添記法式三文治

營業中

休息中

我去越南都食唔到咁好食嘅法包！外脆內軟嘅法包，4種不同嘅肉，唔鍾意食肥豬肉嘅可以唔要腩肉同豬手，淨要扎肉同嚼肉！佢最正係用糖醋同美極醃嘅紅蘿白，男朋友唔鍾意食紅蘿白都鍾意食！真係好出食！不過呢幾年加左唔少價！不過都值得食！

外賣一個細法包和蒜蓉包整塊蒜蓉包塗滿牛油和蒜蓉, 烤得香脆惹味, 只賣$9屬超值之選細法包上有大量略帶酸味的紅蘿蔔, 跟札肉的配搭很不錯。而法包本身的口感不會太硬, 表面略脆內裏鬆軟假如去佐敦閒逛可以一試這間已開業多年的添記

唔好睇小呢一間睇落去好似好舊嘅法式三文治小店，其實佢喺呢區已經多年屹立不倒，好有名氣 佢位於佐敦渡船街，我記得細細個媽咪成日帶我黎食，好細個小店已經喺度佢主打嘅係越南法包。我細細個已經愛上咗佢嘅蒜蓉包同法包聽聞好似係越南華僑開嘅。 店舖雖小但五臟俱全店內仲會售賣唔同嘅粉麵、醬汁等，有d係來自越南!今日經開呢度附近，已經食完晚飯，其實都飽，但係都忍唔住去買個蒜蓉包食真係冇誇張，我食咗好多唔同嘅蒜蓉包，我始終覺得呢一間係我食過最好食嘅蒜蓉包可能我本身真係好鍾意食蒜蓉包，呢一間嘅蒜蓉包係即叫即焗，焗得好香脆而且蒜蓉同埋牛油嘅配搭份量啱啱好，剛剛焗好熱辣辣，一咬落去卜卜脆蒜蓉香味充滿整個口，好好味而且仲有少少嘅蒜蓉粒即食! 另外亦都買咗細法包聽日食， 由於聽日食，所以通常我都會叫老闆將啲瓜類菜類分開，免得會令到個包變咗。當聽日想食嘅時候先至自己加返落去再提及一次，佢啲法包係特別香脆，而且入面仲有唔同嘅配菜:有越南扎肉、酸瓜、紅蘿蔔條等蔬菜。食落去味道充滿越南風味 其實講係好難形容佢有幾鬆脆好味，真係要買一個試下先至知道 有機會大家真係可以去試下 宜家呢啲小店真係買少見少，值得支持，食落唔止好味

之前經朋友推薦我去食這家‘添記法式三文治’，鐘意食宵夜的老公和我大約十一點半去食，店內好懷舊，睇黎都有返咁上下歷史，見到貼左好多報紙報導出黎，當時咁夜，店內都仲有一個客人在等包，一問之下，大法包已經賣曬只有小法包同最後一個蒜蓉包，會賣曬，可見真係幾熱門，遲少少去都無得你食。Order個時係整叫即整，等左大約5分鐘就拎得。個包仲熱熱的，重點：法包好脆！！！👍🏻之前就算去到法國食既法包都係好硬！石頭咁硬！反而呢個好脆！ 正！ 大加分！D內餡好好食！ 整體黎講好味！食再返轉頭食！不過值得留意係個條街好窄，渣車去既朋友要小心😂😂

有一種起源於法國，但是在越南一帶盛行，最近二十多年傳入香港的長麵包，坊間稱呼這種長麵包叫做「法包」，寓意從法國傳入亞洲流行的長麵包食品。不過我以前一向都不喜歡食法包，因為我嫌法包質感太韌，口感不軟熟。大部分在香港盛行不少，以法國長麵包作為材料製作三文治的法國菜餐廳，我雖然有幫襯過那些有賣法國長麵包三文治食品的法國菜餐廳，但是一向不喜歡食法包，每次享用過程都很辛苦。所以我知道在港鐵「柯士甸」站旁邊的美食區「渡船角」，亦有一檔以法國長麵包作為主要食材，製造出美味「長法國麵包三文治」的越南菜食店，食店的名稱叫做「添記法式三文治」。我第一次來到「添記法式三文治」，看過「添記法式三文治」店舖裡面，所有有關食店的報章雜誌專欄介紹之後，我才知道「添記法式三文治」原來這一段悠長，而且複雜轉折的發展史。原來現在的「添記法式三文治」，都已經易手過一次，「添記法式三文治」最初開張時的店主店員，到現在都已經成為了歷史痕跡，再看現在接手「添記法式三文治」的店主，我不禁慨嘆「十年人事幾番新」。不過「添記法式三文治」店舖內部的裝修跟格調，感覺反而卻是有「十年如一日」，歷久常新的感覺。我總覺得「添記法式三文治」好像從

