米拉

營業中

休息中

而家東廣場愈開愈餐廳，西中日韓素食甜品應有盡有。今日要介紹就係台式小店－米拉。佢除左台式飲品店外，亦有台式食物供應，不過我尚未試過食物。因為米拉只提供１.2張小台，堂食是比較逼。通常都是外賣飲品。平時的台式珍珠奶茶，紅茶，綠茶，薑茶都有，但我最愛的是黃金柚子紅(半糖，少冰)。飲之前都驚佢只係平時即沖的柚子蜜d fd。飲後完全打破想法，佢味道唔會好假，而且有水晶啫喱同柚子皮在底，增加口感。甜度唔知係味半糖關係，飲後唔會覺得甜，反而是潤的感覺

今日lunch行開呢頭買野,剩返少少時間就決定過黎買少少野食老闆推界下試左個費城牛肉包餐($40)加凍珍珠奶茶(+$6)加埋都$46,又唔算好抵食費城牛肉包老闆推介呢個包比較特別,出面比較少見包烘得剛剛好,徵微熱,香脆鬆軟牛肉同洋蔥用醬汁炒過,很香口,份量不少再配上一點芥末醬同芝士整個配搭很惹味,平時不太喜歡芥末醬的我都接受到如果芝士再多啲就更加好整個包份量唔細,食完都好夠飽凍珍珠奶茶賣台式飲品,珍珠奶茶絕對係指標可惜呢度只屬一般茶味不夠濃,奶味比較重值得一讚係珍珠夠煙韌,煮得夠入味

同同事經過幾次，但就冇入過東廣場下面食lunch.原來依度勁多小食店，好多選擇，我地見到有台灣野食，早早地，仲有位，立即坐底睇下食咩。佢有幾款麵餐揀，我揀左個雜綿麵餐。雜綿包括： 雞翼 - 好林，又入味，肉質唔鞋墨魚丸 - 通常丸如果唔入d 太平既貨，味道、質地都唔會差得去邊😝八爪魚丸 - 同墨魚丸一樣，唔係 cheap cheap 麵粉丸😁滷水蛋 -未夠入味，當普通雞蛋食唔差鴨胸肉 - 唔靭、調味適當鴨腎 - 真係一大驚喜， 其實我一向都唔食，但同事食左一片話好食過之前係其他地方食個d! 我忍唔住食第一片，嘩，好彈牙，唔靭，調味很好，其實我之前唔食係因為唔係度度煮既味道同質感都達我既要求！有d無味、靭、肉質霉、「壓」味，但依度既鴨腎完全冇依d問題，仲要調味調出鴨腎既味道👍🏻新竹米粉 - 唔太林、唔太硬，軟硬度適中，咸咸地既調味，好味！餐飲係熱柑桔蜜，甜左d, 其實可以調稀d。証明小食店唔「論」「惜」😁之後我地再追加台灣濃香腸，黎到咁黑，我地大家都笑話似膶腸。不過皮好脆，聞落都好香香腸味，甜甜地，不過唔知係米先入為主食落去覺得味道都有少少膶腸味😝

行完apm過左東廣場搵食，呢度真係好多野食，行了一圈，決定食主打台食、珍珠奶茶、台灣香腸的米拉。包餐三十幾蚊，散叫台式飲品都係十幾蚊，好抵食喎。叫了一份熱狗包餐（$34），一份牛肉包餐（$39）,兩個餐都包果茶一杯，補差價可轉其他飲品。芝士牛肉包，拎上手仲熱辣辣的。爆多牛肉，芝士已經瀜左勁正，仲有洋蔥，吸飽了肉汁好好味呀。熱狗包同樣熱辣辣的。大大條脆皮腸，茄汁，芥末醬下得很多，酸酸甜甜的，個皮烘過外脆內軟，滿滿的醬汁又係勁好味。仲叫了一個小食，貢丸加花枝丸，$20/6pcs，加了蜜糖甜甜地，過下口引唔錯喎。飲品加錢轉了布丁奶茶同香草奶茶（原價$16/ea），兩杯都選了微甜，茶香奶滑，個人覺得微甜的甜度剛好。另外一位朋友只點了朱古力忌廉沙冰（$24），朱味好濃，加上忌廉綿滑，好味又抵飲。小店只有店長一人，長期忙碌但態度十分良好，有講有笑的，就算積分卡過左期都比換，好好人啊

公司位於九龍東，所以不時都會行去東九龍(廣場)揾食，裡面細間細間店舖有好多選擇……今日嚟咗呢間號稱"正港臺北味"嘅小店，叫咗雙丸新竹米線、香焗單骨雞翼、臺灣濃香腸、宇治金時。賣相唔算靚嘅香腸，估唔到咁好食，蒜香少辣蜜糖交雜其中，老闆細心切粒方便一口一粒，對於不是香腸迷嘅我都為之神馳……其他的雞翼也一樣用烤焗方法。最好襯熱食，外帶可能口感減半(未經證實)……雙丸係貢丸、墨丸……大大粒交到貨，還有抹茶紅豆相當對味，如果唔係鋪頭仔……應可賣貴$10都得。

