新記芝士麵 (已結業)

「新記」想當年都叫出名～我地超耐冇食過喇～寫一寫食評～嘩！劣評同正評～半斤八両🤣其實再食就知一啲都唔出奇～當日去到「新記」服務態度奇差😯唔知以為係爭佢地野～眼見隔離枱既有小朋友～賣單離去之後侍應無視在場其他食客～不停用粗口話個小朋友～🤦🏼‍♀️坐位自己揾～枱面勁污糟...勁多辣油污跡，感覺非常差....叫左最出名既豬頸肉芝士撈公仔麵，上枱只是微暖，唔知麵係咪碌定既...更偏硬，芝士汁同以前差不多，一個女仔食會比較膩。豬頸肉唔錯，薄薄的一片片。

當日原本打算前往星座冰室，但發現星期日無開，於是便試試呢間出名既芝士撈麵。老實講因為係舊鋪頭，環境同衛生真係麻麻。而待應服務態度亦一般，有點唔休做既感覺雞排雞翼芝士撈丁$60 - 雞翼真係出色，炸得好香脆。芝士汁係好多，但唔係特別香，而個人本身亦唔係芝士迷，所以無咩太大感覺。價錢嚟講真係貴，星期六日飲品仲要正價，一個麵加杯野成八十蚊，真係未必會再返嚟食。

最近很多報導說香檳大廈會清拆，而報導內總搭單提起芝士撈和蕃茄蛋麵。我愛芝士，今天來買雞亦芝士撈外賣。50元是有點貴的，雞亦三隻，肉質滑，但沒什麼味。芝士汁，略嫌不夠濃，感覺像白汁加芝士，不像報導所說是幾款芝士混搭而成。一試無妨。。。但不會專誠再來。

難得收早同朋友去tst食飯，特登搵下啲出名既餐廳一齊食🤭見到呢間新記都幾多人食，好耐冇食過呢啲地踎野～都幾期待下架！位置都算易搵，不過環境好似唔多衛生咁，而且坐出面會聞到些小垃圾味😂就算係咁，個日都幾多遊客去食喎！👉🏿✨豬頸肉芝士撈麵 Hkd 50 💸📌呢個好似係必食！豬頸肉大塊又爽口，而且好惹味，食落幾彈牙！真係幾好食喎！有陣炭燒過既味道，唔怪得咁多人讚😆但係個芝士撈麵就普普通通，芝士都多既！不過一個人食晒成碗會膩，最好同朋友兩份食🥰👉🏿✨泰汁雞扒飯 Hkd 48 💸📌呢個飯等同於泰式辣醬加炸雞😂醬汁酸甜帶微辣，撈勻啲飯食好開胃，雞扒煎得夠香，肉質嫩滑，由其係啲雞皮！yumyun🤭👉🏿✨蜜汁龍鬚 Hkd 53 💸📌佢啲蜜汁好似同蜜糖黎調配，甜得黎又係會令人食上癮咁！啲龍鬚每條都充滿住蜜汁，唔會話好難咬開，抵佢咁出名！😕不過唔知呢啲小店係咪唔休做/專做遊客生意，真係唔好期望佢會有好既服務質素，態度差到一個點，仲會啤住啲客，個下真心就算幾好食，服務都可以俾負分了！食野唔係受氣的，大家想食要有心理準備喔～

「豬頸肉芝士撈公仔面」豬頸肉很嫩，有點甜甜的。整碗麵條上鋪滿了芝士，要趁熱吃，特別香。我說的香是芝士的香。 「終極芝士面」除了豬頸肉還有流心蛋、紅腸。紅腸不是我們哈爾濱這種紅腸，但也挺好吃的。如果想多嘗幾樣，就點這個。 「蜜汁魷魚須」這個可太好吃了！我平常不吃魷魚的，這個味道濃郁，甜口比較重，不愛吃甜的不建議點了。

