壹臺 (已結業)

很後悔沒有影相，這真是一家很用心很有水平的餐廳!當晚吃了很多小吃,每碟都是30餘元左右，但份量很足！麻辣鴨舌從未吃過如此麻,又香但絶不油膩的鴨舌,賣相已經很好，,很美的玻璃碟,很香的天然調味.我先生很少讚不絕口,連他也說可以叫外賣回家撈公仔麪一絶！豬排麵首先講麵，不會凈係得麵同清湯甘，放了很多九菜肉碎，湯有肉味，浄係食麵都無問題。再講豬排，她的賣相已經好，但我無唸過甘好吃，總之一咬下去便大叫好吃，又香很多汁又酥really a great noodle, 我覺得以一個hkd45元既麺,真係很高分超值.台式烤腸又是一道用心的菜式,並不是求其放幾片腸便算,有青瓜伴碟,鮮甜,腸都不會很肥涼伴茄子茄子皮很香，有很多蒜頭在面，但又不會很攻鼻，味道相當不錯還有滷鵝翼茉香奶綠,等等,全部都值回票價.我不知道正宗台灣菜該如何,只知道太油的菜並不合香港人口味,這裡的菜絶不油,但很鮮香味,是色香味區全,價錢很合理,算平的餐廳.環境在商場內有sofa seat,我覺得好comfortable. 服務也很好，面帶笑容，是晚讃不絶口

終於都去試台灣菜啦，本人係台灣小食迷，台灣菜就真係未真正去食過，不過都經常睇台灣嘅烹調節目，對台灣菜充滿期待。兩個人去食晚飯，是日星期一，見門口寫住星期一有兩樣嘢做半價，一樣好似係咩滷味拼盤，另一樣係九層塔炒蜆（半價咗好似係$ 32），就係俾佢吸引咗入去試叫咗雞排配肉燥飯定食（好似係$ 6x定$ 7x)一碟炸雞排斬件，正常味道，肉質幾「林」身，無咩特別，一碗肉燥飯，本來我最期待肉燥飯會係我最愛，不過佢真係超普通，做唔出台灣滷肉飯嗰種香同吸引人食多幾碗嘅味道，有啲失望，有一小片似醉雞片嘅嘢，又薄又細，骨位血紅色，所以吸引唔同我同友人去食佢,仲有一小碟涼拌木耳掛，因為食落是凍的，唔...已經唔記得有咩味同埋有個湯（有咩蚵仔湯同豬紅湯）友人揀咗豬紅湯，我試咗一啖，ok啦。半價的九層塔炒蜆（ $ 3x )，半價黎講都算大碟，蜆肉細細，味道一般。蚵仔大腸麵線 （ $ 26 ）有兩粒蚵仔、四五片薄切大腸，只能說個人認為「八方雲集」嘅$ 15麵線味道香同抵食過佢。五更腸旺 （ $ 5x定 $ 6x )呢個算係全餐飯最好食嘅一道，有小小辣，有花椒嘅香味，不會過鹹，啲汁送飯食幾好，有大腸、豬紅、鹹

翻看舊雜誌, 發現呢間台食, 於是便去試一試. 餐廳雖然在商場地庫, 但內裡環境十分舒服, 由於時間尚早, 我們兩人便座了個四人的大卡位, 卡位是絨布梳化, 非常舒服. 一坐下,看見枱面上的餐紙印了一台.台食的logo, 紅黃色很搶眼, 個人很喜歡~~ 首先我們點了紹興醉雞. 紹興醉雞的雞肉很嫩, 加上濃郁的酒, 非常好味. 而雞片切成圓形狀, 加上杞子在雞片中, 整齊排放在碟, 非常吸引~~~我們最初只因為雜誌介紹才點這菜, 但卻沒有令我們失望, 覺得很驚喜~其次是肉燥飯, 它的肉粒和肉汁很多, 味道也不錯, 而且有我最的肉鬆, 但我依然覺得台灣吃到的肉燥飯更好味.另外, 看上去以為細碗, 但吃下去份量也不少, 每人一碗, 差點吃不完.第三個是鹽酥雞, 雞肉很滑, 而且炸得非常鬆脆, 包括紫蘇葉, 吃下去很香口野味, 吃得出是新鮮製作, 而且沒有皮肉分離的情況, 加上粉的份量適中, 而且不太鹹, 使我倆吃不停, 吃後感到大滿足~~讚!!!!!第四個是蜜汁紅糟, 餐牌介紹用台式甜醬煮豬肉, 覺得幾特別, 於是一試. 雖說是蜜汁, 但卻沒有很甜的味道, 只是淡淡的甜味, 跟豬肉也很配合,