行開觀塘想食啲野飲啲野。。。今日就比小編發現左間幾唔錯嘅台式小店😬兩個人少少哋，買左兩杯野飲一個包同腸、丸咁。。。不過都幾夠飽👍🏼有好多款式嘅飲品，小編同朋友揀左。。。宇治金時-抹茶紅豆 $22紅豆好足料，抹茶味都幾濃，啱曬抹茶控🤓飲到最後都唔會覺得淡左唔好味因為紅豆本身甜，令到整杯飲品偏甜，下次叫少糖應該會啱啱好😥烏龍奶茶 (全新推介) $16平時好少飲到烏龍茶嘅飲品，好有特色烏龍味突出，有清新茶香，奶味濃但係都唔會cover左烏龍茶味😌整體而言，唔會太濃太假，啱曬鐘意有淡淡茶香奶滑又唔要太甜嘅人花枝魷魚丸$11香菇貢丸$11台灣濃香腸$11丸類幾彈牙，有蜜糖味，焗到個面脆脆地開半，方便食，即叫即焗，熱辣辣♨️至於腸仔，皮脆，夠熱逼左啲油出黎，濃濃油香，切左片 (食落感覺無咁油膩)費城芝士牛肉包 $39(套餐)(包果茶1杯,其他飲品補差價)店員好細心，又到開半時候，可以開心share🤘🏻新鮮全人手製麵包(不含豬油)，麵包稍為焗到外脆內軟，麵包一啲都唔覺得乾身，因為索左啲醬汁同肉汁餡料(肥牛,洋蔥)份量充足，牛肉juicy😗成個包容易咬開，唔會食到呢咁heaBuffalo mozzar

東廣場好多餐廳，其中一間冰幾喜歡的是米拉，食物選擇不是太多，但勝在簡單、清淡，減輕腸胃負擔。又是一個人吃晚飯的時間，去看一看有甚麼美食。米拉招牌雜錦是將上述全部選擇放在米粉中，好吧，不用苦惱就點這個。落單過後，坐在舖前座位，稍等一會，侍應送來美食。米拉雙丸的牛丸黑椒味香，牛肉不蘇，墨丸口感一流，十分味美。秘製鹵汁雞翼相當入味，肉質嫩滑，水準之作。新竹米粉質感軟綿，不會過腍，也容易夾起，飽肚感十足。鹵汁雞腎併鴨胸都被換成鴨胸，皆因冰不吃鴨胸。鴨胸勝在夠瘦，感覺較為健康。冬瓜茶是當天新產品，收銀機資料還未趕得及更新，所以寫了青梅綠茶。冬瓜茶味道清甜而不膩，容易入口，感覺 滋潤。

唔知幾時開始慢慢甘愛上左飲呢間台式飲品，差不多一日都要飲一杯，愛上嘅係拒嘅冰凍？拒嘅甜味？定係台灣的味道？我諗呢一刻我可以答你係呢間小店所沖出嚟嘅味道，講到好似好誇張甘，究竟有幾好飲？我只係可以話岩我口味囉，以前我就剩係識飲珍珠奶茶，奶蓋紅茶。嚟左呢到，老闆教識左我荔枝紅茶，水蜜桃紅茶等等。味到解渴得嚟，感覺上無奶甘肥，再加埋椰果，味道恰到好處。今日除左飲嘢仲試左拒個午餐，米拉雜錦米粉--入面有花枝丸，貢丸，菜，半隻蛋，鴨胸，雞腎同雞翼。材料以42蚊呢個價錢嚟講比到好足，而且仲有質素，食落去粒丸起碼唔係成口粉嗰種，係爽口彈牙的。米粉個湯底清清地都幾好，唔太重味精的味。食完無好口渴的感覺。台灣腸--好難唔好食，唯一就係個整法可以點樣再凸出腸的香氣，呢到應該就用左空氣炸爐的類型整，比起用焗爐多左陣香煎味，但又唔會有煎嗰陣油益味。焗雞翼--雞翼幾大隻，一碟有三隻，焗完之後用左孜然粉同辣椒粉灑上面，味道合格。整體嚟講幾好，起碼好在主力係飲品的台灣小店，食物都唔會馬虎，有一定嘅質素。想飲嘢嘅時候唔使特登又要揾另一間食嘢，一次過搞店唒，方便！

