大山日本料理 (旺角) 旺角西洋菜南街2W-2X號2樓 鹽燒三文魚頭 $58 三文魚魚皮燒到脆卜卜～而魚皮下仍然juicy~有一層奶白色嘅魚脂～食落皮脆得內軟!🙈好邪惡！魚頭軟骨部位仲食得tim ～好似食緊骨膠原！魚眼後邊嘅脂肪組織 油脂感亦好豐富～另外配搭埋肉質肥美既三文魚鮫～魚鮫位油脂特別豐富～肉質幼嫩而肥美～啖啖肉～正！ 牛肉壽喜鍋 $58 壽喜燒湯底！牛肉雪花唔算多！份量比較少！牛肉幾鮮嫩 不過牛味唔重！蔬菜相對份量幾多！ A5和牛串燒 $58 和牛粒燒烤時間控制得剛好～唔會過熟～肉粒中間仍然保持粉嫩！牛肉味濃郁～肉質有彈性！ 三文魚明太子串燒 $28 明太子醬搽喺三文魚面～燒香後味道更濃郁！ 醬油七味燒左口魚邊壽司 $18 左口魚邊油脂豐富～燒後更突出魚油香味！ 厚切三文魚壽司 $20 三文魚超厚切～夠哂肥美～ 火炙吞拿魚壽司 $16 吞拿魚新鮮！ 火炙黑松露帶子壽司 $22 帶子新鮮鮮甜～

小火焰韓式咖啡廳 (金山樓) (大圍) 大圍大圍道1-35號金山樓地下4號舖 醬油蝦配糖心蛋 手握紫菜飯 $98 醬油蝦比預期中大隻～多肉！蝦肉鮮甜～味道唔會比醬油咸味掩蓋！肉質彈牙！性價比高！ 糖心蛋有流心效果！ 手握紫菜飯握得實淨～唔會一夾就散！ 飯團外面應該有輕輕煎脆～食落外脆 內軟熟！煎香後紫菜味更突出！ 冰梅有機蕃茄 $38 本身以為係淋上梅汁嘅蕃茄冷盤～食落好驚喜！蕃茄大大粒～咬落超多水份！味道酸酸甜甜～好似食緊蕃茄質地嘅酸梅～好開胃！ 太陽蛋牛肉炒粉絲 （下午茶餐） $46 以下午茶份量而言～份量幾多！牛肉肥瘦適中～唔會韌口！餐廳用咗椰菜，蘿蔔絲，同紅椒絲炒粉絲～粉絲煙煙韌韌幾有口感！配埋太陽蛋～好抵食！ 熱蜂蜜生薑茶 （跟下午茶餐） 薑味微辣～唔會太甜！ 下午茶餐可以優惠價配小食 同甜品！幾吸引！

天天海南雞飯 (新城市廣場) (沙田) 沙田沙田正街18號新城市廣場三期 3樓329及363號舖 酸菜石斑 $138 餐廳好有誠意用上石斑魚～而唔係比較平價嘅鯰魚柳！魚柳分量超多～魚皮爽口～魚肉嫩滑彈牙！唔會有細骨仔～啖啖肉正！ 湯底夠帶點酸辣～夠晒開胃～另外有芋絲同秀珍菇素左湯底好惹味！ 海南印象 $98 口味比較清淡嘅雜菜煲～至少有三款綠色蔬菜～仲有秀珍菇～雲耳！湯底幾鮮甜～粉絲索咗湯頭好好食！ 燕窩燉鴿 $108 原隻椰子奉上～個湯頭真係十分鮮甜！應該用上幾個鐘燉製而成！材料十足～有豬肉，乳鴿肉，螺片，桂圓，杞子～當然唔少得另上既燕窩！冬天滋補之選！ 脆爽海蜇 $78 海蜇頭爽身夠哂咬口～份量都幾多！芥蘭頭爽脆～馬蹄片好清甜！ 桃膠菊花桂花雪梨茶 $22 清甜滋潤～最啱秋冬天氣飲用！

海膽仔 (新蒲崗) 新蒲崗衍慶街2-32號新蒲崗大廈地下Q號舖 海膽丼 $168 (定食 ： 連沙律及湯) 加拿大海膽，入口甘甜，Creamy軟滑，唔腥，再配埋調味適中的醋飯，中和飽濟感～ 單買一盒加拿大海膽$248，丼飯就佔足半盒海膽！仲包埋沙律同湯！抵食！👏🏻 紐西蘭乳龍蝦 $38 (一隻) 鮮甜，淡淡乳龍蝦肉甜味 牡丹蝦 $38 (一隻) 鮮甜，甘美 海膽凍豆腐 $68 新鮮海膽夠哂creamy~配上日本絹豆腐～就算唔沾豉油，都已經好惹味！ 燒油甘魚鮫 $68 魚鮫位油脂特別豐富～肉質幼嫩而肥美～比預期中啖啖肉！魚皮燒得脆卜卜～正！ 帶子壽司 $28 新鮮，厚肉 油甘魚壽司 $28 新鮮，口感爽彈，有魚香 和牛肉粒串 $38 和牛粒燒烤時間控制得剛好～唔會過熟～肉粒中間仍然保持粉嫩！牛肉味濃郁～肉質有彈性！ 魷魚鬚串 $18 小魷魚口感爽口！唔會韌口 冇渣！ 細池魚刺身 $48 (四切) 肉質爽口～魚味清甜！ 三文魚鰭 $28 魚鰭位都係肥美邪惡之選！「損」下魚骨～過吓口癮幾好！ 翠玉瓜串 $16 翠玉瓜爽脆～燒烤後仍然juicy! 燒菠蘿 $18 菠蘿燒烤後更加清甜！作為飯後一點甜～感覺更健康！

