棕櫚閣西餐廳

營業中

休息中

之前在網上睇到好多人推介呢間酒店中午自助餐，一直都好想試下，終於揾左一日同朋友閒日去食，未夠十二點去到酒店超超多人，好彩book咗位，等咗大約十五分鐘就安排到入座，後來知道原來全場爆滿，出去行咗一個round，真係超多嘢食，有三文魚/蝦都好新鮮，見有新鮮嘅沙律菜雜果沙律，當然唔會放過，哈哈哈！熟食雖然唔係貴價嘢都好多選擇，最後當然唔少得嘅甜品，甜品選擇也不少，以咁嘅價錢食到咁多嘅食物，真係真心值得推介，餐廳座位排得比較迫，希望餐廳可以改善。

九龍維景酒店位處窩打路道，由油蔴地🚉 “D” 出口約行10分鐘就可到達，現在用電子方式支付 (例如：wechat、支付寶、八達通) 都有優惠，自助午餐成人$158，65歲或以上長者$138，小童3-12歲$100。以這個價錢，有新鮮蝦、青口和厚切吞拿魚，兼且凍肉、芝士、沙律菜一應俱全，價性比甚高 👍🏻😘牛扒係由廚師即煎，誠意十足，味道適中不太鹹又唔韌。坊間西餐廳一份牛扒動輒一百元以上，都算超值，加埋滑嘟嘟薯蓉也不錯 😃甜品款式多兼且不停補給，雪糕是仲係 “Dreyers” 添 😚士多啤梨撻係酒店餅店賣$22/件，家人即取兩件一同分享，個個都話👍🏻😋蛋糕亦頗多款式選擇 👏🏻😄餐廳近自助餐桌的枱較擠迫，推介坐右面大堂。總括來說，這間平價自助餐水平不錯，雖然要有心理準備人比較多，但也不妨一試 💁🏼‍♀️

上網見$158/位免加一諗住幾抵所以試吓，午餐12:00-2:30，話有各款刺身、前菜、熟食、甜品及雪糕，12:00入到去好似難民營搶嘢食，全部人聚集食物攞嘢食，食物走廊好迫，有三四款刺身，幾款凍肉，10多款熟食，10多款甜品，但食物Refill 速度勁慢，甚至有部份食物唔Refill，三文魚刺身基本上一點後都冇加過，熟食區1:30之後都冇咩refill，中湯淡如水，即煮區人手嚴重不足，一個廚師要負責麵檔、鐵板檔及甜品檔，有時要等好耐，食物水準一般，有D字頭雪糕及甜筒任食，但Refill 速度也慢，2:00左右去攞雪糕已經冇晒，等咗10分鐘之後先加。價錢真係平嘅，不過冇咩賣點，不如俾多少少錢去搵間好啲食。

今次來到九龍維景酒店食lunch buffet沙律區雜果沙律, 青瓜, 橄欖, 紅腰豆&鷹嘴豆, 番茄蘆筍, 雜菜, 粟米沙律, 醬汁有油醋, 千島汁, 法汁, 芒果咖喱汁海鮮區凍蝦, 青口, 希靈魚, 吞拿魚, 三文魚, 幾款壽司凍肉區Parma ham蜜瓜, 凍切肉腸, 凍雞, 海藻八爪魚, 香草燒牛肉, 煙三文魚, 莎樂美腸芝士片熟食區牛肉(沒有名牌), 香草海鮮多寶魚, 白汁芝士焗薯, 日式麻汁煙鴨胸海龍皇燴海鮮, 長通粉, 日式照燒雞, 香橙骨, 新鮮時菜後期有一碟轉了炸薯角熟食區對面有海鮮周打湯, 朱古力窩夫餅, 羊扒配蜜糖芥末汁, 菜肉包, 白飯, 還有4款餐包生果區哈蜜瓜, 西瓜, 蜜瓜甜品區蛋撻, 涼粉配花奶或雜果, 鮮果撻, cup cake, 芒果拿破崙, 合桃糊甜品櫃有唔同味道慕斯蛋糕, 芝士蛋糕, 提子拿破崙士多啤梨, 抹茶和芒果慕斯杯, 雜果啫喱雪糕Dreyer's雪糕杯, 只有芒果味, 甜筒有抹茶味, 柚子味和朱古力味飲品咖啡, 奶茶, 橙汁, 蘋果汁蔬菜很新鮮, 露筍很好食凍蝦, 蝦肉彈牙青口, 好食三文魚切的很大塊吞拿魚有筋咬不開希靈魚鮮甜好食海藻,

