見完客同哥係附近食個飯，好少黎荃灣嘅我，揾左間西餐， 諗住搵穩陣陣，點知仲差過我食快餐店，先黎餐湯加餐包， 餐湯好似罐頭湯加本菇，溫度正常

餐包係多士，硬到嚇死人，我食左半件冇食，不過幾香

跟餐沙律很好吃，有芝士碎碎，麵包粒脆脆的，而南瓜亦十分甜， salad dressing剛剛好，配搭芝士鹹香簡直係perfect

不過餐廳可能趕係八點鐘關門，因為餐湯餐包餐沙律同埋main course一齊上， 正確嚟講係一分鐘後上曬兩個main course， 真係茶餐廳都冇咁快， 如果趕時間又想食西快餐可以考慮呢度

好在未叫餐飲，唔係全部一齊上曬，張枱唔夠放就唔好啦，結果侍應話意粉可以後上，塊排放低先，哥佢勁快飲完碗湯， 就食牛扒， 最好笑嘅係，本身薯條同牛扒都唔係熱係暖暖哋，咁我明白五成熟嘅牛扒唔會太熱，但薯條仲熱過塊扒， 可能佢驚太熱辣親佢個嘴， 所以唔整咁熱

白蜆蒜蓉意粉，唔算好濃味，但加左小小cheese，白蜆清甜，cheese亦帶出鹹香，不過冷氣好大，加上一早同餐湯齊上，只係放住喺廚房先，所以拎出黎好快就凍左

女侍應話會同經理講返聲，唔知有冇講啦，不過經理都冇走嚟同我哋講啲乜嘢

上埋餐飲好正常，凍檸茶係凍齋啡係熱，跟手女侍應叫我填番份意見form，反映俾公司知

成日聽到來佬餐廳今次都係第一次試， 雖然冇話特別好好食但係服務質素十分好

牛扒熟成程度做到要求，牛味亦有，但未算很重，而且肉質亦不會過un，鐵板上熱度夠，配菜亦十分新鮮， 汁的濃鹹程度也做得剛剛好

真係好餓，約左個朋友一齊食飯再睇戲，點知條友睇過龍，我打左幾多次比佢，冇反應，漏決定唔等，一個人去食左lunch先整番個肉燥雞翼，肉燥略肥，鹵水雞翼唔夠入味，雞肉乾乾地，肉汁唔算多，不過肉燥都夠撈飯，剛剛好啦，蛋冇食到，飯量算多，食唔曬，下次小飯先

晚飯一個人都幾dry，哈，食番個開心嘅晚餐先

又食食食，一個人話到明要開心，梗係食元氣啦整番碗烏冬先，唔係好夠熱，面淋左dd，但都好好食，最喜歡堅魚湯底，清清鮮鮮咁，正呀一個人wo，要豪一豪佢，食番個刺身先，脂肪平均，而且新鮮，魚味十足，肉身爽滑三文魚壽司，可以肥番小小就好喇，相反魚味冇刺身咁突出，不過都唔錯啦火灸又係我嘅喜好，再有小小黑椒碎增加味覺刺激，今平凡嘅三文魚變得特別了

其實想食薯條想左好多日，就係覺得一個人食好似會好肥咁，所以等埋男友收工就話買個薯條番屋企食，點知，條友仔話想食糖水，我話我陪你食你就要陪我食薯條架

咁成交就去食糖水

冇影佢嗰個我就食我好小食嘅冰糖木瓜雪耳，第一啖覺得淡，咁食埋個木瓜就覺得剛剛好，唔知係咪木瓜甜呢，反而覺得好balance，木瓜夠熟又夠淋，而且甜甜的，十分清新男友話食糯米卷，但我見到菜肉包又好似幾好咁，咁就叫左菜肉包同糯米卷

原來糯米卷好食過菜肉包，菜肉包包好淋，冇乜肉感，而糯米卷就好煙un，只係包略淋左小小

趕住番炒散，事源友人叫幫手頂一頂，咁我咪重出江湖囉

放左一份，又趕番另一份，忙到咁，買個包頂一頂

聲稱cheese火腿蓉包勁小cream cheese ，火腿蓉都真係好碎下，小小喊味，加埋包小小甜，都幾得意，但cheese唔夠多囉，個包唔算大個，但都好軟熟

食個飯，今日食個佬飯，即係點，

冬菇牛腩飯似係仔食多，冇錯，我男友平時係好鐘意食lee個，今日等佢收夜，我又一個人行商場，又一個人食住飯等，

平時一齊食嘅話，我叫嗰樣嘢未到，佢會餵我食佢碗飯，haha今日一個人食，所以食佢鐘意食嘅飯，回味下平時可能佢會讓我食冬菇，都唔知原來只係得3隻，到底係我食曬佢d冬菇定係比小左呢

冬菇依舊入味，但略欠爽口感，而且一d都唔厚肉，飯也偏淋，汁也很多，多到浸到好濕，令到每一口都好喊，湯汁飯咁，很差，牛腩就好出色，淋滑軟身冇鞋口，係唔錯的

收夜點可以唔食宵夜呀，
的的去深水po，整番碗魚蛋米，魚蛋大大粒，勁爽又有魚味，一d都唔腥，米粉又爽口，不過份量唔算多
湯底很鮮，可能用左大地魚煲
食完，當然唔夠飽啦，去6林食番碗甜點就正喇

去mk行街拍拖仔，
今晚好想食pepper lunch，就去左朗豪坊男友要左咖哩黑椒cheese，蛋係生嘅，要靠熱力整熟，見到d蛋汁真係好正咁呀
我就要左，澳洲牛牛黑椒飯即係咁，我嗰個要加嘅嘢，佢加曬去我男友嗰度囉
食左男友碟飯一口，可能咖哩伴唔平均，一口都係咖哩醬，好難食，喊到傻
係男友碟飯拎d cheese過黎，hahaha，好在佢粟米另上，我同男可share下，粟米爽，但唔甜，牛肉質素一般，牛味尚可，唔夠嫩，板太hot over cook，冇另加汁，看似濃味，但其實係適中架

等男友收工，今日佢去左荃灣，話幫個客睇場地
我一個人行行下又去左城市中心，見肚餓諗住食d嘢
見別府冇乜人，咪入去，唉叫左碗豬軟骨拉面，d面小到，我又唔係叫下午茶，比正價架，好唔掋，面係爽嘅，湯底係一般味精豬骨湯，而主角豬軟骨就唔多淋喇，真係幾細食都唔夠飽所以叫左d壽司，唉，早知去元氣啦
三文魚：正常的，魚肉同肥平均，但魚味並不出色
火炎三文魚：好似水烚過咁，一d燒過嘅感覺都冇，入口即散，又冇魚味
粟米：紫菜淋到呢，真係好差
蛋：凍，硬，過甜，一d都唔軟熟好難食