尖沙咀★Petit Deli好耐好耐以前知道依到有自家製pasta同pizza已經想試，不過次次都太即興又撞正夜晚peak hour時段book唔到位，今次終於順利係星期六中午時間留位放工即刻滿心期待去搵食...點知....

雖然係烈日當空既下晝，不過室內燈光昏黃都唔太分到晝夜，尤其係番完工既疲乏狀態真係令人有少少昏昏欲睡小店清一式採用深棕色木製二人枱，大約可以容納二十人左右。大概係想節省空間，靠牆既座位為硬身梳化櫈，有cushion可以挨下。不過可能座深太淺，坐得唔係幾舒適細心欣賞，室內環境都幾有藝術氣息，牆上面有一幅幅食物繪圖。多手摸左幾下，似係人手一筆筆畫落去好有心思有特色搵食時間
印象中平時lunch set既價錢都係$7x-8x，估唔到weekend brunch既定價貴咁多，由$118-178都有...（唔好意思唔知點解唔可以打番直張相）- 蘑菇忌廉湯（跟餐$0）：★★★★★ ★★☆☆☆
隻杯加上d質地第一眼以為係咸麥皮，飲一啖就知龍與鳳，超級濃郁菇菌香，一片片既應該係打碎左既菇粒，感覺真材實料😎不過說好的忌廉呢？……

- 沙律（跟餐$0）：★★★★★ ★☆☆☆☆
沙律菜用左個好醒神既橙色瓦兜仔裝住，上面淋左d醒胃黑醋，清新開胃。不過原來除左面果層下面都係苦口既紫椰菜

- Jumbo breakfast（午餐$138+10%）： ★★☆☆☆ ☆☆☆☆☆
話明珍寶早餐真係好豐富，乜都有咁。可惜最令人期待既煙三文魚egg benedict令人最失望……蛋白老到不能形容直程“鞋”口，蛋黃只係勉強叫做流心，再傷心發現底下果塊唔係鬆餅，而係極乾又超硬既自家製香草包！！ 
炒雜菌無味，茄汁焗豆罐頭貨，焗蕃茄平平無奇，薯條無味又林身 反而係肉類叫做合格d…粗身牛肉腸比想像中好味，肉質彈牙又幾juicy火腿搽左蜜糖係面，咸中帶甜好似bbq咁；煙肉就無乜特別。 不過overall都係唔掂the worst all day breakfast i had so far....


- 黑松露野菌配自家製闊條麵（午餐$148+10%）： ★★★★★ ★☆☆☆☆
自家製闊條麵真係好矜貴，份量少得好可憐…黎到望到人地枱果碟我以為係食到尾聲，原來一開始已經係依個量，太天真。 不過貴得黎又真係有好煙韌既口感，咬落去感覺實在每條闊麵都掛晒汁，黑松露味唔算好突出，好彩白汁味道調得美味配料只有十隻手指都數得晒既普通貨野菌，都幾dry下 雖然好欣賞間小店自家製意粉，不過真心覺得性價比實在奇低……
２熱咖啡（跟餐$0）： ★★★★★ ★★★★☆
跟餐既咖啡都有個小小既心型拉花仔杯即磨咖啡面頭有小量奶泡，入口順滑，味道濃郁，好似飲緊flat white咁！d咖啡豆應該都有番咁上下質素 …好彩有杯靚啡為依一餐不滿足午餐拉番dd分數……

埋單$315/2ppl。
整體黎講真係非常失望，見佢有咁多好評應該都有番咁上下，點知食物質素比想像中差，價格比想像中貴，份量比想像中少 ...服務態度都係普普通通。
食完依餐雖然都飽，但內心好唔滿足已經沒有再光顧的打算。。。

觀塘★Veggle Cafe（素食cafe）
25-07-2016 東廣場依度開左唔少好野，真係成個美食廣場咁，今晚想“清”d一於食下素菜
小店佔據商場角落既一個四方格，空間有限，覇佔少少走廊位勉強可容納2x人。好彩七點幾黎到剛好剩低一張四人枱唔洗等
裝潢方面簡簡單單無乜特別，係木枱上面有一個熊貓仔小盆栽做裝飾我地本身果盆乜植物都無，一開始仲以為係煙灰缸？！

