蕃滿門 (已結業)

同3個愛蕃茄之人一齊黎食呢間餐廳，見到個menu都流哂口水，我就叫左個豬手蕃茄螺絲粉，一個人真係食唔哂，4個人叫3個就應該岩岩好，食到大半就頂哂肚食唔落，小辣有小小刺激但又唔會影響到個蕃茄味，可以試下個小辣。但係餐廳位置就唔多，記得早啲黎拎位！

今日同朋友去左大埔好出名蕃滿門度食野，呢間係食蕃茄既店。 我叫左個蕃茄湯底既吉列魚柳配螺絲粉，個湯底既食好鮮紅色，聞落好香。 食落有好濃既蕃茄味，仲有蕃茄粒係上面，真係好正。 魚柳外面脆內裡軟，又夠份量，真係好正。 每啖螺絲粉都連埋湯底一齊食，真係好正 好味!!!

無論午餐定晚餐，每次食飯時間經過都見到呢度排晒長龍，要排隊攞飛等Number。尋晚飲大左，今日晏左起身，下午茶時間先起身搵野食，見唔駛排隊又無乜胃口，蕃茄湯米線啱晒。推門入去見到坐滿晒人，諗住要等就過隔離食譚仔算數，點知原來佢地2樓有位，唔講都唔知原來有兩層。坐底睇餐牌，叫左佢地個小辣招牌蕃茄滑蛋濃湯加黑椒牛扒配米線，同一杯蜜桃乳酸多多。佢地個招牌蕃茄湯味度好濃，杰杰地好多蕃茄溶，唔同其它餐廳果D金寶湯加茄汁溝水，係真材實料，可能宿醉未醒嘅關系，感覺特別好味。牛扒薄薄地，好易切開，入口都唔韌。不得不提佢地個炒滑蛋，放入個熱湯度都依然可以保持咁滑，茄蛋個組合好夾，難怪成日都大排長龍。

山長水遠去食蕃滿門，佢個地址話就話係大埔，其實太和近好多。我就預左要等架啦，等左45分鐘到啦就入得！第一次黎都係食佢招牌野，廢事真係中伏，同埋又見其他人都係食個蕃茄湯，我覺得唔會點伏既，我叫左個雞扒面，面底其實真係好普通，我本人就鐘意食面，其實佢仲有通粉之類俾你揀，但我都無揀到。如果佢加幾蚊多轉個好食D既面，我覺得我都會轉，隻面同我屋企食既頂好面冇咩分別。個湯呢就唔錯既，相比番我之前食勝香園，佢呢個湯就無咁濃，但其實都好有蕃茄味，真係好唔錯既。而個雞扒真係值得讚，炸得好好，炸完入面都好有肉汁，味道都好好，唔似我地平時可以食到既炸雞味，份量夠，唔會食完一舊，吊完你癮就算，佢有2舊大大舊好正。OVERALL GOOD！

番滿門番茄既世家.....d 面入面真係好多好多好多番茄。唔係番茄醬既味，係新鮮番茄味，d番茄肉一團團有眼見到。 一上來記得食左上面d蛋先，通常都係非十成熟，仲有d蛋漿，好滑好味道。各種餐入面個人推薦炸雞 / 鹹豬手。 牛排餐牌上面都推薦，但係試過唔係太惹味，唔及炸雞同豬手。 炸雞夠脆，夠味，但係有少少多油系真既。豬手就ok既，不過未必每個人都敢食豬皮，同埋小小肥膏。 但系成隻豬手好有口感，系抵食既！但我覺得如果你肯試下叫，一定會中意豬手。因為佢豬手d醬都好好味，酸酸地，調曬d味出來。、粒粒包，其實都系茶木d磚塊d FD ，不過cut開左，同埋無雪糕咁解。  但系一份 都系$17，口感又幾好，我覺得過下口癮都ok。有得揀朱古力、香芋etc既口味，呢個就系香芋既，幾香口，唔錯。唔貴，可以試下。泡沫檸檬茶，必點。晚市第二杯半價。d檸檬茶唔知佢點樣整，小小酸，但系又幾新鮮甘樣，唔似系沖粉etc整出來。但系每次個味道都一樣，又好神奇。難怪首推招牌。

