零味精自家秘制湯底
呢間中日火鍋「不倒翁中日火鍋料理」，主打零味精自家秘制湯底、食材。冬日暖身必食花雕醉雞鍋、花腸雲英雞鍋，全部自家熬製，打邊爐之前飲啖湯即刻暖笠笠，長輩一定鍾意呀。
正所謂不時不食，冬天時令食材熬嘅靚湯底仲有羊肚菌文昌雞鍋、川芎白芷大魚頭鍋(新鮮)、銀杏枝竹胡椒豬肚鍋、香茜皮蛋鍋等。足料湯底好滋補，雙拼湯底只係+$30咋。
VIP房麻雀耍樂 | 近港鐵/高鐵站極方便
「不倒翁中日火鍋料理」係靚裝酒樓環境，好啱親朋好友傾偈耍樂。場內有2間12人房、3間36人房，4:00pm就可以畀房大家麻雀耍樂，有啲房仲係落地玻璃好開揚舒服㗎。
呢度交通好方便，離佐敦港鐵站僅3分鐘路程；香港西九龍高鐵站都只係步行10分鐘，內地親友赴港食團年飯都唔怕舟車勞頓。
好意頭「18祭」 | 成本價海鮮優惠
招呼親朋唔少得游水海鮮，呢度每日都有直送海鮮，一入嚟就見到魚缸有好多龍蝦、鮑魚、象拔蚌、東星斑等等。而家仲有好意頭成本價優惠「18祭」!! 只需$1,818就有原條東星斑+加拿大象拔蚌刺身+西澳龍蝦刺身。
游水東星斑原條厚切，用嚟打邊爐好有結實肉感、豐潤鮮美；而象拔蚌同龍蝦就會刺身上枱，一嚐原始鮮甜海水味。
優惠詳情！
優惠詳情！
「18祭」海鮮優惠 只需成本價$1,818，即享以下全部海鮮 ·原條東星斑 (原價$688/條) ·加拿大象拔蚌刺身 (原價$800/斤) ·西澳龍蝦刺身 (原價$688/隻) $50現金券優惠 全店巧手點心絕非雪藏貨，每日由師傅手工製作(零味精)，新鮮豬肉特別香。現惠顧點心時段即獲贈$50現金券，於晚市消費滿$500可使用1張；滿$1,000則可使用2張，如此類推。 |
自家秘制火鍋湯底&配料 健康零味精
「不倒翁中日火鍋料理」開業18年，一直受熟客、商務客支持。全因招牌燒鵝、點心、火鍋湯底配料均手工製作，健康零味精唔係度度食到㗎。睇吓佢哋嘅鎮店水餃皇就知，每日人手包製隻隻飽滿脹卜卜。餡料係滿滿鮮蝦、豬肉、黑松露、木耳、粉絲，一咬落去真係會爆餡好有口感，蝦肉豬肉好香之餘，仲多咗黑松露層次。
打邊爐點少得牛肉，呢度係用安格斯牛肉，濃厚肉味帶油香，淥一淥就食得好軟嫩。有不倒翁金牌手切肥牛(脊位)、頂級雪花肥牛、至尊牛肉船、金香肥牛粒選擇。
全店火鍋配料都好新鮮，揀爽脆黑柏葉、日式野菜籃特別感受到。同場仲有手打丸滑—爽滑蟹籽蝦丸、手打魚滑、秘製靚蝦滑等；人氣海產就有順德大魚頭(新鮮)、脆肉鯇骨腩片、桶蠔、咸淡水鱔片、桂花蚌拼珊瑚蚌等。私心推介牛骨髓、黃沙靚豬潤、鮮鵝腸等，坊間少見咁新鮮。