重陽節中午沒事好做，跟老公去附近食晏，Mikiki地庫開的這家台式還未試過，就試試看午餐有set lunch，＄50左右有交易，也可以加錢配飲品。上菜很快，叫了5分鐘全部黎晒 0.0....老公點了鹽酥雞排肉燥飯，圖如下。雞排很明顯翻炸的，炸粉又硬又厚，除了鹹味，都沒有其他味道！肉燥很乾，也不好吃！！我點的是花枝丸炒飯，還過得去，加了一點酸菜和蘿白，令口味清新一點，算是過得去雖然這價錢我知道不應該要求太多，但至少其中一樣都給點誠意吧！食材，煮法，飲品沒一樣合格，雖然價錢平，但絕不能給ok這評價。不過要公平點說一句，環境是舒適乾淨，服務也不錯的... 但論食物，真的沒有下一次

同朋友探完B, 就去咗附近嘅「譽港灣商場 Mikiki」八掛吓兼搵食... 有泰式, 有韓式, 有台式... 朋友問我想食邊間, 我話好簡單, 邊間最多人就入邊間... 就係咁... 揀咗「一台．台食」!!!定食唔包飲品, 所以我地一人叫一杯特調特飲...宇治金時--嘩!!! 中招!!! 全杯都係碎冰o黎嘅?!! 餐牌都冇講!!! 仲要好專心都只係飲到好虛弱嘅抺茶味, 杯底有少少紅豆, 不過冇紅豆味... 唔通又玩1比99???黃金歲月--朋友果杯都唔好得幾多...定食包王功蚵仔湯或台南豬血湯... 朋友同我都接受唔到呢2種湯, 落單時講明唔要, 上菜時都夾硬每樣拎1碗出o黎... 搞咩呀?!! 我地又冇要你退番碗湯嘅錢, 你可唔可以唔好夾硬o黎呀, 你知唔知浪費食物好拆墮o架?!!原來定食仲包台灣黑白切豆腐, 滷鵝翼, 頭份醋溜木耳... 我而家寫BLOG睇番個餐牌張相先發現咋... 除咗滷鵝翼係食咗落肚, 真係見唔到有豆腐同木耳囉... 唔通魚蛋係台灣叫黑白切豆腐??? 酸瓜係台灣叫頭份醋溜木耳??? 當時掛住雞啄唔斷, 真係咩都冇為意, 蝕底晒啦!!!三杯雞定食--份量唔細, 三

昨天去新浦崗上堂，上堂後就發現mikiki mall,咁就去呢間台灣野試試啦。呢間野比其他餐廳都唔算貴，$50個午餐有3個前菜，1碟餸，1個肉臊飯。前菜同個餸（炸豬扒）都幾好食，而個肉臊飯簡直係精髓，因為加入少許豬油粒，食落油香十足，再加上味道良好，十分平衡，正！不過，木台面張“箭“木台紙就好似用過架羅，見到有幾點油漬。。。失敗。

對我來講，新浦崗已經是很遙遠的地方了，但是看了之前的食評，覺得壹臺雖然那麼遠，又很陌生，但最重要是應該有我喜歡吃又好吃的東西，那遠一點也就變的不是問題，決定買這個團購了。來之前需要提早一天訂位，電話中更要把菜先點好，那知道當天又發生了一些事情沒辦法準時到，店家可是非常認真的打了兩次電話來確定我們雖然遲到，但不會不到。來到之後，感覺侍應都很熱情，這店不算大，可是有這樣服務真是了不起。這個二人餐內容有：七味蓮藕片 鹽酥七味菇 金不換炒蜆或蔥燒黃魚 十全大保藥膳雞煲或五更腸旺辣雞煲鬍鬚張鹵肉飯或 新竹番薯粉還有2杯飲品飲品我們點了冬瓜茶，味道跟在台灣飲到的真的很像，但老闆不諱言冬瓜茶只是用粉沖開的，但是我們覺得味道還是不錯。我們坐下，環視桌上餐具，不豪華卻很整潔，顏色黑白分明，也很有特色，過不久就開始上菜了。原來他們已經把我們的菜準備好了，而且老闆告訴我們有些材料他們是當天採買的，所以他們需要我們提早訂位，而且還打電話來確定。冷盤---七味蓮藕片，冰涼蓮藕好爽甜，加上台灣餐廳常常用的七味醬，又甜，又辣，加一點點酸，這樣的醬料真的是台灣配方呢。鹽酥七味菇- 炸得好鬆化，如果不是菜已經很多，真想

