大欖燒烤

營業中

休息中

疫情後Re-u，第一次到大欖燒烤，地點有點遠但不難找。我們想聊天慢慢燒，所以選了全日港式燒烤，加上開爐費後每人$205，從下午3：30燒到晚上10點，包一罐汽水和一支水，蜜糖任塗，而且不是噴樽裝，爽！桌子間都不太密，風吹來很舒服。大家很喜歡它的大圓枱，可以擱著燒烤叉不用一直拿著那麼累。食物種類也挺多，雞翼也有幾種味道，朋友一致覺得港式雞煲味最美味。我最喜歡它的秘製叉燒，惹味肉嫩，很快燒熟，肚餓可以先燒這個。蔬菜也清甜，南瓜，茄子，雞脾菇都推薦。值得一讚的是貼心的友人Y，帶了錫紙，美極鮮露，蒜蓉，包著菜來焗，美味。也不需花錢加網和鍋。燒烤最讚還是悠閒地慢慢燒，享受美味的烤肉！

呢排都天陰陰雨粉粉但都無阻我去燒烤🔥大欖燒烤成個場地都有簷蓬 即使落雨都可以去燒烤全日任食都只係$190！可以食埋午餐同晚餐最鍾意係佢燒烤張枱 有一個勁大嘅網 可以放好多野食 而亦有燒烤叉提供然之後圍住個爐係一張枱 可以燒完即刻坐喺度食🩵而因為張枱好大 所以唔會覺得好熱👍🏻又唔洗驚小朋友跑黎跑去撞到個爐-🍖港式燒烤(星期六、日) 💰$190 時間係一點開始至到十一點食物種類選項都多 有少部分例如棉花糖、番薯就要加錢任食嘅食物有：雞翼、魷魚、多春魚、雞扒、豬扒、燒賣、茄子、腸仔 等等等等另外加💰90蚊可以打埋邊爐 有得食烏冬、薯仔、蘿蔔、菜 中和一下燒烤嗰種熱氣🤣-總括而言 食物雖然只係好普通 非貴價但完全唔洗自己煩去買野洗野 又唔洗執枱呢個價錢都抵比😋

作為一隻土生土長嘅屯門牛，中學嘅節目一定唔少得去蝴蝶灣、龍鼓灘 BBQ！⛱️難得約到中學同學出嚟，梗係要聚一聚！不過今次就去咗個新場，就係大欖燒烤，本來查 Google map 見要喺屯轉行 15分鐘先到，有啲想放飛機✈️，好彩發現有 K51 直到，其實就係黃金海岸過多幾個站，都算幾方便！呢度分咗兩邊，一邊係食串燒同海鮮🦐，貴少少但有冷氣，不過呢種燒烤市區都有得食，今次我哋嘅目的係想回味下港式燒烤嘅～😝雖然夜晚先到，但呢度其實畀 $160 就可以由朝燒到夜，加 $90 仲可以升級打邊爐，都真係幾抵！無論燒烤定邊爐嘢食都幾多選擇下，🍡丸類、🥩扒類、🥦蔬菜、🦑魷魚都有，而且醃法都好多款，🐥雞翼就有6個味，食材未必好高級，但就好似去咗凍肉鋪任你揀！呢個價錢，唔駛自己去街市買料搬炭，算係咁啦～😋扒類同雞翼都醃得好入味，就算唔記得塗蜜糖都好好食！當然，港式燒烤梗係要塗海量蜜糖先有風味啦！！！除咗任食嘅項目，同其他嘅任食場一樣，總係有啲加購項目，想食豪啲可以加和牛、龍蝦、鮑魚等，炭就 $28包，價錢都正常，無話特別加價。😇員工都好好，佢哋仲推介我哋燒莎莉蛋糕，🍞原來燒咗真係好好食，外脆內軟，仲好香牛油

