第一次因為依間野而打食評，因為之前個ac忘記左，因而開多個新ac
入番正題先，本身都有朋友介紹過依家放題咖喇，佢地話好難bk.行行下街興起就walkin上去，應該係6點半佢話食到8點30，無所謂啦3個人應該食得切，我地一人3人，唔洗等位竟然有卡位坐 超開心，跟住問個女侍應話生日有無其他offer啦，佢答左我一句要4位先有.當然超唔開心啦，唉算啦下次4個人再去.!
講番食物先，一開波唔少得既緊係剌身啦，唔係好識點，我地3個人2枝筆就係咁寫..寫完大約10分鐘剌身就到左。
食評可以睇相知道 其實總括黎講咁既價錢有咁既服務同品質算超值 得2個鐘都可以好飽ps.門口姊姊話會將我地order行先，點知好快就出哂我地叫既野 真係值得一讚既係佢地既侍應雖然睇到佢地個個都衝風21咁但都照顧週到，係咁加茶換碟，搞到我地都唔係太好意思（＾_＾）
喺7點半左右竟然有個抽獎活動😱😱😱氣氛都幾好，因為我地好想中奨不幸既係中唔到，食到咁上下有雞蛋布丁😖我地同個侍應講我地無叫到點解會有咖？原來一入黎我地問完個侍應佢話有多所以當係生日送既。本來真係唔太想要既，不曲太吸引所以我地唔醜咁講左句多謝。每間放題都會有好有壞既.彈一彈先其實我覺得送餐既人係有講唔好意思，不過講得快得濟有啲食物我都唔知咩黎囉，希望您扡可以改善下啦 題外話，我勸食頭段既您地早啲走，因為答5先走嗰陣個𨋢口會爆哂，可能因此有啲尾段既客人已經等緊，仲有比個貼士您地，星期一至4有抽獎

今次唔係walkin上黎嚕，提早bk定枱。因為怕會fullhouse.所以今次醒目左 話說今日同女朋友仔慶祝年半，邊敢walkin上去，如果無枱咪大獲。bk左8點45，1點幾已經有滿屋既職員打黎comfrim仲比定bking no我地，仲再三叮囑要緊記，話方便攞枱..。。。入正題先。。。。
因為好早睇完戲既關係，8點半就去到滿屋樓下喇，見到已經有80幾人排緊隊，亦都見到有滿屋既職員喺度安排。嚟度又問多我地一次個bking no.話方便入坐。
答9準時入坐，我地上到去眼見都有半場嚕。好彩有bk枱，如果唔係可能坐門口p.s 因為見到門口都有枱
一坐底咩都唔理係咁填係咁填。講番食物先.當然要講講刺身先啦，因為個人比較喜歡甜蝦，帶子。依度好就好在keep到新鮮，帶子仲比上次大粒左..
至愛甜蝦
燒物方面，蝦好有味
，仲有一定要堆介既就係菠蘿，酸酸甜甜好開胃
炸物，我食左南瓜，炸粉唔厚，但南瓜味無嘜，仲有個多春魚👍👍👍正。
Sushi.蟹棒雖然普通但ok既。三文魚腩正。值得一提既黑松露𤘪丹蝦壽司，係正既^_^不過最衰係壽司會飽肚.
。。。。牛奶鍋個味無咩，勝在唔係真係咁大，岩哂2個人
又有抽獎，氣氛越抽越投入，不幸既我無抽獎運😩隔離2枱都中so sad.食埋甜品，有豆腐花，雖然係迷你，但可以任食good啦。可惜既無左個布丁雞蛋嚕，走嗰陣服務員都好好笑容咁講88.唔會掛住執枱
Ps，我都係唔習慣相機食先，所以相較少。sorry喔。
繼續support.講多句，等緊入座嗰陣見到門口有memo話5月中會有分店仲要喺九龍。等開舖去食下先
 

今日番工，放飯時間同同事揀左間應該開左無耐既餐廳食午飯。一入到去見到見到門口放住一個便當幾吸引咖（銀雪魚海鮮鍋）一坐底我就點左依個。同事就點左個海膽三色丼。佢話好好味，都好新鮮，不過話飯多左少少食唔哂。講番我嗰個銀雪魚先。個鍋都幾重奶味，啲魚醃得好好。味道都幾特別既。最後仲有碗蕃薯糖水飲，如果係熱既就好嚕。最重要凍飲唔洗加錢😃😃整體服務都好好，仲有雖然茶杯好細但都係咁加茶。

