無肉食 (德興街) (已結業)

難得我老公話想試下，因為我媽講左幾次話無肉食都幾唔錯。這裏不是傳統素食， 好新派，有很多不同類型的沙律， 羽衣甘蘭，藜麥，鷹咀豆，紅菜頭，蘋果沙律，薯仔沙律，仲有其他配菜如粟米，青豆，羅馬生菜等，愛吃沙律的我，食這些都夠了。這裏有一般典型的素食， 如炒雜菜， 蘿蔔糕，芋頭糕，馬蹄糕，荷葉飯，老火湯。。。講都講不完。有些菜我覺得好新式如東坡肉，好美味， pizza, 仲有拔絲蕃薯，真的不錯。這裏加了價， 現在要$130一位成人，小童$110。都吃得棒著肚子。我兩個仔都好喜歡這裡。還有，這裏很多炸野，腐皮卷， 春卷，煎堆，炸薯， 焗南瓜等。。。小孩很喜歡，但很油。。。美中不足之處是甜品比較少， 只有甜橙， 馬豆糕，紅豆糕，渣渣。

朋友約我食午餐，因為就番我工作地方，揀左係佐敦既一間“無肉食”朋友話係聞名已久既無肉食，終於有機會試下😋😂。呢就坐洗鐵定巴士黎都好方便，不過係入左小小，要行入內啲啲。細心搵先搵到。有時係出面見到好多人排隊，所以黎食之前已經卜定位，黎到就有位啦～💲💲入到去先比錢，後入坐。坐好就可以出去拎野食啦～個碟都幾大個，唔好眼闊肚窄拎等太多浪費左啦～野食都好多選擇，有沙律吧，熱食，甜品，糖水，飲料，炸物等等……店員見野食冇乜，都密密加番落去，抵讚👍🏿👍🏿記住食完野要自己清理番呀～餐廳環境幾好，會有啲圖畫作品。都有啲書可以睇。同埋抵讚既係餐廳感覺裝修好簡單舒服，冇"宗教氣息"，(冇宗教，有信仰 )入黎食都得👍🏿👍🏿

二月份農曆新年期間，飯局應酬特別多，三月份要吃番餐素食去平衡多日以來吃肉太多的腸胃。尖沙咀行街後，晚上六時許揀了佐敦德興街的無肉食吃自助晚餐。限時九十分鐘，都足夠吃得很飽了。前菜選擇都算多，其中有沙律、秋癸、小茄子、粟米粒、雲耳、青瓜、凍豆腐等。主食少不了有白飯、白粥、荷葉飯、炒麵、炒河粉。配上各樣清炒蔬菜計有波菜、白菜、菜心、雜菌炒西蘭花棷菜花、節瓜甫、炆冬菇、雜色椒豆卜。油炸物也有多款，有春卷、煎餃子、炸角、炸豆卜，薯仔、番薯、蛋散，拔絲地瓜等。值得推薦要飲的是清熱養顔黃瓜湯。糕點有芋頭糕、紅豆糕、南瓜糕，但是我就首選熱騰騰的馬蹄糕，爽口又不太甜，馬蹄和糕的比例恰到好處。另外糖水喳渣芋頭很粉，味不太甜，是理想的飯後甜品。總括來說，食物選擇足夠，味道入口較淡但亦可口。$110一位，星期五、六日$130

其實我對“食齋”沒有什麼興趣，但因遷就老友工作地點在佐敦，為免他舟車勞頓，所以大家同意在佐敦吃了。剛好在佐敦德興街有間“無肉食”素食館，便去試試。門外明碼實價標明自助午餐68元，晚餐108元，星期一至四的價錢，怪不得當時只時剛過下午6時，但已差不多客滿。店內沒有華麗的裝修，牆上貼上很多小朋友畫的圖畫，枱椅都是簡單的木家具，因盡量將地方利用，所以客人是背對背坐，非常擠迫。客人種類繁多，普通市民，僧侶和外國人都是坐上客。入店先付費，免加一，晚餐第一輪是6至7時45分。素菜是fusion style, 有西有中，沙律冷盤多是西式，如薯仔沙律，蘋果沙律，海珊瑚，紅菜頭，薯絲和雲耳等等。熱菜則多是中式，以炒粉麫飯，青菜，冬菇，雜菜山藥，節瓜環等。炸物則有春卷，金菇，南瓜，蕃薯等。飲品有薑茶，祛濕茶。我首先喝了素湯，清潤可囗，我一連飲了兩碗才選前菜沙律，水準不錯，熱菜可配飯或白粥。我選了蘿蔔糕，意大利粉，冬菇，蔬菜和炸物，只吃了一半的種類，已非常飽了。甜品也有多款，鮮奶撻比美五星酒店水準，另外拔絲蘋果更是打卡之選。我最欣賞是此店的環保要求，客人要自己將碗碟放到收集箱，分類好跟著洗手。這是好好的教育

