屋喔 (已結業)

台式西餐，香港好少見。甫入餐廳，陣陣黑松露香氣撲鼻~和朋友聚餐，點了西班牙雜果酒，寫是二人份，實質足夠3人飲。味道似雜果賓治。因為唔想同朋友傳口水，所以叫侍應俾兩個杯我地。個杯好特別，係果醬樽咁嘅，而最特別就係好多漬，結果我同朋友一齊好努力咁分別用濕紙巾同乾紙巾抹抹抹抹抹，唔明點解咁多漬都會拎出來俾客用。如果可以改善下會好好多囉。另外個別侍應姐姐態度惡劣，有待改善囉主食點了香拿破崙腸仔意粉，黑松露蚵仔燉飯，跟餐附有雜菜沙律。沙律份量較少，味道正常。黑松露蚵仔燉飯，黑松露很香，和蚵仔都夾嘅 （可能因為啲蚵仔本身都無乜味嘅）拿破崙意粉忘記影相，不過味道都係ok啦，過得去，唔難食但係唔會係一試難忘咁囉。

嗌左個雞腿，個啊叔自己都重複一次都可以落錯個薯片比我地！ 等左9個字吹左兩次，等左勁耐先黎個麵！ 岩先落錯單既薯片又冇幫我地「x」左佢⋯ 真係好無奈。唔會再有下次！！

星期六放假出去同兩個friend吹水，原本唔打算食呢間嘅， 但係朋友八點要去附近拎電話，所以就揀咗呢間～環境餐廳分咗室外同室內兩個區，室外環境幾好非常有氣氛，只係冷氣不足，可能有人嫌熱，但室外環境幾有feel。海苔炸雞味道尚可但係有啲鞋，可能炸過龍，但唔會好油膩水果菜唔好飲，味道好啖珍珠奶茶奶茶幾好飲，甜度適中，珍珠夠咬口。小食拼盤小食拼盤有芝士波波，墨魚卷，炸春卷等等～ 好食唔油膩，每樣三件啱啱好一人一件唔使爭

今日星期一加上快打風，好多上班族好快食完晏，返去做埋手尾，提早返屋企避風，基本上我同朋友仔由開門12點坐到2點幾都唔怕阻住其實食客餐廳內位置都多，有一邊位間開左唔知係食煙定比人包場，同跳舞同學仔有聚會又平平地可以考慮下呢度食物提供主要是台式+西式，50幾60幾一個午餐跟野飲唔算貴，味道清淡，咁又唔係無味，個人是喜歡的，見到其他食客點沙冰飲品，賣相好唔錯下，今日我叫左鹽酥朱扒扁麵，粉唔厚又唔會好咸，朋友仔叫左蟹肉寬條麵都好唔錯下

同老公想食飯，係openrice睇到啲人講依間ok，見有台灣野又有意粉食，可以滿足晒我地兩個，黎到要等兩張先到我地，唔算等好耐，見咁多人黎食都心諗應該唔錯咁wor，我叫左個青醬意粉，老公叫左個三杯雞飯餐，佢本黎想叫古早牛肉麵但可惜已經賣晒老公個餐有個小小的湯浸蔬菜，叫左個凍珍珠奶茶，佢話珍珠奶茶好飮，但個三杯雞好咸佢餸個份量都算多既，但真係咸得滯，個餐有甜品跟，老公大鬧依間野古惑，整個套餐出黎引人叫但甜品得番一款簡，應該落單果陣就要同左客講先，我就話咁可能你叫果陣仲有呢，係之後賣晒，之後格離枱客人都講梗依件事，我都冇聲出，佢話佢都唔食芝士既點叫姐，又唔想突登叫完擺係度唔食咁曬野而我個青醬意粉係岩我口味既，因為我食得淡，佢唔濃又唔咸，但我個習慣係要有匙更先食到意粉，等左勁耐話會拎俾我都冇，意粉由熱都變唔熱，唔熱既野邊好食架，又食得唔舒服，最後要自己行出去拎，仲有係佢啲紅黃椒係（叔）架真係喊出黎總括係真係唔好對依度太大期望，由其是睇到啲讚到不得了既食評之後，總會係失望架，仲要我地已經平日去，星期五六既日子一定出事

星期日到旺角睇戲，諗住試下新野，家姐講過幾好食，就去試下！我叫左個明太子卡邦尼意粉，飲珍珠奶茶，套餐配32蚊嘅飲品要加十蚊！朋友叫左個唔知咩花蟹籽意大利闊條面，飲薄荷朱古力！我個意粉幾好食，好香明太子嘅味道，份量唔係太多，我食完都唔夠飽，不過都有煙肉同菰，幾足料！朋友嗰個就伏到喊，睇落好似好夠味，但食落完全一啲味都無，好離奇，係好似白焯咁，難食到朋友要問佢攞美極先入到口。。。我杯珍珠奶茶還可以，但我覺得太細杯，俾多少少都得掛！朋友杯薄荷朱古力完全無薄荷味，朱古力唔夠濃唔夠香。。。成餐飯我都笑我朋友係咪你樣衰得滯，特登煮咁難食俾你呀？

