轉角位的店鋪總是遺世獨立，但大部份都是令人覺得驚喜的小店。教育路81號元達樓地下呢間小店雖然店面不大，但都滿晒座。等我又試下點解咁多人食先!
入到去見到牆上投影差利卓別靈的默劇,由牆上壁畫,餐牌,全部都表現出店主的心思,令食客們一邊欣賞一邊品嚐食物。跟餐+$15有薯格同牛油粟米,份量都唔少,薯格脆卜卜,即叫即炸。蒜香海鮮炒意粉,濃郁的蒜味充分滲入口腔,意粉不油不膩,爽口彈牙,最估不到是勁多蜆係碟底,數都數唔到。第二叫左吉列豬焗飯,咖哩汁。賣相好好睇,而且最稱讚的是咖哩汁做得好好,平時最怕是汁多過飯,又肥又浪費,但呢個就唔會。,咖哩味香,有DDDD辣,加埋充滿蛋香的炒飯一齊食,真係一啖接一啖。吉列豬扒就乾身左D,唔夠JUICY。服務,環境，地點都方便，所以應該會再來!!

以前食燒肉的店鋪都係幫襯某間日式字頭，但原來而家的燒肉店已經開左好多間，而且價錢又唔太貴，lunch time都可以食到 係旺角鴉蘭街新開的燒肉King,地方闊絡，日式的裝修風格感覺舒適。最緊要的是！！！入到去唔會聞到燒肉的油味，抽風系統設計得相當不錯 坐低睇下有咩食先～～其實配搭都幾多，有牛，有豬，有雞肉呢d基本野，想多d款可以雙拼。 我覺得細心位是有分兩種重量既肉，啱曬女士的份量。 雖然係lunch set,但質素都認真對待。有大碗飯，餐湯是羅宋湯，味道都濃郁。有前菜。肉的份量都唔算少。我叫左兩款豬肉，再加雞脾肉。豬肉片切得偏薄，所以唔使好耐就熟透，油滋均勻，送飯好好味 。雞脾肉無雪藏味道，嫩滑有少少雞味。一個相宜的價錢可以食到唔錯的燒肉，性價比已經賺左

 由西鐵朗屏站行過去的一間小店吸引了我們一去再去,當你以為是西式店,又有泰式生蝦刺身食;當你以為是日式口味,但又有意大利飯食,哈哈,其實可以說是一間玩味的FUSION 小店。
因為疫情關係,店舖都有做足防疫措施,店員會先替客人探熱, 位置都坐得鬆動。
餐廳以灰色為主色,走工業風STYLE,環境優雅,又帶點CHILL~

食物等了一會就到
青咖哩雞意大利飯 賣相吸引,配菜份量也多,青咖哩的味道和意大利飯很夾,
又不會太辛辣,好好味,兩個人食都夠飽。
冬蔭公忌廉汁海鮮意大利麵 好有驚喜的味道,意大利麵將香濃的冬蔭公味吸收曬,,酸辣得開胃!
海鮮不但有大蝦、青口、魷魚，仲有蕃茄仔同香草,材料十分足本,而且魷魚好彈牙。
唯一不足是比較油。
泰式奶茶 好飲又好睇,又唔會過甜。
水牛城雞翼 味道一流,真係炸得剛剛好~~
食食下好似韓式炸雞味,份量有成6隻,令人食到唔想停止!
值得欣賞的是依間小店的理念非常鮮明支持你地！

屯門比較受歡迎的一間良心食店,每次都大排長龍等位,而門口有好多文宣可以睇,可以細心品嚐下 咖哩唐揚雞扒蛋包飯 日式甜咖哩,賣相已經好吸引,雞扒炸得夠脆，而且啲粉漿唔會厚,食落啖啖肉又JUICY,感覺比日本的還好食
蛋夠滑,如果有埋蛋香更加完美~
份量勁足料,如果細食不妨叫少飯,以免浪費。
虎蝦蝦油手工闊麵,估唔到咁正,超級必食的!! 兩隻虎蝦,足料唔會肉霉,
蝦油味勁濃郁,每一條麵都有蝦油精華,食完一啖又一啖
手工闊麵好似刀削麵,有彈性又有麵,粉香,應該唔會係第二度搵到
套餐附送有是日特飲,但不包餐湯,不過都已經足夠。

