菊月町 (已搬遷) 新店位置

疫情關係營業時間改為收下午6點，除左平時既lunch set , 3-6pm仲有happy hour 餐，大約$100@堂食9折同免加一。平時都幾多人食，疫情下星期日得幾位客人，希望小店頂得住啦。由於未食飯，所以都係叫返食開既2人鐵板餐，同平時一樣不過炒飯變左煎蛋十白飯，都係以前炒飯好食d。其他既野食質數都保持到。餐廳見我係大肚婆，安排我坐大枱，又好主動咁問我使唔使熱茶轉熱水，野食使唔使煮熟d等等，非常細心讚

十二月十六號老公生日飯，從open rice找到呢一間居酒屋，其實路過已數次，今日才方正式入座。疫情控制下，全港六點後不設晚市堂食，原先打亂陣腳，幸好，一星期前打電話來訂位，女店員Pat Pat非常友善告訴我，午市可以為我安排晚市嘅menu, 真是喜出望外！當日準時十二點到達，Pat Pat 非常貼心，為我們預留了Sushi Bar 較入嘅位置，除了對正Sushi 師傅在我們面前表演細膩刀功，送上一道又一道美食外，還可以靜心享受呢一餐Omakase. 我們點了爍雨廚師發辦，當中包括七款非常鮮味嘅刺身，白魚仔配柚子汁，深海鱸魚卷，烏魚白子，鯛魚，牡丹蝦，安康魚肝，蘋果木煙燻大拖羅。燒物也一樣出色，龍蝦配稻庭烏冬，燒鮑魚，燒鯛魚，呢一件連魚鏻燒嘅燒物，香脆到不得了，還有日本和牛及野菜，其實食到呢度已經八成飽，大師傅表哥問我哋手握壽司駛唔駛轉細飯糰，我當然選擇左轉細，我老公就正常。但其實即使係正常，飯糰size都唔係太大舊，完全無阻礙好好享受飯糰上那一片刺身。飲完一碗熱騰騰嘅安康魚湯後，正式進入手握Sushi 環節 ，安康魚，石鯛，吞拿魚赤身，深海池魚，中吞拿魚，接近尾聲係師傅精心炮製，充滿

本身打算去食晚飯，呢間經好多次打算試下啦，打開Menu見到都幾貴就打算試下佢個$288 月壽司十二貫係，係有海膽有吞會魚，坦白講，海膽都幾甜，但係D飯食到我想喊出黎，點解，點解可以好似糯米咁😱😱😱??????????????????完整地唔理解，真係元氣D飯都好食過佢，佢居然仲做omakasei .....我真係無言。最可怕係covid師傅掂完口罩再掂刺身.......我希望這間小店可以改善一下......但係我99% 會blacklist la....

菊月町我係觀塘返工，平時Lunch Hour去日升食中午都會經過嗰個路口位，轉角有間鐵板燒小店，成日係門口都閒到好香，但係之前一直都未有機會食，今日終於的起心肝同同事一齊去食！但我係失望嘅！主要係呢個質素，價錢絕對唔值得！鰻魚及牛肉薄燒定食 $128呢個定食主要係我食嘅，燒鰻魚其實冇可能差，因為都係雪藏鰻魚，之後用鐵板燒燒返熱！但係我對於牛肉薄燒真係非常失望，肥牛超肥，肥膏多過肉，都唔好講咩紋理唔紋理⋯食落口一口都係油！銀雪魚及漢堡扒定食 $128鐵板特級牛柳定食 $98其實主要來講，我個人覺得唔關鐵板燒師傅煮得好唔好食事，而係啲食材質素完全唔OK！講真，食鐵板燒真係好睇食材，所以我對佢有啲失望！應該冇下次⋯（不過值得一讚嘅係，收銀員姐姐好熱情好有禮貌！）

一間餐廳能夠透過食物，令顧客感到愉悦，今時今日已經買少見少！但係喺呢到我就感受到🤗 #鐵板燒鰻魚 #特上剌身丼 #三色丼食物質素唔錯👍🏻 仲可以睇埋師傅嘅製作，侍應們都好親切，難得喺觀塘搵到間好嘅日本料理！Nice 👍 #Foodie2046

