火山燒 (已結業)

放假約左幾個朋友去食飯，今次既餐廳－火山燒，是其中一個朋友選擇的，佢話餐廳提供火鍋、刺身、串燒和其他燒物；大家得知之後，一口答應了去！環境方面，餐廳有兩層；而座位也很舒適。職員既服務態度亦不錯啊！刺身：依度既刺身種類亦十分多選擇比食客揀。最討好我的一定是三文魚刺身，三文魚有足夠既厚度，有一啲仲帶有腩位，入口有充滿左魚油既香味。甜蝦SIZE適中，味道帶甜味。螺肉吾會太硬身，不錯啊！帆立貝同樣地鮮甜的。另外，其他刺身也很新鮮，完全沒有腥臭味呢！雞翼：我地Order左好多次，因為真系好好食。經過燒之後，雞翼依然大大隻，味道香口；入面滲出不少肉汁！大家也推介雞翼是燒物既首選！串燒：最常食用既就是雞軟骨、雞腎。雞軟骨不會帶大量既肥膏，燒後既雞軟骨，同樣地香口，食落充滿口感。另外，雞腎粒粒刀好大聲，不會有太重的咸味啊！雛雞（半隻）：估吾到餐廳連雛雞刀會有得食；雛雞充滿左濃郁香草既香味；肉質十分嫩滑，可以說是啖啖肉啊！燒之後既外皮，不會太油；真的不錯啊。札幌蝦燒賣：對於燒賣控既我，對每款既燒賣一樣愛戴；連依度刀有燒賣食真系好驚喜！燒賣帶有少少甜味，食落同樣有口感；大家可以一試！另外，有不同口味既雪糕

呢間餐廳都開咗好一段時間原來有兩層嘅今次就約咗幾個朋友嚟試好似放題咁 都係剔想食嘅野款式都算多同齊 仲有野飲任點主雪糕雪條個啲就可以出去拎除咗串燒其實仲可以shabushabu不過天氣太熱啦 淨係串燒就算（其實自己燒都熱 哈）都係點啲基本野 雞肉大葱、牛肉、金菇牛肉卷個啲我地仲點咗燒蠔同帶子味道幾好 如果再肥美啲就正仲有翠肉玉、冬菇同茄子鍾意食菜嘅朋友唔洗擔心不過我最鍾意都係有雞軟骨棒但係就燒最耐先好食因為要係咁上汁總括嚟講店員都好快手落單冇耐就有人送野食嚟大致上啲野食都新鮮不過係味道就差唔多因為佢都係個幾款醬汁唔算好特別但呢個價錢嚟講可以接受自己燒下都幾過癮唯一係通風差啲 食完好大陣味啊哈哈

坊間有不少以日式爐端燒為題的放題但日式爐端燒加刷刷鍋的放題就真是第一次見是次來到銅鑼灣駱克道459-461號 The L. Square 9樓的火山燒餐廳環境具日本特色 小編特別喜歡牆上這個壁畫每枱都會有一至兩個爐 兩人共享一個爐作日式爐端燒餐廳為題收費為$278/person冷盤涼菜冷盤涼菜其實都有數款選擇少變點了最愛的帶子裙邊沙律及螺肉新鮮刺身刺身種類都不少 而且新鮮特色串燒 海鮮串燒上的肉類都經過悉心調味隨便一燒都已經十分美味蔬菜餐廳選用的蔬菜十分新鮮肉類至於肉類 小編建議 點選用鹽醃製的肉類這樣比較能吃出肉類的鮮味如果略嫌味道太淡 可以自己點上餐廳提供的燒烤醬汁刷刷鍋配料任食雪糕總括而言$278這個價錢已經可以吃到爐端燒及刷刷鍋這個價錢十分相宜 而且性價比高值得一試

突然想食烤肉，韓燒又覺得悶，上網睇吓又嘜好介紹，睇到火山燒勁多好評，無死啦一定好食，上到9樓被人帶咗上10樓完全無人得我同朋友兩個，樓下都唔滿唔知點解要帶我地上樓上，仲暗暗開心咗包場坐得舒服D，點知悪夢嘅開始，食物選擇勁少仲要無味道雖然提供蜜糖豉油醬汁給調味都係無用㗎，全程待應淨係用個背脊對住我地掛住玩電話，我第一次去一間餐廳要寫食評仲要寫劣評”伏伏伏”重要嘅嘢要講三次，可能我嗰日咁唔好彩遇到咁難食，$350一位我可以有更好嘅選擇！