港式燒烤$170/人，可以由19:00食到23:00，包晒炭、叉、蜜糖、食物，爐費$60，自己唔使咁辛苦拎咁多嘢去BBQ。空間好大，有強大的風扇，一點也不會感到焗熱。就算今日落雨都唔使怕，有簷篷，落雨都可以BBQ！食物以肉類、丸類、蔬菜類為主。推薦食物係雞翼，好多款醃料，有辣有唔辣。雞扒、豬扒都大大件，又厚身。丸類有來自香港有名的牌子-四海，又有台式，好多花款～粟米係一定要點，塗上牛油🧈，好好食🤤refill食物速度都算快。我升級加咗火鍋🍲可以煮麵食！所以一定夠飽。湯底暫時只有清湯揀，如果有多啲湯底，會更好！每人會包蒸餾水和紙包飲品👍🏻

我真係好耐無BBQ啦🍢!我諗我由去咗英國working holiday,到返嚟已經差不多三年,都仍然未BBQ過!趁住天氣仲未開始熱,去間幾企理嘅BBQ場燒返一次先🤭~ 呢個燒烤場地方都幾大,喺正河側邊🏞,感覺比較涼爽~場內掛晒燈,夜晚著咗好靚🏮,而且仲有唔少擺設,例如人力車,巴黎鐵塔🗼~臨近復活節,仲有好大隻兔仔同復活蛋喺門口添🐇~場內啲爐都幾新淨,一啲都唔污糟🌟~唔使二百蚊位,就可以任你BBQ,無時間限制超級爽⏱!!嘢食都幾豐富,有成四五種口味嘅雞中翼🐔,豬扒🐷,牛扒🐮又有咖喱魷魚🦑,各式丸類~而最好嘅係你仲可以升級加埋打邊爐~咁就可以淥埋菜食🥬,唔使全部都係燒嘅咁熱氣~估唔到BBQ場都可以包房!簡直就好似去渡假屋咁,可以同班friend匿喺入面玩👯‍♀️👯‍♂️~等啲嘢食自己喺外面燒熟,真係幾正~當晚仲見到好多檯都係一大班朋友喺度慶生🎂,真係好玩又熱鬧~

天朗氣清，好啱同朋友去燒烤朋友帶我去屯門大欖燒烤場，一邊傾計又一邊燒烤，真喺賞心樂事。燒烤場好寬敞，主要分室內同室外，仲有小朋友樂園區，感覺好chill 😎 !串燒燒烤之外，我哋仲升級食埋火鍋添～！職員好親切，坐底後幫你整好個爐到火紅紅後，我哋就可以燒烤同埋喺爐上隔著燒烤網煮火鍋。食品區見到已經醃好嘅肉類有雞肉、雞翼、雞扒、牛肉粒等等.......仲有蔬菜同肉丸、麵包，選擇都好多。另外，有罐裝同膠樽嘅飲品、甜筒同雪條。燒烤完後，再食支甜筒，非常滿足！屯門大欖燒烤地址：屯門大欖涌村385地段楽

今日放假熱熱地 湊住仲未好熱 去燒野食先 今日走到去大欖燒野食 其實巴士落車 行一陣就到好方便 環境幾舒服 空氣又好呢間係任食 我地仲加左打邊爐 一次過試哂兩樣野燒烤都好多野食揀 牛扒豬扒雞扒 雞翼仲好多味道食左好多隻椒鹽味 正 仲有咖哩魷魚 多春魚😋😋我地加左個爐打邊爐 所以可以網燒 好方便仲有好邪惡既蒜蓉包食左好多舊 仲用牛油加蜜糖查左好多塊方包食😂🤦🏻‍♀️好好味😋😋😋 最正既係bbq 仲有生啤飲 好爽下次打算叫成班朋友番 可以卜間房 有得打牌 打機 又有電視睇 有個私人空間 正👍🏻

