召喚一眾想無限食海鮮嘅大家!! 一直深受歡迎嘅香港康得思酒店自助餐餐廳The Place，2024年3月起誠意推出味遊「鮮」境自助餐，以一系列精緻海鮮菜式、全新熱葷引領味蕾遊走多國美饌。
自助午餐已經有源源不絕嘅鱈蟹腳、龍蝦鉗，CP值極高！自助晚餐更可食埋時令生蠔。放假想對自己好啲，週末下午茶自助餐特別加入冰鎮海鮮、多款本地特色美食，盡享圓滿假期。
味遊「鮮」境自助午餐、自助晚餐 及 週末下午茶自助餐，已經開始啦！2024年6月30日前都可嚟味遊「鮮」境。
香港康得思酒店自助餐餐廳“The Place”，環境優美。
【回本海鮮 | 深入實測自助午餐&自助晚餐】
自助午餐及自助晚餐均有琳瑯滿目嘅冰凍海鮮、海鮮熱盤。除咗肥美龍蝦鉗、藍青口、翡翠螺及熟蝦外，全新主題嘅自助午餐更加入鮮甜彈牙鱈蟹腳，肥美啖啖肉值得再三回味呀。
回本海鮮美饌。
自助晚餐時段嘅冰鎮海鮮，更額外供應時令紐西蘭／美國生蠔、原隻開邊龍蝦及麵包蟹，大大滿足一眾海鮮迷。
除此以外，早前大受好評嘅蒸氣海鮮區繼續供應鮮味無窮嘅鮑魚、海蝦及扇貝；其他海鮮菜式包括避風塘炒大蝦、明太子焗扇貝、酥炸生蠔都係必食之選。
味遊「鮮」境自助晚餐供應時令生蠔。
味蕾遊世界 | 環球佳餚
The Place廚師團隊亦炮製咗各式各樣環球佳餚。日式料理區有精選雜錦刺身、壽司、卷物、冷麵及精緻日式前菜。仲有大受歡迎嘅即切燒紐西蘭肉眼扒(午市供應)及烤美國牛肋骨(晚市供應)。
嚟到特色鐵板燒專區，就有大家好鍾意嘅厚煎鵝肝(晚市供應)及多款惹味串燒，未食已經聞到香噴噴喇。當然，自助餐一定要留肚食滋味誘人嘅甜品，糕點總廚Roy Ma匠心製作多款甜點—法式伯爵茶杏仁黃金磚、焙茶焦糖燉蛋、北海道蜜瓜啫喱、港式雞蛋仔，以及8款口味MÖVENPICK雪糕，為鮮味之旅劃上完美句號。
自助晚餐供應厚煎鵝肝。
精緻甜品。
【週末下午茶自助餐】
The Place逢星期六、日及公眾假期供應嘅週末下午茶，繼續主打上乘海鮮！任享冰凍龍蝦鉗、鱈蟹腳、藍青口及熟蝦，同場食埋精選壽司、沙律及冷盤。
味遊「鮮」境週末下午茶自助餐。
仲有仲有，全新推出嘅本地特色小食!! 廚師團隊以精湛手藝重新演繹港式瑞士雞翼、香蒜椒鹽骨、珍珠雞、豉油皇炒麵等經典風味，加上其他熱葷美食—燒豬肋骨及脆炸蝦多士，絕對令大家滋味滿載。
下午茶自助餐嘅甜品區都好豐富，有仙草凍、葡撻、柚子馬卡龍及8款口味MÖVENPICK雪糕等等㗎。
味遊「鮮」境自助餐詳情！
自助午餐 時間: 12:00pm - 2:30pm 星期一至五: 成人$398、長者$338、小童$238 星期六、日及公眾假期: 成人$468、長者$398、小童$298
時間: 3:15pm - 5:15pm 星期六、日及公眾假期: 成人$288、長者$228、小童$188
時間: 6:30pm - 9:45pm 星期一至四: 成人$778、長者$678、小童$478 星期五至日、公眾假期及公眾假期前夕: 成人$798、長者$698、小童$498 |
The Place
地址: 旺角上海街555號香港康得思酒店L樓層
電話: 35523200
