熨烤達人 (已結業)

經過西菁街，見到呢間食烤肉門面裝修幾特别，又好似幾好食咁，一於入去試下入面都幾闊落下，內籠裝修好明顯就係模仿船艙，幾有心思落左單之後，店員就倒左d蛋汁落爐邊，之後比左d粟米同芝士粒我地自己倒落去，之後由佢自己慢慢熟，不過都要煮一段時間，我地食到最尾先至熟晒食得，食落有d似蛋糕呢個熨板店員話係煎牛扒果陣用，不過我冇叫到牛扒食，所以今餐用唔著首先點左一份雪花牛肉，肉中間有一條條油脂，一睇就知煎完一定好juicy食落果然冇錯，有雪花牛肉入口即溶既感覺之後再叫左份牛肩胛肉，同雪花牛肉有d分别，呢個油脂比雪花牛肉少，肉味比較重。另外要注意就係因為比較少油脂，所以煎果陣要小心d，放太耐會痴住個爐另外叫左份調味雞翼，有d辣，夠香口叫左罐梨汁食，好多果肉係入面之後店員走黎話依家like左佢facebook個fans page就送一杯荔枝特飲，咁我梗係唔執輸要埋啦又大杯，又重荔枝味，一d都冇呃秤

間鋪位置雖然係千色後面 但都幾入下 唔係專登黎都未必知佢係到.🔹調味豬皮 $48成日睇韓劇都見到人地燒豬皮就好想食🤭有4大塊 幾煙韌 燒得好仲可以燒到外面脆脆地 更加好味.🔹調味豬頸肉 $58雖然係調左味 但又唔會過濃 唔錯嘅呢個豬頸肉.🔹調味牛排肉 $88燒完豬會幫你換網先再燒牛肉牛排肉好有牛味 細細件 每邊燒一陣就食得啦.🔹芝士炸雞 $138 #拉絲店員見你燒埋d牛就會幫你上埋位炸雞但呢個就幾一般下 單係個炸雞黎講 係細件嘅雞扒 有d都幾薄下 個炸粉就咸左d 叫做d芝士拉下絲咁幫補下呢個份量都幾多 最後係食唔哂嘅.🔹荔枝cider特飲 $43🔹柚子燒酒 $88問我地洗唔洗要多個杯 仲比埋冰筒好細心😊.整體黎講服務係加分嘅 店員都幾細心留意你嘅需要每樣肉都有講要燒幾耐 個豬皮用熨斗壓住燒一陣先剪開不過燒肉類就細份左d 價錢亦都唔平仲有個爐邊蛋我地要多左d粟米🤣好味好多.6.5/10

有日放工後約咗朋友去元朗食韓燒，係千色匯行完街之後喺附近見到一間裝修得好得意嘅韓燒餐廳，入面d凳有iron man、minions同我至愛嘅Captain America！ 原來之前已經去過其他分店，知道質素一定有保證，諗都冇諗就入左去！我地叫咗呢間餐廳最高人氣嘅磚頭五花肉，雖然餐牌上面已經見到好大舊，但係諗住係圖片只供參考架嘛！點知上菜個陣真係比佢嚇到o哂咀！我覺得佢甚至可以話大過舊磚頭添！燒完之後唔會話好乾好難咬開，肥瘦肉都嘅比例都好好，用生菜包住嚟食真係好有韓國風味！ 除咗招牌嘅五花肉之外，食韓燒當然要叫牛肉嚟食啦。今次就叫咗特級雪花牛肉，雖然只有六片牛肉就要成百幾蚊，但係呢啲牛肉嘅雪花真係分佈得好靚，口感軟綿綿，牛味濃郁，的確值得比咁嘅價錢。 食緊韓燒嘅過程中，店員都好主動咁幫我地添唔同嘅嘢，態度非常良好，值得一讚！

中伏啊！星期五晚上人少少，。跟燒烤有爐邊蛋，自己加粟米或者芝士，仲有菜籃。不過冇送豬油，一燒就痴底，冇蒜頭冇豆瓣醬，淨係燒肉加菜，好dry...調味五花肉$68嘩！同張相唔同嘅，得五片薄切。同圖中嗰塊五花肉完全唔同囉，會唔會太薄呢？牛肩肉 $88得六片，依舊都係好薄...原味雞翼 $48 4隻雞翼有醃過，燒完唔洗點汁都好食，上枱嘅時候剪開咗兩邊，快熟好多。韓燒來講都算做得幾差，選擇唔多，飲品只有特飲，貴仲未計+1 ，其實真係唔明點解會有咁多分店。