朋友之前誇下海口，贏左波就請我們幾個朋友出去食飯，今晚就實踐諾，帶了我們去銅鑼灣食韓燒。餐廳是任飲任食，不過只有汽水及鴻福堂飲品，沒有啤酒及無糖茶。食物方面除了有基本的燒肉等，還有刺身及火鍋。刺身只有一款魚類，其他全都是貝殼類，款式不多，不過味道不錯，都有鮮甜味。韓燒有多款不同部份的牛肉、豬肉等。海鮮有蠔、魷魚、三文魚骨等；其他還有沙律、蔬菜及雜菌。火鍋有三款湯底包括人參雞湯，配料就比較一般，都係丸類及蔬菜等。

銅鑼灣L Square全棟都是餐廳，中西意韓台樣樣都齊，入到去可以揀啱先上樓，實有一間啱食。今晚去了火山燒，專門食燒韓燒，有刺身，韓肉、海鮮、火鍋，款式甚多，一個價錢幾種享受，不過價錢都不便宜，星期日晚市未計加一都要$298位。飲品款式不多，只有鴻福堂系列及汽水，啤酒全部都要另外收費。刺身方面都是三文魚、象拔蚌、北寄貝等，魚類款式不多，但味道不錯，三文魚鮮甜有油脂甘香。燒肉方面有牛肩肉、牛舌、牛仔骨、金菇肥牛等，全部都是自己燒自己調味，旁邊有些辣醬、蜜糖及海鹽。其他食物還有蔬菜如粟米、番薯仔、雜菌等。

銅鑼灣火山燒出名多元化曰式燒烤及Shabu Shabu仲有刺身小食満足一家大小嘅一餐。一坐低，職員已經為我哋準備好大大本Menu ,仲有濕紙巾，牙籤同芥茉，非常細心。前菜已經有好多種好似枝豆，螺肉，各種沙律同冷麵。刺身選擇仲多達11種😎燒烤雖然要d 時間，但係大家食往前菜同大大片嘅刺身俾你住先。生蠔大大隻，燒完仲好香好鮮甜😋燒蔬菜種類繁多，有甜甜嘅粟米，好似帶子爽身嘅雞髀菇，大大粒香菇，爽口翠玉瓜，鮮甜多汁嘅菠蘿。牛肩肉同牛仔骨新鮮肉質同脂肪分明，一睇就知絕對係靚肉。細心嘅店員見我哋果燒烤爐火好細，佢教我哋燒金菇肥牛先，d 火真係燒得大d 靚d有蜜糖，豉油同辣醬仲有黑胡椒同埋鹽俾你慢慢係燒嘅時候調味。燒玉子同埋燒蒜蓉包係我覺得非常值得推介。燒蒜蓉包，燒魷魚，燒雞腎就燒得多燒玉子真係第一次😎仲有店員推介嘅燒年糕燒雞翼同大葱雞肉串。如果你燒烤食到悶悶哋，你可以即刻order 返個Shabu Shabu 食d 菜濕濕地，消化下再作戰如果你好肚餓，自己又燒唔切，可以order 返隻燒春雞食住先。即叫即燒香脆肉滑。

響銅鑼灣呢度朋友介紹話有一間可以食串燒，又可以火鍋嘅日式放題，價錢都係二百多，點可以錯過？首先刺身有唔少嘅選擇，頗新鮮！最開心有帶子！唔係度度任食都有！帶子裙邊沙津也不錯！肉類嘅串燒食物都好多，豬牛雞羊都有好多選擇！燒爐旁邊仲有唔同嘅醬汁用來燒肉，有辣汁，蜜糖同日式醬汁！個人最喜歡呢度嘅雞翼！牛仔肉都唔錯，好香香草味！最特別係呢度有燒玉子同蒜蓉包，好香脆好吃！燒菠蘿十分之香甜又多汁，我encore左幾次！金菇肥牛卷都好特別，記得要加日式醬汁來燒！燒蠔一般，不太特別，但好大隻！反而旁邊嘅燒帶子幾鮮甜！呢一個糯米雞卷必點！第一次食！外脆又香，入面肉都甜！好特別！推介！其實識完燒物已經好飽，貪得意要買個日式昆布湯邊爐，味道都好，主要以丸類同菜類為主。呢一餐大家都飲飽食醉！真係抵！