我係一個芝士人，我好中宜食有關芝士既所有食物。好多人都會好推介附近既星X冰室，但我個人記覺得新記好食好多啊！咁多年裝修都差唔多，都係好多黃晒既明星相，呢到仲有隻猫仔！勁可愛～其實呢到既野食既價錢真係唔算平，我以前食過呢到既瑞士汁雞翼同蜜汁魷魚，都okay嫁，不過真係太貴啦我覺得，都係唔係太捨得成日食。【芝士豬頸肉撈丁】$50 （轉丁＋$5）呢個味道係從小食到宜家都無變過。出面好多地方整既芝士汁都怪怪地，一係就太稀，一係就唔夠芝士果種鹹香，呢到芝士汁既分量岩岩好撈到成個麵，唔會太多太少，而且佢份鹹香夾埋豬頸肉面層少少既甜味，味道 good呀！不過如果豬頸肉可以再燒得再焦香道更好。另外我都好欣賞呢到既出前一丁係煮得比較硬身，同撈丁配合得好好。【新記炒飯】$54因為男朋友麻麻地芝士，所以第一次食呢個新記炒飯，試新野！比想像中好喎！炒得都夠乾身，而且都幾香，都有獲氣嫁！d料好足，佢用好多唔同既料炒埋，唔知點解有種屋企味道，又幾正喎衰鬼～總結，兩個人total埋單$121，話貴唔貴，話平唔平，抵唔抵食真係見人見智啦，不過我都可以話，香港大部份既芝士撈丁，都唔夠佢好食呀。

第一次入香檳大廈，入面真係要用少少時間先搵到間餐聽。間野出名係芝士撈丁，咁我當然係要去食撈丁啦。首先利申一下，我食得好重口味平時食意粉都加勁多芝士粉。所以我既食評比返d重口味既朋友仔會比較適合睇。雖然間店開係尖沙咀，但係個人覺得價錢會比較貴。我咁大食，梗係點個終極芝士面啦，入面有紅腸、豬頸肉同埋雞蛋🥚。豬頸肉都好味，咁紅腸唔會難食啦，點整都係戈d味，但係出事位就係d芝士到😱，得個香字，真係無咩芝士味。同埋唔知關唔關事，我7點食完返到屋企又痾又嘔。唔知有無其他朋友仔試過？總結，如果大家中意食芝士而又食得重口味，可以唔洗去食。相返但中意淡淡芝士味就可以去試下。

今日同女朋友係尖沙咀睇完戲，離晚飯時間仲有一段距離，立即入apps搵下有咩覓食好地方。無意中發現左呢間餐廳！身為芝士控既我地，二話不說立即黎食。商鋪係美麗華商場附近，不客易找到，要穿過很多賣錶賣相機配件的鋪頭先搵到。店鋪其貌不揚，係傳統既港式茶餐廳，很好，我地黎食既係食物，入店鋪已經聞到芳香既芝士味。我叫左一個芝士豬扒出前一丁，女朋友就芝士豬頸肉。不得不讚呢到既芝士！非常濃郁！之前食過好幾間都係一般般，芝士會溝到好稀。但呢到既芝士「杰塌塌」。身為芝士控既我地真係投晒降，好快就食晒，之後追加左份芝士丸，不過呢樣就比較失色，可能因為本身啲芝士麵既芝士味好濃。掛住食，唔記得左影相，但睇返鋪頭裝潢，原來好多名人都黎過打卡，所以各位放心黎一試吧。喜歡芝士既你絕對唔會失望！誠意推介俾大家！

尖沙咀一向俾人嘅感覺都係人流多多，充斥住一間間頗貴嘅連鎖餐廳，今次就走入尖咀舊式大廈尋找間幾出名但又隱世嘅茶記—食撈丁🤩.豬頸肉芝士撈丁🧀 $55豬頸肉🥩豬頸肉吼得幾惹味同埋鬆脆，厚薄適中肉質咬落幾多嚼勁，麵條唔算好乾，食落口亦唔會好膩，可惜芝士汁🧀同埋出前一丁🍜嘅份量都比較少，如果餓嘅話就需要加底（+$16）價錢上算係偏貴🤔整體評分：6.5/10.蜜汁龍鬚🦑 $50蜜糖醬汁食落有非常濃嘅芝麻味，食得出係一啲炒香左嘅白芝麻灑係瑞士汁同甜醬上面😋魷魚🦑味道有啲淡同埋過韌，大概係因為煮嘅時間太耐所致，食完比較上覺得係蜜汁打救成碟龍鬚🧐整體評分：6.5/10.新記餐廳 (尖沙咀)尖沙咀金巴利道16-20號香檳大廈地下13-14號舖.