是日係父親節既節夕，當然bk定位食放題啦。
一黎到6點就準時入得，抱住小朋友既我當然感到舒服。
我地被安排都一張8人既卡位坐，岩哂我一家大細，隔黎仲要係落地玻璃窗，可惜得街景睇，好喇入番正題先。
原來依度既飲品已經轉左做自助式。一出到去果然有驚喜，果汁先生都有👍🏼真係夠㧵本。。。
先講講食物先.
主打緊係剌身啦。甜蝦仍然係我至愛既有頭蝦，三文魚更加無得彈呀，厚切，仲有出奇既腩位，岩哂我依d勁中意三文魚既人，不過榮螺就切得比較少，而北寄貝切成條狀，有d失望。好彩依度係任食姐。
壽司，飯好細粒，酸度都岩岩好。仲要有黑松露牡丹蝦同呑拿魚腩。
燒物方面，我就覺得個一口腸ok.一個order有種口昧，特別。但d燒雞翼就有d失望，又乾又諧
天婦羅d粉都夠既，又唔會太厚，特別係個秋葵蝦，喺外邊都未試過👍
一品料理無左個蟹足，得番個龍蝦粥，不過都值得一試既，小朋友要食粥無計，都幾有龍蝦味，d粥都好綿。
甜品都有好多款，細細杯唔易飽。臨尾仲有杯dreyers .雖然無左haagendaz不過都值回票價既。
臨走嗰條龍長到無影呀，早知就早d走啦，等𨋢都等左我3個字

一年前，同一個地方同同一個人黎食飯實在感覺滿分。今晚我訂左845依個時段，仲要訂番同一張枱。雖然被要求落訂金。但服務員都講得好有道理。怕我訂嗰個位會比人坐左，咁我就預早幾日落訂。合理既。

好似講緊愛情故事咁。。哈哈☺️入正題。。。今晚去比上次更多人，可能係星期六既關係，我地8點40分去度已經勁多人登記勁多人排緊隊😓佢地既安排既唔混亂又唔危險，雖然有d熱，但都明白既。。。一上度去都已經8成滿，緊係咩都唔理點左剌身先啦，今次特別點左希靈魚，其實本人就麻麻中意食，但係女朋友想食咪試下。其實昧道都不是太差姐😞甜蝦繼續有頭，無得彈啦。沙律多左但海哲茄子，拼湊一齊都幾ok咖😋點左個煮大蜆，雖然唔係想像中咁大隻，但都接受到既。雪花蚌配菜比較多，但配菜比主角好昧😓😓😓炒帆立凡大大隻，正呀。不過味道就重左少少囉.特別推介芝麻雞翼同吉列蠔，可口既芝麻雞翼正，吉列蠔但皮薄裡面好juice。。。雞軟骨都重昧左dd.不過都可以既。最後每人一杯哈根大師，好好既總結。依度員工好細心，特登整個甜品比我地慶祝，訂枱嗰陣真係無預到有咁既offer 😙好驚喜呀☺️不過佢 地話我知下年可能無得再坐番同一個位慶祝😢因為佢地會裝修噃。不過無咩所謂，因為我食到您地比我既窩心同細心
Keep住呀，繼續支持您地  

話說今日諗住同新娘新郎傾rundown. 一行12人，星期五仲要8點時間 周圍都bk唔到位，只有依間野可以有位。 咁就試下新野啦，見d食評都唔差，應該唔會伏得去邊既。 去到嗰陣7點55分，店員示意我地去收銀位置confrim個bking Confrim完被安排坐喺8人枱到，試問12個人點坐呢？仲要當時情況同我地講未有chair 住。 好啦，我地未齊人就由佢，但到我地齊人根本就坐唔落。 我地就要求坐地下嗰d位置，係就係逼d不過都還可以既 入正題先。 一開始叫左7杯飲品5碟野食 再叫左5杯飲品4碟野。。。。 飲品都唔係等太耐。咁我地就爭取時間傾個rundown先啦 到傾傾下唔對路噃，等左成個鐘一碟野都未到。。 咁就再三追問，都話整緊！ 明白既星期五又係8點時間係忙d既 到傾哂個rundown都已經係個半鐘既事 我已經再叫多左2杯飲品 再去催單，點知有位自稱係老板既男人話食物就煮好哂喺廚房位置，食就食唔食就退錢！ 好笑喇，煮好左無按個鐘就話出左，仲要咁講野？ 我自己都做飲食既，但我覺得唔需要咁講野。 唔想做生意咪截單唔做囉，你接得單就必需要做，唔洗燥底既，有咁既老闆必然有咁既員工。 唔夠人可以請人。 其實我第一次打負評，如果唔係真係成肚氣都唔會打