囍慶酒家

營業中

休息中

粟米蛋花羹，上枱是一大盤，足夠8人份量，仲係熱辣辣，啲煙仲飄緊上嚟，粟米一粒粒的很有口感。雖然係一道很普通的羮湯，但令我想起孩童時候的感覺，夠懷念。蒜蓉粉絲蒸帶子，連殼一起蒸，一起上枱，再加大量蒜蓉及粉絲，入口味道鮮甜，蒜蓉味非常夠，而粉絲吸晒帶子的鮮味，是超好味的伴碟。 蒸石斑，這條石斑約有斤半左右，要蒸到剛剛好不是容易的。今次廚師整得唔錯，魚肉仲係很滑，不會蒸過頭而變得老身。魚很鮮甜美味也很新鮮。 甜品叫了桂花椰汁糕，入口濃濃的桂花味，加埋椰汁味道很夾，不會太甜，值得一試。

唔經唔覺又黎到5月，5月其中一個最重要既節日就係母親節雖然未到，但都不遠矣，每年都會提早一點慶祝！今年揀左係科學園既囍慶酒家晚飯，科學園對我地黎講都好方便唔遠，同埋上次黎過飲茶阿媽幾鐘意呢道較寧靜、野食又唔錯同服務好門面光猛、地方寬敞、又有大電視～每枱可以揀一款優惠食品，價錢非常超值🤤除左散點有唔少優惠價外，亦都有套餐揀我地揀左特價$48既例牌燒鵝特價都有脾肉食上枱已經聞到鵝味香濃、肉質鮮嫩多汁脆皮燒雞半隻$138皮薄又脆、肉質結實、啖啖肉冰燒脆腩仔$58超，必食！皮脆肉嫩，但又唔會太肥，入口有肉汁又脆口帶子褔建炒飯$108阿媽最讚不絕口竟然係呢個飯🙄除左夠大碟又用料足外，飯粒粒分明、濕度適中唔會變湯飯，味道亦很好清蒸鮑魚$138/2隻呢道海鮮都靠得住，清蒸已經非常新鮮美味厚肉彈牙鮮味十足食飽重有綠豆沙送

過咗科學園呢度晚飯貪佢夜晚冇咁多人， 環境好舒服， 見到囍慶推出咗啲優惠都幾吸引， 我哋點咗個$108加拿大龍蝦伊麵底， 平時人多先會點，一人分得一碗，5夠喉，今次成碟得我同我老公兩個食好痛快呀😂， 隻龍蝦仲要都幾好肉下，正跟住再嚟就點咗個孖寶b 薑蔥焗肉蟹煲同埋燒汁琥珀一口牛淨係睇到個名都好吸引呀成個蟹蓋都係膏呀，十分邪惡識食梗係要第一個食蟹蓋先啦西芹 牛柳粒 同埋合桃 又健康又補腦， 呢個配搭都不錯最後點多個蒜蓉炒 農村 菜， 估唔到佢好新鮮好嫩喎，啱曬我小朋友食椰汁桂花糕 ，好清甜，很不錯相對呢碗楊枝甘露我就覺得比較甜左小小

香港地假期去到邊都係人山人海，咁岩比我搵到個好去處就去科學園，帶住個小朋友去科學園空氣又清新，又唔會有咁多人逼來逼去。晚上食嘢的地方又多選擇。今次爸爸話想食中式嘢，我哋就上咗去喜慶，滿面很大方，裏面的裝修既乾淨又舒適。我們叫了半隻燒鵝，份量已有一大碟，燒鵝肉很甜，一啲都食唔出係冰鮮，連外皮都超好味，食入口仲有少少暖。上湯龍蝦伊面，上台時仲熱辣辣龍蝦超鮮甜，啲肉很實，很新鮮，由於湯底鮮甜，令伊面都吸晒龍蝦嘅甜味，超好味，吃伊面都吃了兩碗。我最愛吃的中式甜品，壽包，手包冇想去是一個迷你的壽桃樣，裏面有蓮蓉及四份一份量的鹹蛋黃，上枱時個包是熱辣辣的，所以小心辣口，壽包不會太甜，好味。

