居食屋「和民」 (皇室堡) (裝修中)

【和民】季節限定🍂2人前8道菜 最近上網發現呢和民推出咗一個新嘅二人餐， 價錢相宜～ 包括極上中拖羅刺身、 拖羅新鮮， 沒有魚腥味。8 貫壽司盛合🍣、 包你食到飽～廣島縣炸蠔🦪、 炸粉唔多睇得出隻好夠大隻蠔～牛油焗日本帆立貝🤗🤗： 成晚最好味係個帆立貝因為佢鐵板煮， 夠曬香口牛油味又夠重👍👍日本有機蕃薯迷你芭菲， 甜品都好有驚喜 絕對唔馬虎！❤️ 不過呢個餐要早啲上網預訂先有得食仲係限量㗎想食嘅朋友唔好錯過🤫

Watami❤️ 20th Anniversary Promotion🥳 ..香港和民集團，已經邁向20週年喇🥳 最近做緊既週年活動真係好抵❤️。有JCB 卡💳 滿$200點選指定食品 (日本帆立貝🐚 / 日本油甘魚🐟)，就可以享有主餐牌7折，真係超值‼️.ll $369跟：季節前菜、刺身3品、北海道芝士凱撒沙律A. (一品料理) 白汁和風煙肉 & 雜菌批薩Mushroom & Bacon Japanese Style PizzaB. (食事) 和民石鍋泡菜飯Watami Kimichi Rice Stone PotC. (鍋物) 牛肉壽喜燒Beef Sukiyaki Hot PotD. (名物) 特大‼️ 原隻南蠻炸雞腿Maga‼️ Deep Fried Whole Chicken ThighE. (飲品) 蜂蜜生薑茶 & 柚子蜜Honey Ginger Tea & Yuzu Marmalade.唔想諗食咩，最好揀2人套餐 Watami Farm‼️ ：有齊刺身、沙律、主食Pizza、鍋物、石鍋飯、炸雞、飲品，真係好豐富。炸雞🐥 好大隻😍 超級嫩滑，最後上都差不多吃光光呢，愛吃雞的你，別錯過。而

咁岩同朋友係銅鑼灣行街，係皇室堡見到和民適逢二十週年，推出左”香港和民集團邁向20週年活動”好吸引，就決定入去支持下！現時個優惠係用JCB卡滿$200點選指定食品 主餐牌7折你無睇錯！係7折！而食品係採用日本帆立貝 / 日本油甘魚食材非常新鮮！另外呢個優惠係適用於堂食及外賣(和民/意粉狂熱)，去邊到食都享用到！P.S. JCB卡是係信用卡，並唔係會員卡活動詳情可參考下圖牛油焗日本帆立貝第一個出場既就係我地既主角~帆立貝用熱辣辣既鐵板上牛油味揮發出黎既味好香係會令隔離枱都側目既菜式！帆立貝都可以熟食，另一種美味好鮮甜煎餃子好脆口飽滿，好足料鰻魚牛肉丼一個盒滿足2個願望！有哂我既favourite 又點可以錯過好好食十勝豚肉丼有好多塊，份量好足夠肉質軟淋有肉味高質之作

得知和民適逢20周年有七折優惠🈹，我就帶朋友過嚟食。 🎏壽喜燒火鍋御膳 配烏冬 $89 🎏宮崎南蠻炸雞丼御膳 $79 🎏和民自慢鐵板餃子 (6個) $29 🎏牛油焗帆立貝 $59 🎏日本產原條魷魚燒 $89 🎏熱蜂蜜生薑茶 +$0 🎏青柑桔&柚子蜜梳打 +$10 叫咗兩個lunch sets (御膳)，有折扣咁抵食叫埋多三個小食😆。 個火鍋啲牛肉都好多又好大塊，其他配料都好豐富。 個炸雞啲肉質好好味，軟腍腍得來又彈牙，十分推薦。 餃子配埋辣由豉油同醋，全部調味夾埋食相當滋味。 我覺得小食當中最好食就係日本出產嘅帆立貝👑，用上牛油焗，未食已經聞到好香，咬上去零舍有鮮味又啖啖肉。 個魷魚燒係原條好啱打卡🦑，啲汁幾惹味，魷魚燒得一啲都唔硬，爽口又彈牙。 杯梳打有好多大大粒嘅柑桔，酸酸甜甜咁清甜解渴。 而且後面個景好好，係可以望到維多利亞公園🏞。 叫咗咁多嘢食，食到飽飽都只係$273，絕對抵食👏，溫馨提示大家係JCB卡滿$200點選指定主餐牌7折。 📍和民 - 銅鑼灣皇室堡4樓401號舖 @watami_hk

