翠華餐廳 (已結業)

食極都唔厭既茶餐廳, 價錢的確較貴, 但有質素保証!!早餐A火腿通粉走鮑魚絲 ~ 之前食咗d鮑魚絲個胃唔舒服, 可能難消化, 當然唔係真鮑魚la, 所以次次都走絲, 湯底好香, 通粉個質地有別於其他茶餐廳, 呢度係特別美味!!煎雙旦餐飽 ~ 今日個但煎得好醜陋, 最喜歡此地既雙旦特別多旦白, 飽夾着旦王是不錯既食法!!同埋ice coffee 都係做得十分出色!!

咖喱稱王 倒轉個隻? 咖喱牛腩飯唔掂LO今日去大, 等個咖喱牛腩等左15分鐘, D牛腩有D好林, 有D好難咬, 林個D都可以, 但係我唔鐘意咖喱加辣油lo, 原本D咖喱味變晒做辣油味, 我唔明點樣咖喱稱王.

是日下午茶時間在這裡吃了一個常餐,另外叫了一個奶油豬......奶油豬當然好味,但常餐裡的沙嗲牛肉米線卻不太好吃,味道很淡,但平時吃它的沙嗲牛肉公仔麵卻沒有問題,甚至是好吃的,所以不知問題出在那裡了.....至於跟餐的牛油豬仔味道真係不及奶油豬,所以一定要多點一客奶油豬才滿足......

今朝飲完早茶, 到三點都唔太肚餓但想搵D 又清又frash 既野食 (好似沙律呢D呢~), 諗住荃灣開左成三個幾月既翠華都未去過...咁就不如去試下啦!一入到去, 裝修係好靚, 但座位好迫, 咁茶餐廳姐~ 係迫小小咖喇~ 座係位....望來望去...個餐牌點解淨係得麵同米線同包! 茶餐.....只係得三個揀 : 魚蛋河、特長熱狗、奶油豬....再多個常餐......問一問D 人有無沙律....佢地答左無....咁為有.....試佢地個蕃茄牛肉米線 + 涷檸茶 + 沙爹牛肉包啦...心諗呢間野主打既然係米線同包...唔會太差掛....杯凍檸茶好早來到.....檸檬OK新鮮, 但D 茶味好淡....似飲梗凍檸水....($14)個包第二個來.....一來個咁感...好大個包呀@@...大過兩個拳頭既包....一咬落去....都似新鮮出爐既....入面係中空既...沙爹就.....係甜果隻...我唔太鐘意啦...總括無乜特別.....($8)食到一半...個米線終於來喇！！ 外表就唔講咁多啦..因為其實只係一碗米線姐...第一啖..試左個湯先....唔對路...有莞茜味既?? 呢個係蕃茄牛

曾幾何時，翠華可說是荃灣最好的荼餐廳。那怕是價錢比附近的茶記貴 10-15%，仍然是其門若市。但自從旁邊的分店開了以後，食物水平似是每況越下而價單卻愈加進取。惟一可取的是老店部份舊員工的服務態度一流，所以偶然仍會跟太太光顧老店。國美旁邊的新店已開張了一段時間，每次路過人龍都排到街上。今天下午茶時段取票祗等了一分鐘就安排了撘枱位，坐位一貫的擠迫，地下看起來很污糟。跟太太每人要了一個＂冰火波蕹油＂套餐，跟餐飲奶茶 & 鴛鴦。先說波籮飽，面熱心不熱，根本溶不了差不多10mm 厚的鮮油﹔最後是硬食了有冰沒火的平凡波籮油。奶茶–夠熱但無茶味。鴛鴦–祗呷了一口，奶水一杯，完全沒有咖啡味。值得一讚的是看到一位應該是主管級的職員跟進客人投訴河粉過鹹的態度，誠墾俐落；快手快腳把問題解决。新店仍有很大的改善空間。

成日聽人講話翠華D野好好食, 嗰日同老公去咗荃灣果間試叫咗佢地出名好食既咖哩牛腩, 魚蛋粉及熱忌廉咖啡.咖哩牛腩 - 無特別, 週街都食到呢種味, 但係出面無佢地咁貴, 成$46, 超唔抵.魚蛋粉- 個湯完全無味, 魚蛋都唔好食, 成$24, 離譜. 熱忌廉咖啡 - 味道比MaCafe淡, $14. 唔值.$84食呢D質素既野, 真係唔抵. 唔明點解D人勁讚, 係咪收咗錢呀!::

