呢間喜來稀肉🔥烤肉店口味正宗👍，韓國風味🇰🇷滿滿，地方寬敞☺️，地點又方便。 佢哋自助區有🥬生菜、芽菜、泡菜🌶️、蘿蔔片同埋🧄蒜片等等嘅配菜☺️任你拎任你食。 呢度嘅爐邊蛋🥚仲有加芝士🧀️，又可以自己加🇰🇷韓式辣醬🌶️或者泡菜🥬，而且係可以😍無限添加㗎！ 送嘅🥙沙律、泡菜🥬同埋紫菜等等嘅前菜🤩款式多元化，配烤肉🔥食一流！ 喜來韓豚五花肉🐖大大件，而且肥瘦相間🥰，燒起上嚟肉香滿滿。🔥烤調味牛排骨十分之大條🤤，份量十足調味充滿韓國🇰🇷風味，入口鬆軟美味！ 海鮮🦑泡菜餅係好大嘅一塊😍，邊位煎到有少少🤏香脆，入口香辣🌶️鮮味好滿足。

呢間主打任食🇯🇵日本岡山縣北木島🗾喜多嬉牡蠣🦪嘅喜多嬉牡蠣屋😍入面地方好大好闊落☺️，木系枱櫈感覺溫暖舒適👍，今次來同朋友興祝生日🥳，佢哋仲有生日🎂佈置十分之貼心！ 我哋揀咗💰$538嘅2小時放題有🌊時令海鮮湯、懷石八品🤤，任食生蠔、燒蠔🦪，任食時令串燒、🔥炸物、小食，牡蠣茶漬飯🍚/手延烏冬，甜品🍮同埋任飲汽水、日式梳打特飲🍹，極之豐富。 時令海鮮湯🥣用咗茶壺🫖上，入邊有蝦🦐有蜆，賣相🥰精緻得來十分鮮甜。 懷石🍱八品用各種時令食材😋製作，久不久就會轉吓款👍，而且擺盤十分🤩精美，今期最正嘅係有鐘意嘅🔥燒白鱔同埋吞拿魚蓉。 食完懷石八品🍱之後就可以任食🇯🇵日本直送喜多嬉生蠔同埋燒蠔🦪，生蠔🤤新鮮肥美又清爽，而且仲有蔥花、昆布漬、柚子啫哩、雞尾酒汁、🌶️辣椒蘿萄蓉同埋原味可以揀，全部可以任食😍真係超正！燒蠔🦪可以揀原味，亦都可以揀🍶清酒煮、蒜味🧄、辣蒜、麻辣🌶️、芝士🧀同埋冬陰功口味，真係勁豐富！ 呢個餐就連串燒🍢都可以任食，而且質素😋都唔錯，有雞腿肉🍗、雞腎、雞翼、🐖五花腩、免治猪肉、羊肉🐑、幾款菇同埋蔬菜🥒，款式多元化又高質！ 佢哋仲有多款🥰小食任食，味淋🐟魚乾燒得啱啱好，入口煙靭又😊鮮味，但係最正嘅一定就係🐂牛肉他他，配埋佢個有少少酸甜嘅汁，🤤十分之開胃好味！ 如果仲食得落主食嘅話，牡蠣茶漬飯🍚/手延烏冬就啱曬啦，🦪蠔味十分之濃郁，不過我就已經😂好飽只能夠食到少少。 最後有香濃嘅🍫朱古力蛋糕同埋芝士蛋糕🍰作為甜品，為我朋友慶祝佢哋仲有畫碟🥳寫生日字服務，呢餐真係令人十分之回味！