風雨飄搖之夜，經過大半天的操勞,晚上總要好好平靜一下心情。Olive餐廳一如以往優雅寧願的環境，無論經歷多久，都沒有改變過。晚餐set 十分經濟 ，價錢合理，於是我和朋友 就叫咗一個黑椒厚切肉眼鐵板餐。
 
我地選擇左肉醬意粉 ，建議牛扒可以良選三成熟, 因為鐵板上會十分熱辣辣 ，慢慢食的時候 ，鐵板嘅熱力已經將牛扒變到八九成熟，所以唔好叫咁熟先會保持到牛扒的肉嫩多汁。
呢個肉眼就好好味，配上黑椒汁更加惹味，而且又無咩筋位。
肉醬意粉的味道一般，不算特別。

另外,我地叫左個9寸的牛油果煙3文魚薄餅。 上菜嘅時候令我哋喜出望外 因為成個薄餅外圍都用上沙律菜圍咗一圈,顏色非常吸睛。而薄餅嘅 材料 亦都唔馬虎， 有粒粒的牛油果 有一大片嘅煙三文魚 仲有沙律醬，配上脆卜卜嘅薄餅 ，口感十分有層次， 煙三文魚嘅煙燻味,牛油果嘅清新都大大中和左薄餅嘅油膩感。
2個人食9寸的薄餅真係挑戰，下次都係人多先叫。 最後食埋是日甜品一 法式奶凍就完滿了。 奶凍細膩滑溜，奶味香濃，好似有椰子嘅香味，上面層cream覺得太heavy,我選擇左唔食。

餐廳的環境依然悠然和坐得舒服，難怪一直都有捧場客，希望新的老闆可以繼續保持水準，將美味帶俾大家。

元朗有林林種種的台底飲品小店，想吸引客人，唔花多點心思應該是不可以的。元朗的沐白絕不會Hea賣，而且仲花好多心思推出不同款式的飲品呢。
第1杯顏色鮮艷的是莓莓果果，炎熱的天氣下飲啖果茶，的確是透心涼又解口渴。莓類的酸甜好清香，加上紅茶配搭，仲令我感受到帶點薄荷的涼快，確實係夏天的消暑之選。
第2杯是濃醇可可鮮奶，朱古力味道香濃而不會太甜，加上煙Um的珍珠，呢個配搭永遠無得輸。


第3杯是店鋪的主打，大甲芋泥鮮奶。將芋泥打成泥再加入鮮奶，每層的顏色都十分漂亮同埋飲落每啖都充滿天然的芋頭香味，再加上細粒的芋圓，口感更加豐富，飲完絕對會非常飽肚的。


仲有好多款飲品未試，我一定會繼續幫襯，下次試埋黑糖珍珠鮮奶先!

沒什麼心思的本人偶爾都會找些特別的餐廳給男友開心一下,今次就到油麻地的譽發廣場食好野 坐落23樓高層,餐廳設計高雅而寧靜,就算坐滿客人都不見嘈雜。 餐廳燈光以紫色為主,令客人心情放鬆下來,而侍應會主動推介餐廳的熱門菜式。餐牌上的肉類,意粉同飯都不算好貴,都是合理的價錢之入內。 男友對野食的選擇都挺滿意的,於是就散叫左幾款。 首先有微熱的餐包,軟硬合適,最與眾不同的是搭配香草味的牛油,又香又好食!!我好喜歡 之後有龍蝦濃湯伴煙肉海鮮雲吞,店員知道我地SHARE飲,貼心地幫我地將個湯分好,雲吞都切開一半。
龍蝦湯味道好香濃,飲完仍然耳猶未盡。
M5牛扒要求5成熟,肉質鬆嫩有淡淡的牛肉香,不會過濃又唔會太騷 而另一款就ORDER左豬肋骨半份。美式醬汁香濃,肉質令人不相信是入口即化的感覺。

最有心思是配菜好豐富,有露荀、車厘茄，紅黃椒、青瓜,全部都烤得香噴噴,

底下配上十分香滑的牛油薯蓉,令人再三回味呢~~
最後係牛肝菌黑松露意粉,意粉軟度硬控制得好,黑松露汁的濃度比例不會太過OVER,
好食到1 啖又1 啖,轉眼成碟就清曬~~

