新澳咖啡餐室 (九龍灣工業中心) (已結業)

今日食早餐時，呢間突然天花灰水剝落，就係隔離座位天花水灑到一地都係，d水噴到我...個一下一𡚒𡚒白色濕淋淋跌落，嚇親！即同職員講，幾個樓面姐姐笑了笑...完全唔理，唔好阻佢食飯。我唔為難你打工仔，我問老闆係唔係到，真係差d中頭獎...無人理會，只問一句“洗唔洗換位？” 唔好意思都無...比錢時收銀後生仔先一句唔好意思。我唔嘈嘈閉，但點解正常待客反應都無，比紙巾都要3催4請，唔講就無人知，知左都唔理...咩道理？嘈又嘈，唔嘈就連一句道歉都無，不如下次你試下

招牌炒滑蛋配牛角酥拼香煎豬扒公仔麵（$50)賣相：🐧🐧味道：🐧🐧🐧🐧牛角酥跟炒滑蛋同放在一膠盒內，令牛角酥沾上蛋漿變冧影響口感。炒蛋有2隻蛋份量，牛角酥亦有一隻手掌大小，頗為抵食。豬扒公仔麵並未分湯，送到時大部分湯水已被公仔麵吸收。豬扒尺寸頗大，面積佔大半個碗，感覺抵食。味道方面，炒蛋頗為嫩滑，蛋味足，濕潤易入口。牛角包外脆內軟，鬆軟有層次感不會太過空心，可惜部分沾上蛋汁影響口感。豬扒厚實但不會過韌，入味鹹度剛剛好，十分不錯。公仔麵由於吸收過量湯水，發脹變冧口感欠佳。奶茶（跟餐）賣相：🐧🐧🐧味道：🐧🐧奶茶以普通外賣紙杯裝載，色水普通無特別。味道方面，茶味一般不算濃厚，有茶香味，淡奶味偏少，茶質略嫌澀身欠順滑。外送等候時間：🐧🐧🐧在平日上午點餐，約需時35分鐘送達，與預計時間相約。🐧❤️結語：外賣包裝方式拖累了食物質素，十分可惜，建議可試堂食。

在家叫戶戶送，諗住外賣應該冇咁好食。點知一食有喜感🥰水煮牛足料好味😋唔係死辣有麻感，食咗一啖停唔到👍🏼👍🏼另外叫個魚香茄子飯，個囡仲瞓緊覺，唔知好唔好食，目測都足料🙂普通價錢有驚喜戶戶送外賣送在家$159水煮牛套餐、凍央、魚香茄子套餐、熱奶茶

新澳咖啡餐室位置方便，Lunch經常好多人排隊食，店內地方乾淨寬落，朝早夠時間坐低嘆返個醒晨早餐火腿仿鮑魚通粉、煎雙蛋配丹麥牛油酥多士，凍0茶，水吧出單非常快手,order 後5分鐘已經有得食，食物味道同茶都吾錯，港式茶餐廳風味。

我早上開工前經常去這間餐廳食早餐，食到中段想拿張紙巾用下，餐廳職員話我地餐廳沒紙巾，打得開門做生意，唔係一張紙巾都唔比這，我以後不會再幫襯，從前去食，服務和食物質素可以

XO醬滑蛋蔥花飯💰62🔸XO醬微辣，有蝦米，鹹魚仔，聞落好香，食落好惹味。份量好大一碟，女仔一定食唔晒，蛋味香濃，蛋的份量頗多，炒得好滑身。叉燒瘦得來好食，配上秘製的豉油，豉油明顯經過調製，不會偏鹹，仲有少少甜味。‼️食飯時間很多人排隊‼️座位很窄，要和其他人搭臺

今晚得自己吃，決定叫新澳外賣，睇咗半個鐘都未揀到食咩😅（ 因太多選擇了）最後點了菜遠牛河和凍朱古力。不得不讃，送到嚟嘅食物仲熱辣辣、香噴噴，賣相又靚👍🏻 味道又好味，真係無得輸👍🏻👍🏻👍🏻

食物普通, 早餐件多士凍既… 都算… 早餐時間目測得一位樓面落單, 但都算快手既, 不過收銀個位呀姐態度就真係有待改善, 好聲好氣同佢講樓面無畀單, 佢埋怨個客自己唔問, 話畀佢知指埋畀佢睇坐邊, 又話個客自己唔記住個檯號, 要自己行番出去揾樓面拎番張單, 唔知以為兩間公司🙄真係顧客永遠是錯的😂😂

星期日在九龍灣工業中心附近， 很多餐廳都沒有開， 經過新澳咖啡餐室， 入去一試。 餐廳裏很多人，好似返工時間一樣。下午茶有忌廉粟米肉粒飯、 鮮茄豬扒焗飯、 凍奶茶＆茶走。忌廉粟米肉粒飯清清地， 肉粒有肉味👍🏻唔會口感死實。 鮮茄豬扒焗飯即叫即焗， 雖然等得比較耐，但幾好味， 豬扒大塊厚切。 凍奶茶和茶走茶味香濃，好飲！這個下午茶的份量都很多， 平靚正☺️！​ ​ ​新澳咖啡餐室 (九龍灣工業中心)地址: 九龍灣宏開道15號九龍灣工業中心地下3號舖