呢間茶餐廳一路偏貴，所以很久之前起其他分店食過一次文昌雞飯，並不感覺很好食，所以無再幫襯……直至荃灣新開咗一間，起同事極力推介下，再去試。Lunch 叫咖喱牛腩飯，飯只有一碗，對大食嘅我呢講爭咗小小，加多半碗就更好。但咖喱牛腩份量十足，牛腩夠淋，咖喱味道濃郁，感覺不像一般茶餐廳般加了大量的水，然後再打”獻”，yummy~~ 四十幾蚊唔包嘢飲，貴咗 d，但都可接受~~第二次去食 tea，今次叫了個香檳錫蘭奶茶，$18，茶味幾香，而且有別於一般茶餐廳嘅茶底，係用鍚蘭茶，平時剩係飲過維他錫蘭檸檬茶，原來錫蘭茶襯奶都幾好飲丫~淨菠菜鮮蝦雲吞，六隻$28，好味，蝦爽，菠菜都爽，感覺煮嘅時間啱啱好，連湯底都好味。另外叫咗個墨西哥飽同朋友 share，飽暖暖的，食落幾軟熟，但因為本身唔太喜愛甜嘅飽，所以不下評語。都算令我改觀咗，所以日後都會幫襯~~~

今天同老婆一齊去銀行辦妥事情, 就隨便搵個餐廳食下野,睇到新開左間餐廳, 就入去試試.單是安排坐位,就要求我地換左3次檯.伙計做事大意,擦檯都可以整濕我老婆的褲.再來落order: 雲吞麵, 根腩麵+凍檸茶(3樣野)都可以漏單,係我地食到一半麵時, 已跟伙計追單凍檸茶,但佢地回應跑開了事.之後, 門外開始愈來愈多人等位,佢地好快速咁將食吃完麵既碗筷收走,接著又問: 你地係咪只有2人(欲意想我們坐在卡位一邊),我就很快接著說: 漏單既凍檸茶快d拎黎, 我地飲完就走.食個午餐趕頭趕命, 半個鐘都冇,雲吞麵湯底又淡而無味,根腩麵D牛根又硬,埋單仲要$63.經過這次, 唔洗錢我都唔再黎食.

尋日朝(5-7-2010 Mon)同男友食個早餐至返工,到荃灣又唔知去邊間食好,又走o黎呢間.今次男友叫o左$25.00o既A餐,係蕃茄薯仔排骨湯通粉,牛油餐飽煎雙蛋轉炒蛋,飲凍檸茶,我就要$28.00o既歐陸早餐,有吉列魚柳,牛油豬仔,焗豆,煎雙蛋轉炒蛋,飲凍奶茶,侍應提醒我轉凍奶茶要加$3.00,男友話冇問題.好快,除o左男友o既飲品外,佢o既早餐齊晒,一早整定o架?之後兩杯o野飲到o黎,男友o既通粉都好熱,排骨有四件,都幾腍.我o既凍奶茶茶味唔係咁夠.之後早餐到喇,魚柳幾脆同熱,焗豆微暖,炒蛋出奇地好食,因為又嫩滑又有汁,真係唔錯.而牛油豬仔o既牛油份量o岩o岩好,豬仔有烘過,都唔錯.到最後埋單時,竟然係$59.00,原來男友杯凍檸茶同樣要加$3.00,真係好貴.

荃灣眾安街那邊開了一間新既翠華，光猛企理，就找個晚上去試新店。熱狗原來長得很誇張，吃起來有點狼狽。烘過的長麵包，晒上芝麻粒，肯定香口。還有長長的脆皮腸，爽脆清甜既生菜、鮮美不酸的蕃茄，同埋茄汁，正！其實只要材料新鮮，簡簡單單的配搭，也可以很吸引。來到翠華，自不然要叫番個奶油豬。熱呼呼的出品，咬落鬆脆，面頭甜甜的煉奶，加埋香軟的牛油，趁熱食，都好難會唔好食的。嚐了一粒菠菜鮮蝦餃，皮是既薄又滑，餡料的菠菜亦多，不過菠菜始終唔夠香口，也蝦仔太細了，沒有爽口的感覺，很普通。從未飲過翠華既「香檳．凍．奶茶」，原來是茶味不濃的奶茶，最憎佢唔熱唔凍咁，要等外面的冰融化才有少許的涼快感，我完全唔欣賞。這款奶茶，噱頭而已，我不會有下次。或許是新開業關係，人手好充足，有人專門安排座位，甚至有普通話大使，唔錯！