又要介紹日式小店比大家，今次係觀塘區😁 店舖細細得十幾個位，主要係坐吧枱，一入黎就比痴滿Sake label既牆吸引左🍶，呢到有一位刺身壽司師傅同一位鐵板燒師傅。我見大部分客人都係食Omakase，而我地今次就叫單點🥢 .1.菊刺身8點($288)包括吞拿魚赤身、目仁奈、真鯛、油甘魚、炙燒左口魚、帶子、海膽、八爪魚🤤 時令魚生十分新鮮食得好滿足，而擺盤都落足心思☺️.2.白身魚薄切($118)坐係bar枱欣賞師傅既刀功真係不得了👍🏻 今次食既白身魚係深海池魚，師傅切得好薄好薄！雖然係薄切，但魚味超級濃郁鮮甜，配埋清爽既酸汁更開胃😳.3.原隻粒貝($438)本來想要貝類刺身盛，但有一款無貨，所以師傅問我地想唔想要原隻粒貝/白象拔蚌🐚 最後我地揀左少d機會食到既粒貝。師傅話我地好好彩因為超級大隻，食落肉質好有咬口味道清甜，點少少麻油又有另一番風味😆 擺盤又係十分靚！.4.黑鮪壽司盛盒($148)身為呑拿魚fans見到呢個真係雙眼發光，壽司有齊赤身、中拖羅、大拖羅同吞拿魚蓉卷🤩 刺身一樣新鮮甜美，壽司飯既份量岩岩好👍🏻.5.鐵板燒銀鱈魚扒($128)食左咁多刺身壽司，一於試下佢地既鐵板燒。 🐟

最近比較喜歡吃日本料理，剛好經過看到門面有點醒目特色便進去看看，入面主打是鐵板燒的bar檯。金銀海鮮丼（$228）比較豐富一點，有赤身、油甘魚、三文魚、帶子、牡丹蝦及蔥碎拖羅蓉，而叫金銀則是因為上面最後放上了金箔及銀箔，打卡適用。另一份則是豐盛海鮮丼（$145）有三文魚、帶子、赤蝦及三文魚子，帶子切成四片，容易放入口。魚生普遍新鮮沒有腥臭味，而米飯可以再粒粒分明點。看見除了bar檯還有一張大桌子，看來三數個朋友聚會也很適合呢！

諗住近近地，同老公食過鐵板燒慶祝生日見食評幾好，所以揀左呢間餐廳唔難搵，訂位時職員都好nice，話我有咩問題隨時打返去入到餐廳，好細間，request坐table唔坐bar枱，因為有小朋友職員已經安排左一張4人枱俾我地1家3口，仲要靠牆個邊，放左4張櫈，方便我地坐和放下袋，好細心，坐得好舒服枱上晾筷子有幾款招財貓，勁可愛到望個餐牌喇，本身有2個餐，見好多人推介，又有刺身又有2款或5款鐵板燒揀但因為老公特別想食鐵板燒所以我地揀左呢個餐，仲加錢要厚燒前菜好送上，唔算好特別，湯無乜味老公點了清酒，叫一生幸福甜甜地幾易入口鐵板燒來喇先食蠔。。。食左2隻，1隻有啲熟，就快變蠔豉咁，另一隻口感幾好鱈魚就燒得過熟，汁都收晒，食落牛仲要無乜魚味厚燒安格燒來喇，本身好期待。。。但食左一件就好失望完全overcook，再食一件有血水嘅，肉汁好粗。。。。完全唔好食鵝肝就無乜特別，其實點煮都好食炒椰菜係甜嘅，但都無乜特別炒飯來喇，唔算香口食完。。。份量都唔太夠2人食，仲要係已經轉左厚燒安格斯牛（阿仔食一左一碗烏冬，所以成個鐵板餐無佢份）整體來講，鐵板燒偏向少油，可能係咁煮得無咁香口，同埋全部都overcook

作為一名健身教練, 發現官塘CP極高OMAKASE唔講唔知原來官塘一條唔起眼既鴻圖道都有OMAKASE, 門面睇落只係一般和式餐廳, 冇華麗裝修望落又冇乜氣派, 原來係隱世一嚐廚師發辨既好地方。先付牛油果醬豆腐先來一客清新系前菜, 牛油果醬, 蕃茄鋪係凍豆腐上面, 一口一件打開味蕾。時令季節五點左口魚以魚味比較淡既白身魚作為開端, 配上青瓜醋能提鮮, 清新可口, 師傅特別將左口魚裙邊炙燒過, 迫出魚油, 香氣倍增。八爪魚足八爪魚足爽甜帶咬口, 配上柚子醋十分匹配, 清爽。白蝦香蝦蝦身細小, 眼前一大團既白蝦鮮甜帶黏口, 非常新鮮。金目鯛配蛋黃醬賣相精緻! 橙黃既蛋黃上係鮮紅粉嫩既金目鯛, 再加上蛋白泡泡, 同時令口感更細滑。濃香既蛋汁包裹住整塊肥美既金目鯛, 味道好有層次。拖羅海膽配魚子醬海中三寶加上金箔同時呈現眼前, 賞心悅目! 淡粉紅拖羅布滿油脂, 入口即化, 海膽甘香可口, 魚子醬鮮味更能提升整個刺身鮮味, 放入口感到奢華又滿足!和牛薄燒睇住師傅將大塊和牛輕輕兩邊燒一燒, 趁依然粉嫩時捲起, 和牛既油多到溢出, 入口軟嫩, 油香充滿整個口腔, 食依個既時候真係唔好講野, 要好好享