第一次係香港食正宗日式磯燒放題，原來除左一d平時比較常見既食材之外，都重有好多日式特式食物架！性價比係高既 !先介紹既係，呢度除咗正宗日式磯燒之外，重有日式刺身供應！當然質素不是頂級，不過當你一入座坐低未有野食，或燒緊野食，又未燒起之時，絕對可以醫下個肚仔架雖然呢度已經有好多款燒物，不過都只係今晚一部分既食物黎架渣！又作為生蠔控既我，呢度既蒜蓉生蠔大大隻且非常新鮮！絕對食得過！一眾既肉類都唔差架，雖然燒既唔係和牛或極級豚肉，不過肉都經過餐廳輕輕的醃製，當燒時又塗上日式濃厚燒汁，味道真係好唔錯架見到啲嘢食嘅新鮮程度都幾高，未燒嚟食都覺得吸引！部分既燒物，例如有魚肉芝士丸，日式自家製餃子！呢個日式自家製餃子真係幾有驚喜，本身以為平平無奇，唔方好味得去邊既佢，原來燒既時候塗上餐廳提供既日式濃厚燒汁，燒完之後，果個口感煙韌又惹味，變得一d都唔平凡，好好味！可見D燒肉搽上餐廳既燒汁之後，顏色好靚，香氣四溢，好吸引架 !其中一個驚喜位係竟然連三文魚鲛餐廳都有提供，且非常新鮮，因為三文魚鲛經燒香後，口感帶有膠質，味道亦都好好，好多人都好喜歡食，重要個價錢都唔平添架其實火喉自己控制下，就係可以自行調教

成班friend gathering 都係食食食，邊爐打到厭，BBQ又太熱。不過好彩「室內燒」都係另一選擇，嘆住冷氣飲汽水，點燒都唔會流汗！呢間日式燒喺銅記相當就腳，點餐有啲似放題，由刺身、火鍋，海鮮水產，前菜、串燒到各式肉類蔬菜任君選擇。刺身選擇眾，甘海老、三文魚、北寄貝、吞拿魚、甜蝦及榮螺等，全部都相當新鮮甜美，特別係三文魚，叫了幾輪都仲係相當肥美！燒肉方面都有好多選擇，因為自己比較鍾意食牛肉，所以偏心地叫咗好多牛嘅款式，牛舌薄片易燒，亦好入味；牛仔骨牛味香濃；牛肉嫩滑，醃得十分出色！另外個人大推呢個免治雞肉棒同大米雞肉棒，前者味道簡直一嗚驚人，以為會係好hea嘅肉串，點知味道好特別！另外嘅大米雞肉棒，大米燒得微焦，配上醬汁味道好吸引！整體而言三百蚊有找就可以任食成晚，真係fd子gathering 唔錯嘅選擇啊！

Happy Friday 想飲2杯又想食串燒，去居酒屋是旦叫幾串已經一定要叫咗＄2-300，朋友介紹呢間餐廳，任食串燒仲有刺身火鍋都係差不多價錢，咁抵冇理由唔試一下。真係好誇張，勁多嘢食，刺身燒烤串燒，連火鍋都係任食，除左酒精飲品全部野飲汽水，全部都係任點。先來一轉刺身，叫咗三文魚，鮑魚片螺片帶子甜蝦海螺北寄貝等，質素真係一啲都唔差，三文魚夠鮮甜，螺片仲好爽口添。一心來食串燒，用佢送酒真係一流，最正有雞肉棒棒，雞肉混合左雞軟骨，出邊居酒屋食兩條已經要幾十蚊，呢度係任食，真係好抵又好味。所有野都係自己燒，配埋有三款醬汁，鍾意幾咸或者幾甜都係自己話事。食肉獸的我又點少得燒牛呢。牛肉燒過後肉質鮮嫩有牛味，不過要小心燒燶，因為牛真係好快熟，燒得過熟就會好un 仲有我至愛多春魚同埋限量三文魚頭、超好味，食足3 round都唔厭。最後燒埋菠蘿同埋食埋雪糕雪條，非常滿足的一餐，飽到試唔到佢個火鍋。講真呢個價錢食到咁多野真係勁抵，絕對值得推介比d friend，唯一缺點係抽風唔夠勁，食完個身會有陣油煙味，否則真係要比100分佢😊

中伏，大伏，睇左like多，好評如潮，就約左班朋友去試下，點知真係一試難忘，如果100蚊一位的話，呢種食品質素可接受，但三百幾蚊位就太差，先唔講刺身唔夠新鮮，壽司豉油唔係正常壽司豉油，燒烤的肉完全没有味，正常燒烤既肉都會事前先調味，我地只能靠醬汁搭夠，真係好淡味，未試過全部人話d野食差，個所謂既蠔根本係賣羊頭掛狗肉，個殻係生蠔殻，個肉係蠔餅果d蠔，仲要唔生鮮，一食即lu 出黎，用成羹蒜蓉放面都臭，室內通風系統極差，好似入左濃煙火場，六個人，一個細烤爐，估唔到呢個價錢，會食到咁既野，咁既環境，真心永遠唔會再去，唯一係職員服務態度尚好。