今曰情人節，突然想食素記得佐敦有間自助素食就黎試下，之前有食過大角咀某間幾好食而呢度無論沙律，熱食，炸物，甜品，生果種類都唔多10種熱食有5種都係菜...蠔油生菜，薑味西蘭花炒耶菜花...薑味清炒茜芹，白灼菜心，白灼油麥菜....10種有8種熱食都只食到薑味...糖水只有咋喳一款，似紅豆沙多d白果粥都算唔錯，起碼無薑味先，因為係乜味都無...算係咁喇完全失望。。。唯一好食既竟然係....馬蹄糕，甜度適中

聽過呢間素店很久，之前要去北角食有點遠現在都未幫襯過，現在在佐敦開了分店所以一試。12:15到達，即刻有位坐，但係12點半開始有人龍排隊。$70的素食lunch buffet，很多選擇，有蘿蔔糕芋頭糕矮瓜豆腐薯仔炸春卷等等，種類很多；每一樣的素食質都中上，很不錯；佢的前菜木耳青瓜有少少麻辣但勁好食；試埋碗湯，超甜，友人飲了4碗。食物上得很快，侍應態度也很好，超值。

本人是素食者，所以是這家無肉食的常客並且時常買外賣，一般是先付款之後用他們設定的一大一小盒子自助裝走。最近本人覺得他們的菜現在越來越行貨，而且每次買自助外賣都是海鮮價，次次都不同價錢，已經盡量少去。昨天傍晚我去買外賣的時候，正在裝外賣小盒時，有一個樓面阿姐用很不禮貌的態度問我是否在裝外賣，很明顯看我用的盒子，我是在自助處理我的外賣，這位阿姐說小盒子是規定要裝液體的 (湯或飲料），我很驚訝地說這個我真的不知道，現在我已裝了炒飯等等，她用很不友善的態度說要補$10的，我就叫他不要煩我，我會去前台補錢。後來我去前台補錢的時候這個樓面阿姐還在吟吟沉沉，好像客人是來白吃的，我問前台的收銀為什麼不通知客人買外賣有他們這種奇奇怪怪的規矩，前台收銀（比較友善）勉強指着一個根本看不到的很細的告示，並且說因為見我是熟客以為我知道。現在我有結論如下⋯⋯1）每次外賣都付海鮮價，那位阿姐怎會預先知道我不是已經付了$10 添加費？或者我已經添加完又再添加了呢？2）區區這$10那位阿姐使唔使用這種不友善態度來對客人呢？何況我是真的不知道他們這種亂加添加費的規矩。3）若果是堂食，餐廳的菜和衛生環境現在亂糟糟的，本來要

訂枱11:30am，一到達先付錢，每人$70，午餐價。接待的非常有禮貌，並告知75mins進食時間。可能有訂枱，所以不用搭枱。菜式不太多，但好食。沙律不太吸引，但味道可以。我比較喜歡熟食，很多款都是原味般。最欣賞烤番薯，又有蒸番薯供應，又甜又軟又熱。煎馬碲糕最好吃，清甜，有馬碲粒，一共吃了4件。因為款式不多，所以即使可以隨時取食物，也好容易每樣一兩件，就已經冷熱食物放左一碟。很欣賞今天的木瓜湯。又熱又甜，又唔口渴，應該冇乜味精。今天最幸運是，用餐時段全是香港人，大家都比較衞生。而且，可能因為便宜，所有冇出現平時在酒店buffet見到搶嘢食的情況。食物+環境+價錢，非常滿意。如果可以有雪糕，感覺就更圓滿。

今次第一次食，星期五1:00都幾多人食，但不用排隊，一定要搭枱。食物中我最愛炸茄子同炸腐皮卷，紅豆沙都幾好食我食左三碗，豆腐和涼菜都ok..............................最麻麻係佢個三種糕，非常不好食，不推薦！！！70元中午食到好飽..........................👍👍👍換菜都算快，如果多點菜式更好......................

第1次食完就愛上，我本身都係食肉獸，見有朋友開始素食又想試下3，當係一餐半餐健康d, 食過lunch同dinner, 野食大致上都要樣，佐敦旺2都食過，都差5多，但要一提係佐敦果間既前台脾氣好好，有次我約3左人地去旺角分店，但我自己去錯佐敦，前台哥哥仔問左好幾次資料都搵5到我就張台，跟住我就開始好燥同發負氣咁同佢講野，佢都保持到禮貌同我溝通，後尾我發現自己去錯之後就勁唔好意思，唸反都覺得如何互換位置我應該ok5到佢咁冷靜xd旺角分台員2都好好禮貌，所以我都成日推介朋友去食，而且感覺自助餐想食咩就夾咩非常自由，食物都好食，清淡煎炸都有，任君選擇