我嘅家族有好多小朋友，今日我哋約埋一齊去科學園踩單車。午飯時間去咗呢間酒樓飲茶，貪佢地方大、交通唔方便、相對容易搵位。 我哋果然好幸運一去到就攞到一張大枱。 小插曲 : 曾鈺成同佢太太兩個人嚟飲茶，坐喺我哋附近 ，我偷望咗去佢幾下，hee hee...我哋叫咗一啲飲茶基本一定食嘅嘢, 例如: 蝦餃、燒賣、鳳爪、牛肉球、馬拉糕、叉燒包、春捲、鹹水角、炒飯、 牛肉腸、蝦腸、 叉燒腸 、燒味飯。 其實呢間酒樓嘅食物係ok嘅。服務方面就...... 人手唔夠，全餐冇人收過一隻碟... 成枱點心點搭疊到高一高... 幾驚會冧...不過有免費泊車，又唔使喺市區同人迫 ，唔收碟都算啦......

香港玩既地方不多，可以一家人去下食下野又可以泊車，科學園系一個不錯的地區，又可以比小朋友玩啦，一般科學園的餐廳都收得早，好早6點左右就收晒，得返酒樓，今日我地就膽粗粗留系度食，6:30pm黎到不算多人，食食下7點左右就要排隊入座了。我地叫左個8人餐$1288，假日要加多100！有龍蝦，有龍躉，有菜，有鵝，有飯有甜品，份量十足。上湯龍蝦伊麵，龍蝦有兩大隻，啖啖肉，不醒，爽口彈牙！龍躉蒸得剛好不老身，食落好鮮甜。蠔士菜，成碟菜都超多蠔士，超足料，所以成碟菜都好香蠔士味，菜剛好，不老身。將雞轉燒鵝另加$100皮脆肉嫩，好豐富肉汁，肉不靭，瑤柱蛋白炒飯，炒得乾身，粒粒飯，有飯香，

星期六陽光普照, 氣溫不冷不熱, 一年裡最好的季節就是這個時候了, 咁好的天氣, 不去郊遊簡直就是對不住個天氣, 於是我們一家大細帶齊裝備, 去沙田踩單車.租了單車向大埔方向慢踩, 微風拂面, 天清氣朗, 人顯得格外精神! 踩了約兩個鐘頭單車, 大家都開始肚餓,我們都想搵個座得舒服的地方飲下嘢醫肚, 經過科學園, 大家提議去裡面的酒樓飲茶, 大家一致讚同, 於是來到間叫”喜慶”的酒樓, 酒樓環境清幽, 裝修得富麗堂煌, 我們可以好舒適的坐在這茶樓裡嘆下茶, 食下點心.落咗order後, 我們叫的點心陸續上枱, 特別要讚的是這裡的鮑汁鳳爪, 醬色的鳳爪連埋好多花生用個大碗裝住, 睇到都令人垂涎欲滴, 食一粒花生, D花生好入味, 但又唔會太咸, 又香又粉, 好食到停不了口, 而D鳳爪都已炆到林晒, 我鐘意吮骨, 慢慢食這入晒味的鳳爪, 感覺滿口都是骨膠原, 好林好多膠質, 超好味道!細佬仔們鐘意的蝦餃, 燒買都好上了枱, 燒買好大粒,啖啖肉. 蝦餃都是晶瑩剔透, D蝦餃皮薄到可以見到蝦餃裡而的汁及紅紅白白的鮮蝦肉, 小朋友們好鐘意食這兩款點心, 又好肉又鮮甜!都估唔到他的燒鵝都做得好出色

成日都係樓下既酒樓飲茶，都飲到好悶，又多人，今日試下去遠D。好耐無去過科學園飲茶，今日就渣車去飲個午茶。有午巿精選，又有一張精美點心紙，好多選擇。碧綠順德鯪魚球我自己就好鍾意呢個點心，大大粒，又有咬感，平時食果D會有好多粉，呢個真材實料，仲要一啖食唔曬。鮑汁鳯爪呢個都係我既至愛之一，忟得好冧，又入味，連花生都好好食例牌燒鴒+窩麵呢個真係超抵食，148蚊，就咁一個例牌都要128蚊, 但加20蚊有勁大碗麵喜慶流沙包流沙包係飲茶必叫，好多時都唔流，但呢個就堅係流，正!安蝦咸水角每次飲茶必叫咸水角，最緊要係皮脆涵多，夠熱。呢個咸水角差左脆，其他都可以。擂沙湯丸好耐無食過，酒樓唔係成日都有，通常糖水舖先有，見到總係想叫，不過原來有紅豆沙送，食埋擂沙湯丸就勁飽肚滿腸肥，職員主動問要唔要泊車，俾左張過400既我地，可以泊4個鐘，仲有時間係科學園行下，唔洗急急腳走，so good!

