈，今日得閒就盡興寫寫啦！😊一口氣叫咗五樣野，都係平時叫開果啲！所以都有信心保證，特別係果味蒜汁燒魷魚，每次都必食！正呀！👍🏻惟獨今次第一次叫意式菠菜半煙肉，味道有小小怪，可能係啲胡椒粉既關係，有所影響到。老公忽發其想，將啲菠菜點係啲蒜汁度，味道蓋過啲胡椒粉，竟然幾好味喔😋！哈哈😆超級抵食，5樣野加埋，一百蚊有找，真係平民首選，超正呀！✌🏻平時去其他分店的薩利亞，無半個鐘至一個鐘都入唔到去食，但每次黎呢間分店，無一次需要等位！簡直fit到無朋友，仲要唔洗同其他陌生人搭枱，環境企理，播住啲意式柔和音樂，兩個字：舒服😌

由我學生年代，到今時今日，薩莉亞餐廳仍然屹立不倒，當然是有它的存在價值。藍田呢間都叫做新新地嘅分店，個日去附近搵朋友，順便食個晚餐。薩莉亞雖然平，但食物質素一點都不差。我每次黎到，都一定會叫挪威煙三文魚食。我有時食厭左日本三文魚刺食，覺得煙三文魚味道唔同，有種獨特風味。個人就一定加少少檸檬汁，食落很開胃，而且三文魚唔算好肥。羊鞍焗爐燒每餐點都有少少肉食下😂呢份羊鞍調味得剛剛好，有黑椒同少少香草味。一上枱，又係個句，鐵板啲油彈到周圍係。新鮮熱辣固然好食，但4件羊鞍有2件偏生，有血水出，所以棄置左。而粟米充滿我最愛的牛油氣息，食落非常香，有焗過或炒過下。薯仔表現🤔麻麻，冇咩特別。墨魚汁意大利粉，先用蒜頭爆香炒魷魚，再炒意粉，最後加埋個墨魚汁，Perfect就算用汁炒，有時冇用蒜頭爆香都會差少少。魷魚硬度啱啱好，夠口。呢碟抵食之餘，仲好夠材料又好味。青醬煙肉意粉，比上面個個墨魚意粉遜色。青醬只有好輕微嘅綠色，食唔到任何味，只有單調的忌廉汁味?煙肉唔算咸，成碟四隻字形容-不過不失。😑我原先對青醬意粉有很高的期望，但似係我高估左。雞翼都係薩莉亞餐廳必食的一道小食。香口脆皮，有啖啖蜜糖香味。我喜

天氣咁熱，母親大人偶然都會抗議唔煮飯，今次就黎到平民西餐食堂，塔塔子耐唔耐都會嚟食，佢樣樣野都好平，樣樣都嘗試左下角：周打海鮮湯，只係＄10 ,賣相都唔錯，入邊真係有好多海鮮，不過份量就少啲，幾啖就無晒右下角：呢個唔使多講啦，次次黎親都要食嘅辣雞翼，每次都好好味左上角：水牛芝士薄餅，第一次試呢個Pizza ,我覺得可以再熱啲，因為芝士好快就硬晒一定要趁熱食。右上角：菠蘿鮮菜沙律，都係第一次食，啲菜都幾新鮮右上角：雞肉多利亞，最鍾意食佢呢一個焗飯，每一次都好熱好新鮮，唔錯左上角：鐵板銀雪魚，呢個都係第一次食，條魚好似細條咗啲，不過食落去都好好味，冇雪味而且入邊都有啲汁下：芝士三文魚餅，呢個我見佢係新嘅就試吓啦，不過有啲失望，入邊食唔到有芝士味，而且三文魚肉都好乾咁，其實都冇乜三文魚味...下次未必再嗌不過薩利亞依舊價比性高，耐唔耐都會再幫襯嘅！

今日辛苦完後和寶貝去平民天堂薩莉亞飽吃一頓！以前在日本留學的時候，很少在大阪發現這些家庭式餐廳。幸好薩莉亞終於來到藍田！它以親民的價格得到很多家庭的青睞。今晚我們點了6樣東西。「粟米忌廉湯」今次煮得較為「傑」身，配上熱騰騰的蒜蓉多士，還可以啦～「甜蝦多利亞」由於我特別喜歡吃蝦，而且配上厚厚既忌廉白汁，撈上茄汁飯，正！「辣味雞翼」今次比平時多了少許辣油，但更刺激味蕾，好正！「白汁鱈魚扒」第一次吃這道菜，鱈魚扒的雪藏味被白汁掩蓋，肉質很柔滑。唯獨配菜的薯角跟粟米則很乾身。「黑椒雞肉pizza」有濃濃的黑椒味，批身夠薄夠脆，ok!

