筲箕灣的金記, 可以話係古董 - 裝修古老, 擺設古老, 收銀太太古老....未食野已經可以感受到以前香港地的飲食文化氛圍, 一定別有風味.

阿細鍾意黎呢度食早餐, 因為好食之餘又好特別, 同埋佢有鮮牛通食, 唔係間間冰室都有ga.

我地order左兩個早餐, 都係要牛通同埋火腿奄列. 個牛通多左少少油, 不過d牛肉的確好新鮮. 個奄列係半熟ga, 即係仲會有d蛋汁漏出黎ga, 個人黎講非常鍾意呢種食法, 最怕d太老的奄列.

我飲凍奶茶, 阿細飲茶走. 兩杯都好香茶味, 而奶的比例加得唔錯, 真係好想飲多杯先走. 最後加左個奶油多, 一樣好食.

呢d咁懷舊的冰室所餘冇幾, 大家真係要好好珍惜佢當中的味道. 有機會不妨過黎試下, 包你會好有感受.

我係潮州人, 我好鍾意打冷.

呢間打冷係我食過以黎最好食既, 一定要介紹俾大家.

成間舗都係由潮州人打理, 環境就唔可以話好好, 不過食物好味先係最緊要. 同阿細黎開餐, 因為我地大家都係呢度的fans, 兩個人都可以叫到成檯都係野慢慢食, 價錢一d都唔貴.

是晚叫左:
1) 豬紅九菜蘿蔔
- 勁抵食, 十幾蚊就有. 好大碗ga, d豬紅多到你食唔哂. d蘿蔔浸得入味, 推介!
2) 蠔仔粥
- 兩個人可以叫個細的, 廿幾蚊only. d蠔仔好鮮甜, 唔洗落pepper都得, 正宗潮州粥, d飯仲係一粒粒ga
3)鹵鵝片
- 我最推介呢個, 因為d鹵鵝片塊塊肉, 底下仲有豆腐托底, 真係入哂味, 點會唔好食呀
4) 鹵水墨魚大腸
- 墨魚好爽口, 大腸見佢洗得好乾淨, 食得好放心

兩個人四樣野食加一枝青島, 食到捧住個肚走......滿足

如果你怕坐街邊食野, 又怕露天冇冷氣, 仲怕服侍你的哥哥仔有紋身, 咁你千祈唔好黎呢度食野.

但係如果你係識食之人, 有唔介意食平民化的野, 又想試下街邊風味, 咁你就一定要黎筲箕灣試一試呢間街坊必食串燒.

唔熟路的人可以沿住電車路搵, 呢條巷仔o係HSBC對面, 附近仲有Wellcome同Jockey Club. 其實你去到附近應該會聞到串燒的香味, 搵路就靠個鼻啦!!

同阿細黎呢度食晚飯, 其實我地都黎過好多次ga啦, 不過今次黎有特別的意思, 因為可能有排都唔可以再黎食野啦. 呢度平日都好爆, 通常都要等位. 串燒價錢大眾化, 大家可以盡情食到飽為止!!

推介的串燒有:
腸仔, 雞腎, 雞軟骨, 雞翼, 牛肉, 豬肉, 司華力腸, 雞排等等等等, 加埋佢個沙嗲醬, 真係好好味. 叫埋枝啤酒, 一絕!!

另外叫左個涼瓜炒牛肉, 好好好好味呀!!!!!!!!!!!!!!!!!!!!!!!!!!!!!!!!!!!!!! 呢度仲有d炒丁, 未食過都要試, 因為炒得好香口!

快d黎食啦!!

(黎之前打個電話去睇下有冇開, 有時佢地會冇啦啦休息ga)

唔好以為筲箕灣東大街淨係得安利好食, 其實仲隱藏左好多好多美食ga. 恆河咖喱屋就係其中一間令人食過返尋味的舗頭.

平日lunch黎食, 唔好諗住一定有位, 其實都幾爆ga. 所以我同阿細1點半後先到, 避開人潮,

叫左兩個lunch set, 一個係咖哩牛仔腩跟飯, 一個係羊腩跟油蘇餅 (要加$8). 可能因為lunch太多人黎食飯, 竟然唔夠冰 for凍飲!! 我地兩個人只可以叫到一杯凍奶茶, 另一杯已經冇冰.....唔通食咖哩飲熱野?? 好彩仲有可樂, 係凍既....

先黎一個餐湯, 其實唔知佢係咩湯, 因為淨係飲到pepper味.

咖哩到!! 個牛有少少"un", 但係個羊超腍, 勁好食!! 個咖哩order左小辣, 對我地黎講剛剛好. 最要讚既係油蘇餅, 點咖哩食最夾, 我真係好鍾意呀, 而家諗起都想食呢!

前排中銀做6折優惠, 所以同阿細o係deadline之前黎食多次!

Book位full哂, 所以要walk in等. 等左冇幾耐個waitress問有冇人肯坐bar檯, 我地兩個知道仲有排等, 所以bar檯照坐.

坐低先黎杯Foster. Then叫左一個Colossal burger, 知道呢個burger出面好大個, 所以我地冇叫其他野食, 等個burger上左檯再決定叫唔叫其他野.

等左20分鐘左右, 個burger出現啦!! 好大個呀, 我地order時叫左佢幫我地切開做四份, 等我地易d食. 我地趁熱咬一口, 塊牛肉真係好好味, 厚得黎好juicy, 個面少少燶, 好香!! 因為個burger好大個開關係, 我地都唔洗further order其他野食.