搵食時間每個餐都包個自選沙律，可以出去望下慢慢揀～是日餐湯（跟餐$0）：★★★★★ ★★★☆☆
細細杯既餐湯睇落好似青咖喱，好彩味道唔係辣！舌頭唔夠敏感飲唔出係咩，唔知係咪豆蓉乜乜乜湯呢？惹味開胃得黎又充滿纖維～哈哈

（左）炸蕃薯條（跟餐$0）：★★★★★ ★★★☆☆
成日食薯條，今次終於特別d！外層炸粉夠晒薄少少脆，蕃薯味道香甜，仲要無乜油膩感，忍唔住一條又一條……想再開胃d仲可以點埋酸味味既特制醬～
如果蕃薯再切番粗少少就不得了哈哈！
（右）素雞絲沙律（跟餐自選$0）：
★★★★★ ★☆☆☆☆
掛住食邪惡炸物都無乜用心品嚐依個健康之選…印象中食落酸酸甜甜，味道唔太突出～

全素意式8"薄餅（晚餐$80）：★★★★★ ★★★☆☆
咁多沙律菜鋪係面，食pizza都無咁有罪疚感！薄薄既餅底係素全麥，唔算脆身但食落口感幾好，一d都唔乾身上面既豐富餡料包括惹味但全素既mozzarella芝士·燒甜椒·阿支竹·燒蒜·燒洋蔥，再配上清新蕃茄香草醬哈哈，好正呀完全唔會覺得寡

Veggle粟米漢堡（晚餐$80）：★★★★★ ★★★★☆
Wow色彩鮮艷，賣相好吸引既素食漢堡！原來只係隨意灑左十幾粒粟米，好似有d貨不對版喎，不過見佢咁好食即刻無意見研究左好耐都食唔出紅色果塊漢堡到底係可方神聖，憑佢既嚼勁估計都係紅米d friend，同light燒烤豆腐汁& creamy牛油果醬好鬼襯
跟餐既炸蕃薯條又一掃而空而今次既自選沙律要左雜錦蔬果，無乜特別～

（左）豆角南瓜沙律（跟餐自選$0）：★★★★★ ★★☆☆☆
見到啖啖肉既橙黃色南瓜就一致通過要揀不過可能期望過高，口感軟稔但味道無想像中咁香甜啵。。。至於d豆角都幾爽口嫁～ 
（右）松露西蘭花闊麵（晚餐$90）：
★★★★★ ★★★☆☆
好足料呀d野生雜菌好似食極都有有口感得黎又仲幾香菇味闊條麵隱約帶點松露香，麵條幾厚身，口感就幾林身同滑口menu寫話佢係有機嫁喎！

飲品方面可以揀是日有機花茶／有機豆奶／雪櫃入面既任何飲品～- 蜂蜜檸檬薑茶（跟餐$0）：★★★★★ ★★★☆☆
見佢係茶包諗住都係普普通通，估唔到ｄ檸薑味又幾突出，仲要加左一兩次水都仲出到味！飲飲下仲真係品嚐到啖啖清甜既蜂蜜味

埋單$250/3ppl。
整體黎講都幾驚喜，素食得黎唔寡唔油，賣相味道都好得仲要份量足而價錢又十分合理職員服務態度都好友善，空間唔大但座位舒適，唔會感覺侷促，食完亦無壓力要趕住交枱i will be back！

太子★難得糊塗（樓上cafe）
24-07-2016 ★★☆☆☆好耐之前比佢個店名吸引左，係就係聽講過佢既質素普普通通，不過都係心旭旭想試下太子站行幾分鐘就到太子藍馬之城，都幾容易搵。

星期日兩點半左右上到去打算食tea，要同人撘枱先可以入座（全場好似得1-2張二人枱）四人枱坐正係人隔離真係唔太方便傾計，好彩嗌野前成功轉位（職員話假如落左單就算有位都無得轉喎……）
室內環境都裝修得幾舒適，白色牆身配木系傢俬，有點無印良品feel作為一間tea cafe，依度都有唔少茶具擺設，入口位置就有張大茶几～lift果面就有個art corner。座位方面可以曬下太陽既window seats最吸引，可惜係六人枱無我地份坐 ...