之前食過幾次Omakase，唔係開喺中環就係尖沙咀，估唔到而家觀塘區都有，呢間菊月町以小木屋外型座落喺觀塘工廠區嘅十字路口位，同Apm只有8分鐘距離左右~ 店舖裝修樸實，位處內街，帶俾人一種隱世嘅感覺！雖然係咁，但如果想食最好都係訂定位先，眼見當晚實係座無虛席！店舖呈L字形狀，有唔少貓貓擺設，其中一幅牆身貼滿酒標，好有日式小店feel~~一入門口係鐵板燒嘅位置，估唔到呢度雖然店舖細細但除左有壽司吧外仲要加埋個鐵板燒嘅位置，用盡每一方寸令客人有多一個角度去欣賞師傅唔同嘅手藝！鐵板燒位置上方嘅抽油煙機亦值得留意，冇噪音不特止，效能仲非常好，坐咗一晚都唔覺有任何油煙味，呢樣對我來講非常重要，因為一坐得唔舒服就好容易影響用膳嘅心情！ 鐵板燒嘅另一邊就係壽司刺身吧嘅位置，設有凍櫃將時令食材放好，另外仲有個木箱擺放準備比客人嘅食材，等食客可以品嚐食物合適嘅溫度，見到都流晒口水！而座位同座位之間亦都有層板隔開，確保食客食得安心！ 師傅用牛油果凍豆腐蕃茄配襯海葡萄展開序幕，微酸嘅蕃茄加埋爽脆嘅海葡萄，加埋凍豆腐同我最愛嘅牛油果，十分醒胃！ 然後就係刺身五點，有目張、白松貝、白蝦、黑鯛、仲有拖羅！魚蝦貝

紀念日撞上要返工嘅日子， 惟有近近地搵下公司附近有咩好野食，經餵食同事介紹，揀左近期大熱菊月町食Omakase!我地今次揀左焰月set，$980一位，比另一款爍月少2款刺身同3款鐵板燒同埋個雲丹盛，不過都非常滿足！先付牛油果凍豆腐蕃茄配海葡萄- 咸咸地既海葡萄加埋少少酸嘅蕃茄，非常好嘅開胃菜！刺身五點 目張- 油分適中，魚肉嫩滑得來實淨！加上青瓜醋醒胃，仲可加蔥同食用花瓣一齊食，清新又好味！ 日本白松貝- 好似象拔蚌咁，加埋柚子粉，爽、鮮、甜！我自己就鍾意再點少少海鹽，絕配！ 富山縣白蝦-白蝦非常黏口，甜甜地既蝦味，配上柚子薑，更能刺激味蕾！ 蛋黃醬黑目鯛- 油分細膩，肉質結實，伴隨着蛋黃嘅香氣! 黑鯛同鮮黃色嘅蛋黃醬汁形成強烈對比，加上蛋白泡沫，放喺精緻嘅器皿上賞心又悅目!拖羅- 厚切嘅拖羅毫不吝嗇，加少少岩鹽同芥辣吊起味道，配上紫菜嘅香脆同混和著紫蘇葉嘅香氣，油潤而不膩。間場嘅係酸蕎頭等漬物，清清口腔準備食鐵板燒!!鐵板燒兩點金鯛- 經鐵板燒高溫處理，脆得連魚鱗都可以入口!用筷子輕輕一夾，聽到酥脆嘅聲音，魚肉入口鮮甜，食得出師傅的技術。芝士龍蝦- 龍蝦肉非常彈彈牙! 蘸上濃郁嘅伴

觀塘原來都有小店係做廚師發板，仲有鐵板燒食𠻹！鐵板2人前set $688 沙律、湯 無咩特別，湯係清清的昆布湯。第一轉上嘅係銀鱈、廣島蠔、鐵板配菜，銀鱈煎香，雖然肉質唔算好嫰，但食落都幾香口。廣島蠔size適中，數量搭救，有4隻咁多。配菜有菇同翠玉瓜，成碟我同男友最鍾意就係呢2款，調味調得幾好。第二轉有美國安格斯薄切4片、鵝肝、炒飯、炒雜菜 安格斯略嫌有少少太薄，唔夠喉，如果upgrade做厚燒應該會過癮啲。鵝肝多士基本上唔會難食，鐵板煎完更添油香。炒飯係基本嘅款式，主要都係食鐵板嘅鑊氣，而呢到就做到鑊氣十足。配菜有好多芽菜，因為我唔鍾意芽菜，我就唔評論了。份量嚟講偏小，同埋如果可以分開逐樣上菜就更好了。