小弟特別中意食蕃茄，所以fd就推介我食依間蕃滿門。去到餐廳門口，可能拜禮六日比較多人要等位，佢地既餐廳餐牌真係樣樣野都關於蕃茄，真係好難揀得落手，望到每樣餸都流晒口水，諗左好耐最後揀左蕃茄滑蛋濃湯螺絲粉微辣配鹽酥雞，其實可以揀米線，米粉，公仔麵或者飯都得，辣同唔辣任君選擇，你要豬扒牛扒等等，大把選擇。個蕃茄湯真係好好味，入落口仲有少少辣，再加埋滑蛋ge蛋味，完美既配合，鹽酥雞外脆內軟，簡直係完美既一餐。對於中意食蕃茄既人絕對係不二之選。

這天來到大埔墟, 聽友人說過蕃滿門湯底充滿啖啖蕃茄味，料足味美。因此特意叫友人帶自己到蕃滿門品嘗一下。來到店門前，發現等候人數眾多，需等10張桌子。加上店內較少大桌子，6人成團的我們更需等候更多時間。最後等了約50分鐘，方能入坐。到達店內，發現環境頗狹小，但濃郁的蕃茄味也飄在空中。看到鄰桌的顧客點了一碗非常巨型的蕃茄湯螺絲粉，聽友人推介亦說不錯，故亦叫了一客「什錦蕃茄滑蛋濃湯」。在此附上「什錦蕃茄滑蛋濃湯」的實圖，非常大碗，必定夠一位成年人吃個肚皮朝天。但落單時侍應沒有提醒菜式可以選擇辣度，菜式自動變成「微辣」，但筆者亦為湯底過辣，難以品嘗蕃茄湯原來味道。最後吃剩約5分之1，實在抵受不住其辛辣。但味道確是不錯。特別是當中滑蛋，充滿香味和非常幼滑。

今日透過友人介紹，去左大埔的蕃滿門食晚飯。因為間舖既樓上部份需要裝修，所以一等等左兩個鐘，令我都想去隔離的三哥譚仔食，但諗住既然都等左咁耐，唔差在等埋啦，加上友人唔太舒服，唔想食其他熱氣野，所以都只好繼續等。到最後，終於可以入到間餐廳，地方細細，一張大枱四個唔同組合，張櫈細細張咁，令我暫時都無任何開心既感覺。睇住餐牌同其他人所食既食品，我都跟住試左一試蕃茄蛋濃湯意粉，跟左香酥雞排。點知今次送菜既速度好快，令到我餓左好耐既肚得以慰籍。從圖可以見到，意粉大大碗雞排大大塊，真係令大食既小編眼前一亮！對住咁大塊雞排，當然要用刀切成細細塊，之後食意粉先可以當餸食。一切落去，就已經見到雞排外面個層卜卜脆的外皮裂開，雞排既肉汁係入面流出黎，肉質鮮嫩，無Overcook既情況出現。仲有，佢附帶既泰式辣椒醬酸酸甜甜，令到油炸既雞排減少左一層油膩感，真係令人食指大動！切完雞排之後，黎得蕃滿門當然要試下佢出名既湯底！果然係就滿左蕃茄既味道，粒粒蕃茄肉依然係湯入面。因為我叫左小辣，所以湯底有甜、酸、辣三味，互相交疊之餘唔會覺得膩，就算食曬意粉，中意既都可以飲曬啲湯架。而意粉雖然較為普通，但配上湯亦變得為上品。

幫襯過幾次，香脆既咸豬手配滑旦配茄湯鏍絲粉通常都係我首選。餐廳以濃郁蕃茄湯作主打，另有焗飯麵和少食供選擇，鍾意蕃茄濃湯既人可以一試，另食量細既女仔可以一碗粉麵share都得，因為湯麵既份量較多。

朋友話大埔有間食蕃茄麵好出名叫我去試下，放假門口多人到呢！係出面望下有咩野食先。嘩！蕃茄雞翼，一口粒粒包好此好吸引！特式蕃茄蛋濃湯意粉加腸仔HK$39-，蕃茄湯底十分新鮮，再加上小小辣味，味道非常夾，真係估你唔到超級LIKE！鮮茄芝士焗肉醬意粉HK$54，平日已經極愛肉醬意粉，今次的茄底更十分新鮮，令到肉醬意粉的味道昇華至另一層次，大愛！蕃滿門雞中翼(4件）HK$34，十分普遍的雞中翼，配上蕃滿門的醬汁，別有一番風味。一口粒粒包（香芋味） HK＄17，多士塗滿蜜糖，再焗焗，好美味配上濃味香芋汁，食完眾多美食的朋友，如果有Quota, 可以記得一試。蕃滿門大埔美新里1號安樂樓地下TEL：2667 7277

