佳佳甜品

營業中

休息中

今日同男朋友兩個人食完飯經過見好耐冇食過呢間中式甜品嘅糖水於是就入咗去食真係冇食過呢間糖水好耐，叫咗個合桃試吓但朋友叫咗紅豆沙湯圓，我水準可以保持到但係夥計同收銀姐姐塊面唔係咁好睇服務性行業俾啲笑容，我咁敢講如果係外面睇到可能未必會入嚟食好彩唔係成日食

難得放假周圍揾食當然唔少得最後一環~食糖水熊大同熊妹呢排愛上了中式糖水， 冬天時份，食啲暖笠笠的糖水，真係好暖脾胃架。行過佐敦，見到佳佳甜品咁多人排隊， 入去試下。糖水款式唔多，有十多款左右，價錢$20,$22, 相當便宜，餐牌牆壁貼到周圍都有，枱頭望住點餐都可以喇。 今次我地試新野，熊大難得開口說想食燉蛋，熊妹又一直聽人講合桃糊好濃郁好好味又有益，再叫埋必叫的湯圓， 三樣，叫齊。好難一見的中式飯碗，古式古香。先講燉蛋，無想像中咁好味，似甜的蒸蛋，有蛋味的，唔夠滑，食到底比較實啲，唔係幾岩熊大同熊妹口味。然後到合桃糊喇，超香，好滑，無渣，食到停唔到口，又有益，係咪可以encore 呢?最後，壓續出場的薑汁芝麻湯丸。先試啖薑湯，嘩， 好夠薑，夠辣，感覺完全可以醫感冒鼻塞。湯丸流心芝麻涵唔洗多講，芝麻味濃，夠流沙，食完一粒又一粒，一共7粒，比一般湯圓size細啲，飯後甜品黎講好夠喉。熊大熊妹今日飲食假期完滿結束，多謝佳佳。

星期五happy Friday當然要周圍去搵下好野食啦，食完晚飽又點可以唔食糖水慰勞下自己一個星期既辛勞呢。去左位於佐敦好出名既佳佳甜品食傳統中式糖水😌 話說佳佳甜品係米芝連食店黎既，有唔少人報道過。可能時間尚早，我地去到竟然唔使等位🤗佳佳甜品室內環境都算好寬敞，唔會為左做多d生意而將d枱排到好密，座位都算多，可以容納大約50人。有幾張大圓枱，有機會要撘枱既。糖水選擇唔算多，不過呢d傳統小店貴精不貴多，口味大眾化，價錢亦好相宜。叫左一碗熱既合桃糊，認真係我咁大個女食過最好食既合桃糊，入口口感好滑，食得出係自家磨製既，一定唔會係開粉沖，合桃味香濃又唔會太甜，十級推介作為女人又點可以唔叫冰糖木瓜滋潤下呢，好足料，有成六七片木瓜，雖然係冰糖燉，但都唔會太甜總括而言，十分推介大家要去試下佳佳甜品，位置又方便，糖水又好味，等候時間亦唔會好耐因爲翻枱好快，不過就唔會適合大家慢慢傾計。

行過路過, 吃碗甜品, 不解釋 ~榮獲 2016年 香港 米芝蓮 街頭小食推介 ~Menu ~合桃糊 $20合桃糊沒有油膉味 , 合桃味卻是四溢出來 , 質地濃調杰身 , 口感幼滑和順 , 泛帶油光 , 甜度適中 , 合桃味是非常濃香 , 極品也 ~本篇完 ~