呢間金麥泰係九龍城🤤其中一間老字號🇹🇭泰國菜館，佢哋嘅菜式份量足👍，而且價錢實惠💰，入面裝修有少少🤏懷舊 feel，樸實無華🥰，感覺溫馨。 佢哋都有多款🇹🇭泰式飲品，我哋揀咗🍹風味地道嘅珍多冰同埋😍泰式奶茶，又凍又香甜好好飲☺️。 泰式生菜包有🐖豬、🐂牛或🐓雞可以揀，我哋就揀咗🐷豬肉，味道香濃又肥美，用新鮮🥬爽脆嘅生菜包住來食🤩層次感好豐富。 佢哋嘅🇹🇭泰式酸辣椰汁雞湯🥥有分大、中同細，呢個細嘅😋其實都幾大碗🥣，入口幾有椰汁🥥香，而且味道偏酸同埋有🤏少少蕃茄🍅鮮味，飲起上嚟幾😆清甜開胃。 泰式燒豬頸肉🐷又厚又肥美，🔥燒得好香肉質嫩滑☺️，點埋佢個泰式🇹🇭醬汁食就更加美味。 泰式🥥椰青🍚焗飯好🤩巨形，上面淋滿香甜甜嘅🥥椰漿，頂仲有唔少🐖肉鬆，香噴噴🤤好吸引！入面有魷魚🦑、蝦🦐同埋青口🥰，都幾豐富🤩，飯吸收咗🥥椰青嘅香味同埋啲海鮮🦑味，食起上嚟好香甜😋鮮味！ 佢哋嘅🇹🇭泰國✈️空運🪹燕窩😍只係賣💰$38，入面十分👍足料，啖啖清甜🧊冰糖味，加上少少🥥椰漿，層次豐富🥰，感覺好滿足！

呢間喺將軍澳🚇區內屹立多年嘅🥢雞煲火鍋店可以食小菜🧆亦都可以單點雞煲火鍋套餐或者食🐓雞煲火鍋放題，而且佢哋魚缸🐟入面仲有多款新鮮海鮮🦞添！ 今次我哋就揀咗雞煲🍲火鍋放題，貪佢一個💰價錢有三文魚刺身、宮廷小食、惹味🐓雞煲、火鍋、環球海鮮🦪拼盤同埋多種火鍋配料🤩任食，十分之多元化。 而且佢個🥰放題仲包咗非酒精類🧃飲品任飲添。 三文魚🔪刺身一人一份，都幾🐟新鮮肥美。 宮廷小食每日有🖐️五款任食，今日有黑松露🍤蝦多士、涼拌雲耳麻辣🦆鴨血、漬牛蒡同埋椒鹽🐟三文魚頭腩，其中我最❤️鍾意嘅係松露蝦多士🍞，炸得十分之鬆脆，蝦肉🍤彈牙鮮味，配埋少少🍄黑松露沙律醬一齊食🤤真係好正。 任食嘅🐓雞煲，雞煲可選🌶️辣度甚至唔辣幾貼心，雞肉嫩滑😊加上超入味嘅🐖豬皮同埋枝竹十分好味😋。 佢哋有8款火鍋湯底🥣可以揀，我哋就揀咗香濃🌶️沙爹鍋，味道幾香濃😍。 個餐有包一份非任食嘅🌊環球海鮮拼盤，入面有🦐蝦、蜆、🦪蠔、鮑魚、🐚海螺、吊桶同埋🐟龍躉片，都幾豐富又😋新鮮！ 佢哋嘅🐂牛肉亦都好肥美高質，❄️雪花均勻，入口又嫩又有牛味🥰！ 呢度其中一個🤩亮點就係生日滿四位嚟幫襯就會送🥳生日肥牛蛋糕 ，雖然我哋冇人呢期生日🎂，不過咁啱臨近母親節🤗佢哋就特別送咗母親節肥牛🎉蛋糕畀我哋慶祝下，十分之有心思👍。 另外佢哋仲有🤤多款新鮮嘅🥬蔬菜同埋菇類🍄‍🟫火鍋配料，而且最後仲有每人一粒🍨雪米糍做甜品添，真係十分之滿足。

