每星期都必要到銅鑼灣上堂，一般上完堂都會在附近食個Tea先回家⋯⋯今日見到新店開業，一於試吓先，大門旁邊是燒味部掛滿各式燒味食品，見到叉燒好吸引⋯⋯，入坐時間正值是下午茶時段，我們一行三人點了公司三文治、乾炒牛河和黑毛豬叉燒，餐飲試了雙檬茶。公司三文治份量足夠，材料多，乾炒牛河唔油膩，黑毛豬叉燒肉貨淋嫩，入口鮮甜，至於雙檸茶方面，朋友覺得茶味比較淡，我就覺得雙檬（檸檬+青檸）比較清香，整體來講都唔錯，下次可以試吓黎食小菜。

老公突然話想食Dinner Buffet，叫我安排一下，上網搜尋一下，一家三口子食飯想舒服一些，於是揀選了Kudos，除了成人有多款主菜選擇，包括：牛，羊，魚等等，小童亦有四款主菜選擇，小女選了自己最愛的Pizza，上菜時不禁嘩然，Pizza有8-9寸左右大，而我選了三文魚扒，魚肉嫩滑，邊位脆口，非常好味，老公選了牛配大蝦，大蝦比想像中細，牛味道還可以，至於自助區食物選擇都比較多，特別喜愛甜品區，除了蛋糕，還有豆腐花，雪糕，乳酪雪糕，每款試一次都已經非常多。 特別喜歡環境優靜，暗暗的燈光令人感覺浪漫。 待應生服務態度殷勤，細心，令人感覺良好。

幾個月前已為老公訂過生日蛋糕, 今次特別為小女的一歲生日再次落Order, 前去落單前先上網參考過多張蛋糕相片, 希望為小女的第一個生日留下難忘印象........ 喜歡這地方的寧靜同舒適, 可以令客人靜心選擇, 特別是店員小姐的記性, 只見過小女一次已記得小女的名字, 好窩心的感覺!! 由於小女只有一歲大, 所以今次選了原味海綿蛋糕加鮮雜果餡, 外層由原圖的粉藍色改為粉紅色, 另外頂部改用了大粒棉花糖, 一般情況下, 蛋師傅會為蛋糕設計一個特別的圍邊裝飾, 不過我怕盒子太大, 家用雪櫃儲存不了, 所以要求不用加上特別裝飾.
到了取cake的日子, 心中特別期待, 第一眼看見蛋糕............ 蛋糕真的很美, 粉紅色的cream加上粉色棉花糖, 配合得好好.
回娘家和家人一同分享, 小女兒見到靚靚的生日蛋糕, 不禁用小手抓了一下, 各人都不停讚賞蛋糕新鮮好味, 蛋糕軟, cream滑, 生果新鮮, 真是物有所值, 小女兒還食了好多海棉蛋糕.
美麗的蛋糕, 新鮮的食材, 殷勤的服務, 真是物有所值.

好想試呢間好耐了, 難得家姐由外地回港, 於是相約爸媽同家姐到來食Lunch, 早已聽說呢間好難book位, 所以早兩個多星期前已訂好位.......
weekday嘅午餐時都有9成入座率, 真的多人喔!! 地方環境都好舒服, 服務生service都唔錯!!!
食物方面都有好多選擇, 冷盤, 熱盤, 粥, 甜品,款式好多, 我很喜歡生蠔係即叫即上菜的方式, 可以好新鮮地放在你眼前, 還有自選粥, 可以選擇多款材料, 包括: 花膠, 燕窩............, 特別喜愛甜品的我, 試了多樣款式, 尤其喜愛芒果拿破侖 & 梳乎里, 老爸特別愛食梳乎里, 佢食左4個咁多, 可是Lunch時間太短好難樣樣試過, 我想下次要再去一次呢!!!!

第一次食係買外賣, 今次第一次堂食,好彩收工前已經訂定檯, 如果唔係就要等30-45mins, 所以記住一定要訂檯呀!!
豬扒無味精, 食落唔會覺得口喝~~
好like佢嘅咖哩吉列豬扒飯, 好好味!!!
好想試烏冬, 下次一定要試呢!!

老公要請好友食飯, 想了又想唔知去邊好?? 好在有好友介紹到此一試, 預早一星期訂位, 早一天會再有staff打黎做confirm, staff禮貌都唔錯............
當日訂了6:30pm, 我早到了5分鐘都可以先入座, 坐下環顧四周可能時間尚早不是太多人呢, 坐左大約15mins, 入坐人數已經差不多有8成.........
朋友們大約7點到齊, 大家開始食食食......., 首先係lobster, 好大隻, 仲有不停refill, 不會出現無lobster, 跟住試吓刺身, ham, 燒帯子+鵝肝, 仲有咖哩......................., 樣樣一件都食到7成飽, 坐一陣再出動, 先試燉湯, 小籠包, 蝦餃, 再黎出動食甜品, 先黎試試中式甜品, 不過有D失望, 再黎西式甜品, 呢個感覺好唔同, 大多是好好味, 食物太多款式, 食左3個幾鐘都無辦法試晒全部, 真想下次再食過呢!!

以前都係揸車入石澳食, 上月響公司附近見佢開左間新店於是同兩位好友一齊去試, 食物水準依然保持得好好, 好友們第1次食, 所以由我發板, 照舊叫左炸蝦餅(大大件好抵食), 燒牛仔骨(香口得黎唔太dry), 青咖哩牛腩(好香), 炒棷菜苗(好嫩) & 生蝦刺身(好味) , 仲有第1次試海南雞(味道一般), 蒜蓉飽(好好味,必食), 柚子蝦沙律(柚子好多,仲要係大大舊架), 叫左咁多嘢食都係5百幾蚊, 下次都一定再試其他至得!!

朋友請客提議到此食dinner, 訂左檯響8:30PM, 我哋早左30分鐘到, 大約等左10分鐘左右入坐, 朋友介紹叫左4款食物, 落左單好快就上菜, 份量方面就唔大份, 如果多幾個人就要叫多幾款, 結賬用某信用卡仲有優惠, 整體都覺得唔錯!!

之前未試過呢間嘅水準,早一個月前膽粗粗訂了黎做婚禮茶會場地,因為佢哋無做Tea Time,但佢哋都肯接我呢個party,最初都有點擔心,婚禮已於兩星期前順利完成,一切順行同滿意,難得朋友們讚賞呢個tea party嘅成功,好滿意食物水準,好好服務,在佈置方面,佢哋都花左dd心思黎佈置餐廳,唔算好特別但好有feel,所有都比我想像中好好,下次一定要試吓佢哋嘅晚餐至得!!

食過兩次晚飯,兩次都是同朋友食生日飯,味道唔錯,有多款套餐供選擇,最like泰式鳳爪,套餐包多款食物,有次我仲帯左蛋糕去,佢都無收$$,仲安排埋生日歌跟生日蛋糕一齊出,
有心思呢!!