平時食開佢個流水蝦，有勁多海鮮勁鍾意，今次朋友麻麻哋海鮮，所以就叫咗個港式燒烤，另外加咗個升級試埋火鍋，佢冇限時，可以慢慢食，而懶惰嘅我當然要加多個網梨懶人燒烤，咩都放晒上去，反下就得😝😝😝燒烤嘅食物種類有好多，有蔬菜，肉類，腸仔，丸⋯⋯食物依舊嘅美味新鮮，全部都醃得好入味，啱晒鍾意重口味嘅我。雞翼口味有好多種，我就鍾意雞全翼，同埋雞煲口味雞翼，有咗個網燒到佢外脆內軟，超正。另外重點推介咖喱魷魚，我同朋友都食咗好幾件，易燒好味，又快熟，另外豆卜都好正，燒到佢外脆內軟😍第一次玩燒烤火鍋，一開始仲諗住佢好難滾，點知最後係滾得好勁，入邊嘅材料都好快熟，而鍾意食菜嘅我，有個鍋俾我梨煮下菜更滿足。總括嚟講都十分滿意，不過鍾意食海鮮嘅我，下次一定會再揀返流水蝦放題。

好耐冇bbq, 又想去未去過嘅場, 今次就explore咗屯門大欖燒烤場. 喺屯門轉車站步行10mins 就到. 燒烤場有分室內同室外, 有仲有幾個細嘅小朋友樂園區, 啱晒一定大細嚟玩!除咗串燒燒烤之外仲可以升級食埋火鍋, 入到去staff整好個爐之後就開始全自助mode. 入到食品區, 見到雞牛羊豬魚瓜菜菇丸, 就連包都有! 肉類新鮮醃好點燒都好好食. 甜品方面連新出嘅奶蓋芝士桃茶味甜筒都有, 仲有staff教我嚟拎個心太軟去烘5mins, 再倒雲尼拿雪糕落去, 出嚟嘅效果真係媲美出邊西餐廳嘅甜品!最後食到燒烤場閂門都要拎住個雪糕繼續食, 飲飽食足嘅一日~

💛要搵到有流水蝦既地方難，要搵到新鮮又多野食既仲難，更難係要良心店舖，總算專登咁遠入去試完無後悔去到有幾個plan揀，可以傳統串燒或者用爐，海鮮或唔海鮮首先當然要講就係蝦，職員係每次叫就會加新鮮游水蝦比客人，完全無得呃又唔新鮮！食原味或者加少少配料就已經好夠味！除左蝦之外，場地亦都有好多款肉，菜，什至乎麵，生蠔同埋甜品比客人任食，唔需要額外收錢之餘醃左既肉都好出色，完全唔係求其交出黎就算嗰種！繼續支持良💛舖頭

印象中幾年前去過呢間大欖燒烤，以前只好普通既燒烤場。原來而家翻新左，除左有傳統BBQ，而家仲做埋自助式海鮮燒烤，仲要樣樣海鮮都大大件，泊車又方便 👻除左海鮮，仲有大量蔬菜，肉類，任君選擇河蝦大大隻，可以係自助區夾生蠔亦出乎意料既鮮 🤪仲有扇具、東風螺等等唯一有少少可改善係個爐的確燒得好慢職員加碳既速度亦都唔算好快

小編今次黎到大欖BBQ,揀左佢地既燒烤小屋一大班人BBQ全日。燒烤小屋要提前預訂，設有最低消費限額（小屋租金＋燒烤入場費＋場內其他消費）。 小屋租金$2000 （另$1000按金）+ $190每人成人入場費+ $60爐費+$70邊爐小鍋。預人均消費約$340全日。小屋內有麻雀枱，唱K組合，室外係就係一大張圓圓燒烤枱，所以係可以好充實咁過成日。燒烤場接待處同開爐既員工都有禮值得加許，香港地唔係個個做服務既會畀服務你什至要個客人服務返佢轉頭😪（當然西客另計）所以呢間有齊基本禮貌令人印象分加唔少。所有野食同飲品都去食物亭度自選，有額外食物可外購如甜蕃薯等等。整體員工、食物質素同種類都唔錯，雞翼同豬肉大推！❤️