九重鮮 (紅磡) 紅磡黃埔天地聚寶坊(第11期)地下G26號舖 B餐弘益塔 放題 (另+$15任飲無酒精飲品) 當晚是假期前夕，8:00pm入座，$358時段～ B餐每人包有： 1隻鼓油粉絲蒸扇貝 +半隻波士頓龍蝦🦞+ 1隻鮑魚仔 + 1份甜品 單層蒸鍋～沒有粥底蒸鍋層～ 甜品有驚喜！好食😋係一份杯裝，椰糖碎+椰漿+椰子水的大菜糕甜品😋食得出無溝水！好香椰漿同椰青水味😋😚👍🏻每人1杯唔夠喉！😩 👇🏻小妹任食翻啅之選：💁🏻‍♀️👇🏻 海蝦🦐: 上枱時仲有2、3隻識郁～屬街市單買$40-$60一兜一份質素～ 蠔🦪: 任食嚟講，性價比高，唔腥，蠔肉細細粒但飽滿！ (請無視小妹掛住影相，蠔肉未蒸到全熟都照影～唔好學呀！😣) 蜆： 無沙，但估計因為需要浸鹽水令蜆吐沙(?)，每粒蜆蒸完食落都係好鹹～🙈 串叉燒 好食😍叉燒軟腍而有咬口，叉燒醬甜甜哋，似小妹喺屋企用光波爐/氣炸鍋整自家叉燒嘅味道～ 蒜蓉牛油燒金菇 都可以 👇🏻小妹任食不翻啅之選：💁🏻‍♀️👇🏻 岩鹽燒海蝦🦐 幾鹹吓，會寧願order生海蝦慢慢蒸嚟食～ 韓式蔘雞湯 一碗成層厚雞油係面的雞湯，內裏有一嚿白切雞胸連骨～ 沙嗲串燒 泰式沙嗲串燒，幾濃～ 牛肉韌～ 雞肉嫩d～ 急凍蠔肉 估計可能臨打烊，石蠔差不多賣晒，最後last order個round石蠔，嚟到變左急凍蠔肉😂 雖然急凍蠔大粒過石蠔肉，但蒸完勁腥！！🙈😰 燒菠蘿 酸～ 完全唔甜

逸 壽司 (尖沙咀) 尖沙咀亞士厘道24-38號天星大廈地下A2A及A2B號舖 📄 OMAKASE Menu 有3款： 松 $780 / per 、 竹 $480 / per 、 梅$380 / per (✨OMAKASE時令魚鮮餐牌，每隔3個月更新✨） 小妹揀咗 「梅Ume」 (10件時令壽司 + 1件手卷 + 1碗麵豉湯) 🍣壽司🍣： 金目鯛，輕輕火灸過，迫出鯛魚香 北海道牡丹蝦，即使屬淡味魚鮮，但仍然食得出牡丹蝦原有的鮮蝦甜味😋 赤貝，爽口唔腥 蜜柑鯛，魚肉食落真係有陣陣柑香氣味😋果然呢種食慣蜜柑長大的鯛魚係唔同啲！ 間八，口感爽彈 銀雪魚，火灸後充滿魚油香 鯖魚，口感爽彈 北海道海膽，滿滿的海膽！十分鮮甜！有驚喜🤩 除非去日本，係香港比較少機會價錢相宜地食到入口咁甜的海膽壽司！💰😚😋 係真正日本海膽獨有的甘甜味！😋 沙甸魚，魚味濃郁，少量蔥+薑蓉不單無蓋過沙甸魚鮮味，仲有助原本屬味濃的魚肉更有提鮮效果！ 大吞拿魚腩，無筋、軟滑，有大toro魚脂香 🍣手卷🍣 ： 蔥吞拿魚腩手卷，有魚腩位的魚香～ 🥣麵豉湯🥣 ： 調味適中，有昆布鮮味但又完全唔過鹹、又有蔥天然甜味 👍🏻 仲有嫩滑豆腐粒！ 🥗前菜小食🥗 芥辣八爪魚 x 酸菜帶子裙邊，兩款都好食開胃！ 估唔到帶子裙邊同咸酸菜又幾夾！ 枝豆，豆粒清甜，睇落以為細細碗，其實份量都幾多！ 小評💁🏻‍♀️ ： 提提大家～ OMAKASE餐牌有機會只作參考，以師傅決定當天適當的時令魚鮮為準～ 好似小妹咁，由於當日沙甸魚比針魚新鮮及味濃，故此師傅告知以沙甸魚取代menu原定的針魚～👍🏻🍣 另外，負責樓面的店員友善，師傅亦健談，樂意主動分享壽司刺身資訊～ P.S. (如圖)枱底低調設有掛鉤，方便食客用餐時掛手袋/掛外套🪝～細心！