剛從韓國旅行回港，仍然回味韓國美食，趁週末找到一間韓食府作為延續韓國之旅…有趣的設計風格，每張椅子都具有特色，有些是卡通人物造型，顏色豐富，令人眼前一亮。每張枱都有燒烤爐，很明顯係以燒烤為主，朋友話怕熱氣，所以今日選擇韓國小菜。達人沙拉是這裡的叢多沙律菜中的代表作。加入雞蛋元素，很特別。雞翼有兩款，水牛城雞翼是其中之一，一碟4只，$58/4只，送飯就剛好，淨食的話略略咸左少少。講到韓國代表作，又點會冇人蔘雞湯啊，熱辣辣一煲雞湯，的確係真材實料。沒有放味精。很健康又有益。今晚我覺得最好食的，莫過於呢碟自暴自棄速食麵了，好濃好香有帶辣味，非常開胃，非常好吃。

呢間韓燒個店面都幾靚 幾特別同平時韓燒一樣 個鍋都係可以整蛋 佢有芝士同粟米做配料 另外串有幾碟前菜 有大豆芽 茄子 同埋泡菜叫左一碟調味五花腩 一碟只有5件 好薄 煎完出黎肉質非常乾身 口感好鞋！👎🏻 叫左特級雪花牛 一碟有6件 煎完出黎 都仲可以保持肉質嫩滑同埋keep到肉質 不過呢碟牛要$108 只有6片其實真係好貴 因為好細片另外仲叫左呢個江南UFO 其實只係兩塊薄餅 夾著啲炸雞粒再加芝士 都幾難食 侍應送過嚟嘅時候都有提醒我哋要趁熱食 凍左就唔好食 但係熱嘅時候食都係唔好食😅 叫咗一個藍莓味嘅smoothies 唔錯👍🏻

週末又來臨，今次選擇了韓國餐。餐廳裝潢設計用盡心思，像進入了另外一個星球王國，餐廳以圓枱為主，每枱都有抽氣設施，四邊垟身佈滿電視，讓食客可以多角度觀賞。雖然打正旗號是吃韓燒，朋友剛感冒完，他說熱氣，因此，今天我們選擇吃來自廚房出品的熱食。點餐後等待廚房出品時，先品嚐一下餐前小食。酸酸辣辣的，非常開胃。美中不足是沒有韓國傳統的泡菜。達人炒雜菜，用了韓式的制作方法，炒出一碟顏色奪目的健康雜菜，可能因為以泡菜為伴桌的習慣，韓國做法的雜菜也是偏向濃味的。說到韓國餐，怎能錯過人參雞湯，雖然已經是夏天，但在冷氣之下，熱乎乎的一碗人參雞湯的確振奮人心。迎合夏天，不喜歡飲熱湯的朋友，就決定order了一杯冰涼的茘枝梳打特飲，帶來清涼的感覺。

朋友喺首爾啱啱返嚟，佢話要重溫當地嘅味道，所以就陪佢嚟呢度食燒烤肉，呢度嘅環境真係己有首爾嘅感覺，一個個路上面有晒抽氣扇，勾起好多喺韓國嘅回憶。店員會為我地開爐，爐嘅側邊仲擺有粟米同埋蛋漿，就好似係韓國一樣，要熱一陣先有得食。係呢段時間，就食住沙律先，呢味沙律係幾特別，又有肉鬆又有蟹子，食起上黎口感一流又零舍清新。跟住就係烤雞翼，雞翼已經開咗邊，所以食起上嚟好方便，唔會食到成口都係，而雞皮脂肪少，所以就算烤都唔會好油，肉質亂畫，係有質素嘅雞翼。然後就係五花腩，一層層嘅脂肪，真係令我流晒口水，以脂肪將肉汁鎖實，所以咬落去除咗脂肪嘅滑溜口感之外，裏面中充滿肉汁，真係食過返尋味。最後仲有牛肩肉，仲要係韓牛黎架，由於經過調味，所以唔需要多餘嘅醬汁，已經出晒味，至於肉質就彈牙，肉汁喺口裏便不停翻滾，真係食完都覺得唔夠喉。

