生原創(蛋包飯) (已結業)

之前上網見好多人介紹，就一於決定試試佢！佢一好多款蛋包飯揀，例如菠菜汁、紅菜頭、墨汁等等....今次叫左墨魚汁海鮮蛋包飯🍳 佢可配茄汁 咖哩汁或者白汁 我揀左茄汁因爲唔想咁重口味!墨汁夠晒特別因為冇喺其他餐廳見過，入面係海鮮炒飯，唔會太油膩，份量夠大一個女仔食係非常之飽！已經第2次去食 會再去食其他味既蛋包飯😍 (9/10)

復活節就係周圍搵好西食👅同朋友講起蛋包飯好想食然後就去左啦😆唔知係咪假期既關係，等都唔洗等，入面只得兩枱人。一開始店員排左我坐門口位，係迫到要拉開張枱先入到去...後尾另外一個店員見我地坐得咁迫，調左我地去坐四人枱，好好多！我叫左牛舌蛋包飯，+$22轉流心蛋。店員先上沙律比我地，個沙律ok啦，但好細個，幾啖就食完。等左一陣就上我個蛋包飯啦。店員先用刀係我地面前介開個蛋，令我地睇到流心既效果，啲蛋係包住下面既飯🤤個飯係炒底，入面加入牛舌同洋蔥，炒得好香，再連埋啲蛋漿、蕃茄醬一齊食，好滿足啊🤤🤤暫時係係香港成過最好味既蛋包飯！

呢間蛋包飯好出名🍳🍳🍚次次經過都見到好多人排隊😳😳有次朋友話呢間好食就帶咗我黎試啦😋😋我就嗌咗一個秘汁鰻魚蛋包飯🍚🤤佢個飯都炒得幾入味同每粒飯嘅色都好均勻唔會偏鹹或者淡🤢啲飯粒粒分明唔會一舊舊🤪🤪 可惜覺得佢既鰻魚算係偏小 可能食幾啖飯先揾到小小鰻魚😳 味道係唔錯 個蛋都煎後幾好 煎到出邊會唔會過燶好硬 仲會留反入邊有少少未熟 可以撈飯 但抵唔抵就見仁見智啦！ 🌚 順帶一提呢間鋪頭嘅座位數唔多所以等候時間頗長 鋪頭入面亦都非常之淺窄 所以通常食完就要走㗎啦😖如果想同friend坐低慢慢吹水呢間就唔太適合啦☹️☹️

唔知食咩好嘅時候，突然就會諗起蛋包飯，而蛋包飯嘅話，我會鍾意食呢一間，之前都食過覺得好好味。今次就黎試吓第二款，我都係揀咗流心，不過今次就冇咁流心，因為通常啲店員，會喺你面前切開，然後啲蛋就會自動流落去。今次食和風牛舌蛋包飯，會茄汁。雖然今次個蛋，無咁流心，但都好嫩好好味，鍾意食雞蛋嘅人就會好中意。我最鍾意配茄汁，因為食落好配搭，而且唔會好膩。佢啲牛舌就正常。啲飯係好香嘅。仲有呢個沙律食落去好健康，個沙律都唔錯嘅。

這家小店的蛋包飯十分驚喜雞蛋控表示大滿足！我點的是原塊吉列豬扒流心蛋包飯配咖哩汁，首先是吉列豬扒鬆脆可口不油膩，炒飯底是珍珠米，食落有洋蔥，黑椒...熱辣辣香噴噴重脆卜卜，鑊氣十足！主角流心蛋奄列賣相已相當吸引，店員會即席切開奄列滿足你視覺，雞蛋軟滑配咖哩汁味道天衣無縫，一啖蛋一啖豬扒，一脆一軟，口感豐富的一餐

在節日中,真心去邊麵好多人,又要排隊"生原創(蛋包飯)"店內唔算大,我地好彩唔洗點等位其實我係第一次食日式蛋包飯睇相就睇得多當日我地晚上9點先去但太餓了,叫左好幾個菜炒雜菜菌 ($60)味道偏淡,不過朋友中意食菜原汁原味白酒煮蜆蜆既Size都幾大,內有豆腐好滑日式炸雞, 跟蛋包飯加會平少少平時比較多食韓式,港式,日式炸雞會有不同口感外脆,內軟,但有諗緊我地會唔會唔係食緊雞燒花魚 朋友講唔錯,不過分量有點少蝦兵蟹將蛋包飯 ($238)成餐既主角,要流心先好食蝦兵蟹將就係有大海的味道有配兩款醬汁出黎有兩個唔同效果我中意左手邊既同個飯一齊更有海鮮味如果下一次有機會,可以試試原味~

經過天后見到有間賣蛋包飯的餐廳於是試一試。海膽蛋包飯包煮得較熟，海膽混入飯中，鮮味撲鼻，蛋加海膽的配合相當匹配。抹茶大福抹茶味濃，甜而不膩，抹茶控必試。可惜的是餐廳的座位排列比較緊密和狹窄，坐得不是太舒服。