搵食時間餐湯（跟午餐$0）：★★★★★ ★☆☆☆☆
本身以為係普通忌廉湯，但飲落隱約食到d薯蓉喎，唔錯唔錯。
卡邦尼長通粉（午餐$58+10%）：★★★★☆ ☆☆☆☆☆
賣相討好，諗住揀卡邦尼汁應該都無死，點知味就有味喇，但係好咸呢……好彩面頭部分只係輕輕掛汁，食落都尚算滋味長通粉烹調時間適宜，口感比平時配撘開依個汁既意粉更煙韌餡料就普普通通啦，都係少少煙肉同菇～
整體就衰左係個汁！
窩夫配雪糕（下午茶餐$58+10%）：★★★☆☆ ☆☆☆☆☆
Um...都明白tea既份量比較少d，不過加一後六十幾蚊得果兩塊都幾孤寒算，貴精不貴多，可惜……
雪糕無得揀只有雲呢拿，味道質感似係普通家庭雪糕貨，個雪糕球仲要唔係實心窩夫口感都ok鬆軟嫁，只不過無蛋香又落糖重手左偏甜…
感覺浪費左珍貴既quota。
本身打算加錢嗌latte同柚子梳打，不過食完d野都無乜期望，都係揀番跟餐既咖啡同熱檸水算……
即磨咖啡（跟餐$0）：★★★★★ ★★☆☆☆
算佢細心啦奶可以自己落，即磨咖啡味道比想像中好味香濃，苦澀度適中而不帶酸。可以話係今餐最好既部分～

埋單$128/2ppl。
整體黎講環適舒適，不過一兩丁友黎要撘枱既機會率都幾大；職員都比較young，服務態度一般般 …食物就有好大改善空間，雖然唔貴，但係太子區以咁既價錢有更美味既選擇…
 

旺角★Coffee Jobs
20-07-2016
今晚終於有機會去拜訪下久仰大名既Coffee Jobs，鬼咁眼訓o岩晒黎嚐啡小店位於廣華街既十字路口位置，門面黑蚊蚊突顯出藍色既小水滴logo。入面既環境睇得出有用心設計，其中對住正門果面牆好有特色，以各種廚房用具併合成一幅畫作室內樓底好高感覺寬敞，不過原來座位有限，只可容納大約20-25人。我地今晚７點幾黎到就同僅存果２張四人枱無緣喇，三條友仔只好係正中間既common table排排坐。

搵食時間等食期間發現原來餐巾上都印有佢地既logo同店名。- 是日沙律（跟餐$0）：沙律都幾fresh，不過無左羅馬生菜總係覺得差咁ｄ野，而且個人而言太多苦口既紫椰菜

- 是日餐湯（跟餐$0）：無試到味不過望落碗羅宋湯都幾足料下，朋友仔都有讚好味，一飲而盡

主菜黎既時候叫waiter比ｄ碟我地方便share，驚喜發現每隻碟仔上面都印有唔同既動物圖案，個個見到都拎起相機- 美式炸魚薯條（晚餐$98）：★★★★★ ☆☆☆☆☆
炸魚外層既啤酒炸粉略油但都幾香脆，亦唔會太厚粉入面既魚肉鮮味就無乜嫁啦，不過口感嫩滑，整體都唔錯
但係d薯條真係唔多掂……唔知係佢炸完放耐左先出定點，唔脆唔香唔粉睇色澤仲疑似翻炸咁……so sad
意式蘑菇漢堡（晚餐$158）：★★★★★ ★☆☆☆☆
嘩嘩嘩～好有霸氣呀向上發展既高大burger！真係個嘴幾大都無可能唔分開兩三層黎食呀！由低數起有：搽左牛油烘得香脆既麵包·生菜絲·蕃茄·洋蔥·美國免冶牛肉漢堡扒·被芝士包住既juicy波特菇(portobello)餡料有份量，口感豐富有層次可惜作為主角既漢堡扒就麻麻地，肉質過韌，味道亦唔突出……
伴碟既薯條同fish & chips既一樣令人傷心。。
蒜香帶子意大利粉（晚餐$148）：★★★★★ ★★☆☆☆
唔係聞到一陣陣蒜香，真係有一刻以為上錯左青椒意大利粉
帶子肥大鮮白，但味道唔夠鮮甜…個pasta既材料配撘係特別左d，不過都幾惹味下，口感夠彈牙Latte（原價$36，跟餐$0）：★★★★★ ★★★★★
拉花同坊間常見既pattern有所不同，似葉又似花
店名coffee jobs不禁令人對佢有所期望，店主應該對自己既咖啡有番咁上下信心呀下果然無令人失望！！杯latte口感順滑醇厚，咖啡味道非常突出，濃郁帶苦不帶酸