平田薩利亞午餐品使等位，雞肉多利亞雖然兜飯好細碟，勝在飯舖滿晒芝士好入味，香辣雞翼又唔會太辣，皮脆肉嫩，煙肉菠蘿pizza的皮唔會太硬，價錢大眾化好抵食，人座位舒服，適合一大班朋友吹水，又不限時間。

等左好耐，薩莉亞終於係藍田開喇!想食唔洗再入將軍澳SOSAD!薩莉亞係以前番學年代最爰係將軍澳分店必叫甜蝦飯同埋雞翼當然黎到藍田都唔會唔試喇!先來個沙津，甜蝦飯沙津好普通甜蝦飯依舊似其他分店一樣好味雞翼比想像中差好乾

今晚兩公婆都唔肚餓， 求其搵啲嘢食下， 近近地去附近嘅薩莉亞 ，呢度啲嘢食份量其實都好細 ，但價錢都好平 ，叫咗個肉醬多利亞 ，其實佢係一個類似肉醬飯 ，不過側邊有啲白汁芝士，份量好少 ，大約一碗飯嘅份量左右_，不過係好味嘅,另外 一個煙肉菠蘿pizza ，加六蚊可以再加芝士， 個餅底都脆嘅， 但係除咗芝士味之外， 成個pizza都冇乜味 ，加咗一份細嘅辣雞翼， 其實佢一啲都唔辣 ，小朋友都食到 ， 都幾入未嘅，呢度啲嘢食全部都熱辣辣 pizza都係即做嘅， 有拉絲嘅效果， 三樣嘢加埋八十蚊有找，好抵

今晚兩個人近近地係屋企附近食飯，諗起呢間，新開咗好一段時間都無幫襯過，試試吧！兩個人叫咗六樣嘢，味道不錯，絶對可以入到口！雞翼有啲辣辣地，好味！😋啲牛扒諗住幾十蚊都係啲醃到入晒味嘅貨式，點知非我所想喎！底讚👍🏻最喜歡佢碟上無任何裝飾，沉實穩重！平均每人$80左右，價錢實在！😊

又黎呢度開餐，食慣食熟, 都會食返例菜。。。。。。。。。哈細切海草沙律($19), 最愛佢既海草(即係中華沙律), 其實佢有前菜叫, 但諗住食D 菜, 所以就叫左沙律, 沙律菜夠晒凍, 配上自家沙律汁, 同海草味道夾到! 仲有2粒爆汁車厘茄伴食!水牛芝士薄餅, 每次黎都必叫, 雙重芝士, 好香水牛芝士味道, 芝士控的我表示滿意蕃茄肉醬鷄肉雲吞, 一份大約得幾隻, 雲吞餡係鷄肉, 無咩味道, 要靠個蕃茄肉醬汁去比味道, 但可惜個醬汁比較薄身, 掛唔到落個雲吞皮上, 整體黎講唔會再叫第二次!

最近先知道藍田開咗一間薩莉亞，好耐好耐之前喺其他分店食過好抵食，一知道藍田開咗分店當然要去食啦！周打蜆湯：好足料大蝦沙律：啲蝦細粒咗啲海鮮焗飯：個人好喜歡呢個飯，因為飯比較硬一點點有口感！菠蘿煙肉pizza : 合格之上蘑菇白汁雲吞：雲吞皮太厚，冇乜蘑菇味，只有白汁味總括嚟講：30蚊左右一道菜，以呢個質素嚟講真係好抵食

新店開張 傳單宣傳 即管一試同老婆晚飯 三文魚沙律 黑椒蜆肉鐵板煮蕃茄香辣藍青口湯 地中海海鮮焗飯意式洋蔥蒜蓉漢堡兩客(無限添飲)食物 個人份量小 價錢算合理 可以落單試多款菜味道 可以 雖沒驚喜 但食得出 廚師的用心煮 離開前落單外賣 野菌忌廉意大利飯 (高齡母親有胃口食)甜蝦多利亞 (女兒讚賞)全單 找數 $224無錯呀 ! 係 $224你怎可以不幫襯呢 ?