名廚 (紅磡灣中心)

營業中

休息中

最近唔知點解好鐘意食咖哩牛腩飯，見到名廚的下午茶餐都有咖哩牛腩飯 ( $28/ $29)，一於點一客試下。等左差唔多6分鐘就有啦。佢的咖哩牛腩係同飯分開的。一開似見到咁多汁以為得幾粒牛腩仔，不過食落都有5-6 粒牛腩，仲有啲薯仔做配菜，都幾足料。牛腩幾腍，咬落去有汁，亦都幾有牛味。啲咖哩比較鹹，有小小辣粉的味道，不過唔夠咖哩的香味。個人比較喜歡有耶香味的咖哩，如果加小小耶汁去咖哩到就好啦;)華田好似沖得有啲淡。服務正常。

未見其店，會比個名嚇親，以為大酒家，實為茶餐廳，食過幾次晚飯都幾好，今番試一試早餐，魚柳煎蛋多士，魚柳剛炸起，超熱，非常脆皮，但炸粉略厚一點，煎雙蛋，微微燶，半生熟漏黃，伴碟一片蕃茄和一片青瓜，再加些少茄汁豆，多士唔熱，應該因為多士先烘，等魚炸成，時間耐便冷卻，奶茶味濃

尋日第一次去諗住試下, 可惜無卡位... 所以無入到去今日再去, 一入到去... 見到啲裝修佈置, 對唔住, 好想講句 "有啲九唔搭八囉"下午茶, 炒粉麵飯都要$28, 本諗住收得咁嘅價錢, 應該有番咁上下水準啦... 仲要個名叫"名廚" 點知....同事叫咗星洲炒米, 而我就叫咗咖哩牛腩飯...先講咖哩牛腩飯飯同汁分開上, 飯好多。但係好可惜, 啲咖哩一啲都唔好食牛腩, 好鞋! 好韌! 又肥... 唉!!! 薯仔... 唔知到底係蕃薯定薯仔... 雖然甜甜地, 但係個樣好似擺咗10幾年咁, 黑黑地...有5舊牛腩, 亦只得3舊食得, 唯有用啲麻麻地嘅汁撈飯食... 只係食咗一半至於星洲炒米同事亦話只屬一般水準, 既稱不上難食, 又稱不上好味... 基本上, 真係唔值28蚊, 叫我比28蚊, 我寧願去阿x廚房, 既快, 又好味...

放工後有應酬，同班舊同學摸住酒杯底風花雪月至九點幾，肚空空咁返回屋企附近搵嘢食，走到紅磡舊區嗰間「名廚」食宵夜。本想試咗這間茶餐廳好耐但一直無機會，好啦! 今晚决定試一試。擰起個餐牌左睇右睇，九點幾咁夜唔想食得咁heavy，所以不選擇晚餐或小菜配套餐而take咗個特餐($30)。吉列豬排出前一丁麵即炸吉列豬排香脆鬆化，原本怕肥及熱氣的我亦毫不計較地finish咗整塊豬排! 個丁麵算okay lah!火腿奄列 + 牛油方包 + 熱鴛鴦尚算一般貨色，若牛油方包可轉餐包以及熱鴛鴦可加多点奶就更tasty!前兩天帶老婆一起去名廚撐枱腳嘆早餐，我哋叫咗兩份早餐，她盛讚碗通粉嘅味剛剛好，煎蛋及炸魚即叫即造，件炸魚又夠大塊，厚厚的魚肉唔係剩得炸粉槳，碟上亦有一份牛油多士及一点茄汁豆，把整個早餐頓時變得十分豐富，好味道!環境還算舒適整潔，有無綫電視睇，老闆同伙記夠友善像一家人般。美中不足的是沙發有啲爛。Last of all, I quite like the English name of this cafeteria shown on the menu – Fameux Cusine! Same

