客家好棧 (已結業)

同幾個朋友o係尖沙咀食飯,客家好棧真係一個唔錯o既選擇, 一來唔貴,二來環境好又坐得舒服. 我地叫左以下菜式:蛋角煲, 東江雞,梅菜扣肉同肉丸時蔬,另叫左咸甜粿作為小食.所有小菜都有相當水準,尤其以東江雞最好味,雞肉嫩且有雞味.這家食肆不收加一及茶錢,埋單連三個白飯共$285,物有所值,尖咀食飯首選!

大致上, 如果想食抵野, 去呢間就啱。平, 靚, 抵..我六個人九點入座, 有7折優惠,食左八樣野都係350 落樓。d野食都okay...環境都唔算差,不過, 服務就一般,錯點了我們的餸菜,同waiter講左幾次, 佢地只係攞完單, 走開左,返都黎, 又係仲係錯, 幾次都係咁, 個所謂部長話cancel 左架wor,又係我地面前用筆晝走個兩個錯order,點知, 最後埋單個陣都係仲計埋,最後都係草草了事的態度地處理。不過, 總括都係值得一去既地方,一定都叫小菜, 叫set dinner 個d, 既味道..就.... 後果先負了....

要在美麗華商場揀間茶樓平平地，客家好棧都應該係唯一既一間。是關佢係免茶免加一，所以都真係幾值食。我和同事好多時都會來飲茶食飯。一如所料，中午時間又是那麼多人。已預訂了檯，所以不用久等，否則一行成十人都唔使指意有得食。因為時間既關係，瞄一瞄餐牌就急不及待點菜。點的都是大路點心，有牛肉、炸魚皮、鳳爪、排骨、蜆介鯪魚球、春卷、蘿蔔糕等點心，其實叫了更多，但唔記等其他。總體來說，食物水準係可以接受，但當然不可與樓上的老飯店相比，因為價錢都唔同。當中以蜆介鯪魚球我最為欣賞，鯪魚球好有鮮味，加上蜆介醬確係唔錯。人人都食都攬住個肚走，埋單都只係每人三十蚊，超抵食。食到兩點幾走，見門口仲有好多人排隊，相信是在等更平價的下午茶。

今晚睇完戲就黎左依度食野啦...今晚叫左一個客家小炒+籠仔蒸豆腐...小炒算香口..有甜豆,洋蔥,豬頸肉,蝦米...豆腐幾滑...個獻有瑤柱,帶子等...都算抵食...

~椒鹽蝦好大隻，好惹味!!!~扣肉好入味~古法炆斑球就一般lu...~燸米飯都ok gei...

成日聼suki說這裡好..星期日同男友等四人..食左十五六碟...下午茶...起抵..推介..芝士蝦春捲..蜆介鯪魚球..坐室外...幾舒服..但侍應像在發呆....

一家7人黎食晚飯叫左四人套餐($480)有雞絲燩翅湯班腩兩味自選三款小菜(冰梅焗海蝦翠玉瓜白合炒枝片鹽浸鴨) 另外散叫生拆蟹肉炒西蘭花($68) 三鮮xxx(唔記得個名$65) 沙薑炒豬肚($55) 白飯($10碗) 雞絲燩翅湯--足料好好味全家人至愛這個湯班腩兩味--炒班片好鮮又爽口蒸的比較普通份量又少冰梅焗海蝦--大隻爽口鮮蝦只嫌梅味不夠翠玉瓜白合炒枝片--最普普通通不過不失鹽浸鴨--唔肥肉質彈口唔錯生拆蟹肉炒西蘭花--期望很高卻很失望蟹肉少得可憐三鮮xxx--有牛骨髓,蝦仁,帶子,魷魚,鮮菇材料豐富味道ok的沙薑炒豬肚--豬肚份量很夠但有點兒苦味道一般白飯--份量比較少值得一讚是這兒的辣醬是給辣的ox醬很香很好味而且不收加一同茶介感覺很抵食^^ 下一次要再來~

27/11 9pmOT後同家人一行3 人黎食飯,自己好少咁夜食飯,但兄長話9點後有7折抵好多.9點去到吾洗等位.我地3個人叫左6個送,家母一向眼濶肚窄,瘋狂點菜系佢既習慣(其實已禁制佢吾好叫咁多,本打算再叫!).盬焗雞半隻(折後$42)---入味,雞肉嫩滑有雞味!菜甫肉碎炒旦$28---炒旦頗滑及多料,相對地也較油!咸菜豬肚煲$28---枝竹入味,豬肚無腥味,咸菜不會過咸!魚湯什菌浸時蔬$38---白菜仔鮮甜,茶樹菇秀珍菇加埋魚湯清清地吾錯!金沙帶子桂花蚌炒翠瓜$40-50---兄長指定點,用咸旦黃炒帶子桂花蚌翠瓜,確實幾惹味!蕃茄煮鮮魚$38---2 大條味道似紅衫既魚,魚外脆外滑,不俗!服務方面都吾錯!埋單$273.各方面都是above average,絕對抵食!

