.
平時返工一定好攰啦，放工又想同朋友揾個好地方聽吓音樂吹下水？呢度就啱晒你啦，鋪頭名叫做「騷」，騷唔代表姣啊，騷一字源自於黑人嘅騷靈音樂，亦有代表靈魂咁解。
.
而且餐廳亦會舉辦不同嘅音樂派對，例如早前有C AllStar嘅Jase曾經舉辦一個迷你音樂會，吸引過百人到場，加上店主亦非常歡迎對音樂有興趣的人來表演，絕對值得一讚。
.
Mini pork burger $98
漢堡用上手打豬肉，保持肉汁鮮嫩外更入味。
.
All day breakfast $98
份量適中，尤其是黑松露炒蛋夠滑，女士們絕對喜歡。
.
除此之外，餐廳仲提供各款本地手工啤酒，由果味較重的以至大麥濃味啤酒亦有供應，而且各款啤酒嘅組合亦十分趣緻，喜歡音樂的朋友不妨考慮一試。
.
騷 (尖沙咀)
尖沙咀諾士佛臺9號冠福中心9樓904室

.
蜜糖咖哩烤雞 $185
.
最近食雞嘅次數有啲多，有時食得多都係會驚驚地。今次呢間標榜所有雞都係以焗爐香烤出來，與一般韓國餐廳以油炸出來有分別，除了能減少油份更能保持肉汁鮮味，份量亦非常多，兩個人比較難食晒一大碟，建議約埋三五知己一齊KO佢。
.
Goobne Chicken
銅鑼灣登龍街18號V Point 25樓
中環威靈頓街2-8號威靈頓廣場M88 5樓
馬灣珀麗路8號珀麗灣碼頭地下P1號舖
尖沙咀赫德道4號The Hart 2樓
旺角彌敦道628號瓊華中心15樓
.

. 好耐都示試過一家人坐低食飯，今個月婆婆專誠喺美國返嚟香港，今年婆婆已經91歲，老人家咁大年紀仲要坐十幾個鐘飛機真係唔簡單。 . 見咁人齊，好多美國嘅親戚亦都返左嚟香港，一於帶佢地嚟酒樓食返餐好嘅。婆婆雖然年紀大，但食嘢又非常咀叼，好多嘢都唔會食，但唯獨係咕嚕肉同壽包食幾多次都唔會厭，所以我地特登叫呢兩道菜俾婆婆。 . 生炒骨份量適中，當然要十幾個人分就無乜可能，整得非常脆，咕嚕肉最緊要係夠脆！ . 呢次壽包就無分奶黃/蓮蓉，全部都係蓮蓉嚟，啱晒老人家口味

.
香煎豬柳漢堡 $109
.
雖然話係豬柳，但係我覺得用燒肉會比較貼切，因為無論喺外觀同口感方面，都同燒臘鋪嘅燒肉差不多，但意想不到燒肉漢堡都可以咁好味。首先，廚師喺燒肉面頭加上微辣嘅蘑菇片同醬汁，配以太陽蛋汁，口感一流。
.
Espresso Alchemy
尖沙咀彌敦道36-44號重慶大廈地庫WK廣場36號舖
鰂魚涌海灣街4-6號地下8號舖

.
二人嘆茶套餐 大紅袍/玫瑰花茶 $228
.
一年一度的母親節又到，又是一眾「孝子孝女」擺媽媽上網呃like嘅日子，其實如果真係有阿媽心，日日都可以係母親節。
.
今日帶左媽媽去茶室嘆茶，都算得上「中式high tea」，茶苑位於尖東，位置都算方便，但係茶苑並唔同酒店下午茶有嘢食，只係會有少量曲奇杏仁伴茶。而且店員對茶非常熟識，泡茶時會分享沖茶嘅樂趣。
.
大紅袍味道會比較濃，多茶香，如果飲慣濃味茶應該會喜歡；另外一款係花茶，由於呢個仔無買花俾媽媽，所以揀左玫瑰花茶，等媽媽可以拎返屋企擺又好，玫瑰花茶味道相對淡，花香味比較重。每次品茶時間為2小時，可以相約家人和朋友聊天，加上茶有助消脂，比甜點更健康。
.
茶苑裝修以簡約為主，枱櫈全是以木為主色，加上店內有大量盆栽，好像置身於大自然，而且茶室內採用大玻璃窗，窗外是繁忙步伐的尖東，窗內是慢活喝茶的茶室，形成一種強烈的對比。
.
除此以外，茶苑亦有提供各類形泡茶興趣班，有興趣不妨去茶苑詢問詳情。
.
鳳凰茶苑 (尖沙咀)
尖沙咀加連威老道77號開麟中心2樓

