日本料理「和亭」 (已結業)

沒想過拉麫可以這麼難吃... 賣相: 賣相不吸引，味道: 拉麵湯不熱，麫是一團黏在一起的，吃了一半，不想浪費，但不冷不熱有點暖但又咸的湯，奇奇怪怪，真的吃不下呢! 小食: 一客炸的雞翼，雞翼的size好迷你... 太甜，而且都不熱，感覺炸完放了很久和亭... 首次光顧但沒想過可以這麽差!!!

下午3點仲未食晏,又鬼咁凍本來想去大X樂食tea.但見到和亭日本料理又令我諗起壽喜燒Sukiyaki,真係啱晒。一坐底唔洗睇都食咩啦個汁真係無得頂丫飲品係任飲以嫁~~~連加一只不過係$41.80 係新城市廣場附近都好難再搵到

今晚去沙田和亭食晚餐，打電話去該店時，話就話冇位啦，但去到等咗45分鐘就有，比想像中快得多。從來我都覺得呢度嘅壽司比一般嘅壽司尊門店好味，所以今次都唔例外，叫咗2客三文魚壽司($88+$28)。清酒煮蜆($38)，冇乜清酒味，純粹過吓口癮，味道普通。蟹肉忌廉球($18)，熱辣辣，一咬落去蟹肉忌廉醬汁流出，好味，但太細件囉！仲有，伴碟嘅菜好唔新鮮添！炸蠔($38/4件)，熱辣辣仲好脆，不過粉醬較厚，食唔多到蠔味，而且，點蠔嘅醬太少，都唔夠點4件。和亭沙律($38)，今次份量真係太少啦！幾細片三文魚+少少生菜、洋蔥絲、1-2粒車厘茄、dd多水牛芝士粒..以往嚟食都唔覺佢大碟，但都唔使縮到咁細碟呱？3個人share到每人2啖咋！牛肉壽喜燒2人份量(大$88+追加烏冬$22)嘩！真係有d嚇親！本身個餐已經冇咩嘢食，仲唔包烏冬，算！於是加咗個所謂大烏冬($22)，嚟到一望，又係咁少？問一問侍應係咪搞錯呀？點知佢話已經係大啦，細嘅烏冬仲會少一半㗎！成個煱有2大碗雜菜，但唔夠新鮮，底部仲有大量黃牙白已經變色。有3樽湯汁，但係用得1 & 3/4 樽就夠哂！d牛肉最離譜，雖然好食但份量係超少！只係要讚佢

午餐食set 免費水吧任飲如果有時間坐都幾吸引因為環境都幾舒服可以慢慢坐飲野至於食品方面叫左個青魚燒定食都係四十蚊有找加$8 三文魚壽司兩件 壽司飯硬及大舊 三文魚冇乜肥脂定食包沙律 菜不夠鮮不夠甜 汁可以面鼓湯幾好飲青魚大條 但有少少鯹食物質素一般但咁平的價錢 不俗了

今日同媽媽去宜家家傢俬打個白鴿轉, 臨走仲傷腦筋食乜好. 假日的新城市廣場, 人來人往. 到達6樓準備轉另一條電梯往下時, 見到和亭有好き焼き, 二話不說就選好了!這間和亭不錯, 地方優靜人流不多, 只是陰陰沉沉, 而且地下有點滑.唔算肚餓, 兩個人點了以下晚餐:- 鐵板燒兩食這個特別的食法是第一次呢根據侍應的從旁指教, 先把鐵板加熱落油, 把牛肉煎好, 起鑊. 可以先吃牛肉, 或取起~之後加入濃湯, 放入菜類如金菇, 冬菇, 豆腐, 娃娃菜等等. 食材新鮮甜美. 份量也不少, 足夠兩人吃.另加烏冬, 大概是一包份量, 連同雞蛋攪拌, 加入已煎好的牛肉, 又成了第2道菜湯烏冬!雞蛋包了兩大隻, 都是新鮮乾淨. 如加雞蛋連同烏冬是$12/ 份.牛肉是半肥瘦偏瘦, 加湯可以隨時找侍應幫忙. 因為食客不多, 都好快手! 炸雞塊這道菜幾乎稱之為日本料理店的都有售.雞件約6粒大小不一, 配上檸檬汁, 就是少了沙律醬, 有點失色.炸粉太多且硬, 不夠鬆化. 但整體不油, 可以接受. 和亭三文魚沙律份量過少, 不合理!用生菜伴底, 有三文魚, 洋蔥絲, 車厘茄, 配了酸醋, 幾醒胃.三文魚約5~6片

