影片
更多
2022-07-26
425 瀏覽
$1 甜品放題 ALERT🚨 只需要一蚊雞，就可以任食甜品，有冇咁堅⁉️ 真係有！#153foodie 喺銅鑼灣蒲開🙊 有日碌 IG 見到呢間 #銅鑼灣樓上cafe 有 $1 甜品放題，即刻就嚟試試佢😋»»————- ☟☟ ————-««[ 1 5 3 食 後 感 😋 ]@undici_cwb 嘅一蚊甜品放題，係要每人叫一個主食套餐 (+$48) 先可以享用嘅～主食方面，153 揀咗以下兩樣嘢：🦀 蟹肉蟹子明太子扁意粉 ($128)呢個意粉唔錯！😋明太子醬幾 creamy, 用咗扁意粉都幾掛汁🍝 同埋欣賞佢哋嘅醬汁份量多，足夠食晒成個意粉，唔會食食吓變咗乾爭爭冇醬咁🥶蟹肉份量適中👌🏻 蟹籽就更加唔使講，多到鋪晒成碟嘢咁濟🤯好似啲蟹籽唔使錢咁😂不過上網睇到其他人嘅相，蟹籽份量就冇咁多🧐 可能係我哋幫襯嗰日廚師心情好，落得重手咗😝☞ 評分：7/10»»————- ☟☟ ————-««🧄黑蒜油意大利飯配北海道刺身帶子 ($138)帶子微微煎過，香口鮮甜✨黑蒜油味唔算太重，食完唔會成口蒜味🤪不過以意大利飯嚟講，略嫌飯粒口感唔夠彈牙，似係淋咗汁嘅燴飯多啲🤔☞ 評分：6/10另外，套餐會配 [ 迷你
#153foodie 喺銅鑼灣蒲開🙊 有日碌 IG 見到呢間 #銅鑼灣樓上cafe 有 $1 甜品放題，即刻就嚟試試佢😋
»»————- ☟☟ ————-««
[ 1 5 3 食 後 感 😋 ]
@undici_cwb 嘅一蚊甜品放題，係要每人叫一個主食套餐 (+$48) 先可以享用嘅～
主食方面，153 揀咗以下兩樣嘢：
🦀 蟹肉蟹子明太子扁意粉 ($128)
呢個意粉唔錯！😋明太子醬幾 creamy, 用咗扁意粉都幾掛汁🍝 同埋欣賞佢哋嘅醬汁份量多，足夠食晒成個意粉，唔會食食吓變咗乾爭爭冇醬咁🥶
蟹肉份量適中👌🏻 蟹籽就更加唔使講，多到鋪晒成碟嘢咁濟🤯好似啲蟹籽唔使錢咁😂不過上網睇到其他人嘅相，蟹籽份量就冇咁多🧐 可能係我哋幫襯嗰日廚師心情好，落得重手咗😝
☞ 評分：7/10
蟹肉蟹子明太子扁意粉
$128
3 瀏覽
0 讚好
0 留言
🧄黑蒜油意大利飯配北海道刺身帶子 ($138)
帶子微微煎過，香口鮮甜✨黑蒜油味唔算太重，食完唔會成口蒜味🤪
不過以意大利飯嚟講，略嫌飯粒口感唔夠彈牙，似係淋咗汁嘅燴飯多啲🤔
☞ 評分：6/10
黑蒜油意大利飯配北海道刺身帶子
$138
8 瀏覽
0 讚好
0 留言
»»————- ☟☟ ————-««
[ $1 甜品放題：食唔食得過 ❓]
餐廳提供多款甜品選擇✅ 牆上面有塊黑版，寫住當日有咩款式🍰
味道方面，餐廳嘅甜品係唔錯嘅🆗試咗幾款蛋糕都鬆軟濕潤，口感綿密🤤聽講佢哋嘅蛋糕，係嚟自日本🇯🇵
同埋甜品放題真係任食，食得落嘅話叫幾輪都得🤣 店員仲會主動埋嚟，問客人需唔需要添加甜品👍🏻
不過 153 叫甜品嗰陣（大概2點鐘）已經有好幾款賣晒😢如果大家想試多幾隻味嘅話，記得要早啲去🙈
»»————- ☟☟ ————-««
☞ 整體嚟講，餐廳嘅主食、甜品都算高質💕不過，其實主食 $100 up, 加配套餐要 $48, 連埋一服務費，埋單每人最少都要 $170🧐
因為 153 係平日下晝嚟食，呢餐 lunch 食得有啲貴🙊夜晚嚟食感覺會抵啲！
不過，如果你鍾意食甜品，又夠大食嘅話，甜品放題都值得一試✨
⚠️ 提提大家，$1 甜品放題只限星期一至四全日供應，星期五六日係冇㗎！
甜品放題
$1
25 瀏覽
0 讚好
0 留言
甜品放題
$1
12 瀏覽
0 讚好
0 留言
Undici (銅鑼灣)
🍴 餐廳地址：
銅鑼灣耀華街3號百樂中心11樓1101A-B號舖
🔍 同區搜尋：
#153foodie銅鑼灣
😋 同類搜尋：
#153foodie西式
#153foodie甜品
張貼