Latte $ 36

0

Latte $ 36

不知不覺就KO-ed。Satisfied
黑糖薑母五殼Latte（原價$42，跟餐$0）：★★★★★ ★☆☆☆☆
(朋友仔之選)
又黑糖又薑母仲有五殼，一睇個名就覺得好養生面頭灑左一行薑母粉，可惜薑味都係唔太突出，飲落味道同口感都好似早餐食既麥片…
幾特別既創作，不過我依個普通人都係鐘意普通latte多d～
綠茶忌廉Latte（原價$52，跟餐$0）：★★★★★ ★★☆☆☆
(朋友仔之選)
忌廉·咖啡·綠茶奶層次分明，抹茶既翠綠色令杯特色咖啡望落多一分夢幻感
入口綠茶味頗濃郁，不過咖啡味就幾乎完全被遮蓋嚕～又奶又忌廉想唔creamy都唔得…

埋單$404/3ppl。
整體黎講環境服務都幾好，咖啡有水準。不過食物方面呢，上菜速度比較慢，食物外表吸引，但係味道就有點失望喇。。

太和。Espressialty上次一場黎到，見到門口擺滿左以紫色為主既花同盆栽，唔講真係以為係間靚靚花店係門口好開心咁影完相，再滿心期待咁推門而入，點知週末下午茶時間已經座無虛席（cafe既空間真係有限，大約只有15個位。。）今次早番ｄｄ黎，終於成功搵到個位仔坐下！入到去第一個感覺係：成間自修室咁寧靜！有唔少人都係到埋頭苦幹睇書／用電腦／玩電話，搞到我地都要壓低聲浪先敢講野哈哈哈～室內環境簡約舒適，以木系傢俱為主，隨處可以見到綠色植物同鮮花既蹤影。正中間位置有張common table可以一次過招待一大班客人，雖然要同人share枱，不過果ｄ位有梳化仔坐嫁，感覺上好似梳乎ｄ搵食時間
cafe成日都無set，只可以散叫；唔收加一。

蟹肉芝士厚吐司（$38）：★★★★★ ★☆☆☆☆
咦！睇相甜吐司明明係成塊，點解依個得半舊嫁！！！
不過....
塊厚多士意想不到咁外脆內超級鬆軟（麵包控表示唔洗加餡就咁比多半舊包都好呀……）
個厚吐司都幾真材實料喎，真係有一絲絲蟹肉！不過個人認為沙律醬落得太重手，幾乎覆蓋晒蟹肉既鮮同芝士既香，成個吐司食落變左甜甜地
伴碟既沙律無乜特別，叫做有菜食下健康d咁啦
Flat white（$32）：★★★★★ ★☆☆☆☆
唔知係咪因為比latte少d奶泡，缺少左點綴既拉花，賣相普普通通。
奶啡比例適宜，香濃咖啡味中帶點點奶香面頭只有薄薄一層幼奶泡，口感順滑。只係個人認為咖啡略為稀身，流質程度有d似飲水……
Royal honey latte（$38）：★★★★★ ★★★☆☆
特色latte見得多，加蜂皇漿好似無乜聽過，又要試一試
唔似杯外表平凡的flat white，依杯面層有番靚靚拉花淺嚐一啖，香濃醇厚咖啡中隱約散發出陣陣清香蜜糖味，份量恰到好處，略為減低咖啡既苦澀味而又唔會過甜
埋單$108/2ppl。
整體黎講環境靚。寧靜。舒適，黎享受下一人時光做下自己野都幾好，不過想黎傾計就好似唔太適合，除非你想＂默默針＂啦食物同咖啡味道都不過不失，價錢方面呢個半舊吐司都幾貴下（但如果計番嗌一兩野樣係cafe到坐兩三粒鐘，比人收依個價錢都唔過份既）