本人都比較喜愛食台灣野食, 無奈在香港想搵間坐得低又有珍珠奶茶飲又有餸食的就真係愈來愈小~~!!愛發掘及嘗試新野的我今次又發現了新大陸~~~ 一台．台食在新開的mikiki商場內, 環境都幾大下, 食物種類都ok 夠, d 菜色都幾創新, 唔係話一般食店常見的, (或者係我孤陋寡聞啦~!!! ) 今次lee 個是二人餐, 有七味蓮藕片 +鹽酥七味菇 + 金不換炒蜆or 蔥燒黃魚 + 十全大保藥膳雞煲 or五更腸旺辣雞煲 + 鬍鬚張鹵肉飯 or 新竹番薯粉仲連2杯野飲前菜冷盤---七味蓮藕片, 好爽口, 未試過用甜辣醬配蓮藕食, 好好配搭!!!! 最緊要是夠哂涷!! 正鹽酥七味菇- 炸得好鬆化, 如果大碟到成碟菜咁就好了！！！主菜我們choose 金不換炒蜆, 又係從未試過咁o既mix and match ,個汁有D甜甜地, 令人愈食愈開胃.... 都幾得意, 感覺良好 !!由於我們不吃辣，　所以選了 十全大保藥膳雞煲，都夠哂大煲下，我們一行３　人還怕這個餐唔夠吃，　不要怕個雞怎會個顏色咁沉？　原來係個藥膳湯而已，飲落又幾好味bor ，不不下都幾多料ga !!多心的我鬍鬚張鹵肉飯 和

又到一田年度大減價，mikiki雖然只得超市，但人就無咁多，行得舒服啲。血拼完之後就要醫肚。揀咗壹台，有set lunch n 定食。由於時間尚早，所以無乜人。兩個人，要咗兩個餐，三杯雞煲配竹筒飯+豬排燥肉飯。豬排燥肉飯先來，豬排炸得好香口，切條，炸得好酥香又唔油，炸漿又唔厚，很好。肉燥飯都要一讚，先講米粒，優質，飯粒分明，唔會淋pat pat.肉燥香，唔太油，送飯一流！三杯雞煲真係份量十足，用煲仔上，熱辣辣…有好多雞，而且仲好有肉添…味道濃，微辣，惹味！竹筒飯，其實只係白飯，不過飯粒分明，好味…環境不錯，坐得舒適。

通常買團購都係要看看食評先, 幾平, 圖幾靚都無用架, 大家食過無好評, 送比我都唔去呀. 今次都好滿意, 除咗食物滿意外, 服務都好滿意, 未試過用團購時會有服務生走來問我哋d食物得唔得, 滿唔滿意, 呢個真係要一讚. 整體上我好滿意每樣的味道, 但個雞煲就係越烋越咸. 服務員接受意見, 仲話會反映比大廚知. 行開都可以再去食過

見到壹臺的餐廳有咁多好評應該唔錯~今日去左食lunch! 叫左 豪大香雞排飯配肉燥飯再加 $8 換杯珍珠奶茶奶茶香滑而且甜度適中加埋彈牙珍珠! 正!正!正!今餐真係好令人回味台灣美食!!!下次要試鹽酥雞, 蚵仔酥, 台式麵線…

昨晚探訪剛成為人母的好朋友，談起 Mikiki 這個位於新蒲崗的新商場，不經不覺已開了好幾個月，商場內的店子相信亦開得七七八八，於是便趁著第二天也是假期的日子來這裡探索一下。來到新商場，當然不想試連鎖店的新分店，而是全新的新品牌，因此目標是頗為明確的。其實之前也聽聞過這裡有家台灣餐廳，評語還是不錯的，於是便到網上做些搜尋，果然整個 Mikiki 內的餐廳中，好評最多的便是這家名叫壹臺的餐廳，於是二話不說便朝著這個目標進發。一如所料，踏入 Mikiki 後便發覺幾乎全部店舖也開業了，以星期日的情況來看，人流不算太多，或許真的和其先天性的地理位置有關。全個商場內最多人的應該是地庫的一田超級市場，而壹臺則位於超市側的一個半圓型餐廳區內，與泰式餐廳金寶為鄰。相比起鄰近數家餐廳，壹臺的門面相當搶眼，大紅色的「壹臺」，與店內以同樣以紅色為主的裝修互相襯托。 下午二時多，店內座位也有八成滿，應該是商場內受歡迎的餐廳。我們在門口看了餐牌一會兒，便被門口店員的一句「裡面有卡位」吸引著，於是便決定走進去，慢慢坐下才繼續細閱餐牌。被店員安排到最接近門口的卡位，發覺這店的卡位私隱度非常高，除了貼著走廊的一面外

