原來⭐️點茶館⭐️最近係觀塘APM 2樓美食廣場新開左, 我地梗係要去試下. 點心蒸飯有好多唔同款式選擇, 仲要係即叫即蒸, 叫完之後等15-20分鐘, 熱辣辣嘅點心蒸飯都好好味, 份量好足夠. 我同爸爸1人叫左1個$68蒸飯＋點心+精選茗茶套餐, 呢個餐抵食👍🏻 我地叫左北海道溫泉蛋馬蹄牛肉飯, 鳳爪排骨飯, 香菇燒賣, 棗皇糕, 另外仲加左個蝦餃皇. 蝦餃大大隻, 入面有好多隻蝦, 真材實料, 皮薄餡靚, 爽口好味. 下次再去開觀塘, 會同公公婆婆黎. 點茶館 (觀塘) Palate Bistro 觀塘觀塘道418號創紀之城五期(apm)2樓Food Fiesta

近期熱熱地, 好掛住泰國, 但我地未有計劃去泰國… Adrian提議不如今日去食一個泰國午餐就當去左泰國, 好… 媽媽即刻睇下一直好想去個間泰國餐廳Milu Thai有冇位先. Milu Thai係尖沙咀亞士厘道天星大廈, 好方便! 我地去到樣樣都想叫, 最後最後我地叫左呢幾樣:- 火山排骨 OMG好震撼, Adrian見到都wow wow wow! 絕對係每枱必點嘅食物. 火山骨好大件, >20 cm高, 疊起好有睇頭, 有手套提供, 好細心, 咁就可以落手食, 又方便又開心. 仲可以揀傳統泰式辣青醬或唔辣嘅甜酸醬, 由於Adrian唔食辣, 所以我地揀咗甜酸醬, 啱晒夏天好清新開胃. 食完都已經飽左一半, 哈哈! 火焰燒雞 呢個又係好吸眼球, Adrian見到笑唔停超開心. 燒雞着火我地都係第1次見, 氣氛同視覺效果十分好. 打完卡店員仲會好細心幫手切好放整齊, 雞件外皮脆卜卜, 入邊好juicy, 有驚喜呀! 可以加埋秘製醬汁, 有醬冇醬都咁好味道! 菠蘿海鮮炒飯 一大個菠蘿盛裝住一座山咁高嘅炒飯, 菠蘿嘅甜味同炒飯嘅配料好match, 食完呢度嘅菠蘿海鮮炒飯之後宜家Adrian成日都話要再食菠蘿炒飯. 椰青+菠蘿梳打 椰青好大個, 椰青水好清甜, 椰青肉好林, 啱晒宜家咁熱飲. Milu Thai มิลู่ไทย (亞士厘道) 亞士厘道24-38號天星大廈4樓

爸爸好鍾意食魚生, 佢成日都說媽媽去試下夏威夷碗飯, 今日我地終於去左灣仔試下⭐️Poke Go 菠蘿魚⭐️ 由於媽媽第1次試, 店員好好人介紹我地可以試咗佢嘅指定款式先. 餐廳用QR code落單, 有得揀全部都係飯/全部都係菜/半飯半菜, 今次我地都係叫左全部都係飯. 連醬都可以DIY份量, 不過我地第一次試所以都係揀咗正常份量. 媽媽之選 - SHOYU AHH 吞拿魚+壽司飯+芝麻海帶+和式青蔥+紫洋蔥+鰹魚醬油+芝麻+木魚絲 爸爸之選 – ONANA 三文魚+壽司飯+櫻桃番茄+溫室青瓜+甜粟米+蜜糖芥未醬+芝麻+果仁 我地覺得2個都好好味, 對於第1次試夏威夷碗飯嘅媽媽黎講都好易接受, 比起日本菜嘅魚生飯有更多嘅層次, 口感好豐富. 如果下次再食, 想試下自選配搭🫶🏻 另外, 都想推介下佢哋個菠蘿汁🍍媽媽好鍾意呀, 連放係杯邊個塊菠蘿都可以食架👍🏻 有興趣可以留意埋夏威夷碗飯組合同Happy Hour優惠🫶🏻 Poke Go 菠蘿魚 (灣仔店) 📍G/F, 5-7 Swatow Street, Wan Chai 📍灣仔汕頭街5-7號地舖

