呢間扒房已經食咗好多年，佢個Standard keep得好好👍！ 因為又有新嘅promotion所以去再食。 一定要食佢 spinning salad同埋soup of the day. 只後跟住upgrade份牛扒去Diamond cut冇錯嘅，最好可以連埋舊骨。永遠都食唔晒都係要攞走留返第二日去做三文治。甜品就一定係食佢 嗰個chocolate cake。 雖然有啲忙，但係Server嘅Service都好好。同你都係有講有笑。 一定會再返嚟

見有朋友介紹，所以嚟試吓呢間Top 50 Pizza! 今日放假梗係嚟食個set lunch見佢幾抵$150包嘢飲加$30有甜品。 我爭啲遲到last order，所以我都冇細心研究過Menu 。我就問過Waitress介紹我哋食乜嘢好。 揀咗margarita and Parma ham. 下次夜晚嚟試吓其他pizza。 甜品就食咗個一定唔可以Miss out嘅Tiramisu ，同埋一個cake of the day. 絕對值得返嚟試多次，叫多幾個朋友食多幾款唔同嘢。

12尾，同女朋友玩完Gold Coast Hotel嘅陶瓷教室之後， 即刻嚟試下佢新推出嘅蜜糖松露下午茶。 首先先讚下個餐廳環境， 成個用餐環境都係好闊落舒適，配上嘅無敵大海景同泳池景， 真係夠曬chill同放鬆！😍 Honey Truffle Afternoon Tea ($628/2pp)𝐒𝐰𝐞𝐞𝐭 𝐬甜點方面一共有6款既特色甜品同5款鹹點。甜點方面，紅莓白朱古力松露撻真係好有驚喜，甜度既控制同質地都有好平衡 唔會過甜或者過酸，中間嘅海糕加慕絲食落既味道都好多層次。 而小蜜蜂造型的蜜糖慕絲配芒果啫喱就超級可愛同符合個蜂巢造型，佢見到即刻爭住食啊！ 最後不得不提嘅松露朱古力，朱古力迷一定會好中意，松露香得嚟朱古力味💕又夠曬濃，配埋杯白菊蜜兼簡直一流。 野飲方面就推薦叫翻松露白菊蜜，白菊味好香濃，甘香回味，宜家冬天滋潤得嚟又解膩，用黎送下午茶都好適合💕💕。 鹹點方面有5款，雞串燒食落去有浸香噴噴嘅蜜糖味，加埋啲甜椒一齊食，好夾！再嚟試咗魚手指，點埋松露醬令到佢更香口，每人食咗兩條都唔夠喉😭 其餘多款就有我最喜歡嘅材料係入面❤️有蝦、蟹肉、帶子、煙三文魚…..鮮蝦蟹肉松露撻有好香嘅蟹肉味，同松露好夾，鮮蝦同蟹肉真新鮮！舔舔脷😋成個tea set雖然話for 2people 但真係好夠食，好滿足啊！期待其他節日限定嘅tea set!我都支持

中秋前夕試新嘢，晚餐dinner set 有promotion梗係要去試吓啦！ 裝修咗之後都未去過，梗係要嚟睇吓有咩新嘢啦！環境一流，靚sea view! 呢個價錢抵到爛 嚟得呢度食嘢，梗係環境氣氛最重要。嘢食唔需要大件，最緊要新鮮，有手工，有質素，同埋可以影相。 三五知己一齊嚟，所以每個main course都嗌咗個。好食🤤 個甜品絕對值得一試！佢個signature peach Melba and Mille feuille 值得試 走嗰陣時仲買咗盒月餅添，有驚喜下年都會再買

呢個半自助餐（semi buffet)已經食咗唔止一次，但係一路冇時間post所以寫返個食評俾佢。 因為見到又有promotion，所以去食。款式一定唔算多，但係全部嘢都新鮮嘅。有湯，有頭盤有cold cut。少量熱食seafood paella，prawns and mussels! 仲有幾款甜品。 Main course有牛(要加錢），雞，魚，risotto。 Main course可以再做好啲。 Dessert - 有芝士蛋糕🍰，生果🍎朱古力🍫OK啦。不過不失。 最衰個餐唔包咖啡茶。。 服務一流！有人幫你斟湯，開門，check feedback etc 絕對值得一試