想不到元朗世宙對面的華苑會有蒸氣鍋,而且價錢都合理,地點咁就腳,唔使再出市區食喇
部長招呼熱情,仲俾左張大台我地,可以舒舒服服同男友慢慢食2個半鐘。
部長仲十分細心推介邊樣海鮮好食,可以選擇4樣海鮮,我們選擇了扇貝、鮑魚、象拔蚌同聖子皇。男友一臉期待,因為佢第一次試咩叫蒸氣鍋。
醬料用自助嘅形式,蔬菜係自助形式，自己由雪櫃度拎,好方便同埋雪住可以保持新鮮 不消一會已經可以食得,蟲草花鮑魚清甜彈牙,象拔蚌肉質爽口。 聖子皇同扇貝都十分啖啖肉又唔會蒸到好老身,好好食,男友都大讚 手打肉丸,蝦丸,墨魚丸啖啖實肉,最喜歡蝦丸同墨魚丸,用料好足,食左兩次~ 非常爽口的豬頸肉也好好食,肉質清甜無雪味。
和牛粒都勁正!!有肉香，男友encore了兩次仲想食,連影相都唔記得了,哈哈
最後要食埋精華粥先叫完美。集合左海鮮同肉粒的精華,普通的粥都變得非常鮮甜好味 和男友齊齊捧住肚滿足咁離開了,下次一定會再過來食的!

美好的一餐往往取決於誰與你在一起，當他令你幸福，每一餐也是甜蜜的 前幾晚與親愛的享受了一家伏店，大家笑笑過後，帶著幸福的餘韻，尋覓一個甜蜜但要俱備滋味的地方 老公最愛海鮮，我便找到了這家以海鮮泡飯著名的餐廳，希望長期飢餓的老公可以得到溫飽 這餐廳價錢公道，選擇也多元化，在酒樓一隻波士頓龍蝦也叫價上百，看這泡飯的足料程度絕對對得起價錢 嚐一口湯，海鮮味濃，而且非常鮮甜，而且一點腥味也沒有，讓我們一口一口飲過不停，龍蝦有糕而且啖啖肉，帶子也夠淋，而且我本常不太喜歡的青口嚐過後也覺得不錯 將極鮮味的海鮮湯混飯來吃，與他一口又一口真是享受 另外這加一個黑毛豬撈油麵，撈的是沙爹醬，醬汁有點串燒配的那種，所以非常白甜，黑毛豬的份量也非常大方，豬肉片嫩滑而且不是淡而無味，簡單的撈麵都唔會hea你 來到一家用心小店實在令幸福的一晚錦上添花，希望這店能用期經營下去就好了 但老公看來還未吃飽的樣子，我也要努力讓他每天滿足的吃飽

女人街食店林立,已經花多眼亂了,但原來仲有一間新開張的懷舊感覺食店好出名
位於威達商業大廈1樓,地方好闊絡,而且裝修格調真係好特別,入門有酒樓喜酒的金龍裝飾,有茶餐廳水吧、綠色鐵閘車仔麵檔等......以為自己去左80年代的大排擋咁,每張都是大圓枱,茶壺、餐具也是舊式的,仲不停播著80年代熱門的廣東歌,真是熱鬧又俾年輕人感受到以往食飯的情境。

食品菜式都顯得有心思,貴精不貴多。





和男友見到有杏汁豬肺湯,二話不說就點了一盅。豬肺湯處理步驟很多,但呢度價錢合理,就試下好飲不~
好快店員就呈上大盅的熱湯了,已有杏汁味飄出來了,而且湯料好豐富,我們喜出望外!~
奶白的豬肺湯甜而充滿杏汁香味,味道偏濃郁。豬肺都清潔得好但事後飲完一點口渴也沒有,可見味精不過份。
我們每人都飲左3,4碗,份量真係好大方,好好好好飲


懷舊菠蘿咕嚕肉,用左鮮菠蘿,肉塊脆卜卜,唔會厚粉,甜酸適中,送飯一流



雜菜粉絲煲,清湯底,有3款菜同大蝦干,味道鮮甜,粉絲多到食唔曬


最後要稱讚下個白飯,有些餐廳的白飯很求其,硬而且沒有米味,但呢度的白飯係白雪雪,軟綿而且有米味,有左呢碗飯,更加似家的感覺,味道更加好