一大班朋友約聚餐，其中一位朋友因為之前受傷入院，所以有好多食物也不可吃要戒口。 有朋友建議去吃齋，就可被免吃到牛蛋海鮮，那些傳統戒口至敏源。 最後選擇佐敦＂無肉食＂，餐廳提供素自助餐，方便大家自由選擇吃什麼。 餐廳用簡約設計，食物也是細細盤擺放在一起。 雖然有時食物好快一轉就被人取完，但refill 速度也算快，所以油炸食物也可保持脆度。 食物種類變化少，好多食物也大同小異，不過以一個唔貴價錢，地點方便又可方便大家聚會，十分ok 啦！

自助餐食得多， 素食為主題的自助餐都是第一次嚐試。難得九龍區有一間，收工即刻和老公去體驗一番。幸好一早訂了位，在晚上已出現人龍了，先在櫃檯付錢（晚市平日$108,星期五及假日$128一位，不收加一，很便宜呢），然後便可以隨意揀野食了。先試一試前菜，個人很喜歡味道小小辣的土豆絲，木耳，青瓜，很開胃呢。還有很多炸物及小食可供選擇如炸春卷燒餃子。熱食方面有很多飽肚的如炒麵炒河荷葉飯，也有很特別的素大腸麵線，冬瓜盅等等。其他熱盤如素關東煮，咕嚕肉，羅漢齋也都很豐富，要走多幾round 才可以試晒佢地。不得不提的是裏邊所有餐具都要自己分類處理的，還有一個掉廚餘的位置，很環保，很欣賞有這樣的設定呢。滿意的晚餐，下次會帶朋友再來。

好早之前係附近搵食已經見到呢間餐廳食素同埋價錢都只係 $68 好似都幾抵但幾次想去都有好多人排隊 終於到星期二的下午 知自己係附近做完野預先book 定位 如果唔係應該又係食唔到 「素食自助餐」真係第一次食入去到首先購票 仲唔洗加一冷盤有 凍豆腐 涼拌雲耳 仲有沙律菜熱食就有好多款唔同的菜 菜心 白菜 翠玉瓜 咩有都 總有一款岩有炒麵又有炒銀針粉炸物都有一個區域當中炸蕃薯 炸茄子都好味 唔會有油膉味得黎 入面都有食物本身的味道 另外佢的老黃瓜湯都好好飲 食左兩round 已經飽哂 但記得臨走前自己執返D餐具同行人都表示唔錯 午餐又多個選擇喇

每週一素，今次終於嚟到呢間人氣素食自助餐店的佐敦分店。網評話呢度空間感好啲，個然冇講錯，枱與枱之間有足夠空位活動，加上平日晚市早段唔算ＦＵＬＬ，全程食得好舒服。一個人被分派到一張大木枱，和其他２名＂獨食者＂各佔一角，可以輕輕鬆鬆安安靜靜咁享受食物凍凍地，先來杯微甜薑茶暖暖腸胃～～食物大部份保留原貌，味道有淡有濃，不能說１００％都好食，但８０％都是味道中上的料理～冬瓜做的東坡肉還原度高達９成，但味道帶點苦味，明顯唔係我杯茶椰菜花做成的咕魯肉醬汁惹味，忍唔住口食咗２大嚿～沙律選擇很多，個人最愛麻辣木耳及麻油海藻甜品方面，斑蘭蒸蛋糕做得較一眾馬豆糕西米糕紅豆糕出色！

個多月前曾光顧「每日」蔬食下午茶自助餐，之後寫了篇食評。本來今日想再去，忽然想起附近德興街有間「無肉食」，於是便去試試。這篇食評，主要是以個人觀點，將兩間素食自助餐店作個比較。1) 價錢：「無肉食」午市$68，而「每日」是$88，下午茶時段（2:30-4:00）則是$68。2) 午市用餐時限：「每日」星期一至五是75分鐘，星期六和日則是90分鐘。但「無肉食」平日原來並沒有時限，星期六日繁忙時間，才限時75分鐘。雖然如此，今日所見，食客也沒有像吃自助餐那樣，由頭食到尾，大部份約吃75分鐘便離去。3) 店內設施：兩間店都以簡約設施為主，坐得頗為舒適，只是客滿時均頗嘈吵。餐具方面，「無肉食」標明一人一套碗碟食具，「每日」則沒有。4) 食物種類：綜合來說都差不多，「無肉食」的熱盆較多，而且食物補充得快，因此保持到食物的熱度，比「每日」好。而「每日」則是沙律前菜、甜品等較多。5) 味道：最重要是這項了！以我個人口味來說，我較喜歡「無肉食」，主要是味道比較穩定，炸物亦不太油膩。「每日」的食物沒錯有賣點，例如紫薯青蘋果球、薑醋蛋等，但兩者的味道只是一般。此外，我上次的食評亦提及，「每日」的食物一是味