呢間係🚇旺角荷李活商業中心地庫嘅🐂牛大人超級大，地方勁寬敞又多卡位👍，而且價格亦都好💰抵食！自助區💪有好多台灣直送嘅火鍋食材，🤩款式十分之多。佢哋仲有好味嘅滷牛肉，可以撈🍚飯食又可以當火鍋醬料，好啱我🤤口味。呢期佢哋同🇯🇵日本頂級雞蛋「夢王」合作推出 😍「夢王祭」，晚市食「極上和牛套餐」每位送夢王生雞蛋🥚或者醬油溏心夢王蛋一粒，仲有三色🥬鮮蔬夢王脆蛋小食任點同埋夢王布丁🍮甜品添！嘢飲方面除咗自助區大量嘅🧃飲品之外，follow 埋佢哋 社交平台仲🎁送「夢王布丁珍珠奶茶」🧋，而且仲有落單即沖嘅鴨屎香🍋檸檬茶，真係超豐富。佢哋又成10款湯底🥣可以揀，有辣有唔辣🌶️任君選擇，我哋揀咗眷村白玉酸菜鍋🍲，香濃嘅豬骨湯底加上🥬酸菜同埋豬肉片，十分之醒胃😋暖心！極上和牛套餐主打🇦🇺澳洲和牛M5牛肩卷，👍油花豐富而且均勻，肉味亦都好香濃🥰，其次安格斯牛小排亦都十分之🤤肥美甘香，手切🔪封門柳又腍又滑都幾嫩幾啱我口味。佢哋仲有勁多唔同種類嘅🍲火鍋配料，我比較鍾情牛媽秘製滷🐖大腸同埋牛媽秘製滷🐂牛筋，滷水味道好香濃好高質☺️。除咗火鍋配料🥢之外，佢哋仲有幾款😍台式風味滿滿嘅即食小食🧆，絕對係唔可以錯過。甜品🤩方面每人有一個，雪糕🍨有 Mõvenpick 又有 Häagen-Dazs可以揀，除咗雪糕🍨之外仲可以揀充滿台灣風味嘅仙草凍🥣，入面用料十足👍，而且呢期仲有充滿🥚蛋香又甜又好味嘅夢王布丁🍮添！

佐敦呢間隱世🏮居酒屋小店提供多元化又💰抵食嘅日式料理，雖然店仔細細但係🇯🇵風味十足。


佢哋多款嘅時令🐟海鮮亦都好新鮮👍抵食，啱曬唔同朋友嘅🤤口味。


呢度除咗有各款嘅🍶日本酒之外亦都有唔少特飲🍹，例如呢個芒果烏龍茶🥭香甜得來茶味又足，幾抵飲。



時令嘅蜜柑鯛🔪刺身味道清雅鮮味，🐟而且入口有淡淡嘅蜜柑香，🍊味道好有層次。


明太子🥚玉子燒頂層鋪滿味道濃郁嘅😍明太子醬，鮮味又惹味仲充滿蛋香😋添！


汁煮🇿🇦南非鮑魚伴肝醬個人覺得係呢度🤩必食嘅，鮑魚煮到極之腍滑又入味🤤，配上用返佢個鮑魚肝製成嘅醬一齊食🥰十分之甘香美味。


串燒🔥款式佢哋都唔少，黑豚腩串🐖肥美得來鹹香十足，用來送酒🍶一流。


🐟白鱔串肉質彈牙又鮮味👍，個皮仲好香脆添😍！


燒🔥油甘魚鮫十分之香口美味🤤，而且油脂豐富又甘香☺️。


夏威夷🐟魚生飯入面有多款魚生粒🔪，用料十足豐富又🥰鮮味。

呢間喺🚇觀塘嘅新派點心店，裝修摩登☺️時尚得來又充滿中式🏮元素，點心款式極具創意，而且價錢實惠，十分之值得推介！


呢期佢哋仲有🎊入會大優惠，而且可以即時使用☺️，訂定位同屋企人一齊來慶祝🫄母親節就啱晒喇！



尋龍記🐲燒賣拼盤係期間限定嘅菜式😍，佢哋周不時會轉下唔同嘅😎口味，今期嘅歎世界🌏燒賣拼盤以環球美饌做主題，入面有🧀芝士墨魚燒賣、黑蒜🧄帶子燒賣、黑松露🍄珍香燒賣、冬陰功🇹🇭泰辣燒賣、泡菜蒜辣🌶️燒賣同埋俄式🇷🇺羅宋燒賣。其中黑蒜帶子燒賣有黑蒜嘅🤤酸甜加上帶子嘅鮮味十分之令人開胃，🌶️冬陰功泰辣燒賣入面有冬陰功湯汁🥣好惹味，泡菜🧄蒜辣燒賣香辣層次豐富超美味。



馬拉小籠包🥰入面嘅湯汁係濃香嘅🇲🇾肉骨茶，餡料充滿肉香味，小籠包控必定會食過返尋味😋！


羊肚菌🐂牛肉球呢個配搭好有新意，牛肉球加上🍄羊肚菌十分之鮮味👍而且好夾。



脆脆富貴紅米腸粉🤩好驚艷，紅米腸粉煙靭有米香，中層😎超級鬆脆，而且入面係滿滿嘅🦐蝦鮮味，沾少少麻醬同埋豉油，個🍤鮮味更加突出好味！



大澳🇭🇰蝦醬鮮魷卷有蝦醬、🦑鮮魷同埋鮮蝦🦐三重鮮味，加上香脆嘅網紋春捲皮🫓，好啱我口味。


甜品🍮方面拉絲菠蘿包入面有芝士🧀香得來又有拉絲感，桂花糕🌼Q彈清香又甜美，🪷荷花酥上面有滿滿黃色嘅🍍菠蘿味糖粒，食落口感豐富🤤又香甜，豆腐布丁質感幼滑豆腐味😍香濃，加上芒果🥭百香果醬同埋山楂粒入口酸甜😋鮮味！