呢排煲緊韓劇，成日心郁郁想食韓式燒肉，咁啱約咗人入元朗，就去咗呢間好評如潮嘅燒肉店！唔知係咪太早，間店冇乜人，朋友又未到，就周圍望吓，原來啲櫈有英雄聯盟，又有minions，襯返Mr. Iron，好有心思！就連個餐牌都係神盾，一絲不苟！翻開餐牌，原來除咗燒肉，仲有熟食，乜都想試吓，唯有乜都叫啲！傳說中嘅熨斗，用嚟壓住啲肉，可惜今晚英雄無用武之地😅燒肉類叫咗個豬頸肉，肉質新鮮，燒完包菜食一流！另外叫咗碟半熟韓牛，其實可以就咁食，不過我哋都照拎去燒😂由於本人對芝士菜色情有獨鍾，所以熟食類分別叫咗芝士燉飯同芝士炸雞。芝士燉飯以石鍋裝住，要慢慢撈勻啲芝士，收乾水先食！咸咸地配上蔬菜粒嘅燉飯，素食者都啱食！芝士炸雞就即煮啲芝士撈住食，輕易做到拉絲效果！連支七喜都係韓國貨！話自己去咗韓國都得！😂

約左元朗朋友食飯，佢推介一間韓式烤肉店，話保證有驚喜，就比佢帶左黎呢間熨烤達人呢間鋪裝修好有韓國舊式風格，好似去左首爾地道烤肉店咁一坐低見到枱面有個熨斗！一問店員原來係用黎烤肉既時候壓住肉片，令到兩面受熱均勻，從而鎖住肉汁，好貼心未燒之前店員會係鐵板邊倒入蛋漿，等燒到甘上下就可以加埋芝士粟米食喇叫左碟韓國牛肉同玫瑰豬頸肉牛肉已經略略煎過，只需自己再烤多一分鐘就可以食，肉面有油花，睇得出十分新鮮！玫瑰豬頸肉真係擺到成朵玫瑰花甘上枱，一碟都有成8片，十分抵食！芝士薈飯係用石鍋裝住大量芝士同辣汁既薈飯，辣辣地好惹味，食到唔停口最有驚喜既係芝士炸雞，真係好多芝士呀！店方仲好細心地將所有雞件去骨，配埋香香既芝士，好滿足呀！誠意推介元朗朋友試試！

呢排追韓劇，見到啲男女主角燒豬皮燒得咁過癮，搞到我條韓燒癮又發作今日收工放早，所以就入元朗搵間韓燒食下，聽朋友講呢度個燒五花腩食法好特別因為我哋好早就到，加上係平日，所以鋪頭入邊冇咩人，唔駛等位實在太好有啲復古既感覺，尤其係天花同啲抽油煙機ironman樣既鐵板，店員話係用黎壓住舊豬肉燒，好似係受熱會平均啲，咁就唔會燒到其中一邊燶晒但另一邊都仲未熟前菜，最值得一讚既係大豆芽辣得好入味磚頭五花肉＄138估唔到佢個size真係成舊磚頭咁大，一啲都冇誇張！就係咁壓住佢燒大概四分鐘左右就已經可以剪開，再點埋汁用生菜包住食！雖然咁大舊肉，但燒完依然係好多肉汁美中不足嘅冇蒜頭夾埋一齊食調味豬皮 ＄48燒嘅時候卜卜聲，仲以為燒完會係脆卜卜，估唔到會係外面好脆入面有啲煙un醬汁又配合得幾好食特級雪花牛＄108啲雪花靚到呢入口即溶牛肩胛肉＄88雖然冇雪花牛咁多脂肪，但都好重口味，而且燒完都仲有好多肉汁

第二次黎食 今次3個女仔叫左個$480 set都夠食店長話冇哂M9霜降西冷，幫我地轉一口牛粒唔係好滿意但都冇辦法配菜任添，蛋都可以任加，不過每次比d蛋漿都好薄一層蛋仲可以叫佢加芝士本身個蛋冇咩味，我地自己加左d泡菜落去好味好多！店員冇咩點理我地，舊五花腩好大舊但冇人教我地點烤/ 幾時加個熨斗/ 幾時剪 等等如果店員上菜時可以簡單講一講會更好價錢唔算太貴，份量都幾多！味道整體黎講都唔錯，不過我覺得大把餐廳好味過佢😂 佢隔離都有間烤肉下次試下咩味先