大愛芝士嘅我見到芝士點可以唔食，不過對公仔麵一般般嘅我其實都掙扎左一段時間，但係經過望一望menu，原來佢又唔係淨得公仔麵，仲有其他可以揀㗎。見到有蝦子麵，呢個選擇覺得幾有趣，於是今次就揀咗蝦子麵嚕~~~豬頸肉芝士撈蝦子麵 (轉蝦子麵+$5)上餐時間唔算快， 一上到枱就即刻襯熱將啲芝士撈暈佢 ，佢喺比較傑身嘅芝士，唔會好似平時出面食嗰啲芝士撈麵咁偏水，食到最後可以全部食晒，正呀豬頸肉因為有醃製過，所以其實佢同芝士味夾唔到，食落口都係食到豬頸肉原本嘅醃味，蝦子麵就同芝士味撈得幾勻循，每一啖都有濃濃嘅芝士味唔好睇佢好似好細碗甘，其實都幾滯幾飽，味道雖然唔錯，但價錢就偏貴左啲。

之前食左幾次豬頸肉，今次叫左雞翼雞扒芝士撈面，兩隻翼一塊細雞扒完全俾啲芝士汁蓋住，啲野仲出緊煙，芝士汁保持水準，好濃好杰身，食落好香，掛面剛剛好呀，個雞扒炸到乾身，但肉質好滑，仲有啲甜味，完全係我杯茶，雞翼都隻到外層好脆，但肉層乾少少，可能因為細隻無咩油份，但同樣好味，估唔到好食過豬頸肉呀。但美中不足係個面有米粉夾雜住，以為得一兩條，但面底下有十仲幾條，有點影響質感，而且$58一個面相對比較貴，所以間中食下就好啦，食完勁飽。

記得上一次食新記芝士麵是七年前當時叫了雞扒芝士公仔麵，覺得普通到不得了，而且一向對芝士公仔麵沒有十分喜好，但身邊的男人卻十分喜歡芝士公仔麵，尤其是新記🤷🏻‍♀️今次終於再吃一次，當然是叫他招牌的豬頸肉芝士公仔麵，百物騰貴，連公仔麵都可以售價$50一碗😳當年的男朋友今日老公叫的是超級芝士公仔麵，售價$60😔除了豬頸肉，還多了幾片紅腸，和一隻半熟太陽蛋，可能很久沒有吃紅腸，覺得紅腸挺不錯整體來說:芝士汁有芝士味，但不夠香濃，但吃得出不少於一款芝士，可以多點芝士汁豬頸肉份量ok，幾大片亦厚身另外還叫了瑞士雞翼，熱辣辣，瑞士汁味可以再濃d，但雞肉尚算嫩滑，整體好吃，$56@5隻🤪雖然在尖沙咀地段，但$50一碗公仔麵，仍然不值

I got their signature tender pork poached cheese noodles. And what could possibly go wrong with instant noodles mixed in melty gooey cheese topped with charcoaled grilled pork. The cheese was milky and flavorful, pork neck was the perfect combination of fatty and lean with a hint of charcoal taste topped. What a fatty yummy guilty pleasure meal!

芝士我真系超级爱！呢间嘅芝士捞面nnnn食！为佢疯狂打Call！！好多星都举荐过正小吃店，店里仲有合照呀签名之类滴👅点咗个芝士猪颈肉捞面，真系食啦……起菜速好快哈哈哈，猪颈肉畀咗好多蚊，觉得好有特色应该系佢哋嘅独市腌制过嘅。芝士捞面真系特别食唔耨，真系你哋快D去试吓！瑞士汁鸡翼酱汁浓杰好香好味

之前食過星座冰室嘅芝士蕃茄撈丁 今次就同朋友試埋新記嘅芝士撈丁因為我太喜歡食蛋 就叫咗個煎雙蛋芝士撈麵食 上碟見佢嘅芝士量豐富 不過麵嘅份量就偏少 對女性嚟講都覺得唔算飽 煎蛋不錯 唔會煎得太熟 佢嘅撈麵係偏乾身 芝士味幾濃 配合麵嚟食係一種享受😋 不過感覺上佢嘅芝士味唔算十分特別 性價比嚟講四十蚊尾食一碗煎雙蛋撈麵唔太高 而且午飯時間唔包飲品 潮拜過一次就夠