朋友生日，係網上搵餐廳之際見到哩度既自助餐做推廣優惠，食物款式吸引，又有兩個時段比客人選擇，幾好，於是經網上用信用卡比哂錢到了當日，提早到達既我地去錯左旺角維景酒店，果面既門衛叫我地坐車去油麻地行過去，足足行左25分鐘先到，去到見到佢門口圍封了寫住隔離酒店，我地此時心諗唔係甘玩我地吧，又搵唔到裡面既人問，打電話又無人接聽，比哂錢係勁無奈之際，朋友問到旁邊的餅店可以經佢哋門口有條電梯直接上去酒店餐廳，但我始終心裡憂心，覺得酒店電話confirm booking時應該交代一聲通知客人情況及出入口位置的安排。幸好生日的朋友話唔介意，我地上到去，無招待，反正比左錢，我地當然直接入去，入到去見到大部份客人巳經食飽的樣子，而廳面食物提供的位置廚師們巳預備收檔，我再一次心諗唔係甘玩我吧？我book了20：30，我地20：25到達就預備收檔？朋友話唔好理甘多食到幾多就幾多啦，出面既食物款式唔多，有些更被取清無再補充，所以我行左個圈都真係唔知有咩岩食，唯有狂食冷凍吧的海鮮(長腳蟹腳、翡翠螺、扇貝、青口、香草龍蝦仔)，魚生部都仲有些三文魚、希靈魚等魚生刺身可惜我喜歡食既北寄貝同甜蝦刺身就收左我地仲食左些烤

以$200左右價錢來說的食物是超值，就單純享受一下純美食是可以推薦的😌但就不是打卡的地方哦😆餐廳環境雖然有點舊，有點黑暗，地下有點滑，要小心🍴，但食物質素可以，員工服務可以，價錢方面可以；要有心理準備係比較地道風味的餐廳，我去的母親節剛好全場滿座，自助食物係好快俾人拎晒無晒，手快有，餐廳亦都未必會添加。不過，好在有按人頭派的芝士龍蝦🦞同鮑魚，熱辣辣出爐，另有新鮮魚生，雪糕🍦同任飲果汁🧃。

今日一家大細嚟食自助午餐，感覺上非常好大環境舒適，嘢食充足好味，最緊要係性價比高兩大兩細都係516元真係好抵食。地點需要步行，但係對於食飽左跟住再去其他一個點，行下去其實都唔會太大影響。

我同老婆都係1️⃣2️⃣月之⭐️，已經諗好食啲乜，少至一餐係自助🍽，諗起都開心🤗。好景不常，隨著第4️⃣波開始，有啲淆底12月唔成團，但又撻🔥左鋪自助餐癮，所以拿拿聲搵返間，食左先講！咁啱網上見到11月自助餐優惠，九龍維景🏨棕櫚閣只需$299🤨⋯係，你冇睇錯，自助晚餐每位$2️⃣9️⃣9️⃣！咁重伏味本來都唔考慮，但佢介紹到又有🦞又🦀又鵝肝又剩，咁猛料間條，試下啦！🤗我地book左🕗，入面都唔少人，但又坐唔🈵。環境唔高級但唔cheap，有啲舊但可接受。食物唔算多但應有盡有，食材同味道絕對得起原價👍🏻。👨🏻‍🍳們超nice，態度又好又有講有笑，但佢地🕘就收工，亦唔再⛽️野食，所以有啲野食都encore唔到🙈。其實正價食都👌🏻，每位$4️⃣7️⃣6️⃣，而家$2️⃣9️⃣9️⃣真係賺左，但建議大家預早少少，雖然收🕙，但9點後開始收油，唔夠盡興。😅