真係人有佢又有，客家好棧都有大閘蟹食，但係由於拆蟹需時，所以只叫兩隻。仲想吩咐只要公o吾要也母，侍應哥哥好醒咁話佢地只賣公，無蟹也母o架！不過哥哥就猛咁叫我地order 羊腩窩、雜魚窩，喂喂！一眼睇哂，得兩個人咋，天氣雖然涼o左小小，點食呀？不過最後都有叫到招牌牙籤骨同煎釀豆腐，再加一碟帶子炒鮮奶&欖菜炒豆角。今次究竟好o吾味呢？大閘蟹足六兩，不過可能遲o左少少，早D食可能仲好味。牙籤骨其實就係燒豬肋骨，乾o左D, 火候掌握未到家。煎釀豆腐太普通，未能擔當招牌菜之名，改改個傑達達芡汁，宜換Ｄ鮮味o野扯番起整個菜式。至於鮮奶炒帶子......可能期望過高，只屬自家作業貨色，味太淡，雪味有餘鮮味欠奉，最後要用欖菜炒豆角撈埋一齊食......竟然俾碟欖菜炒豆角跑出，奇怪!?是日都幾多人，好彩事前有book位，o吾係有排等。下次想試試坐戶外，係香港夜境下食食海風同西北風。

tofu stuffed with fish meat in fish soup: there are eight pieces of pan fried tofu. the fish soup is not salty and there is some soya beans. high nutrition value and tasty.vegetable with sea cucumber: the sea cucumber is cut into very small cubes and mixed with dried mushroom cube. the sauce is quite oily.

睇完OpenRice既食評後, 決定要同男朋友去試一試.八點入座, 好彩有訂位, 唔係都唔知要等到幾時.間飯店既佈局都唔錯. 係美麗華廣場最頂果層. 樓底高而且囉埋個balcony做戶外茶座, 幾impressive. 不過可能太熱鬧太多人, 好噪...未入座之前就已經睇緊餐牌. 本來諗住睇下有無D二人餐唔晒諗, 但係無. 不過就有四,六,八人餐, 圍起每人都唔駛$100. 小菜全部都係特色客家菜. 唔錯, 所以, 湊夠人就perfect 喇~望住餐牌揀左三道菜1. 蒜香雞軟骨2. 金莎脆瓜炒什菌3. 蛋角煲揀唔到第四道菜, 因為佢既鹽甄雞, 燜鵝, 鹽水鴨都好似好好味. 於是就叫侍應哥哥介紹下. 其實睇侍應哥哥求求奇奇介畀你, 不過勝在有禮貎同幾欣勸. 於是就揀左第四道菜: 鹽水鴨1. 蒜香雞軟骨: 幾好哎. 以前食開既都係炸到好脆好硬. 但呢個就好香口好有咬感. 值得推介.2. 金莎脆瓜炒什菌: 如果喜愛食咸蛋黃呢個都唔錯. 不過對我黎講, D咸蛋黃汁太膩, 有少少蓋過左脆瓜同我鐘意既什菌既味道..3. 蛋角煲: 好清淡既一道菜. 不過我個人好喜歡佢係煲底

尋晚一班舊同事聚舊.. 一行四人.. 來到這間店試試..入到去.. 環境都幾唔錯.. 張都夠大.. 我地今次叫了四個菜.. 及甜品..首先來的是客家煎釀豆腐.. 一客八件.. 沒有什麼特別.. OK咁la..第二道菜係炸雞軟骨.. 唔錯.. 幾香口.. 份量亦足夠..第三道菜係蟹肉炒粉絲.. 非常麻麻.. 因為冇乜味.. 及太多蛋絲.. 最係一道菜係咸肉炒菜苗.. 好咸及油.. 都幾難食.. 菜苗原來只不過係菜心.. 初時仲以為佢\地上錯菜.. 原來菜苗就係指菜心喎.. 好奇怪... 食完之後叫左甜品.. 楊枝金露+芒果布甸.. 我淨係食左楊枝金露.. 好好飲.. 總括而言.. 環境都幾舒適.. 但食物質素麻麻地.. 可能其他小菜會好食.. 但我地唔識叫掛.. 反正價錢唔算貴.. 可以一試既..