好難食，仲要地下有曱甴。啲蛋唔新鮮好似水蛋咁。一啲蛋嘅味道都無🤦🏻‍♀️兩個人唔係食咗好多野，3樣野都成二百幾蚊。牛肉冇牛味，豬肉冇豬味。連最簡單嘅肉味都冇🤦🏻‍♀️沒有更伏，只有最伏。雖然環境都算不錯但係衛生好差，冇可能營業時間都可以見到有曱甴😱😱😱😱所有嘅食物都唔係好新鮮。總之一句到尾好難食，好好好難食，好好好好好難食！！！完全想像唔到啲好評係點樣黎。我驚我食完呢一次，會肚痛。😫😫😫

成日經過都想試, 今天終於可以一嘗心願了……呢間韓燒, 環境抄足韓國果D燒肉店, 店面不會很大, 但都算坐得舒服; 肉類選擇都算多, 雖然係有些貴, 不過, 在香港食呢D又有邊一間平呀, 係咪? 初試啼聲, 不敢叫太多, 叫了一個二人餐, 二人餐要$480, 有幾款不同的肉類, 當中豬腩肉最大塊, 其餘的有豬皮2大塊, 牛粒, 牛肩胛肉, 同M9霜降西冷肉。食韓國菜最好就係有好多前菜, 呢度也不例外, 前菜也有6款, 包括芽菜、茄子、蓮藕、醃酸蘿蔔、粟米同芝士, 可以無限添加的粟米和芝士我地把它加入爐邊的蛋槳內一齊烘熟食, D蛋烘熟後, 好滑, 好好食, 而且可以無限添加呢! 塊腩肉相當大塊, 燒了很久, 但切開食, 份量非常多, 包住生菜及其他前菜一齊食無咁漏, 好食D。燒豬皮, 起初不太曉燒, 而且一燒便有好多油彈出, 不斷發出「啪啪聲」, 好恐怖, 燒第二塊時較好, 放在旁邊慢慢烘熟, 而且不要烘得太乾身, 效果相當好, 食落煙韌, 又沒有油溢味其他三款不同的牛肉都好食, 好有牛味, M9霜降西冷肉D雪花紋好靚, 肥瘦好均衡, 肉質好嫩好滑口; 牛肩胛同牛粒相對會較硬, 但口感

食過呢間幾次喇都係同好姊妹黎食多近千色商場行完街就會過黎食環境舒服 有唔同圖案嘅凳ironman, captain, Spiderman, minion…牆上裝有幾部電視可以睇韓劇MV歌…兩人叫左4款肉款調味五花肉調味豬頸肉牛肩胛肉調味雞翼4隻價錢合理 味道都不錯！有4款前菜提供泡菜、酸蘿蔔、涼拌蓮藕及涼拌茄子酸酸辣辣嘅味道都幾醒胃用嚟做餐前小食都不俗另外最鐘意食爐邊蛋職員倒上蛋漿後再放上芝士同粟米可以再按口味放上泡菜等燒熟後食 味道不錯調味五花肉$68每一邊都燒一燒約3-4分鐘後已燒熟唔洗燒太耐 會令到五花肉燒到好乾身"柴皮"燒好後用剪刀剪開細細件就食得！一咬五花肉喺口腔即刻沾上油香感有口感調味醬汁又夠juicy每人都有2款醬汁 辣汁同醬油唔夠味都可以點上加強五花肉嘅味道用生菜包住五花肉同泡菜一齊食食落無咁油膩同夠fresh！調味豬頸肉$58花形調味豬頸肉彈牙爽口 油脂均勻口感比一般花腩爽脆烤好後即刻食超香 味道濃郁！牛肩胛肉$88食豬肉有d悶可以食呢款牛肩胛肉牛味香濃肉質較為軟腍食落去口感仲好juicy唔洗點醬都好夠味！推介！調味雞翼4隻$48雞翼已一開為二 剪開一半超貼心！亦相對