觀塘區近年成為九龍新商業中心，上班一族多，食肆的需求自然也大。但受歡迎的不止是效率高的食肆，連講究食材和師傅手藝的廚師發辦都有，而且生意相當不錯! 菊月町的門面是一間獨立小木屋，十分搶眼，很有日式風格。 設計以圍繞廚師的吧枱為主，顧客可欣賞師傅的巧手廚藝，又可互動交流。 另一邊也有散座。 店內擺放了許多貓貓裝飾，從筷子座，窗邊的貓貓擺設，黑板也畫了貓咪卡通。 吧枱的牆邊，每個座位都設有大而紥實的掛鈎，方便將手袋或手提包掛在前面，顧客可以安心及舒適地用餐，非常體貼的設計，既安全、整潔又節省地方。這些掛鈎也是貓貓形的，相信貓迷看到特別開心。  感覺年青，氣氛輕鬆愉快! Omakase 焰月套餐$980，包括先付、時令季節刺身五點、漬物、鐵板燒兩款、吸物、手握壽司卷五貫、壽司卷、時令果物，相當豐富。先付- 紫薯、苦白菜配蓮芋~紫薯粉腍甜香，配苦白菜帶出甘味，蓮芋(即蓮花莖部)爽口，加底部的海帶，合為四色蔬菜，清凉甘甜又特别。 時令季節刺身五點 -  鰈魚~刺身以白魚開始，鲽魚味道清淡但與青瓜醋很合拍，帶出了鰈魚的鮮味，綴以菊花花花誕及葱花，很醒胃。 八爪魚~ 切片併八爪

菊月町，觀塘工業區的日本餐廳，主打鐵板餐及廚師發辦。雖然係小店，但環境氣氛都相當唔錯。兩位師傅以及兩位侍應招呼我地幾枱客人，唔錯。店主應該好鐘意貓，周圍都係貓既擺設，而且地方乾淨，雖然係小店但都好企理。店裝修比較簡約，似日本居酒屋小店，同師傅距離好近，無論鐵板燒定係食刺身，都會係面前整，大飽眼福。而且廚房入面都相當整潔，睇得出師傅好尊重自己既專業。今日叫左鐵板二人前，前菜沙律同湯都唔錯。首先上菜既係菇、瓜、銀鱈魚以及蠔。蠔肉質鮮嫩多汁，脹卜卜，好惹味。銀鱈魚煎到好香口，連皮都燒到好香脆，滿口油香以及鮮嫩既魚肉配搭起上來相當唔錯。之後安格斯薄燒四片、鵝肝、炒雜菜。鵝肝表面香，內裡嫩，淡淡油香散發出黎。薄燒牛肉的確唔夠喉，多幾塊就好了。最後食埋一碗蛋炒飯，鑊氣夠，滿足！

今晚和C在觀塘見客，行經鴻圖道，在對面馬路望過去見到一間日式的木屋仔，就像在日本街頭隨街見到的居酒屋一樣，揭下menu原來有Omakase食，而且價錢非常相宜，所以和C決定試吓。餐廳的設計主要以一張L形的bar枱為主，厨師和客人可以面對面互動，氣氛非常好，心情亦很放鬆今晚揀左焰月呢個 廚師發板set$980, 包：先付時令季節刺身五點漬物鉄板燒2款吸物手握壽司五貫手卷時令果物先付：紫薯配苦白菜，配蓮芋~冰涼的紫薯好甜，配上苦白菜的甘和爽甜的蓮芋，非常清新。食完先付，然後開始上時令季節刺身五點~鰈魚配青瓜醋~鰈魚因是白魚，所以魚味比較淡，所以配青瓜醋能帶起魚的鮮味，好fresh好清。八爪魚+八爪魚咀~新鮮爽甜又帶點頭，配柚子醋和四季紅非常開胃。深海池魚配山藥~深海池魚魚味濃郁，肉質爽口彈牙，配上山藥獨特的味道更顯魚味的鮮甜，加上數條苜蓿芽更加清新可口。金目鯛配蛋漿~火炙過的金目鯛帶豐富油香，口感柔嫩，蘸蛋漿頗特別，配上紫蘇花香味清新，味道亦很獨特。大拖羅配紫蘇葉~大拖羅本身油脂非常豐富甘香，入口即溶，配紫菜和紫蘇葉一起吃，又香又脆，非常美味。漬物：紅酒蕎頭和牛蒡~蕎頭口感爽脆帶紅酒酸酸