Been here multiple times and decide it's time to write a review. Ordered the famous bread sub shown on the newspaper review inside the store. The bread is specially baked in the oven for the texture of the sub. There is a waiting time. However, I think for the quality of the food a bit of a wait is okay. The store isn't very appealing and it did put me off at first.The bread is crunchy and the inside of the sub is meaty. It's a perfect balance for me. The store is an old Hong Kong style store. Y

朋友係外國番黎，一直念念不排以前讀書時期食到的法式三文治。前排見到FB介紹呢間添記法式三文治就話一定要去試! 添記法式三文治位於佐敦渡船角，有小小偏僻，係柯士甸站或者九龍站行過去大約10-15分鐘。鋪面都幾細同唔起眼，要小心D留意先唔會MISS左。同老闆ORDER完就企埋一邊等，因為所有法包同蒜蓉包都係ORDER完再入爐翻焗的。原本一入到去只係有幾個人食緊，點知係我地等緊的時候就好多人黎買，企滿晒成間鋪😱，睇黎佢真係幾受歡迎!等左5分鐘左右就有得食，我地叫左一個大法包同一個蒜蓉包。一拎到即刻比滿滿的蒜蓉味吸引住，相都唔記得左影就已經食晒。🤤🤤🤤佢係係一片法包上面鋪上滿滿的蒜蓉然後再焗，外脆內軟，非常好味，喜歡蒜蓉的朋友一定要試!👍🏼👍🏼👍🏼之後就係期待已久的法式三文治喇! ORDER時可以同老闆講要一開幾，我地兩個人食就一開二啦! 一拎上手就見到D餡料滿到就黎滯出黎，一啖咬落去首先食到外脆內軟的法包，然後再食到入面的醃蘿蔔、嚼肉、扎肉、五香腩肉等等。嚼肉同五香腩肉的咸味剛剛好比醃蘿蔔微酸中和番，味道配合剛剛好，食完仲覺得意猶未盡，差D想叫多一份黎食啊! 🤤🤤🤤🤤🤤我真係好好奇究竟點解老

一份又愛又恨的感覺，坐落在舊區的小店，無裝修、食品無多選項、無靚服務生.......只得老闆一個one man band，但以前我就是住在這個舊區，大約三五七天就到此餐廳，吃個輕食小法包，配支樽裝可樂；感覺簡單而美味，法包焗得很”趣”，每次都要趕著吃怕”淋”咗，一口咬下必定包碎橫飛，扎肉胡椒蘿蔔絲配起來很美味.......有人說貴，但有記憶的味道，就是這個價錢，只怕吃過今次之後沒下次了！

一心諗住試下叫咗一客大法包同青檸汁share，因為已經食咗個午餐。一開四的法包打算食兩塊留番兩塊回家才食，咬咗一口外脆內軟，每1口都脆脆，肉有咸香味同胡椒的香味，雖然有肥膏本人最怕，但既然唔油脷，胡羅白絲雖然特制，唔酸亦令人食完唔'留'的感覺，食完一舊，唔夠，食埋原先諗住帶回家的。青檸汁係我所飲過最好味的，有新鲜好香青檸味，亦唔係好酸。食完好滿足。不難明白點解会有人讚。位置雖然唔就腳，離地鈇都一段距離，下次再去左敦都会再食。

它。還在第一次光顧，還是6年前的事小法包售價約廿幾元，隨著時間變遷，物價漸漸高昂，現足足貴了1倍，$38才能叫1份小法包，太誇張吧？！店內仍是當年的原汁原味，人物依舊，只有幾個座位，主力外賣為主。太想念越南的味道，忍不住還是叫了一份小法包以解相思之苦。法包應該是自製的？香脆鬆軟，食落去Chok chok聲，餡料足夠：蘿蔔絲、肥豬肉片、青瓜、鵝肝醬、蕃茄等等，算不上是新鮮，但我堅係喜歡越式鵝肝醬，總是覺得塗上它，什麼也變得好吃！但我忘了在越南食法包時，餡料是暖是冷？好似現在吃下冷冷的餡料，再加上熱烘烘的麵包，感覺似是怪怪的！不過，味道依舊不變，實屬難得。好想再去越南狂食法包呀！