20051025 8pm友人從上海回港, 借機朋友相聚gathering. 連後加朋友一位, 5女1男.預先下晝已book 好7.30pm 檯. o黎到都要等15-20 mins. (訂位時接電話小姐有講低每晚做7pm 同埋8.30pm 兩輪)* 酥皮雞- 朋友點o既, 相無影到隻雞(因為個賣相唔靚). 原隻雞連藥材放大盅酥皮焗. 酥皮另上砌得靚靚, 甜甜地幾好味. 雞都唔錯, 不過切得好大件, 女侍切雞時見佢相當雞手鴨腳.* 冰梅排骨- 都係朋友點o既. 凍食. 汁係酸酸甜甜. 我覺得一般, 但朋友們就幾喜.* 梅菜扣肉- 難得一眾女子唔怕肥人人都食即點. 好耐無食過, 呢度做得一般, 可能蒸個時間唔夠肥膏部分唔夠化. 但個汁就調得唔錯.* 椒鹽雞軟骨- 我最鐘意食雞軟骨, 呢個係我點 不過整得麻麻地, 好濕, 唔夠乾身.* 麵醬油麥菜- 惹味! 菜又係好新鮮.* 米水浸菜心- 清甜! 好新鮮!* 白飯x 3* 地瓜粥x 1* 桂花紅豆糕x 1 (4件)* 芒果布甸x 1* 楊枝金露x 3 - 一般因為我地係坐出面吸煙區, 本來都幾好有o的景, 但係就勁多蚊. 同埋中途竟然發生地板

曾跟稻香有一段淵源, 但因為愛之深責之切, 還是將幾星期前一段食評出街~3個人來到, 等了不久便有位了, 侍應如舊熱情的招待, 我們點了客家煎釀豆腐, 原味酥皮雞及一個馬拉盞炒蚌及菜的餸(名稱忘記了), 另外還有飯及蕃薯粥~令我想執筆寫食評的是這個叫馬拉盞的菜式, 一口吃下, 味道是XO醬的味, 確實一點說, 是用了稻香XO醬炒蘿蔔糕的醬料, 但論味道只算是帶有小辣的油, 個人而言連XO醬也談不上~看了一些網頁轉載, 馬拉盞跟XO醬應是兩種風馬牛不相及的醬料(準確性有待探討), 當然也見到一些網頁有XO馬拉盞醬的記載, 但現在討論的是原味嘛︰XO醬材料有油、江瑤柱、金華火腿、糖、紅椒、蝦米、沖頭、蒜子、鹽、辣椒乾、蚝油等; 而馬拉盞材料有蝦膏、蒜頭、干蔥、紅椒、去頭蝦米、辣椒乾、辣椒油等等~ 2種醬料都是以惹味為主, 但味道是不同~總而言之, 這個叫馬拉盞的菜式令我非常失望呢~另外, 客家煎釀豆腐也是失準之作, 是煎還是蒸呢, 而且獻汁也過多淹沒了整碟豆腐, 生粉獻過量以致太過杰了~ 弄得整個菜式槳糊似的~食品質素有待改善~ 希望集團相關的人士留意一下

之前飲過茶幾好,咪試吓晚飯, 晚飯好多人好嘈, 唔訂位咪駛旨意有位. 一行七人, 食左個六人餐, 包湯、五個小菜同甜品。海皇羮: 好多豆腐粒, 有少少蝦同魚肉, 但重味精。1. 客家煎釀豆腐: 似蒸多d, 又冇味;淡戊戊。2. 客家大鱔煲: 同廣東式差唔多, 不過佢有d酸菜3. 菇菜苗:上湯浸不同類型的菇同豆苗; 都fresh。4. 客家炆鴨:南乳味= 好難食。5. 鹽焗雞: d 雞唔肥,但好似鹽水雞, 都唔係焗既, 呃人, 又very salty , 食唔落口, 客家招牌菜都咁偷雞。叫o左幾個白飯, d 白飯係裝一個好似乞丐dull o既器皿裡面。甜品係每人一碗椰汁椰菓糕同埋六件椰汁西米糕。d野食全部都係整定既, 好流水作業, 又想你快d走, 不過你都唔會坐得耐因太嘈, 咁既價錢就係咁既水準, 集團野.