第一次行中央廣場，行到累搵野食，成個商場得大快活同和亭，咁岩又未食過所以揀左和亭。入去唔使等位可能因為平日夜晚睇餐牌見到啲價錢好經濟，但就估唔到原來啲份量咁少我地3個人食，叫左:豬柳咖哩飯 ----> 豬柳好似翻炸完咁，咖哩汁應該得一匙咁多，本來打算問佢拎多少少咖哩汁食落無咁dry，點知原來咁都要加錢蕎麥屋風咖哩烏冬 ----> 夠熱牛肉烏冬 ----> 好似放左好耐先拎出黎蝦天婦 ----> 3條"哈毛"仔，硬得黎都算有啲蝦未既，但係天婦羅汁應該係雪櫃拎出黎，凍到爆啲烏冬黎到我同朋友都o左咀，因為我地終於知道價錢咁抵係因為佢既份量係隻碗既一半…都算，食物既味道認真麻麻都算，蝦天婦羅，正常會有天婦羅汁一齊上，但係佢個汁等左10分鐘都未到，啲蝦都變硬變凍仲好食咩，係要催幾次先有汁到加上店員既態度………唉我相信 今次係我第一次亦係最後一次食和亭!!

三個人shopping完就搵食因為行得太累見到和亭就拎位等左成30mins先有位我地三個人order左個二人餐諗住唔夠再叫點知就食唔晒枝豆媽咪第一次食話好好味但我覺得如果可以咸少少仲好因為係完全白拾但我之前食過係有少少咸咁就仲好味雖然擺得唔係好靚但都算新鮮不過一粒帶子開三片有個部隊鍋個豆腐好滑湯底好濃牛油帶子呢個好好味香濃牛油味帶子好嫩口每人都有成3粒食如果呢個飯用石頭鍋上會好好多碗上就平凡左d但好彩d牛都唔un呢個雞肉簡直咩味都無no good好欣賞佢個賣相同張相幾乎一樣好靚壽司飯都幾好sushimi都新鮮

原本去沙田市中心搵食，晚上6:30去到都已經人頭湧湧....所以行去中央廣場試吓搵位，可能時間都尚早；等了約10分鐘，終於有得入去。見到餐牌有 "和民700店特別優惠"，即刻叫了個 "和亭2人餐"； 套餐叫了以下菜式 :三款前菜 : (1) 和亭沙津 (生菜、粟米、蟹柳、有少少雞肉，味道幾好，賣相唔錯)(2) 刺身盛合 (4隻甜蝦、幾片帶子、幾片三文魚 : 一般水準，甜蝦味道幾解甜；令人回味)(3) 清酒煮蜆 (沒有沙，味道幾好；一客大約有20隻)一品料理 :滑蛋豬扒鍋 (幾好味道，肉質都幾滑；滑蛋如果稍為淡少少則更佳)主食:海鮮石頭鍋飯 (幾好味，有蝦、蟹柳、份量不太多，2人份量則剛好，唔會太大碗)鍋物:海鮮相撲手火鍋 (個湯底幾正，特別係火鍋內的蜆肉非常鮮甜。最鍾愛係滑不溜手的豆腐，蔬菜及金菇吸收了湯底的精華；增加不少鮮味。但其中有三文角取入湯內煮熟後，略帶一點醒味。)飲品/甜品:選了一杯青柑桔可樂(味道似青檸梳打)和一個朱古力雪糕(朱古力味幾香濃)價錢合理 (原價$302，依家有8折: 即係$241+10%， 如果有AEON咭，可以有7折)，食品質素都唔錯。食完好滿足咁行出餐廳

今晚又相約T小姐晚飯，地點再一次選在沙田區，吃兩人都喜歡的日本菜。其實我頗害怕晚市時間新城市廣場的等位情況，所以遂提議到人流相對較少的新城市中央廣場，去吃和民集團旗下的和亭日本料理。六時四十五分到達，餐廳六成滿左右，大約七時就全餐廳滿座了。野菜天婦羅盛合 $26野菜有南瓜、冬菇、青椒、茄子、蕃薯等，天婦羅炸得香口，不算油膩，野菜清甜可口，不錯。鮭魚盛合 $79有刺身、壽司、軍艦及灸燒壽司，清一色的三文魚盛合，三文魚件件肥美，正合喜歡三文魚的T小姐心意~豪華海鮮壽司飯 $139刺身質素普普通通，但尚算新鮮，種類多：有三文魚、吞拿魚、魷魚、鰻魚、帶子、北寄貝、牡丹蝦、三文魚籽及海膽，每種一至兩件，味道OK。