大法包($74).Best Vietnamese sandwiches in Kowloon.呢間係唯一一間我會專登行過嚟買法包嘅鋪頭12點鐘先閂門 所以夜晚嚟都唔驚冇得買😆每次食呢個包都會加小辣其實只係喺入面放多少少新鮮辣椒 我個人認為會好食好多 餡料豐富 有番茄 青瓜 酸紅蘿蔔肉餡包括扎肉 法式嚼肉 五花腩同鹹豬手餡料撈埋一齊好夾 每次都係即叫即整 喺焗爐度焗到脆晒 非常新鮮 香脆可口🤤好多人會覺得一個法包賣咁貴好唔抵食但我覺得呢個包值呢個價 因為食物質素 👍🏻👍🏻👍🏻👍🏻

佐敦這邊一直比人感覺很多車房、吃的都是平價餐廳，今天經過見到門面很懷舊，特登入去睇下食咩，店內有東南亞食材、還有三款食物、全份大法包、半份大法包、蒜蓉包，因為剛剛吃飽，只能小試蒜蓉包，師傅將半邊法包塗上香濃蒜蓉，再放入焗爐焗三至四分鐘，再入袋，法包外脆內軟，蒜蓉咪極濃，食完過左半小時口腔仍有蒜蓉味，真的想試埋全份法包，可惜我不是小林專，下次經過一定要再試。總結：店面只有老闆一人，如果多人時都需要排一段時間，法包新鮮，似自制，值得一試。

最近睇新聞有啲感口嘆，覺得香港嘅地產霸權越嚟越嚴重，樓價高企、地價高昂，令到香港好多商戶小食店都難以經營作為一個麵包控，對於生活上所有嘅麵包都會心心眼無論係港式嘅菠蘿包、中式嘅菜肉包、定係歐美嘅牛角包都唔會放過。呢間喺佐敦渡船街嘅添嘅法式三文治已經有3，40年歷史。佢最出名嘅當然係佢嘅越式法包。其實之前一直好想黎，但係地理位置確實唔係咁方便，佐敦地鐵站行過去最少15分鐘，今日因為工作嘅緣故，我終於有機會一嚐佢最馳名嘅越南法包！門口裝修保留着80年代嘅風格，簡單嘅白底配上紅色嘅招牌，推開門，裏面係綠色嘅牆身裝修，正正係當年最潮流嘅顏色。鋪頭裝修好簡約，唔花巧，兩張細枱俾人可以堂食，餐牌都係手寫嘅。店內仲同住好多報章雜誌介紹，相信都風光一時下晝三點鐘左右，店舖得老闆一個人在場，老闆都50幾歲，好奇問老闆，老闆話佢同佢拍檔輪流經營，有時都會諗過將鋪頭搵接班人，不過依家啲後生又怕辛苦又唔想捱，所以就未搵到。講番正題，今次嚟到呢度除咗食佢最出名嘅越南法包，仲試咗佢嘅蒜蓉包同埋印尼蝦片。越式法包（大）$74唔好以為整一個越式三文治會好快，我哋由落單到攞到上手最少等10分鐘。如果你介意等嘅，咁你就去

呢間 專造越式法包，全部都係即叫即做，保證新鮮! 每次嚟幫襯都見到阿伯很勤力，很專業地經營呢間小店出爐法包真係很鬆脆，配上紅蘿蔔絲及越式 扎肉 ，咸豬手等配料，酸酸甜甜嘅青瓜入口真係回味無窮呢間店舖雖然地方細細，但每次來都喜歡立食，一邊食，一邊見到不同嘅食客，有部分可能是遊客，外國人亦都多見 !可想而知只要專注，用心，就算只得一種款式亦都可以維持一大班擁躉雖然很多大型食肆連鎖店，製作出嚟味道都相當接近，但唯獨就欠了這份人情味伯伯嘅堅毅及專注，真係值得學習，希望香港可以多些容納這些有特色嘅小店!

極無胃口的時間開車去邊好。。。 醒起渡船街多年都沒機會去的添記。因為搵地方坐，焗左一陣都以為會林，但又預左唔介意一咬！仲好鬼脆！又不太硬紅蘿蔔絲微酸，配合越南泰國扎肉豬手 不重味的涵剛好！又無整到濕濕的堅正！$37 未食覺得可接受，食完覺得值！順便買了魚露同越南扎肉，不過未試喔老細張舖頭招牌相，証明'年青"做到而家真係想問下佢幾時影