九龍維景酒店棕櫚閣 龍蝦戀上鵝肝海鮮buffet $338抵食呢間野熟食麻麻，但鐵板燒好正！同一個鐵板用來煎羊架同鵝肝，兩樣都有點羶味，再煎大蝦碌，真係好好食！燒牛邊皮燶燶地都好食！仲有每人一隻香檳汁龍蝦同埋大閘蟹。不過鐵板燒的師傅不停大聲傾計癈up，仲在客人攞完嘢食離開之後批評客人，我覺得好失禮！甜品麻麻地，但熱辣辣的雙皮奶好食，雪糕任食橙汁任飲，坐3粒鐘邊食邊吹水都只係$338（原本預訂$358但尋日有特價）我覺得淨係食以上嘅都已經值，羊架食了6件！其他海鮮都係嗰幾款所以我冇食，熟食選擇不多同味道一般而且不夠熱我不喜歡，甜品冇乜驚喜，布甸好結實似食椰汁糕，怪怪的星期六都坐唔滿，如果突然想搵個地方坐下傾正計平平地食下buffet，中意食羊架的話可以考慮呢間

星期三同媽媽試左九龍維景酒店的lunch buffet 一去到 就直接係取餐區 環顧左一圈海鮮: 蝦 青口(推介)冷盤:三文魚刺身 凍西冷牛扒薄片熱盤: 炸魚手指 口水雞 燒雞扒 。。。仲配有各式各樣的甜品 雪糕方面係dryers 除左雪糕杯 佢仲有甜筒供應以$168 呢個價錢黎講 真係算cp值很高了

呢排疫情漸放，住酒店又平。於是乎又同媽咪去抖下啦😂順便嘆下自助午餐。呢次食又星期日又竟然冇乜人嘩咁真係好正⋯⋯事關好耐冇食，全場大約坐咗6成左右。而今次自助餐好多款式，由魚生刺到沙律，熱盤到即整甜餅，仲有白飯，雪糕，生菓同菓汁茶啡任飲。重點係佢有refill 🤪 同埋刺生堅好食夠凍！重中之重係dryers 雪糕同甜筒係新款仲要任食買單只係$288。好似成人$148、長者有優惠😘會再去！希望佢唔好又轉差！

打電話去問至知已開番自助餐 客人唔多 可能都唔知 原來有優惠會員優惠 $158 連加一超抵食唔係會員 都有其他信用咭優惠熱葷多款式 ~ 好味道 酒店級數蒜味牛仔骨 白汁蘑菇青紅黃椒雞球 豉汁鮮尤 炸薯餅 冬陰功海鮮 白菜仔切件煎豬扒 ……粟米白汁魚塊~ 粟米汁香但魚塊有啲腥味豉油皇炒麵 夠香唔肥膩忌廉湯 鮮茄旦花湯 夠大熱 飲後冇頸渴白飯任裝 法包餐包配牛油 ＆菓占x2款云吞湯虾子味香 但 水餃皮厚少餡料鐵板燒 日日唔同主題 今日好好係羊鞍肉嫩 鮮味 唔騷 爐夠鑊氣面金黃肉粉紅魚生 凍虾 青口 壽司 都鮮沙律凍盤 放埋一齊 少咗幾款 都係多選擇煙三文魚 Parma ham蜜瓜 凍雞莎樂美腸芝士片 凍西冷牛扒片 多款生菜雜鮮菓沙律…… 鮮果 糖水 甜品 疍糕……飲品 蘋果汁橙汁 但 西柚汁較酸澀咖啡機沖杯靚咖啡 完滿結尾Hea食到2:30pm 好滿意滿足嘅1餐