墨汁海鮮蛋包飯配白汁，其實佢有齊3個形態，一條蛋係飯面，之後切開流心狀態覆蓋係飯面，最後就係我影既淋埋汁因為係位員工做哂，所以當做哂所有步驟，問埋我要唔要埋紫菜粉，我先醒起未影進化之前個樣，不過望住d蛋切開流出黎係開心既個白汁奶油味好重，襯落d蛋又真係絕配，但個飯真係無敵，一黎足料啦，有蝦，帶子，魷魚，青口仔，啖啖飯都可以食到有海鮮但最重要既係每啖飯，個種燒海鮮味都好濃，其實只係獨立食依個抄飯都正，不過又咁，可能就係有埋蛋係到，所以個抄飯濃得黎又唔會太寡

因為男友建議，所以今次來咗天后搵嘢食。真係有好多唔同嘅餐廳可選擇，最後因該我“想食飯”嘅念頭，所以揀咗尼間。餐廳唔算大，但都幾有特色。先講小食，一開始叫咗個蟹忌廉薯餅，幾香忌廉味，但係有少少粉粉地。🤔日式炸雞，雞肉好嫩唔會話炸到好乾。最得意嘅係面頭嘅日本青椒，唔辣又幾清甜。明太子魚蛋捲，蛋無咩味但要加埋明太子先會好啲。但係如果要食蛋包飯，唔建議再食蛋捲，因為會好滯。🤦🏻‍♀️😅到主角，本身只想叫普通蛋包飯，但男朋友又加流心。好厚蛋⋯⋯侍應會幫手用力劃開，做到流心效果。正可選咖哩汁、白汁同茄汁。啲蛋好滑加埋飯都幾好味。睇得出真係用心做。男友話下次有機會再來試其他菜式，不過真係唔好同時叫咁多蛋。🙈🤣

天后附近多美食，見到蛋包飯餐廳，入內一試。點選了海膽玉子燒，墨汁海鮮蛋包飯，牛乳豚肉鍋。海膽玉子燒，海膽味道美味，玉子味濃，夾在一起食，一流。墨汁海鲜蛋包飯，墨汁味濃，蛋加上牛乳炒成，好味。海鮮飯有墨魚，鮮甜美味。牛乳豚肉鍋，牛乳味濃，豚肉一般，整體上令人飽肚。

食物不錯！服務員很好！非常好！我的朋友因心情不愉快，來約我談心，她點了一杯生啤，喝完後。可能店員知道她不開心，所以主動請了她再喝一杯生啤。又殷勤地幫我地加水，非常貼心。但現在非常之後悔，因為忘記了多給貼士。為表歉意及讚賞，現衷心在這裡介紹給大家！

結賬時一定要睇單！下單時要牛舌蛋包飯，結賬時變和牛蛋包飯$98 變$148!!仲要加左$22變滑蛋！白汁變咖喱汁整體感覺非常差，兩年前感覺不一，雖然食物質數保持，但都一定唔會再光顧

放工來食晚飯，埋單時用信用卡俾錢，一個唔為意收多左242，發現後搵個阿嬸侍應來要求void 單，點知成間鋪無人識攪最後俾番現金我地，但仲要俾錯錢，應該俾番242只俾左240，搵番個阿嬸侍應，最後掉2蚊落枱仲同老公講“咩你個樣好似我地特登做錯，特登錄錯卡咁" ，成程無道歉仲要態度超差講句咁既野，依家擺到明係你地收錯錢找錯錢啦，係唔係專登，我真係唔知喇，只係知連錯2次仲態度差，妳老闆請著妳咁幫得手趕客，真係喊三聲。食物唔算平，雞翼串燒好乾，大蜆湯好淡一d鮮味都無， 其餘不過不失希望老闆培訓下鋪頭既侍應點void單啦，做錯唔緊要，唔道歉都算，但唔好態度差掉錢落枱仲屈客面口差。我都知服務業難請人但都唔係求其請d服務態度超差既侍應既。

問侍應可否有素的烏冬或拉麵，他說問廚房，原來有野菜拉麵，但是沒有說價格，叫了一個，因為同行的人可以吃其他的，到埋單見單上有項海鮮拉麵，於是問可否弄錯了，但是後來他說，無論是海鮮拉麵或和牛拉麵，更或其他拉麵都會一律98元，為何不早些説呢？這算是什麼？更加說是特別的用清湯來煮，事前已經説是用白開水煮就是，不用有味湯，白滾水是特別清湯？似乎牽強了！有些被屈的感覺，其他的食物（旦包飯）也是不覺特別的好味！奉勸大家不要再次叫特別的食物就是！

My friend love the omerice rice of this restaurant a lot, so he brought me there.Nice decoration, old Japanese style, warm and colourful.We ordered a cheese chicken wing. Chicken wings were without bone, with cheese and pork inside. Very crispy skin, very hot full of cheese inside. The egg was soft and milky, very tasty. Large portion.