每次午膳時經過此餐廳也差不多坐滿人，終於有機會試試。一進餐廳，侍應們立刻前來服務：遞茶、送例湯、落單。很快送來了飲品－熱好立克。落單後過了約5分鐘，侍應留意到我的主食(豉椒排骨河)還沒送上，便自動自覺立刻跟進，所以很快便「有得吃」了。例湯達到水準；好立克不太甜，如再淡一些則味道不夠；排骨河汁料多，肉嫩、夠辣味，河粉不黏稠。因為每座位位置較少，吃完後待應們都留意收碟。因為侍應們效率高，同時大部份食客也是上班一族，用膳時間較短，客流轉得挺快。雖然很快，但品質超出預期呢！

個名實在太令人聯想了, 只不過食早餐唶, 茶餐廳的外表, 莫非內裡大有乾坤, 未知之素, 要試一試晚飯才可作準, 但就早餐而評, 實令人失望, 來一客沙嗲牛肉麵, 加午餐肉煎蛋, 配奶茶, 麵是出前一丁, 上枱時不夠熱, 應該是因為一早淥好, 再回熱水的, 但湯也不算太熱噃, 公平些麵身確實不錯, 尚彈牙, 牛肉十分差, 好似煲過龍, 食落似牛腩肉, 軟淋淋兼散開的, 完全不是普通牛肉質感, 另外, 煎蛋和午餐肉都是凍的, 要清楚說明, 不是不熱, 而是”凍”, 不可原諒, 加上是全熟蛋, 討厭 (個人問題), 麵包硬硬, 放太耐之因, 全套收$23, 合理以下, 不會再來早餐, 晚飯有待進一步測試…

為了就各兄弟姊妹時間，終於呢個星期六慶祝遲來母親節，前排知道佢開左分店，今日米去新店試菜，訂左下列菜式: (九個大人一個小童) 1) 燉海中寶湯 2) 芝士牛油大蝦伊麵底. 3) 海蜤(大隻)凍鮑魚 4) 蛋白花彫蒸蟹 5) 桂花蚌帶子西蘭花 6) 海上鮮一條7) 甜品 –杏汁燉雪蛤 好美味! 好鮮味! 好精緻! 好飽! 真可與星級大酒店比試。雖然係分店，但質素仍然咁掂，環境地處紅磡村，內裹格局比總店大得多，可擺多幾圍大檯，應該大宴親朋好okay, 較舒服；可能暫時未有太多人知，訂晚飯較容易...... 今次因為係母親節，所以要左個杏汁燉雪蛤，呢款我最鍾意最驚喜，杏汁好香味, 雪蛤好足料，當然亞媽更好開心啦! 唔駛佢辛苦整就有得食。 其次要選擇好味的便是凍飽魚，同芝士牛油大蝦伊麵底，鮑魚好鮮味好嫩好"淋"，一d都唔靭。芝士牛油大蝦，隻蝦的size好似個碗咁大，雖然食完鮑魚已收起刀叉，但由於隻蝦咁大隻，我都要求要番刀叉來食較方便，牛油味好濃好香，伊麵底吸了d汁料，簡直完美的結合，咁樣食法已飽了一半....

係紅磡番學〝食晏都係番紅磡舊區食〝多野揀嘛名廚...um...千祈唔好期望會有好service〝因為好大機會失望野食都幾好既〝around 30蚊左右一個飯+埋野飲個斑塊炒麵幾好〝有汁得黎個麵係脆既〝唔會浸到淋曬佢有時會送埋個湯比你...不過都係果句啦...好味精食到唔知食咩好既時候應該都智搵番佢既...