最近去開觀塘 發覺好多工廠大廈已經變咗 經過東商場 先發覺以前嘅工廠大廈已經變咗 成為食肆林立嘅商場 一樓尤其是 food court咁樣 喺咁多間店舖入面最吸引我嘅就梗係平靚正又好味嘅台式食物啦見到有個熱狗餐有費城芝士牛肉包美式熱狗等等 我就同朋友一人嗌咗一個熱狗 飲品方便我就叫咗韓式紅柚薑綠 等左一陣，就熱辣辣黎到， 個包係烤過嘅，食落特別有口感 不得不提條腸真係好粗又長 咬落口噗噗聲 喺飲品方面好多粒粒好煙靭 如果鍾意 飲薑茶嘅朋友就啱曬薑得嚟帶少少甜

係觀塘返工，都唔知可以食咩？係工廠區更加難找食，每處都係人山人海，搵個位都難，何況系想食得舒服些，難上難。好彩，我地有彈性食飯時間，勉得同人逼，食得輕鬆，又可以食平些，下午茶就啱晒我啦！我地冧著食湯粉麵，但唔好彩，果日無湯粉麵，只得漢堡包，又試下漢堡包好唔好食。間鋪頭前擺放左一張長枱同幾張椅子，地方比較窄，外買比較多。漢堡包係即叫即烤，鬆軟脆皮，芝麻香，香腸夠爽口，結質，有口感，唯一是番茄醬酸左些。凍宇時金治抹茶紅豆，抹茶茶味香濃，入口夠滑，紅豆豆味濃，粒粒腍甜。

本身一向少食牛肉嘅我 口淡淡又見個名咁得意 於是就叫左個嚟食啦 等左大概十分鐘 熱辣辣嘅牛肉包終於出現喺我眼前 第一眼見到餡裡面嘅顏色配搭相當罕有 鮮黃色嘅蜜糖芥末撞啡色嘅洋蔥牛肉 @@ 食落呢個配搭又唔差喎 本身牛肉同洋蔥煮到啱啱好 牛肉唔會太韌 洋蔥唔會太生 啱晒香港人胃口其次酸酸甜甜嘅蜜糖芥末更令人開胃 食慾大增 食晒成個包都唔覺油膩同枱嘅外國人更稱讚呢個包可以媲美Philadelphia嘅Philly Cheese Steak Ps. 本人認為芝士味可以更加濃

晏晝成日經過呢度都好想試㗎喇，終於同同事試呢間，晏晝其實冇咩特別選擇，都係粉麵多，或者有熱狗或者包。揀咗米拉招牌雜錦，原來仲有得揀麵底，老細推介新竹米粉，仲幫我哋免費加底，正呀，結果整出來份量都唔少，而配料方面就叫樣樣都一件咁，有雞翼，鴨胸，鴨腎，墨丸，貢丸，鹵蛋......，真係好啲似屋企打邊爐，又有啲似屋企頹頹地煮個麵咁，呢個麵加嘢飲42蚊，如果係咁家常嘅質素，我覺得...係可以再平啲嘅。p.s 老板幾友善，好熱情p.s2 原來呢間店都好多人買嘢飲支持小店呀!!

得知東廣場開設了許多新食肆這天在附近吃完下午茶便來逛逛打算描準下一個聚會目標 天氣炎熱令人體水份蒸發加快我和朋友都不禁口渴起來便在此店門外停下了腳步看看餐牌 選擇頗多 苦惱之時 店員便熱心推介起來最後經介紹下選了這款較為清新的飲料份量足夠二人分享我們要了少甜 但感覺仍然是正常甜度梨子清甜 果肉是有 但份量不多 感覺不太值這個價錢但店員服務很周到 所以非常加分 就當作支持一下小店吧 以上。

對於這個台式小店，可能唯一的不滿就是他的餐具和杯子都是即棄的，太不環保了吧。為了支持環保，我決定不吃這裡的湯麵，卻叫了一個費城芝士牛肉包，包的表面烘過，所以有一點點的脆感，然後溫熱柔軟，然後底下的燉牛肉都幾大份，深色入味，咬落去可以明顯感覺到其咸香的味道，肉感濃厚。而當中的芝士則加了幾分芝香味，令整個包更香。整體份量不俗，可以當午餐了。

由於放大假關係,加上明天去旅行所以無煮飯,經過觀塘廣場發現一間可堂食加外賣的食店價廉物美又有我愛的台式飲品順理成章點了個餐外賣回家吃我點了個米拉招牌效錦HKD42配米粉及果茶不過我另加大約不到20元就可有大大杯韓式紅柚薑綠顏色好靚,味道微酸,有點辣,但又清新,加上我係少塘,走冰,所以味道適中唔會太甜而呢個米粉同樣好正,味道好入味配料豐富,有花枝丸,鴨胸,雞腎。。。。。等等味道不錯又夠新鮮粉夠爽口唔會'爛'同太腍鮮味十足好好味想不到一個價錢咁抵食又好味,正!好希望自己可以係觀塘返工,就可以成日去希望佢係我返工地方都開返一間啦!