突然間有個waiter哥哥入左我地前面個bar整野飲, 佢整左杯strawberry smoothies俾阿細飲呀, 係free ga~ 真係冇講笑, 杯野好好飲, 賣相又吸引. 阿細不知幾開心, 因為有人送野俾佢飲.

有6折一定抵食, colossal burger值得一試!

第一次食譚魚頭, 竟然唔係打邊爐, 而係黎飲下午茶.

星期六同阿細冇食lunch, 決定兩點鐘黎呢度嘆茶. 到左之後唔洗等位, 仲有卡位坐tim呀, 勁開心!

先黎壺香片, 然後兩個人叫左四個點心:

1) 胡椒豬肚咸菜湯
- 味道剛剛好, 唔太辣唔太咸, 天氣凍最好飲呢個湯, 飲完成個胃會好暖.

2) 鳳爪排骨
- 油多左少少, 太肥

3) 煎蘿蔔糕
- 好好食, 唔會好似其他酒樓咁用好多粉. 仲煎得好脆.

4) 鮮蝦腸
- 腸粉滑, 蝦又大又新鮮, 下次一定會encore!

兩個人飲左幾壺茶, 坐左個幾鐘都係$70, 抵!!

等左好耐, 終於有機會試下呢間burger, 睇下佢有幾monster先得!!

一去到先知原來咁細間, 得少少企位, 唔可以俾人坐得慢慢食. 講真, 好少人會一個人黎食, 仲要d位咁少咁迫, 真係做外賣為主. 但係我又覺得burger一定要熱食先好味喎, 唔知點算好…..

最後我都係決定拎番公司食. Menu都有幾多包俾人揀, 我只愛牛, 所以order左Monster cheese burger combo. 買完拿拿臨拎番公司開餐!!!

終於知道咩叫做期望愈大失望愈大…

首先個麵包好乾好硬, 真係唔明點解….牛夠厚, 但係冇汁, 係一D都冇,,,,又係唔明點解…..所以成個包都唔係太好食, 不過又唔係難食, 普通咁囉. 其實個包都幾大個, 不過因為好肚餓, 我成個食哂.

杯可樂一定要彈!!! 一定加左水溝淡!!! 又唔凍又冇氣又冇味, 真係火都滾呀!!

不過應讚則讚, 佢個薯格炸得好好食, 可以encore.

TST唔係太多糖水舖, 我地行下行下見到有個易拉架廣告, 似乎係new shop, then有個伯伯走埋黎俾左張9折coupon我地, 咁試下無妨啦!

間舖其實都幾唔隔”sip”, 如果唔係張leaflet有地圖, 都唔會咁易搵到. 入到去得一檯客, 打開menu發覺都有幾多choices. 我地睇左成5分鐘, 最後我back to basic, 叫左個西瓜涼粉, 阿細叫左鮮什果西米露(芒果底).

味道ok啦, 正常, 但係份量其實可以多番少少, 始終佢的價錢都唔係平, 兩個人食左成$60, 咁既價錢o係港島區一定有更多更好的選擇. 不過走o個陣成間舖full哂, 仲坐到出街加上有好多人等位, 我諗只不過係TST唔夠糖水舖的關係罷了.

今日TST放工, 約阿細一齊食飯, 大家不約而同諗起呢度.

好多年前已經開始食味一番, 由細舖食到大舖. 雖然而家新舖多左好多位, 但係我仍然喜歡老舖的環境, 舊舊的日式裝潢, 貼到滿牆都係的餸名….不過而家都好, 冇咁難等位囉.

我HAPPY HOUR左兩round先黎, 所以唔係太餓. 我地叫左三樣野, 各有各好味:

1) 炸去骨雞翼
- 如果唔係呢款招牌菜, 我都唔會如此喜愛味一番. 由$18食到而家的$20, 水準依然冇變. 佢點樣去骨已經唔重要, 最值得讚的係隻雞翼炸完唔會太乾, 裡面仲要可以keep到d肉汁. 加埋佢最後灑上面的椒鹽, 我認為係無懈可擊! 信我, 黎呢度不能不吃” 炸去骨雞翼”.

2) 蔥三文魚茸飯定食
- 蔥toro好食,但係今晚想試蔥三文魚. 定食包左一個牛脷前菜同miso湯, 兩者都俾我預期的好. 而主角蔥三文魚茸飯, 三文魚同飯的比例好好, 保證你有足夠的三文魚食哂成碗飯. 我地both覺得好好食, 雖然d三文魚切碎哂, 你都可以食得出佢好肥美, 唔係求其搵d部位做茸.

3) 燒銀鱈魚骨
- 揀骨唔揀肉, 都係貪佢夠香口. 雖然等左好耐先燒好, 但係都值得等的, 因為燒得好有心機, 少少燶令到魚骨更香.

好滿意, 始終食咁多次味一番都未試過失手. 食完都飽, 不過唔係勁飽囉. 所以我地決定去搵糖水食!!

今日有兩個friend上我屋企睇大結局, 所以我負責買野食野酒請客.

黎呢度買左:

1)半隻蒜香脆皮雞
- 估唔到咁好食呀!!! 半隻都係賣$35, 咁鬼抵!!!! 街市買活雞都唔得啦, 佢有包炸蒜俾你落, 好香, 令到隻雞更惹味, 肉又嫩又滑, 我俾99分!
2) 半斤豬頸肉
- 都好正!!! 佢有泰式辣醬跟, 好好味ga
3)海哲燻蹄
- 海哲好爽, 係堅野, 燻蹄味道ok, 佢有個特製醬俾你點, 好正

三個人邊食邊飲到而家, 朋友最好就係可以一齊咁樣relax下, 好開心. 有呢d小食就更加好, 佐酒一流!!