.
如果有一天，你能把你一生人的經歷放進一個酒杯裏，
而言，你只能選擇一種味道作為你人生的總結，
你希望是留下那一個的回憶？
.
你仲記唔記得呢杯Mocktail?
.
Y cocktail 最初由一班有熱誠的年青人，以一架木頭車，唔賣雞尾包但賣雞尾酒而成名。兩年前有幸於荔枝角D2 place嘗試過，原來上年尾已經在K11設立第一間實體店，當然要支持一下。
.
最新推出的"life adventure"系列，包括有甜酸苦辣4種shot，分別係"甜 berry romance", "酸 Kirsch Muse", "苦 Bitter Blue", "辣 Wasabi Shock"，"甜"就當然係最易入口，最適合女仔飲。
.
個人認為"酸"同"苦"都算是否錯的選擇，而"辣"就有一大陣wasabi味，飲落非常辣，而且有攻鼻嘅感覺，歡迎唔怕辣嘅你挑戰一下。
.
Y Cocktail & Mocktail
尖沙咀河內道18號K11購物藝術館2樓201號鋪Unit7

. 煙肉菠菜焗蛋伴窩夫 $58 咸食嘅窩夫都算係第一次，有一個細size嘅鐵板，上面放上芝士菠菜，我嘅理解係將窩夫切細，好似麥樂雞咁點醬食，不過唔係蜜糖或者芥末，而係卡邦尼菠菜，作為下午茶都算非常新奇。 . 夏雪 大圍積富街31號益富閣地下3號 西環堅尼地城厚和街6-18號滿發大廈地下D舖 . 下午茶時間 . 抹茶特盛 $108 望落好似好細份，但實情入面有綠茶夾心嘅心太軟，抹茶麻糬，綠茶雪糕加銅鑼燒食，呢個一冷一熱嘅組合幾過癮，而且有一杯玄米茶消解糖份，值得一試。 . 啲人話甜品可以使人感到快樂，當真？ . 夏雪 大圍積富街31號益富閣地下3號 西環堅尼地城厚和街6-18號滿發大廈地下D舖

.
南瓜帶子焗意大利飯 $62
下午茶食咩好，食cafe最好，Rissotto有濃郁南瓜香，加上大大粒帶子，配上一杯咖啡味香醇嘅滴漏咖啡，perfect Saturday!
.
Tiramisu吉士法國西多士伴雪糕 $58
.
吉士再併西多雪糕，呢個組合非常邪惡，餐廳用上微熱的熱鍋，保持西多士溫度，但係雪糕咪會快啲融囉？！成個份量都好多，總共有6塊西多士，每一塊都炸到金黃色，再伴以吉士同雪糕，今次又要肥幾磅啦。
.
街坊Cafe (旺角)
旺角通菜街1號威達商業大廈地下E,F,H號舖

.
兩小時任食韓式燒烤 $198
.
今日同朋友諗左好耐都唔知食咩好，盲中中咁嚟左呢間韓燒，任食嘅永遠係懶人first choice，唔係話有好多款肉類揀，但係都夠食，而且仲有好多韓食可以叫，例如有韓式辣豆腐鍋同海鮮湯，仲有煎餅等等，當然啦，份量高會比較細份啲。除左肉類，仲有海產可以揀，推介嘅有鰻魚同鯖魚，但就唔建議揀生蠔啦。
.
平昌
佐敦彌敦道219號莊士倫敦廣場5樓
旺角西洋菜街1號兆萬中心13樓

.
家姐長居日本，一年先返嚟香港十幾日，好耐都未試個三兄弟姊妹出街食飯，梗係要揾間好食得嚟又可以坐好耐嘅餐廳。
.
依家天口相對無咁興，食少少串燒都唔會太燥熱，呢間啲串燒全部即叫即燒，無論係肉類、蔬菜同埋海鮮嘅選擇都非常多，我地都揀左起碼十分鐘先拍板諗掂。
.
肉類推介:
$18 冬蔭豬豬
其實係醃左泰式辣味嘅豬肉串，好重冬蔭功味，初時第一啖仲未feel到辣味，好似楊冪所講「這個辣來得比較慢」，係要去到第二啖就會感覺到辣味開始攻上喉嚨，呢個時候可樂可以幫到你。
.
$34 岩燒極品一口牛
$35 香草紐西蘭羊架
細妹好鐘意呢個一口牛，所以佢一個人叫左三串，好香牛味；煮得好嘅羊架係唔會有羊羶味，唔會太油
.
蔬菜類推介:
$30 茄子 - 原條上，蒜香味濃，偏咸
$12 翠玉瓜 - 串燒必叫是常識吧
$11 韭菜 - 嘻嘻
.
其他推介:
$68 鵝肝多士 - 鵝肝非常肥美，少少油，多多趣
.
滿串自家醃制串燒店
佐敦白加士街127號地舖
旺角砵蘭街147-149號地下B3號舖
深水埗桂林街46號地下B舖