十二月二十四日 (星期六)愛美食,就會愛上台灣自從幾年前去了一趟台北,我就愛上了台灣!甚至視為我的第二個鄉下!單是上一年已經去過三次,台北,台中及墾丁,發覺每個地方也有其特色美食,其中以台北是最集中的尚未知道下次再到台灣會是何時,今晚一於找家台灣食店去一解我的思鄉愁聖誕期間,到了Mikiki這新商場閒逛,見到位於地庫的美食廣場每間餐廳都很各具特色,最吸引我的,當然是主打台灣菜的壹臺在店門口,店員已立即上前熱情地招呼我們,說這裡主理的是正宗台南菜,大廚曾在名店渡小月任職,應有相當保證店子有卡位及適合大伙兒聚會的大檯,亦有我們坐的二人檯座位闊落而且有梳化位,是少見坐得較舒適的台灣食肆看過大大張的餐牌,心中有數,由老公仔發板,點了幾樣必吃的食品上菜速度快得驚人,珍珠奶茶也不到兩三分鐘就送上最慢的是炸物,為求新鮮,店子是即叫即炸賣相可愛極了!用上迷你盛啤酒的杯,很搶眼街外台式飲品店賣十元左右,這裡以鋪頭價十八元來說亦算合理若盛滿的話,美感應該會是滿分!奶茶十分香甜細滑,甜度適中,即使沒有要求少甜,也不算過甜過膩,值得一讚!我對珍珠要求較高,這杯小可愛珍珠份量不算多,但粒粒都彈牙可口,大大粒,口

雜誌介紹新商場新食店...以壹臺佔的篇幅最多是日來此商場一遊...那就看看這店質素如何...是否如報導般有水準 配熱飲北港當歸鴨麵線 $39 配凍飲 $3豪大香雞排麵 $35 配台灣特色飲品炸花枝丸 $28 先選了當歸鴨麵線...期待精心的藥材湯底湯底香濃帶甜味...有其吸引力鴨肉如鹵水鴨件...肉質軟...蠻不錯可惜...麵線是一大敗筆...時間控制不專業...煮致極軟...過於糊狀麵線吸不到湯味卻反而沖淡湯的濃...湯還是先嚐為佳麵線是台灣小吃中極重要的角色...麵線做不好...難以令人對其有信心雞排頗大...加上湯麵...份量令人滿意精心調製的炸粉有其特色...炸來不油但脆...味道恰到好處本人認為最精彩的雞排不是它...但風味每店不同...眾人口味不一...難以評論誰為最好花枝丸炸得金黃...可是選材不夠精...花枝味不夠重丸亦過於細小...只算一般珍珠奶茶有誠意...不是一些常喝到的普通貨色茶味芳香...奶味清甜...珍珠亦彈牙可口不過不知何解帶了點茉莉味...不如大眾認知的珍珠奶茶...未知大眾接受與否壹臺走台灣特色小吃路線...除了常見的款式...更有罕見的菜色從餐牌可見

為了即將來臨的自製平安夜晚餐的材料張羅及做資料搜集，因而到了Mikiki內的"一田"打個白鴿轉。行之前先到了這最近有口皆碑的台菜小店祭一下五臟廟...要一氣過試勻各款小吃及飯麵食，最好就莫過於來一份包羅萬有的台式便當.....這兒的便當也有好幾種選擇的。自己一向喜歡吃魯肉飯及麵線，看看餐牌，喵到剛好有一款是兩者兼備的，實在是今天的不二之選了....除了有以上所述的主食兩款之外，還有開胃菜、滷水小吃及菜蔬一小份。也可算是份量不輕的便當.....前吃是味甜酸得來帶少許苦瀝的爽脆黄瓜條，很特別，亦的而且確起了醒胃及刺激味蕾的作用....炒椰菜味道十分的淡，好像沒有下鹽似的。但比起下了"師傅"調味的，卻又好得多了....滷水小吃以最基本的蛋及大腸作材料。前者普普通通，蛋白不算死硬硬，蛋黄"粉粉"的質地沒有任何怪味，已收貨；後者雖夠淰但帶些異味，這就有點讓人有些不爽...台式麵線有兩大特色 ---- 便是如漿糊的質感及濃厚的"師傅"味。尤記得多年前在尚未發跡的"阿宗麵線"來個立食麵線，那滋味依然深印在腦海中。這裡做的麵線又如何呢 ? 論"糊"的程度是與正宗的相差太遠；"師傅"味亦尤有不及。老實說