登龍街又有新嘢食啦! 啱啱食飽飯，就經過一間新開嘅雪糕店不妨一試！🤩🥳 平時喺銅鑼灣食開嗰間雪糕突然消失咗，但係今日有運見到一間新嘅雪糕店。咁樣當然要試吓啦，天氣又咁熱又成日落雨！ 有芝麻，開心果，海鹽軟雪糕！仲有得俾你試食添🥰😋味道有驚喜！ 價錢一啲都唔算貴！份量亦都好足夠😗有分細杯，大杯同埋雪糕筒佢哋應該仲可以幫你加唔同嘅topping ! 佢本來有貓山王雪糕㗎，但係賣晒咁所以下次一定會去試吓！

恨咗好耐都未有時間去食嘅一間餐廳咁今次呢就朋友生日所以去試一試。

話就話係紐約風味美食的餐廳呀，但係你千祈唔好同Ruby Tuesday或者一啲漢堡包集團去比較。

因為佢係食得「高級版」乾淨企理好多嘅。你係要用刀叉去食，唔係乜嘢都用手揦起嚟食。

嚟到咁梗係要食個 buffalo wings, Crab 🦀 Cake ,🍔 burger and lasagna ! 同埋一個不可少得嘅 MILKSHAKE

Crab 🦀 Cake 同 MILKSHAKE 就不容錯失。
個burger呢就唔係我想像中咁，因為我鍾意食啲好 Wild，好Juice，好污糟啲汁滴晒落個身度嘅burger。

服務好細心嘅，知道我哋會分個burger，所以佢哋都幫你切開兩份。

知道我朋友生日都有 Birthday Cake - Lemon meringue 同埋請咗我哋飲兩杯咖啡同茶。

我唔小心跌咗個口罩，佢哋都即刻送返一個口罩俾我哋。呢啲細心嘅服務態度，非常感謝🙏🏼。

香港好食嘅芝士蛋糕🍰，講就有好多，實際上就唔係好多。
平時返工絕對冇乜時間經過呢度見今日係放假，所以專登去呢間Sbakery by Mama Soo食。
上次食過呢個芝士蛋糕覺得值得返到，今日去再食過，今次嗌咗個passion fruit and mango cheese cake 🍰 。上次就食咗原味 original 同埋香蕉味 banoffee !
熱情果芒果芝士蛋糕，鬆脆口感的餅底絕對好食，香滑芝士又唔係太流。如果啲熱情果芒果醬可以再多啲就好喇，跟返杯咖啡絕對冇得彈!
原味 original - 原味芝士蛋糕帶點酸味下層系加左lotus餅打成焦糖餅乾味的芝士餡 也不會太甜餅底質感比較順滑綿密
Banoffee = "Banana + Toffee" x 芝士蛋糕 Yummy
晚餐後絕配嘅甜品 

平時返工絕對冇乜時間經過呢度見今日係放假，所以專登去呢間上環精品朱古力Cafe - Goose' Chocolate Try Try。
難得香港有啲淨係買朱古力為主嘅Cafe一定要去試吓啦！復古嘅裝飾加埋好別字嘅鵝鵝和貓貓嘅擺設。絕對係打卡一流。啱晒啲文青 
嚟到一定要食佢店內唯一一款嘅早餐 Goose Breakfast. 特色乳酪，加埋一個好好食㗎，Focaccia麵包!
🍫 加埋佢杯 Signature Goose Chocolate - Milk Base嘅朱古力飲品，甜甜酸酸嘅感覺好特別 最後又點可以少得過佢個 Single Origin Chocolate Pudding 呢! 濃烈嘅朱古力味又唔會太甜，又唔會苦，仲有少少嘅生果味 !都好回味! 大家不妨一試，記住早啲去攞位，如果唔係有排等

平時都有去食開千兩㗎喇，但係今日有人邀請佢食 Bluefin Tuna。就算請假，都要去食呀！
呢條係完全飼養嘅吞拿魚，唔係野生嘅！好大條㗎，成50公斤重！
佢有解釋呢條魚有咩特別㗎，但係我乜都記唔到，淨係最重要嗰幾個字Toro Toro and Toro！
咁今次食拖羅之外，仲有食咗其他唔同嘅部份嘅。譬如魚尾魚下巴 etc 。
真係唔同啲嘅，食條新鮮嘅Bluefin吞拿魚! 好油好正！食完都仲有啲唔夠喉，想食多次！
今晚安排好好俾咗個靚位，我哋仲可以睇到佢劏魚！招呼一流，個個都面帶笑容 😁！抵我成日嚟呢間食㗎🥳🤩