星期五約了男友到朗豪坊看戲朗豪坊滿滿都是人海到OPENRICE搜尋了這間「屋喔」7點到餐廳, 雖然是第二小張二人台但都等了半小時有多我們被安排到餐廳的「露天地方」放心 天花是密封的只是模仿戶外的樣子這區域有三部冷氣和二把風扇絕對不會覺得熱套餐有西式和台式, 好像不錯每份套餐都有沙律、主食和甜品蠻抵食的!明太子卡邦尼闊條麵 $98套餐選了明太子卡邦尼闊條麵看上去平平無奇, 但最驚喜的竟然是這一道!鹹香的明太子搭配卡邦尼闊條麵醬汁的份量剛剛好, 不會過多或過少不管大人小孩都必定會很愛的一道!西班牙龍蝦辣茄茸鑊仔燉飯 $168好像每兩台便有一台會點這個鑊仔燉飯愛吃龍蝦的男友又怎會錯過!我們選了「西班牙龍蝦辣茄茸鑊仔燉飯」侍應說這是二人份量沒錯呀飯的份量的確很多飯粒都沾上滿滿的辣茄茸汁令人忍不住一口接一口再來是龍蝦, 都有驚喜呀肉質爽和彈牙, 沒有雪藏味鉗的部份還可請侍應幫忙打碎鹽酥雞 $48應該是燈光的問題吧我拍得好像有點炸過頭, 但實物完全不是呀!鹽酥雞不像台灣吃的一大塊一小口一小口的反而更好, 令人一口接一口肉質完全是不會很乾, 即便是炸完還帶點濕潤跟餐芝士餅跟餐甜品來說的話絕對是不錯!

約左閨蜜喺旺角行街，瘋狂shopping之前當然先要醫飽我地個肚！我喺openrice search到呢間cafe, 見到環境唔錯，又好耐無食過台灣野，就一於黎呢到試下啦我地叫左兩個tea set, 一個黑松露蚵仔燉飯，一個卡邦尼意粉我地覺得個卡邦尼意粉幾重芝士味，唔錯！而且都幾足料閨蜜就鍾意個燉飯多d, 但我嫌佢個蚵仔比較腥怕蠔腥味嘅人唔建議食另外閨蜜叫左杯水果茶 （唔記得影相…），真心覺得比起另外兩間大規模嘅台灣餐廳嘅水果茶好飲！因為佢落左乳酸，茶同乳酸溝埋個味道好特別，幾好飲！我自己就叫左杯胚芽奶茶，雖然已經叫左少冰，但d冰融左令杯菜都淡左，麻麻地希望下次黎試下其他新野啦

今日同寶寶去食飯，係旺角唔知食咩好咁就上開飯睇下啦。。。。。琴日食左沙bu沙bu.所以想食下其他野，咁就選左開飯入面台灣菜既第一位。朗晴坊，地鐵站出口約一分鐘距離，環境可以，地點方便， 總比朗豪坊好。三杯雞，不香不辣，咸而無神，十分失望。紫菜鹽穌雞，幾片紫菜放在鹽穌雞上，兩者貌合神離。山渣洛神花茶，不過不失，可以考慮。朱古力冷凍，卻是朱古力醬加奶凍，但奶凍完全無味…圖文不符。總結來說，性價比低，只求果腹。

小胖女最近帶左我去一間佢同朋友食過好食既台灣菜,話抵食夾大件於是就向星期六去試下,餐廳向朗豪坊戲院格黎既大廈,黎到既時候都已經開始要排隊,等左大約10分鐘到就可以入去啦,安排左坐係出面露天位,佈置好靚,有好多小燈飾,同埋係有冷氣開放,唔洗怕熱,呢到set dinner款式都算多款選擇,兩個人分別點左一個飯同一份牛扒做主菜,首先頭盤蔬菜叫左一中一西,開下個胃先,之後好快就到小胖女點既台式肉燥茄子飯肉燥幾香同辣辣地,送飯係一流,茄子唔會太油,整體滿意,到小弟塊巨形安格斯肉眼,配埋一大堆薯條係配菜係一定夠飽,另外小食我地叫多左一個蜜糖芥末黑椒雞槌,食落甜甜辣辣,口感唔錯,另外餐飲就叫左水果茶同冰藍蝶花青檸特調,解油解肥飲呢d最岩,最後食埋個肥肥brownie同牛乳奶凍就完滿結束啦