要響沙田新城市食晚餐, 無論平日或假日, 都好多人。和民尤其誇張, 6點去到都要等上一粒鐘以上, 唔通要5點去食晚餐?決定放棄和民, 現在每次想食日式和食, 都走多幾步去沙田中央廣場嘅和亭, 這處比較少人。當然食物種類無和民多, 但大路的都有, 價錢亦比和民平。就算要等位, 出面都有幾張大sofa坐。講下是晚食物先:1) 海鮮拉面沙律: 呢個又清新又飽肚(因為有冷面), 可以當主菜2) 網燒雞翼: 每次嚟都叫, 細細隻, D肉好嫩 3) 什綿刺身飯: 呢道D剌身非常新鮮, 所以刺身or壽司都ok 4) 牛肉拉面: 正常嘢, 個湯底唔會太濃 5) 炸雞軟骨: 呢個就麻麻地, 較油 6) 粟米粒薯仔: 啱哂小朋友, 都幾香 7) 煎魚餅: 呢款就奇怪D, 質地淋淋地而又無味 仲有好多套餐好平ga...

午餐與友人來到此店試試，每人各自叫了一個飯或拉面，我叫了一個和亭拉面，好像是招牌的拉面湯底也不錯啊，日式叉燒也有一定的份量，肉質也新鮮的，面也彈牙，以四十元左右吃一碗這樣質素的拉面，也算是相當不錯了，有的茶餐廳不以日式菜聞名，還敢將拉面定至接近四十大元，倒不如來這店吃，質素有一定保証！

一口氣連續寫了幾篇食評, 用這一篇作結。去沙田逛IKEA除了在它的餐廳吃飯, 其實和亭也是不錯的選擇, 其實自己不太喜歡開的泛濫的日式餐廳, 不過對和亭還是挺有好感, 因為味道和價錢相宜, 至少我去過和民出來後有種被當水魚的感覺在這裡是沒有的。點了個二人餐, 食物份量剛好, 選擇亦不少, 味道是不錯的, 值得一試。

用和民visa booked 位....唔駛等...呢間和亭耐唔使都會去...算係幾抵食..今次叫咗一個唔駛兩舊水既套餐同一d散叫...清酒煮蜆, 味道幾好, 但我覺得差....因為有沙...散叫壽司, 普普通通追加烏冬, 好味牛肉窩, 我每次都食, 不過d牛其實有d太肥...但個汁好好.炸雞軟骨, 一般啦麻漿冷麵, 唔得, 又乾又稔, 又無乜味....差燒靖魚, 好味, 又香又脆又有汁,good. 咁既價錢, 都算抵.最重要星期六沙田市中心, 唔駛等又ok, 無乜得揀....

逛完宜家傢私後，本身想在宜家傢私裏食ＴＥＡ但內裏的人真的太多了，沒有位子又不想等。所以便到了和亭吃，因見其的選擇幾多，而開了一段時間都未試過。看到其他人吃石頭窩飯很香，所以便點了泡菜牛肉石頭窩飯。而媽媽點了一個壽司餐，５件壽司加小食和烏冬／蕎麥麵。小食要了炸豬扒，因蕎麥麵是凍的，所以要了烏冬。泡菜牛肉石頭窩飯：很香，但攪拌時候發覺石窩燒得不夠熱。因生雞蛋和飯混合後，飯變得很濕，石窩不夠熱令飯變得乾身。而且一點飯焦也沒有。很普通。。。炸豬扒：外皮有點厚和很油，但很脆。但肉質有鞋，而且沒什麼味。其他因沒有吃不知味道如何，但媽媽說壽司普普通通。去食時店子沒什麼人，但不知為何叫侍應下單／埋單都是沒有人理。。。

晚飯都幾多人,7點出面已經好多人等位滑蛋好食,有好多洋蔥不喜歡食洋蔥者可在落單時走洋蔥豆腐好滑魚生好簿,比較瘦弱醋飯有點過酸牛油都幾入味不過可能夜市比較忙,人手有少少唔夠,有D野食黎得比較慢