本人自認非常為食 火山燒呢度就啱我啦 食物種類繁多 有得燒嘢食 打邊爐 無限食刺身 同食甜品 一次過滿足曬我唔同嘅願望火山燒得到2018年必吃燒烤店大獎 等我同大家分享下我今次嘅用餐體驗啦牆上有塗鴉 易有壁畫 感覺時尚又簡約 在這裏用餐完全不侷促先呢個頭盤刺身 雖然刺身冇華麗嘅修飾 但係味道總算不錯 三文魚非常肥美 象拔蚌刺身爽脆鮮甜 款式都幾多 桌上提供足夠嘅調味品 有三種燒烤醬汁選擇 包括蜜糖 辣汁和燒汁 另外仲有七味粉 海鹽和胡椒一定要食呢度嘅肉類 尤其係牛肉 是上等貨色本人最喜歡牛舌 厚厚的牛舌 入口爽而彈海鮮類最推介 生蠔隻隻肥大肉厚多汁 光是我一個人已經吃了十多隻另外呢度仲有提供非常日式化嘅食物 串燒類都是這裏的明星產品 魚棒 雞棒燒菠蘿及燒蒜蓉包旁邊仲可以打邊爐 食蔬菜 蟹棒打邊爐好正 一梳梳的蟹肉 又鮮又甜我哋叫到一枱都係嘢食 睇見已經流曬口水仲諗咩呀快啲嚟啦

今日山長水遠專登過海嚟食火山燒餐廳位於銅鑼灣中心地帶 鄰近地鐵站方便易找 9樓同10樓全層 搭𨋢一出就到晚飯時間都幾旺場位 好彩我有book位大大個u字型卡位 有梳化坐 座位上算闊落 適合大夥兒聚餐這趟專程為了宮崎牛而來的值得稱讚 我哋點幾多就嚟幾多 雖然一個價錢任飲任食 但最好量力而為不要浪費餐桌上已準備好一個燒烤爐 燒烤爐火喉剛剛好 唔會太大火燒到啲嘢燶曬牛肩肉 必食的肉質彈牙 以厚切嘅方式 口感一流燒生蠔蠔肉肥大 上面嘅蒜蓉係靈魂 非常惹味另外仲有好多唔同嘅食物 例如 日式丸類 串燒 應有盡有喺燒烤爐嘅另一旁 就有火鍋爐可以畀我哋十十下 一枱兩食燒烤爐主要燒肉類食品 而另一邊火鍋可以淥菜 一舉兩得餐廳仲有熟食提供 不得不提這道烤雞 超讚的香草味非常香 雞脾燒至金黃焦脆 雞肉依然非常多汁仲有刺身 款式齊全 沒有雪藏味店內仲有提供活海鮮 想食豪啲 畀錢就可以最後食埋甜品 大滿足呀推介呢個香蕉味嘅唧唧冰 香蕉味重 重拾兒時回憶飲品方面除咗一般嘅汽水 仲有支裝嘅健康飲品 但是酒類是要額外付費的

今日約埋班朋友去住在銅鑼灣的表弟家睇波，未夠鐘開波先去醫肚，表弟帶我們去駱克道的火山燒食放題，佢話平時食串燒，每串計比較貴，尼度火山燒係食放題，有刺身、燒烤和火鍋，一個價錢任飲任食，相當抵，尤其是我們人多，個個胃口不同，最適合食放題，那我們就立刻入座，食餐飽再去睇波。火山燒位於樓上舖，估地2層，每檯有抽氣設備，也有三款不同口味的燒烤醬汁！刺身有三文魚、帆立貝、甘海老、墨魚片、八爪魚、北寄貝、榮螺片等，材料都好新鮮，鮮味十足！三文魚厚切，魚油味香，帆立貝切得薄了一點，鮮味但冇口感。味付螺肉、白薑，小食首選。雛雞半隻（廚房代燒）：火喉燒得剛好，好香香草味，皮香雞肉嫩滑，專業廚師製作，的確勝人一籌！雞軟骨、手羽、雞腎、黑豚义燒、札幌蝦燒賣、豚肉棒棒餃，金菇肥牛、雞肉、圓蔥魚餅。多款燒烤食品都醃得好入味！燒生蠔大大隻好新鮮、粟米、牛舌，都燒得夠香。黑豚义燒和手羽夠入味，菠蘿好香甜！最後食返枝雪條做甜品。因為食完剌身同烤肉已飽了，火鍋留返下次先試，整體食物質素都不錯，唯一漏單情況有待改善！