假日或者夜晚嘅科學園的確系無咩人，無Traffic就連燈都唔多盞，唯獨系得呢間囍慶先做緊生意。眼見顧客都系家庭客，有一家大小，有老有嫩的，可能都系區內住宅嘅neighborhood食物嘅份量都算多，價錢唔貴，但除左呢啲，仲有唔少超值之選/ 晚市優惠孖寶，拉勻百幾蚊一位都可以食到海鮮，有魚有肉，仲要好飽!!!其中一款特惠系上湯焗加拿大龍蝦，售108元，大大份夠起碼四個人食，龍蝦好厚肉，友人不禁講左句，真系龍蝦多過伊麵，真材實料! 龍蝦夠新鮮，肉質夠firm又彈牙，仲好好食添!薑蔥焗肉蟹煲 (168/ 228拼汁燒一口牛) - 百幾蚊一個肉蟹煲系真抵食到不得了，尤其加埋一口牛先系228，相信香港真系無咩地方可以用甘平嘅價錢出街食到蟹。肉蟹嘅蟹蓋通常都系無咩膏食，重點一定系落入蟹身同蟹鉗，蟹肉鮮甜又夠厚肉，肉夠多汁而且帶一絲絲嘅質感，相當治癒。連蟹鉗都好多肉，肉質仲要系爽彈到不得了，真系好新鮮!!! 另外仲有配大量粉絲，超級香口入味，蟹同龍蝦都真系好好好抵食西蘭花炒帶子 (128) - 啲帶子多到有成二十粒，去飲宴成圍食都未必有甘多粒，認真誇張而又抵食!!! 帶子煎到微焦，食落又幾香口，而且

我們的小黃車之旅由大圍出發，不消一小時便到科學園。自上次到科學園site visit便得悉這邊的酒樓價格非常划算，遂借此酒樓作我們踏單車的«驛站»。想不到週六晚上冷清清的科學園竟有如此多的食客，附近基本上沒啥住宅，除了天賦海灣......價錢相當划算，加上晚市有四選一的超特惠菜式，每檯只可選一款啊......但其實仲有大量晚市孖寶，平，靚，正!上湯焗加拿大龍蝦 (伊麵底) ($118): 原隻加拿大龍蝦相當多肉，龍蝦肉鮮甜而肉質爽彈，質素出奇地好，遠遠超出預期。上湯亦夠清甜，伊麵也吸收了龍蝦的鮮和上湯的甜。紅燒乳鴿 ($58/隻): 乳鴿燒得蠻香口惹味，顏色夠深，富肉汁，肉味亦到位，某程度上，比不少自稱燒鵝大皇的食店更好!椒鹽九肚魚 ($88): 九肚魚必須趁熱食，外夠酥香，內裡滑嫩，入口即化，椒鹽份量剛好，不會太鹹。汁燒琥珀一口牛 ($108): 琥珀也者即蜜汁芝麻合桃，以炒西芹伴汁燒一口牛，牛肉多達二十餘件，肉質幼嫩，燒汁夠香甜入味，牛柳粒無雪味。 最後點了個甜品 - 芒果布甸

今日同媽咪左沙田行街，中午早小小去飲茶，科學園有間酒樓，星期六中午人客都好多，我地都趁熱鬧去食個午餐。鮑汁鳳爪。鳳爪非常入味，花生吸哂醬汁，味道濃郁香口。燒賣。豬肉半肥瘦油香滿滿，蝦膠打得彈牙，即叫即蒸熱辣辣。蝦餃。中間蝦膠彈牙爽口，蒸點是不錯的味道，皮薄餡料豐富。咸水角是我最愛，咸香完全唔油膩，中間餡料豐富加左豬肉碎非常滋味。太極鴛鴦雞絲炒飯。醬汁調得豐富濃郁，配上炒飯極是滋味，好懷念的主菜，以前去酒樓成日都食，而家已經好少見。