今日Lunch我哋又去咗翠華食，今次去眾安街果間，呢間新開無耐，裝修得非常豪華，門面亦十分光鮮，用電量唔厎，入面環境清潔，但座位安排較密。我哋叫咗一個午餐、一個咖喱雞配欖油意粉；個午餐喺落Order後3分鍾就送到，而個咖喱雞配意粉就等咗大約10分鍾~~~講返今餐D食物：午餐：扒雞扒卡邦尼汁跟飯 (Grilled Chicken Steak in Carbonara w/ Rice) ($40) - 大大塊雞扒，煮得好入味、鬆軟易入口；卡邦尼汁惹味，味道惹味；不過飯就煮得較硬。整體上份量較少，午餐嚟講整體不錯，好食~~~餐湯：黃薑魚茸湯 (Soup of Fish W/Tumeric) ($0) - 非一般茶餐廳餐湯質素，真材實料，濃郁鮮美，推介~~~餐飲：凍咖啡(+$3) - 中上水準，OK~~~咖喱雞配欖油意粉 (Chicken Curry w/ Spaghetti in Olive Oil) ($42) - 咖哩較辣，少了點椰汁味，但仍很惹味，大雞件同薯仔都吸滿咖哩汁，辣得好過癮；個意粉係幼身嘅，整得幾滑溜，水準不俗~~~總括嚟講呢餐令我哋都好滿足，以荃灣區翠華比較，呢間好過兆和街

食物方面：當天我叫了一個「沙爹牛肉干炒河」，味道尚算 ok但實在唔值 $48 ....... 仲要冇野飲 餐廳的裝修不錯，但實在太細 好心.....餐廳不大就唔好設咁多個位...每位顧客根本錯得唔舒服....比幾十蚊錢....又要成日比人調位我仲有親眼見到有個待應唔小心.....成杯奶茶倒左落個客人到...點解？因為樓面太小....客人已經好難行....更何況拎住好多野既待應...我以後都唔會再去..../_\

尋日(19-5-2010 Tue)同男友起床後落街食早餐,落o左車求祈搵間o野食,我o地就氛o左呢間豪裝翠華.坐低後一來趕時間,二來好少選擇,我諗極都諗唔到食咩,男友先叫$25.00o既蕃茄湯鮑魚絲火腿絲通粉,煎雙蛋牛油餐包,飲熱檸茶.男友叫我叫三文治之類o既o野,提議叫吞拿魚三文治,我見價錢唔平唔係咁抵,佢就話茄牛治,啊,咁好啦.叫亞姐o黎,亞姐話冇茄牛治,一係蛋牛治,啊,咁好啦,咁叫多杯凍檸水.亞姐提我o地呢個唔係餐,散叫o既.之後兩杯o野飲到o黎,男友o既通粉亦到,佢畀我食啲先,鮑魚味夠濃亦食到蕃茄湯味,但我唔係咁鍾意.之後我o既蛋牛治到o黎,我就將返通粉畀返男友.蛋牛治o既蛋炒得幾滑仍濕潤,唔錯o既,而我杯凍檸水好似過甜.而男友畀餐包我食,係凍o既,冇翻叮過.呢餐埋單$58.00服務:落單好有禮貌,但收o野o個個太快手啦,男友食完煎蛋將個餐包交畀我食,都未塗牛油,亞姐就收佢個碟同刀,男友話要o既,個亞姐就將把刀掉到我原本放蛋牛治o既碟上.之後又(目及)實我男友個碗.

2010年5月4日 ( 3-1 ) ( 翠華餐廳 - 1 ) 飲食過程：( 翠華餐廳>夢野家阪燒雪糕專門店>興記潮汕滷水專門店 )荃灣新翠華餐廳裝修了一段日子，今天路過，招牌還未完工，已經試業，後來得悉是昨天下午2時已經開業了，這刻正值下午茶時間，Johnny 選吃了這裡的下午茶 B 餐，每份為36元。香辣瑤柱炸醬撈麵：有少量瑤柱碎粒，炸醬辣度適中，雖然炸醬味掩蓋過瑤柱味道，但味道惹味可口，麵質煙韌，口感幾好，屬好吃的炸醬撈麵。(3.8分)珍珠雲吞：小盅盛上，總數有3 粒，看那雲吞的骰，但皮薄蝦爽，味道鮮美，湯底好味，不過...偏鹹，所以不感多喝。(3.5分)熱奶茶：茶色有別於其它翠華，香濃味感覺也遜了些，滑度也是可以，這杯茶...總覺還欠一點點？(2.8分)新餐廳，華麗的裝修，最欣賞是那天花有點浮誇的設計！今天，客人頗多，侍應員都忘過不了，服務算是OK了，今次食物質素幾好，翠華給我感覺...吃得總是太匆忙！