晏晝嚟食埋單每人$111，我哋兩個一人叫咗一個餐share，嗰個三文魚石鍋飯唔錯呀佢有個牛油俾你撈飯，即刻好惹味，三文魚係生嘅不過你撈撈下就變咗熟㗎啦，要快手少少如果唔係會有飯焦，不過我自己就好鍾意食飯焦所以係OK嘅！另外佢個壽喜燒我都係鍾意佢個湯，有得揀飯或者烏冬！所以今次又再reorder～另外因為見到個額外加少少錢$23就有得叫個芝士炸雞、點知呢個真係有少少失望可能日式炸雞嘅就係唔係太脆，嘢飲就嗌左杯熱嘅蜂蜜薑茶都唔錯嘅～下低有啲生薑粒粒，辣辣地OK啊，佢個窗口位對住公園都幾寫意不過我哋冇坐到。

偶然會想放下假，同阿媽去食個午餐，有人肚餓要食11:30，想食早飯又想坐得舒服坐得耐仲要有街景，睇怕只有和民，佢有超多套餐選擇，有飯有麵有烏冬，全部都有前菜、主菜同沙律，一定食得飽。- - - - - - - - - - - - - - - - - - - - - - -🍴滑蛋豬柳鍋定食 $69⭐️⭐️⭐️⭐️每次都會叫呢個豬柳鍋，因為豬柳本身厚切腍身，加上鍋裡面有醬汁、蛋、洋蔥，令豬柳口感變香滑唔乾身同入味，白飯又可以蘸鍋剩餘醬汁，超美味！🍴壽喜燒鍋御膳 $89⭐️⭐️⭐️⭐️因為想食有湯嘅食物，所以壽喜燒係不二之選，牛肉肥瘦適中、烏冬夠煙韌、湯底夠香濃、蔬菜又夠多，完全符合我要求，推介！二人共消費：$173.8

上月'饗和民'一役，手上拿著$250 coupon， 今晚心思思想去食多餐，因此不理老細加班命令 ，夠鐘走人。今晚到皇室堡'和民'消費，7點半到達，内裏6、7成滿，Covid-19關係，先量體温才進入，menu目錄比'饗和民'豐富一些，有優惠set，但我主張散叫。先來兩客優惠價炸雞件（芝士&香辣），芝士味麻麻，反而香辣夠刺激；再來串燒拼盤，7串中最欣賞牛肉包葱串燒，其他正正常常；北海道十勝豚肉饭繼上次'饗和民'食過今晚再 encore，但個人認為略遜於上次；輪到石鍋鰻魚飯，味道不俗，但記得上抬要立即撈勻，好在店员提醒，否則會因石鍋不斷加熱而燶底，今晚有小小飯焦加上重口味，值得推介；海鮮鍋正正常常；最得加個白飯餐撈埋啲海鮮湯收尾，三口子扣除coupon 及加一後 $3xx落樓，滿足的一餐。

講起銅鑼灣食市多的是，今晚選中皇室堡和民就因店內環境清靜，好讓我能同好久不見的舊同事好好詳談相聚一個晚上，望望歺牌好多食物都想試吓，我的選擇困難症又出來了，不如就点兩人套歺因樣樣食物都有同幾抵食，不用再頭痛啦😅😅頭盆：魚生拼盆（牡丹蝦、三文魚、吞拿魚）日本煮乜：（炆蓮藕、栗子、紅蘿蔔）再配上椰菜沙律🥗令大家食慾大增😋😋😋一品料理Side Dish:酥炸廣島牡勵，炸得香脆配上蛋黃醬更加美味👍食事Main Dish:和民石頭泡菜飯：肥牛肉、泡菜、芽菜、菠菜加隻鮮雞蛋🥚再配上韓式辣椒醬與珍珠飯攪勻，食到停不了👍👍👍鍋物Hot Pot :牛肉壽喜燒：牛肉、豆腐、鮮冬菇、大蔥、鮮椰菜與甜甜Sukiyaki醬汁一起煮，了不起呀⋯⋯名物Signature:香炸完隻雞腿🍗炸得好酥脆，雞腿軟滑多汁Juicy👍👍👍飮品Drink:清新梳打柚子蜜，清涼可口🥂

【北海道牛乳鍋】今次終於食到，北海道牛乳忌廉生蠔鍋！上次係觀塘想食，點知話無曬蠔，無得order...這個鍋用上日本和民農場出產嘅牛奶製造，牛乳忌廉湯底又香又滑，再配埋生蠔同埋明太子，幾特別～再加配埋 出前一丁棒麵，有隻雞蛋🥚食完鍋之後最後煮麵，再落雞蛋，味道一流～但一定要加水，不然味粉的味道會太過濃。整體而言，蠔比較細，但味道不錯，反而最意外的是 出前一丁棒麵！還吃了一個和民沙拉，材料和醬汁都很豐富，不錯的前菜