今日要去科學園做嘢，本來以為科學園嘅地理位置咁偏僻，一定冇咩好嘢食，但係原來呢都唔止多嘢食，而且餐廳好集中，仲要價錢唔貴！不過lunch time 真係周圍好多人，我想舒舒服服坐一陣，所以就同個同事一齊去酒樓飲茶😎😎😎酒樓嘅裝潢頗為簡約時尚，配合科學園嘅形象😊我哋叫咗一份燒咪拼盆配上湯米線，份量相當多，啱晒我哋兩個咁大食嘅人！米線普普通通，但係燒味真係唔錯，叉燒相當好食，值得推介👍🏻👍🏻👍🏻見到幾乎檯檯都叫魷魚鬚，我哋都忍唔住叫返一份，熱辣辣嘅魷魚鬚口感彈牙😋😋😋我哋仲食咗香茜牛肉腸，皮薄足料😋估唔到科學園都有咁多好嘢食，我諗下次聽到入科學園做嘢就唔會再係我哋嘅惡夢啦😂😂😂

有朋友喺科學園番工，佢唔講我都唔知原來呢度有地方食晚餐架！今日夜晚就同男朋友黎試下囍慶，估唔到咁有水準！燈火通明，裝飾幾靚，仲有部超級大電視，睇黎係結婚擺酒的好地點😛👍🏻囍慶燒鵝皇 例牌$48（2-4位用）晚市供應，提供超值優惠價，所以只可以選一款，男朋友就揀左燒鵝。非常肥美，又夠入味，一流！必點！海底椰燉螺頭湯 $228好足料的燉湯，海底椰、螺肉、瘦肉、原隻雞，鮮味無窮，好好飲！欖菜肉崧四季豆 $78四季豆炒得夠鑊氣，唔錯。椒鹽魷魚酥 $58金蒜粉絲蒸鮮貴妃蚌 每隻$20每隻$20！！又係勁抵，蒜蓉粉絲好惹味，貴妃蚌新鮮肥美，不得了！食到好飽好飽，都係$500幾蚊埋單，仲可以憑單免費泊車，下次會再黎食過！

同幾個朋友 去完踩單車所以呢到科學園就 試下呢間 中菜酒樓佢哋最近做緊 惹味孖寶 睇落都幾抵食我哋揀咗孖寶A鵝肝醬貢菜炒什菌, 加咗鵝肝醬, 真係入味啲另一個係 金錢粉絲蒸皇帝貝 啲扇貝真係幾新鮮再加埋呢個燒鵝三寶 肉質 彈牙 有口感記得試下 上湯焗 龍蝦 伊麵啲龍蝦 同個伊麵底 真係好好食仲有杏汁 燉白肺杏仁味 濃郁 潤肺 香甜個湯白雪雪 唔講仲以為飲緊 北海道牛奶 勁正前菜嘅酸菜都好好味 有好多花生 記得試下如果有揸車 可以拍喺 P1 停車場 過天橋就到餐廳餐牌

估唔到科學園裏面有中式茶樓呢裝修華麗，坐得又寬躺，又有大電視睇蜜糖叉燒酥餡料多，酥皮脆口蜜瓜炸鮮奶好少見，黎呢度先有得食，有好濃郁嘅蜜瓜味平時我都鍾意食千層糕多過馬拉糕，點知呢度有埋奶黃味既千層糕避風塘鮮魷，蒜頭做調味料，炸得外脆內軟，一啲都唔un，就算係箍緊牙嘅我都咬到燒賣裏面多蝦肉，好香，皮薄多餡平時就食得多雙皮奶，但係呢度連薑汁雙皮奶都有，混合左薑汁撞奶同埋雙皮奶總括而言，我同朋友下次嚟到科學園參觀嘅時候都會再嚟食下先，可能因為有一邊係露天嘅關係，所以環境比平時既茶樓冇咁嘈雜，呢到比較舒適，我同朋友都好鍾意喺度傾計