老惹煮樓 (屯門) 屯門良德街8號珀御坊1樓102號舖 士多啤梨骨 $108 有乾冰煙，勁搶眼🤩「骨」其實係豬扒嚟，多肉少骨，啖啖肉！有鑊氣，豬扒首先經過煎炸再用甜酸醬汁炒，上面再加少少粉紅色沙律醬，靚！😋 不過同平時甜酸骨味道差不多，食唔出有任何士多啤梨醬汁味道～ 馬拉盞炒油麥菜 $68 自選時蔬 + 因應自選調味炒法而價錢不同，有鑊氣，但馬拉盞醬好淡好稀，偏水狀，無一般東南亞式菜館的馬拉盞咁濃～ 小評💁🏻‍♀️： 雖然例湯無味，但包白飯包例湯其實抵食，難得建生附近有一間座位同擺盤唔錯、夠鑊氣的餐廳，撇除店員態度極差同好hea呢d point之外，小妹為左食都會再嚟嘅～

Cocolo Tokyo Cake Factory (旺角) 旺角亞皆老街8號朗豪坊B2層19號舖 青森蘋果批 $33 日本直送的招牌蘋果批😍 焗到岩岩好的金黃色千層酥批皮鬆脆，入口鬆化，帶有牛油香～ 青森蘋果醬，果醬甜度適中，又能食到蘋果本身的的清甜香，仲食到一粒粒青森蘋果肉！唔酸！ 北海道草莓忌廉蛋糕 $28 草莓味忌廉入口香甜細滑，海綿蛋糕有彈性，沒有受冷凍櫃底忌廉影響而變得又濕又扁！海綿蛋糕與cream間斷的層次正可以為整體提升味道

NUTTEA (旺角中心） (旺角) 旺角彌敦道688號旺角中心1樓F52號舖 粉紅莓好堅果奶蓋茶 $45 揀左半糖，smoothie天然士多啤梨味好重！莓果肉味濃！ 仲食到莓果蓉同莓果籽❤️ 完全唔係artificial造出嚟！奶蓋入口輕身！cream望落質地濃稠，飲落完全唔濟唔膩！堅果獨有的香味仲好重！ 火龍果堅果奶 $40 揀左微糖，天然火龍果汁，果味香！完全唔係artificial造出嚟！天然火龍果糖清甜，但飲落又會有陣濃濃的堅果奶香！又係飲落完全唔膩唔濟！

北海道食堂 (沙田) 沙田橫壆街2-16號沙田中心商場3樓50及57號舖 🦐 極盛放題每人送鐵板燒大蝦一隻！蝦肉爽口彈牙～食落新鮮 唔會有陣雪藏味～蝦頭仲有蝦膏tim~一隻真係唔多夠喉🙈 🍣 刺身有14款咁多！ 一開始每款刺身叫兩件試下先😍😍估唔到放題都可以有高質刺身～魚生顏色有光澤～肉質有彈性～夠哂肥美！尤其係白玉豚比較少見～有特有既油脂香味！正！ 🐠 鐵板燒海鮮都多款式！三文魚燒烤時間剛好肉質唔會鞋身～燒完之後迫晒啲油脂味出嚟～識落更加肥美！香煎廣島蠔大大隻～食落juicy 又新鮮！帶子大大粒爽口彈牙～魷魚鬚都爽口唔um! 鯖魚唔會過乾～秋刀魚食落有一陣回甘！ 🍖 羊架大大件夠晒厚切！識落有羊肉嘅特有香味！安格斯西冷扒牛肉味夠重～而且唔會少得過熟～食落有肉汁！雞扒肉質夠嫩～似食緊雞比肉～ 🍢 當然唔少得串燒啦！小妹最鍾意食燒冬菇同雞髀菇！菇菇咬落超juicy~差少少辣親個口tim🙈 燒雞肉串用咗燒汁醃製幾惹味！燒雞軟骨有咬口！燒牛舌真係要一題！牛舌夠爽口正！ 🥗 叫左碟炒雜菜扮吓健康！炒雜菜唔會太油幾好！除咗椰菜、蘿蔔絲、菇片～仲有爽口芽菜！ 🍘 炸物都好正！由其係炸南瓜薯餅～炸到外脆內軟～熱辣辣既南瓜蓉包住粟米粒粒～正！ 🥘 最後叫左個牛肉日式火鍋🍲牛肉份量超足！牛肉唔會過肥～配埋小棠菜 娃娃菜正！