黎到九龍灣食個下午茶😆嗌左個邪惡西多士😈估唔到三十幾蚊有4大件😝兩塊厚切麵包中間夾左花生醬外面炸得金黄 但唔會過火😊食落外脆內軟 但有少少油膉味😥食完都唔駛食晚餐啦！

嘢食ok 嘅，但係啲員工態度極差囉。 去食嘢好似去愛氣咁，俾錢我都唔再去！打電話去叫個外賣，語氣差到不得了。去到堂食，啲阿姐想叫佢拎少少嘢，啲臉口衰到！唔知以為佢係老細。 嘢食又唔食平，咁對啲客，重點係唔係繁忙時間，啲阿姐掛住傾計，你叫佢哋幫手拎嘢，就啤住你。都未試過食嘢咁樣俾人兇，痴線餐廳

昨日中午嗌做一個水煮牛客飯，虽然天氣熱，但系系环境好好的餐厅食辣野，完全冇問題，有冷氣都好耐冇食啦午餐時段都多人咖，雖然疫情關係，但係有消費卷，好多人都出黎食飯呢個餐配白飯，份量一個人真係好夠，辣度都唔算辣，對於一個好食得辣既人黎講，真係唔算辣，牛肉既肉質鮮嫩，牛肉又大片又入味，仲有其他配菜，有芽菜，腐皮，湯更加好味，配飯一絕，跟住在嗌多一杯熱奶茶，覺得奶茶用黑白奶沖先好飲一個好滿意既午餐出門口見到牆有個XO醬滑蛋蔥花叉燒飯，好似好吸引，下次要試下

又八點才下班，又跟幾個同事吃個便餐才回家，又來到這茶餐廳 ... 今晚決定要與碟頭飯說不這個“煎肉餅”不得了，不但彈牙，還很juicy， 肉餅內夾雜著梅香鹹魚味，甘香的鹹魚汁滲入肉餅內，鹹、脆、香，共冶一爐，口感非凡，這應該是我這半年內 吃過最好味的煎肉餅之一。剛才的煎肉餅太出色，把這“絲腐乳炒通菜”比下去了，但它畢竟落足配料，夠鑊氣，已沒什麼可批評，而娘娘口中還有一大口菜，還搶著說，「 ... 大盤些會更好 ... 」！

我喺九龍灣返工，平時lunch time最常去既餐廳係新澳餐室，新澳既常餐係我必食之選。今日因工作關係需要加班，我同另外一個可憐蟲去左試試新澳既晚餐。新澳既裝潢可謂新舊交替，經典馬賽克牆身同天花吊扇係舊式冰室既特色之一。牆壁亦貼上食物既插畫，非常得意。餐廳推出滋味套餐，價錢$158，第一款菜式可以選擇霸王雞、川味口水雞同菜膽雞。第二款就係家常小菜，十五款菜式之中揀一款。- 枝竹火腩豆腐煲我地兩個麻甩佬揀咗男人嘅浪漫，炸豆腐外脆內嫩，而且吸盡醬汁既精華，枝竹同樣索曬汁😋，火腩炆得好軟稔。- 霸王雞（半隻）份量絕對係霸王級別，雞皮同雞肉唔會輕易分離，豉油淋上薑蔥上面，然後慢慢流落底部既雞肉。雖然肉質唔算太嫩，不過好juicy惹味👍🏻套餐加多少少錢仲可以換特飲，同事叫左奶茶紅豆冰。總括而言，新澳既常餐同晚餐都好抵食，下次星期六日加班一定試埋早餐🤣

早幾日難得放假，咁啱好耐都冇去過九龍灣行街，咁就約左朋友到九龍灣行下街食下飯呀，朋友就有果題意，想去食下茶餐廳叫餸食飯，但在德福廣場大多都係大型連鎖式餐廳，好難揾到茶餐廳，咁我地就行左去附近工業大廈果到揾野食啦，好彩比我地見到有間叫<新澳咖啡餐室>，咁就一於去食下啦。。。。。西蘭花炒蝦仁我同朋友都幾鐘意呢間餐廳煮法冇好似平常啲茶餐廳咁濃味及比較少油，咁晒而家追求健康的朋友，蝦仁好爽口。梅菜蒸肉餅呢個又係一個勁好送飯架菜式，肉餅好滑及諗，加上梅菜味道更加好味。椒鹽蒜香豬扒豬扒好有豬肉味，應該唔似有落鬆肉粉醃肉，因加左鬆肉粉醃肉會搞到啲肉冇晒肉味得個腍。天氣咁熱架要叫杯凍飲解下熱啦，我就叫左杯紅豆冰啦。