旺角🚇呢間大人氣嘅南越南咖啡廳主打新派🇻🇳越式菜，經常全場爆滿😍，唔 book 枱都未必食到呀！ 飲品方面佢哋都幾有自己嘅特色😊，接骨木花茶配上幾片青蘋果🍏入口清甜，佢哋自家製嘅斑蘭龍眼茶🍹飲落幾有斑蘭香氣。 鮮味嘅南越🦀蟹肉醬塞入脆球餅一齊食😁，層次感十分之豐富😋。 扎肉心内美米紙卷🫓用料十足，米紙卷煙韌Q彈🥰，配上偏香甜嘅沙爹醬🤤食係唔錯嘅開胃菜。 NVN咖啡骨☕係佢哋嘅代表作，用濃郁嘅🇮🇹意式咖啡溶化甜美嘅綿花糖作為醬汁，加上煮到透嘅🐖豬軟骨，十分之香甜美味。 🔥惹火上身鹹檸豬頸肉🐷一上枱職員會為佢點火，🤩視覺效果一流，豬頸肉超嫩滑肥美😋燒得又甘香，配上少少鹹檸醬汁味道有少少🍋酸甜好有層次。 越式咖哩🍛牛肋條煮得好腍滑，入面仲有啲🐂牛筋，味道香濃好有🥥椰香，配埋香脆嘅🧄蒜茸法包一齊食絕對係🥖雙重滋味！ 富國島之椰子🍮奶凍造型成個越南🇻🇳富國島咁，個海🌊入面仲有芋頭同埋柚子等等嘅材料，食起上嚟充滿🥥椰子嘅香甜。

尖沙咀🚇呢間糖宮有多款特色嘅榴槤😍甜品供應，而且兩層地方十分之👍寬敞。 入面⚒️裝修走簡約工業🏭風格，而且仲有貓店長🐈坐陣添！ 2-8pm🕗仲有甜品餐供應🤩，呢段時間嚟食就更加之💰抵啦。 菠冰冰同埋芒冰冰係🍍菠蘿沙冰同埋🥭芒果沙冰，份量十足勁大杯🍹，而且入面仲配埋🤤同口味嘅爆珠，口感豐富好好飲👍。 榴槤椰椰用咗原個🥥椰皇去製作，入面有唔少榴槤蓉🥰同埋白玉，配埋榴槤雪糕🍨一齊食就一流啦。而且仲可以加💰$10有埋花生🥜湯圓同埋芝麻湯丸添。 榴槤拿破崙係即叫💪即製嘅，保證厚身嘅😋拿破崙鬆脆唔會受潮變腍，佢中間同埋頂部😍都有唔少嘅榴槤蓉，十分之香甜美味。 朱古力窩夫🧇外面幾鬆脆，咬落去亦都有幾香濃嘅🍫朱古力味，伴埋香蕉片🍌同埋自選口味雪糕🍨一齊食層次好豐富。

尖沙咀🚇呢間小店主打慢煮🦆鴨片，聽講佢嘅撈粗🍜幾好味，可惜今日賣曬所以未試到🥲。 佢哋嘅鴨蔥油慢煮滷肉🦆鴨片飯大大碗，慢煮鴨片份量足👍幾抵讚，鴨片好嫩滑而且十肥美😍，成碗飯充滿鴨蔥油香🤤，撈埋滷肉同埋榨菜一齊食😋層次豐富。 個餐仲配咗🦆鴨肉雞湯🥣，湯頭幾清澈味道好☺️濃郁，不過我就覺得有少少🤏過鹹。 食食下佢哋話🎁送個小食，係滷肉🐟魚蛋，撈飯🍚食一流呀！ 呢度原來都有唔少🍹飲品選擇，呢個黑糖珍珠🧋鮮奶咖啡幾有驚喜，☕咖啡香濃，牛奶🥛厚身香甜，加上煙韌嘅黑糖珍珠十分之👍好飲。