第一次同朋友食呢間台式餐廳，感覺不錯推薦給大家。台式脆皮腸，同平時食既台灣脆皮腸有啲唔同味，不過一樣外脆內軟，鍾意食台式腸既可以一試！辣汁雞腿，食落唔太辣，加上本身秘製醬汁幾好味，雞肉嫩滑，可以一試鮭魚明太子意大利麵，煙鮭魚既味唔錯，醬汁適中，份量都適中，鍾意食刺身既可以一試最後係窩夫，首先賣相已經好吸引，窩夫外脆內軟，加上雪糕可以一解膩感，做飯後甜品係一個唔錯既選擇呢間餐廳上菜速度算快，唔會有人趕走，價錢合理，整體黎講如果想同朋友有個靜靜既地方閒聊聚會係一個唔錯既選擇

放工後相約朋友去ocasa食飯，環境同食物質素都令人喜出望外呀！>>蜜味台灣香腸香腸外皮烤得恰到好處，香脆可口！加上滿滿的蜜糖汁同香草配料，真係充滿台式夜市風味呀！好味道！>>蜂蜜芥末雞鎚濃郁的蜂蜜加上淡淡的芥末味，味道温和易入口，絕對唔會太刺激！雞鎚肉質夠哂嫩滑，忍唔住食多幾件呀！>>加拿大海膽干貝燉飯主飯order了燉飯！十分有驚喜！每粒米飯都非常飽滿，被濃濃的特製醬汁包裹住！食落真係大滿足呀！>>(忘了什麼名字) 甜品不過不失！在水準之上！生果新鮮清甜！做飯後甜品一流啊！

係朗豪坊行到肚仔餓，朋友就介紹食呢間餐廳，地點好方便，行5分鐘已經到喇！一入到餐廳職員即刻帶位，加分👍🏽裝修非常warm，以大地色系為主，重好光猛添呀我地叫咗午市套餐嘅牛肉麵，配料十分足料，面質較滑。餐飲就㨂咗熱黑糖薑母茶，成個餐五十幾蚊，好實惠！我地重叫咗幾個小食，當中蜜糖芥末雞槌最出位，甜甜地食唔停口，會番去再食過！另外十分欣賞入面嘅七彩炸雞，好特別，其他地方食唔到呢間餐廳性價比好高，可再戰👍🏽😌

考試咁辛苦要獎勵下自己，所以下午同朋友諗住出旺角食好D！見度呢間好似唔錯，就決定去試下～呢間店好搞笑，有台式又有西式野食。午市兩樣都係$5X左右，好似食西式開心D。我就叫左個鮮茄海鮮燴飯+柳 丁綠茶。因為好想食risotto嘅關係。 賣相同味道其實都算唔錯，不過完全唔似risotto，係一個普通燴飯嘅質感所以呢樣野都比較失望，本來係衝住佢係risotto先叫加嘛如果唔用risotto嘅眼光去衡量佢嘅話，都係唔錯嘅。至於杯柳丁綠茶，我就覺得有少少怪怪的，可能飲唔慣呢種口味，覺得橙汁同綠茶唔太夾我嘅朋友就叫左蟹肉闊條麵。賣相好吸引我個fd 覺得幾好食，但我就覺得一般般嘅，比較上冇咩味，可能係因為我食左濃濃嘅蕃茄味之後就有左比較。不過各花入各眼啦～整體黎講其實係還好嘅。不過提提大家，因為野食相對黎講比較細碟，如果大食嘅朋友可能就要加D小食啦～

雞全部都係雞全部都係雞嘅一餐今日我就同朋友 去咗旺角嘅呢間樓上台灣嘢食嗰度食 位置一入到去就覺得好闊落座位都幾舒服我哋畀人大咗佢一張窗口位度坐 出面雖然冇咩景睇但係嗰個座位好好打開餐牌嘢食有好多款式真係唔知點解落手因為呢今日我哋兩個都好肚餓同埋我哋都係雞嘅愛好者於是我第一輪衝鋒仲嗌咗超級多嘢食首先呢我哋兩個呢就各自買咗個午餐嘅牛肉麵再加上一杯薑母茶跟住呢仲有一個炸雞嘅拼盤炸魷魚鬚啦仲有一個雞鎚 係蜜糖芥末雞同埋一個辣嘅雞同埋台灣腸 係咪聽到都覺得好多嘢食呢嘢食逐樣逐樣想牛肉麵出到你面容湯底一般但係牛肉就大大嚿炸雞拼盤呢就全部都係雞髀同埋雞翼嚟嘅就得都幾香脆雞肉都尚算 嫩滑 呢個係合格嘅台灣腸呢佢就唔係 煎嘅就炸嘅我就唔係太鍾意但係味道呢就冇乜點變嘅係油咗啲啫 嗰個蜜糖雞呢就非常之好食只可惜呢嗰個辣雞呢就冇嚟到呢錯咗變咗第二樣嘢食道超級超級飽捧住個肚走好開心嘅一餐