大埔★Sizzle cafe & grill本來想去既cafe已經滿座，唯有另謀高就...跟住大埔地頭蟲周圍行，佢講起附近有間新新地既餐廳都唔錯，一於去試下黎既時候門口都仲未要排隊，只不過得一樓有位，上去望一望發現樓底高又好似無窗感覺侷促，都係等幾分鐘坐番地下果層～
室內環境就係西餐廳既形象。哈哈～好廢添講左好似無講，不過依個係腦海出現既ｆｉｒｓｔ　ｉｍｐｒｅｓｓｉｏｎum..可能空間大而又比較熱鬧，橫睇掂睇個feel都似間西餐廳多過cafe，可以舒適咁用餐但又唔係可以慢慢坐hea粒幾兩粒鐘果種～搵食時間甘筍忌廉湯（跟餐）：★★★★★ ☆☆☆☆☆
原來跟餐有埋湯送～賣相都唔錯好似好rich，飲落真係幾香甘筍味，不過無發現到甘筍渣，唔知係咪真材實料喇。。

煙三文魚碎蛋忌廉意粉（午餐$43+10%）：★★★★★ ★★★☆☆
見佢咁抵食以為係街坊西餐廳質素，點知個意粉整得咁有水準，條條都掛滿creamy忌廉汁，最impressive係佢好鬼煙韌既口感al dente！
加左碎蛋令個汁味道有d似蛋黃醬有少少傷心煙三文魚切碎左唔係一片片。雖然份量不少，但散收收食落無咁重魚味呢…

香煎龍脷柳意粉配芥末子忌廉汁（午餐$40+10%）：★★★★★ ★★☆☆☆
好彩無跟飯轉左同樣係好煙韌既impressive意粉餐廳好豪爽，煎香左表層薄脆既龍脷柳有成四五舊，仲要全部都啖啖肉嫁！
至於個芥末子忌廉汁望就望到芥末子粒粒，可惜食落只有忌廉的味道 ，建議可重手多幾倍……
呀～配菜竟然有椰菜苗又幾好喎只係略為稔身左d，煮少陣爽脆d會更有口感。

Cappuccino（午餐加$8）：★★★★★ ★★★☆☆
咁有美感用最愛既baby pink顏色小碟已經要加粒★喇雙層透明杯仔入面既咖啡同奶泡比例清晰可見，口感綿感泡泡溝埋香濃咖啡，yumyum
苦苦地帶奶香，i like it

外面天氣咁熱，個場又有咁大張ｂａｒ枱呼喚我地，真係要嗌番杯冰凍生啤消下暑先得Kirin ichiban（原價$48，跟餐加$30+10%）：★★★★★ ★★★★★
麒麟果然有保証，麥味香濃，苦苦地但又容易入口，忍唔住飲完一啖又一啖
すげー～～

埋單$133/2ppl。
整體黎講職員服務態度友善，環境食物都唔錯，今時今日依個價錢食到依個水準既西餐真係幾難得（唔係嗌左酒的話每人$50左右咋！）雖然唔似可以hea既cafe，不過間中黎食下晏仔／晚餐都唔錯呀～

旺角★Brooklyn by Apple Green上次食apple green旗下既R&B時朋友仔提起依間係旺角MOKO既Brooklyn都幾正就一直心思思想試，今晚難得happy friday 7點左右黎到唔洗等位有得入不過好傷心發現原來係會限坐1.5小時...
細心一望，其中一面牆身裝扮到好似紅色貨櫃，天花就吊住遠睇好似鑊蓋既昏黃吊燈，室內環境黑蚊蚊，氣氛都唔錯

0

轉個頭另一面就搖身一變為綠化牆身，轉用白色射燈，不過又以黑色鐵絲網做間格加添型格原素。時間緊逼，都係快ｄ搵食手造香蔥芝士小鬆餅（$38+10%）：★★★★★ ★★★☆☆
甜既muffin就食得多，咸既都係第一次試
鬆餅細細粒容易食，又唔怕會填飽左個肚～口感外酥內軟，最緊要係唔會一切就散食落有chedder cheese既咸同蔥既香，yumyum有興趣可以點埋個cream，好似加左少少肉粒不過味道偏淡，個人就prefer就咁食個muffin。