小陳最鍾意食pizza, 趁今日放早, 一於同佢約埋婆婆一齊去食⭐️圍方Cafe Deco Pizzeria⭐️食個lunch. 一入門口見到佢哋嘅pizza石爐就即刻wow一聲, 宜家唔係咁多地方有呢款爐👍🏻 我地叫咗好多野食🫰🏻 🫶🏻煙三文魚海蝦沙律 材料份量好足好新鮮, 配埋流心嘅溫泉蛋, 連平時好少食沙律嘅媽媽都食咗大半碟! 🫶🏻海鮮至尊Pizza 嚟到呢度唔可以唔試下佢哋嘅Pizza, 有大有細所以試下大家都啱食嘅海鮮至尊. 味道正常, 特別欣賞佢嘅批邊, 好脆好有口感. 🫶🏻美國黑安格斯肉眼牛扒 (300g) 侍應哥哥介紹7成熟, 有驚喜又幾好味👍🏻 好juicy又多汁, 鎖到個牛肉味, 小陳不斷話要牛肉牛肉同牛肉🙈 小陳個兒童餐份量都唔少, 小朋友嚟到食呢個車車造型嘅兒童餐一定好開心! 我哋仲叫咗Mocktail Green Cooler同朱古力奶昔, 2款飲品都唔錯呀! 仲有幾款main我哋都想試, 下次一於帶埋公公爸爸一齊嚟食😋

今日叫咗外賣, 好耐冇食就再試下呢個燉湯😊 如果以外貌黎講, 全個椰子takeaway係好IG-able😍 味道方面中規中矩, 不過幾欣賞佢個紫薯飯, 好似好健康呀👍🏻👍🏻

九龍灣好多野食, 但想食下港式食物, 最後都係去番大渣哥. 下午茶餐… 雞扒芝士撈公仔麵🍜 $52 雞扒唔錯, 公仔麵不過不失 本來想食湯麵, 不過下午茶餐冇所以揀咗撈公仔麵.

媽媽細個都好欣賞Sanrio卡通人物, 知道Kuromi黎左香港, 梗係要同Baby Chan一齊去朝聖下😍 今次Kuromi黎到銅鑼灣富山麵家, 一去到已經忍唔住… 嘩! 主題拉麵店以紫色做主打, 好夢幻! 特別聯乘嘅主題食物: Kuromi造型紫薯味蒸包 Kuromi造型特製黑咖喱撈麵 特製黑醬油拉麵 特製牛奶拉麵 明太子章魚燒 特製蝶豆花啫喱梳打 特製荔枝啫喱梳打 我哋樣樣都想試, 最後叫到成枱Kuromi, 好治癒🫶🏻 Baby Chan話拉麵同叉燒好好味, 餃子食完一隻又一隻😋 媽媽就鍾意撈麵同蝶豆花梳打, 個黑咖喱同滿滿嘅紫菜絲味道好夾, 有驚喜!

今日去開郵局寄信, 一於試一試呢個拉麵. 午飯時間都唔使排隊, 係幾方便. 我叫左個$88　拉麵, 麵同湯都夠熱, 但材料係凍嘅, 扣左分… 食完之後我仲肚痾🙈 希望唔係關碗拉麵事… 不過值得一讚係店員都好好人👍🏻

今日去會展睇展覽, 媽媽話不如去春園街好特別嘅 ⭐️ULURU HK⭐️. 相機食先… 成間餐廳都以黑白為主, 而且仲係寵物友善, 我地當日都見到幾隻狗狗🐶 呢到嘅野食款款都好似好特別, 我地樣樣都想食… 諗左好耐, 最後就叫左:- 🫶🏻京式烤鴨薄餅 脆身薄底嘅pizza, 材料有鴨肉+芝士+烤鴨醬, 好好味! Adrian自己食左3塊, 仲問我地有冇🙈 🫶🏻韓式部隊鍋芋絲 部隊鍋同年糕我地都想食, 糾結左好耐決定要創意菜式部隊鍋芋絲. 平時唔食辣嘅爸爸都話好好味, 芋絲好吸味, 而且冇平時公仔麵咁肥咁膩. 配料有午餐肉+腸仔+雞蛋, 係好足料👍🏻 🫶🏻紐西蘭鮮西冷牛扒 因為都想比Adrian試下, 所以我地叫左well done, 效果都唔錯呀. 牛扒肉味濃郁, 仲有薯菜, 好滿足啊! 我地起初唔知Adrian食咁多pizza, 特登叫咗個飯比佢怕佢唔夠飽🙈 又係好足料啊, 大大粒帶子+大大隻蝦同青口😋 黎到媽媽最期待嘅甜品, 我地叫左夢—森之家🍄 小蘑菇設計超夢幻, 媽媽好心心眼. 蘑菇係朱古力脆皮+草莓乳酪果茸蛋糕, 味道酸酸甜甜好開胃, 好快就被我地KO左… 下次再黎要試埋其他野食先🫰🏻

約咗朋友去野餐, 叫左外賣. 2個午餐再加串燒拼盤, 埋單$250左右. 其實午餐都抵食, 拼盤係散叫所以比較貴. 食物不過不失, 穩陣之選. 最好味係個串燒拼盤, 但真係可以大碟少少🙈