米睇間店舖細細地, 臥虎藏龍, 前酒樓大廚呢埋廚房密密整, 你唔會諗到可以食到咁精緻的食品。之前凡有喜慶都會選擇響呢到預訂一圍，貪佢可以預人數加多或減少d菜單，次次朋友們都坐得迫迫地，最近知道佢開分店， 好開心米第一時間book 1/5 試下， 點知前一日收到通知話新店要check煤氣，問我地有無問題去舊店, 因為已約齊16人，費事再聯絡咯，咁米照去.....當日順路八卦上過新店 - 紅磡村紅暉樓望左一望，地方大左好多，舒服好多！黎緊要book下翻啅先得, 預計下星期試菜.....補回母親節晚飯，到時再同大家分享。

普通茶餐廳,多數都係廿幾蚊, 在紅磡來說,已經是平。對茶餐廳的要求不高, 至少不算太骯髒, 可以接受。 楊州炒飯 ($21定23)呢個係下午茶價錢,相比起果到既午餐平5蚊左右,不過就細碟左1/3炒飯唔會太濕, 都有蝦,蛋,叉燒粒咁..材料唔算新鮮..但都可以接受 價錢同質素係成正比的, 。

成日見到呢間都有好多人食,呢晚見到有卡位就走入去試吓,並叫了個自選兩菜一湯套餐.豆腐海皇羹 -- 頗大碗,料亦算多,味道亦可以.瑤柱肉崧蒸水蛋 -- 啲蛋非常乾身,完全一滴水都無,對於我這個喜歡食水蛋的人,是一個失敗的餸.西檸芝麻雞 -- 雞都有很多件,亦夠熱,西檸味都ok.食完發覺只是一般而已.

情人節當天我們一家人(6個人)浩浩蕩蕩去朋友介紹的餐廳吃晚飯，未到目的地之前我只係知道吃中餐，因為我是經過朋友去訂位及落菜單，我到左目的地還以為去錯左地方，因為面前是一間茶餐廳，我推門進去，伙計十分之熱情招待我們，坐下不久就開始先來兩個小吃1)椒鹽豆腐 2)糖醋骨...主菜有芝士大蝦、啫啫介蘭、松子魚、蒜容粉絲蒸扇貝(新鮮超大隻)、牛肉(唔記得個餸叫咩名)、花膠湯等等仲有甜品是芒果布丁魚+椰汁官燕。吃到飽飽但我唔知道吃左幾錢，我老公只係說好抵吃...

我昨天同家人去紅磡觀音廟, 之後我爸爸介紹我們去名廚食tea, 話好抵食, 奶茶正wo??我see 餐牌, 我decide order 扒火腿芝士三文治+凍奶茶,我家人order 豬扒包+凍檸檬茶和腿旦治+熱奶茶扒火腿芝士三文治+凍奶茶好脆的s/w, 包面上鹹鹹的牛油,加上正在半溶的cheese,外脆內軟, 咬落去好crispy, 一流雖然是凍的奶茶, 未飲之前, 杯茶在我前面已smell 好香的茶味, 不會太濃, 花奶的份量適中,飲落覺得好滑好有荼香,都只是$19,另加$2凍飲,total 是$21, 哈哈,好抵值得來try下, tea 好抵食,so good!!

見到咁多食評讚呢間店，今天中午專誠光顧下午茶，吉列魚柳配一丁麵，凍朱古力（濃）。過了大約10多分鐘，侍應生把茶餐送到。一望已感不妙，吉列魚柳又乾又硬；凍朱古力（濃）卻來了一杯淺咖啡色只有甜味而沒有朱古力味的怪水，結果只渴了一口便放下了！原本有打算知會侍應生一聲，但是望見水吧那位人兄，咬住一根牙簽不斷和同事打牙較，都是不要打擾他為妙！拿拿聲找數走人！

我每次到紅磡..一定會去名廚食晚飯......差唔多幫襯o左超過一年la.....水準keep得好好...每次我一定叫兩餸套餐: 芥菜湯+梅菜扣肉煲+支竹火腩煲+2個飯+2碗湯水...都只係$96咋..每次都剩...飽到嘔.......超抵食!!! 佢d 煲仔菜真係好有鑊氣ka.....大家可以一試!!