三歲就住在土瓜灣，當年連標誌性紅蘋果大樓都未有，想睇書，一係去九龍城既小童群益會，一係老遠去到窩打老道。而睇得書耐都會悶悶地，對而就係保齡球場，好多時都會走過去睇人打波。時移世易，原址已變成了維景酒店，而相信記得起的朋友不多吧！可能酒店位於旺角邊沿，幾個月來的活動都甚少波及，加上近日的疫情，生意受影響是免不了。有危就有機，逆境中更加要自強不息，就趁近月放鬆了「限聚令」，幾位朋友可以輕輕鬆鬆食餐飯。畢竟是酒店，對衛生有一定要求，客人都吃得安心。近日餐廳推出龍蝦戀上鵝肝海鮮自助晚餐，原價 成人$478 小童$328 長者$408，而優惠淨價 成人$378 小童$268 長者$328特別推介 法式海鮮紅花濃湯其實話法式又真的莫名其妙，但都幾甜同埋都有不少海鮮料，每碗都係熱辣辣煮，感覺良好。酸辣海鮮羹飲落飲酸辣湯，可能要遷就大眾口味，酸辣程度輕盈，玻璃芡埋得算薄，幾好。自助餐其中一個焦點，係每位奉送香檳汁龍蝦一客，體形不算大，但香檳汁帶出了肉質甜美彈牙，吃得出的新鮮。香煎法國鵝肝即煎的鵝肝那有不好吃的道理，外脆內軟而富油香，必食。羊扒及老虎蝦如果不怕羊肉的羶味，不妨試試羊扒；而老虎蝦煎得蝦殼

每次搭車返屋企都會經過嘅一間酒店，相信大家對呢間酒店一定唔會陌生。不過講開香港好抵食嘅自助餐，呢到一定係其中一員。$400鬆啲又有龍蝦又有鵝肝食，相信外邊都唔會有太多自助餐可以做好到。九龍維景酒店出呢個龍蝦戀上鵝肝海鮮自助晚餐，可能你食完未必會超讚好嗰種，但係坦白講以一個相對平嘅價錢，都算可以接受。尤其係屋企人最鍾意呢啲平靚正嘅選擇，就好似屋企人有一班退咗休嘅朋友勁鍾意童軍總會自助餐。當然你話呢啲係好正嘅自助餐就一定唔係，但係一班人食得開心都幾好。睇下有乜好食，朋友話法式海鮮紅花濃湯好飲，呢個相對來講都係幾特別嘅，未飲過呢個味嘅海鮮湯。奉送香檳汁龍蝦一客，呢個絕對係今晚主角，都幾大隻，又幾好肉。香煎法國鵝肝都不錯，愛鵝肝的我如可以吃多舊就好。刺身方面，種類唔可以話係好多，但係質素不錯，又有吞拿魚、蟹籽、三文魚手卷等等。冰鎮海鮮吧有大部份平時見到嘅蟹腳和蝦之類。熟悉種類唔算話好多，有菜有肉有意粉，一定有一款啱你心意。甜品少不了Movenpick雪糕，又係食兩杯都值回票價。而家優惠淨價，成人一位 $398 ，小童$268而長者$338，價錢非常之適合一家人嚟食。

上星期去窩打老道維景酒店試新推出的龍蝦戀上鵝肝海鮮自助晚餐，聽個名都知，又有龍蝦、鵝肝、海鮮樣樣齊，而且仲有法式海鮮紅花濃湯，雖然不是大堆頭，但全是精選美食，都算過得去。 每位一份鮮味十足的「香檳汁龍蝦」。 芝士焗蒸扇貝任你食。 甜品選擇都不少，還有一系列甜品，Mövenpick雪糕及免費冰凍果汁任你享用，總之能滿足不同的朋友。 依家推廣期優惠淨價：成人每位HK$398；小童每位HK$268；長者每位HK$338（免加一服務費），而且酒店在旺角更設有免費穿梭巴士直逹酒店，不過一個鐘一班，要來試試呢個自助餐記住訂位時問清楚時間，記住夾啱時間呀!