是日餐廳冇咩人，位於皇室堡，唔難搵兩個人去食飯都唔駛等位叫左煎餃子，幾好味串燒拼盤（麻麻地）有啲燒燶左，燒茄子，雞髀菇三文魚壽司同埋牛油果壽司都好好味，尚算新鮮兩個人加埋都係300幾蚊值得再去食過

又到午飯時間。有人提議食和民。好吧，很久沒吃過呢。餐廳在皇室堡裏面很易找 。 午飯時間也容易找位子。原來有午餐的，59元 。看過餐牌，雞扒定食頗吸引我的胃口，一於吃這個吧。定食有白飯、主菜、 沙律、湯， 還有飲品 。我選了柚子梳打， 微微酸酸甜甜， 很清新 、解渴。雞扒熱辣辣食得過癮，配上燒汁很好送飯一起吃。薯條剛炸起，新鮮香脆。湯和沙律都恰如其分，令到整個定食豐富起來。以這個價錢吃得飽，食物質素良好， 坐得舒適， 很划算。這間分店得到我的好感，可以再嚟幫襯。

中學時代最喜歡嚟嘅餐廳，以前家人少外岀食飯，總覺得一岀街就特別好食。🙈🙈很久沒來才剛發現和民既員工好有良心🙈😚，所以要多啲去了。👍🏿👍🏾以前好鍾意食和民既冷烏冬，原來而家menu 上已經無咗嚕，所以就食餐啦。頭盤有煙三文魚同沙律，然後仲有小菜可以揀，同埋包一個主菜同一個鍋。味道都係同以前一貫咁上下，唔算特別好食，但都唔難食，不過幾好坐係真。😂😂😂晚市嚟講，無咩人，又可以坐耐啲。

估吾到午市套餐都會咁大份，份量直程3個人分兩個餐都得呀。個牛肉雜菜鍋係上左台先慢慢煮，滾住好似醬油湯底黎食，好過癮！個餐包埋沙津、甜品同飲品，吾洗另外叫，好抵食。朋友叫個餐仲勁，包埋蒸蛋，入面有一粒好大既青豆，感覺都健康d，個炸雞扒又係上台再加熱d汁慢慢煮，仲有一隻生蛋，煮熟食又得，攪勻用黎撈飯都得

今日行行下街黎到皇室堡睇下有咩好食發現自己好耐冇食日本野(唔計壽司）咁就決定食和民啦等左幾張枱就有得入座環境正常幾雅致就算坐高枱都算舒適我叫左碗拉麵真心好麻麻 不得同一般拉麵掂比個湯底好味精男朋友叫左個石鍋飯熱辣辣又有脆卜卜飯焦 幾好食我地再叫左個pizza真心大力推薦因為好好食呀😋好鐘意佢呢種薄脆皮底仲要係$4x 意想唔到CP值咁高另外仲叫左個雞軟骨脆得黎好食 略嫌咸左少少整體黎講係會再食可能太耐冇食和民真係估唔到好食左咁多

老公話想食壽喜燒，但我又怕打邊爐熱氣，最後我諗到兩全其美的方法！就係去和民！佢可以食壽喜燒，我又可以食唔熱氣ge野！和民的牛肉壽喜燒真係好正！ 推介推介！我叫左細份～ （$79）我自己都忍唔住食左1塊&少少蔬菜！佢個壽喜燒湯底真係勁好味，又甜！食物吸哂壽喜燒個味，完全唔需要再點其他醬料！牛肉肉質鮮嫩！（因為我今年年頭先食返牛，對牛肉要求好高，太差的牛肉我係食唔落口，會覺得蘇～但和民的牛肉完全唔蘇，口感仲好好）再來一個和民沙律（$69）～材料是北海道產～蔬菜夠新鮮，夠爽口！食材又多，有蝦，有雞，蔬菜種類又多！沙律醬又係我鐘意的味道！推！再來牛油焗日本帆立貝（$59），又是日本產的喔！好香的牛油味！帆立貝吸哂牛油的香味！好好味！連中間d 菇都好好味～ 嘩... 好大條日本產原條魷魚燒（$89）～ 估唔到甘大條，超抵食！魷魚好彈牙～～～ 同埋燒得好香！配埋蛋黃醬，味道一流！最後怕熱氣的我叫左個北海道冷蕎麥麵（$59）～ 冷面個汁味道夠濃！而麵質又唔會太淋！叫左甘多野買單都唔駛$400，和民真係好抵食！我同老公仲食到好飽好飽！同埋我叫左好多食物都是日本產的！CP值極高！讚！