當日入咗大埔體育館打羽毛球，而晚餐就由大埔朋友帶路去咗呢間食。其實之前已經有大埔朋友推介過呢間，我係個蕃茄迷，所以一直想試，今次終於有機會  我哋一行三人差不多7點過到去，嘩！遠遠已經見有十幾二十人喺門口等緊位，我哋攞完位一睇要等16張枱，仲要出咗通告話上層裝修所以得下層開放，我心諗:咪姐係下層嘅枱要轉兩轉人先有得食？ 所以我哋行咗去附近睇下有無其他啱食...... 最後都係反轉頭決定等！！！前後等咗45分鐘左右終於入得座啦(不過本身係2人座位，個職員問我哋介唔介意喺側邊加多張凳坐，等咗咁耐咁攰我哋都ok啦)！一早睇定食咩，所以一坐低就落order。落完order 5分鐘左右就已經有得食，速度驚人！！  我嗌咗 蕃茄滑蛋濃湯米線+煎豬扒(唔辣)另外兩位朋友嗌咗 蕃茄滑蛋濃湯螺絲粉+豬手(唔辣) 蕃茄滑蛋濃湯飯+肥牛(小辣) 上到枱見到份量都好大碗，而豬扒同豬手嘅份量都相當多！首先試咗啖湯，味道適中，唔會太甜又有少少酸，仲有好多蕃茄食到啊！撈埋個蛋好滑！而個豬扒，我就覺得味道偏淡，點埋個甜酸醬食就啱啱好。至於米線就覺得"諗"咗小小，但整體感覺同個湯都好夾，好味！ 我試咗一舊豬手，

最鐘意食佢嘅雞蛋芝士蕃茄米線明白點解今多人排隊蕃茄湯入面真係搵到粒粒鮮蕃茄希望以後都可以保持水準蕃茄襯蛋真係一絕朋友襯肥牛都好食原來好多地方都有 但好似九龍區無地方算好乾淨 唔錯 會成日去

蕃茄迷注意!!!👻👻司華力腸滑蛋特濃蕃茄湯螺絲粉😆😆食過幾次依然都係揀螺絲粉 個人認為最夾湯嘛😎😎今次滑蛋稍為有點失準🙈🙈 未夠滑未夠fluffy🙊🙊蕃茄湯紅卜卜微酸甜 茄味自然 不愧標榜無添加味精 飲曬一啲都唔口乾🙌🙌 仲不時食到鮮茄粒 洋蔥絲 堅係足料 特大匙羹方便食粉連埋湯飲🙆🙆/總有讓人無法不把湯底渴清既魅力 大胃妹見到碗底先放低隻羹

蓄滿門馳名的是它的湯底，利用超過十種蕃茄及獨有香料製成，可選擇微辣，小辣，中辣，大辣，切合不同需要的客人，其湯底的「茄」味極為可口，鮮湯底配上特有辣味令每個客人食過「蕃」尋味。今天我叫了這個蕃滿門著名的蕃茄濃湯螺絲粉，只需＄50，螺絲粉上的扭紋盛載著其獨特湯底，淡淡都充滿驚喜，湯粉上還配有鮮嫩粉蛋一雙，茄酸及雞蛋的結合可謂驚天地泣鬼神，將湯粉的平衡達至極致，令我！今天我試了它的豬手，脆彈甘香的外皮及彈牙的豬手肉配上其特有的醬汁令豬手這平平無奇的材料變為一個高尚的菜式，使我讚不絕口。我極力推薦各位下次試用一下豬手，包你一試難忘！

與三五知自己來到了蕃滿門，點了個雞排蕃茄湯長通粉和豬手蕃茄湯長通粉，我覺得那個蕃茄湯真的很濃郁，以前真的覺得蕃茄湯從來就是蕃茄汁加水，但這裡真的完美結合了蕃茄和湯，不知是不是味精?是也沒有所謂，真的好味到一個點!那個雞排真的很滑，加在湯上，但卻不會很軟，被湯洗走了味道，依然保留住雞排的雞香味。豬排就很有口感，一絲絲的咬下去，很容易就把豬排分開，但又不是散，與平日在茶餐廳的豬排公仔麵真的差多了。那個湯底真的很好味。最緊要係唔係好貴，五十幾蚊食到d咁好味既野，好過係茶餐廳一個人食野咁慘!如有機會，我都會再多食幾次!^^