滿屋日本料理 (已結業)

是日係父親節既節夕，當然bk定位食放題啦。一黎到6點就準時入得，抱住小朋友既我當然感到舒服。我地被安排都一張8人既卡位坐，岩哂我一家大細，隔黎仲要係落地玻璃窗，可惜得街景睇，好喇入番正題先。原來依度既飲品已經轉左做自助式。一出到去果然有驚喜，果汁先生都有👍🏼真係夠㧵本。。。先講講食物先. 主打緊係剌身啦。甜蝦仍然係我至愛既有頭蝦，三文魚更加無得彈呀，厚切，仲有出奇既腩位，岩哂我依d勁中意三文魚既人，不過榮螺就切得比較少，而北寄貝切成條狀，有d失望。好彩依度係任食姐。 壽司，飯好細粒，酸度都岩岩好。仲要有黑松露牡丹蝦同呑拿魚腩。 燒物方面，我就覺得個一口腸ok.一個order有種口昧，特別。但d燒雞翼就有d失望，又乾又諧 天婦羅d粉都夠既，又唔會太厚，特別係個秋葵蝦，喺外邊都未試過👍 一品料理無左個蟹足，得番個龍蝦粥，不過都值得一試既，小朋友要食粥無計，都幾有龍蝦味，d粥都好綿。 甜品都有好多款，細細杯唔易飽。臨尾仲有杯dreyers .雖然無左haagendaz不過都值回票價既。 臨走嗰條龍長到無影呀，早知就早d走啦，等𨋢都等左我3個字