第一次試串燒bbq其實之前都去過一次食大欖燒烤，佢地既食物好多選擇亦唔會太咸，性價比都高。今次妹妹提議試另一邊新款既串燒海鮮BBQ ,我地即刻報名去啦當日點左唔同既海鮮，佢地有大量醬料比大家調味，我地攞左牛酒加蒜加醬油同小小辣椒🌶️去燒，超大隻同妹食。我地選擇左用鹽燒大頭蝦，職員教我地用冰桶冰暈d大頭蝦（咁佢地就唔會一落去燒仲係咁彈）再點鹽去燒，鮮味大隻同都幾彈牙，絕對唔係cheap cheap貨我地亦都點左魚同大蜆，但沙田比較細隻同有沙，大蜆好多汁同新鮮，蠔就大隻但唔太岩我地口味（相知鐘意海水味好重既人會鐘意）而肉類都好多選擇，雞翼都有6款唔同味，雞肉串燒有韓式同沙爹同原味，仲有好高質既選擇：和牛，一口和牛，韓式五花腩，仲有尤魚同羊架（！！！超多人食）唔會只係得豬排雞排牛排咁悶仲會不停refill,而蔬菜都好多選擇我自己攞左勁多鮮菠蘿加蜜糖燒，起哂焦糖超超超正同juicy ,燒粟米亦都係必食之一麪包都有幾款化大家燒，我地用左蒜蓉法包加蜜糖同芝士燒，好香好岩味Total 150分鐘，仲分左室朗室外串燒，非常之欣賞。一定會encore

燒烤場地點吊腳，只有某幾架巴士先會到，落車行入黎都要15分鐘，如果行動不便，就唔適合黎。呢度有兩款燒烤，但限時2.5個鐘：1. 貴價 $368起 - 食物選擇多，有海鮮，乜都包但重點係爐勁細！爐要另加$60爐費！2. 平價燒烤$198起 - 爐大，但樣樣要另計最後我哋揀左貴價，以下嘅食評都係根據我哋嘅經歷去寫。呢個爐size係for 1-4人，個人感覺太細，燒左兩個半鐘全程都好趕，成日要搵職員加炭，但職員遲遲都唔黎架炭，浪費左唔少時間⋯ 燒左兩個半鐘，我哋4個都唔飽，一來因為加炭慢，二來因為爐太細，根本燒唔切⋯仲要加$60爐費⋯啲蜆好多沙，洗唔乾淨⋯ 螺肉有好多隻都梅左⋯一般燒烤要有嘅食物佢都有，不過調味偏咸係太咸全場最好食嘅，個人覺得係羊架不過飲品選擇就好多，但唔係咩貴價飲品；因為食物太咸，我哋飲左好多飲品⋯有雀巢雪糕、紅豆雪條呢間餐廳未夠鐘已經催你比錢，加炭又唔見佢咁熱心積極總結而言，燒烤場都有更多更好嘅選擇，雖然係黃店，但呢個食物質素對唔住呢個價錢⋯ 海鮮有沙唔新鮮⋯建議大家唔好黎中伏，$383 有更多更好嘅選擇，黃店真係唔係大曬

Happy Friday …緊係要聚聚喇…天氣涼涼地..岩曬BBQ打邊爐…少數服從多數..BBQ贏咗..點知入到場地$90就可以有咪打邊爐…真係一舉兩得…呢度已經佈置咗萬聖節裝飾..順便同朋友們慶祝埋萬聖節..😍😍職員佢哋仲打扮得好鬼正…唔知以為今日已經萬聖節👍🏻👍🏻👍🏻食物種類多😍😍就咁坐喺度唔使揸住支叉嘅BBQ中間仲要放個爐打埋邊爐..真係好鬼正最正就係環境好乾淨寬躺…帶埋小朋友嚟絕對冇問題…