燒凱撒有機椰菜苗（$68+10%）：★★★★☆ ☆☆☆☆☆
想食蔬菜又想食d特別d，於是就揀左平時屋企唔會煮既圓碌碌椰菜苖bb
Er…面頭搞乜鬼有d鑊焦，賣相唔多掂喎。。。夾出黎望下發現原來係燒燶左既芝士！其實係失左手定真係咁上碟嫁？
椰菜苗炒得香脆爽口，不過略咸同多油左少少～
塊黃金多士望落就好吸引喇，食落帶牛油香，可惜不如想像中外脆內軟熟既…

三文魚海鮮堡（$128+10%）：★★★★★ ★☆☆☆☆
嘩！海量生菜絲多到就快見唔到塊扒，要食咁d先拎得住沾滿牛油香既麵包夾住由三文魚、扇貝、魷魚同蝦混合而成既海鮮扒，都成吋厚好有volumn，可惜各種材料既鮮味都唔出，整體味道偏淡 有點失望……
伴碟既薯條好有麥當當bbq味shakeshake薯條既影子！好惹味但略為林身啵～如果換做粗薯就好啦

食肥仔野都係要嗌番杯鬼佬涼茶先matchHopwired IPA 7.2% -NZ- （460ml $78+10%）：★★★★★ ★★★☆☆
難得有優質手工生啤，點都要試一試
Wow～好鬼freshhhh架呢！聞落有清香荔枝味，飲落轉為微甜麥芽味，好易入口女仕都岩飲
不過啤酒黎講價錢都唔平嫁，460ml轉下眼就飲完嚕...

埋單$340/2ppl。
整體黎講環境都幾好feel，又有大量酒精選擇岩晒成班friends黎聚下（不過有時限。。唔知人多會唔會可以坐耐ｄ？）。食物都幾有特色，只係味道比想像中失色，不過今次試左３樣野姐，得閒黎試多幾款食物比多次機會佢先

中環★Ciao Chow位於蘭桂坊既意大利餐廳ｘｂａｒ，７點左右黎到門口ｄｒｉｎｋｉｎｇ　ｚｏｎｅ已經好正常地坐滿ｈａｐｐｙ　ｈｏｕｒ既鬼佬ｓｓｓｓ好可惜是日妹仔肚又不適宜飲酒，都係乖乖地去入面既ｄｉｎｎｉｎｇ　ｚｏｎｅ～開得係依個潮人之地，室內裝潢當然有型有格，木製／雲石枱配灰藍色櫈，天花佈滿左右交錯既水喉管

0

另外，門口一大盞金碧輝煌既吊燈，牆身一整幅紅酒架，型仔之餘又不失格調印象中餐廳清一式都係外藉員工，加埋隔離左右既外國客人，真係有少少飛左去外國既感覺，幾好ｆｅｅｌ呀下～不過全場最吸引都係果兩個座地意式大烤爐，所謂＂工欲善其事，必先利其器＂，烤出黎既ｐｉｚｚａ應該都有番咁上下保證掛？搵食時間Pancetta coppata（$38）：★★★★★ ☆☆☆☆☆
Um…知其名而不知其形，原來係意大利pork belly！上網查下先知d豬腹肉以肉荳蔻、茴香、胡椒、大蒜等等調味再醃漬風乾，唔怪之得咸香十足再十足啦油脂同瘦肉分佈得都幾平均，食落惹味唔肥膩，不過有d位都幾un下要落足牙力…
伴碟有兩塊pizza仔，望落脹卜卜有d似印度薄餅。可惜食落都幾乾身又唔軟熟不如比幾塊蜜瓜我當食parma ham仲好啦。。。
諗諗下塊咸香豬腰配白酒應該都唔錯kaka~~
Roasted crispy potatoes（$38+10%）：★★★★★ ★★★★☆
正呀正呀，新鮮烘出黎既薯仔粒粒外層金黃香脆，細粒得黎中間都有料到，啖啖薯肉好粉呀已經加左d鹽同香料去調味，齋食又得，點茄汁食都得得左！
Calzone（$138+10%）：★★★★★ ☆☆☆☆☆
自從係泰國（?!）食過calzone之後就一試難忘，咁難得係依間意大利餐廳發現梗係要試下！
Um…希望越大，失望越大 雖然有個大烤爐好正宗咁，可惜餅皮薄而不香脆又不夠煙韌中間包住大量mozzarella芝士，蕃茄同莎樂美腸等等。味道就普普通通，同埋可能蕃茄出水d餡浸濕埋個餅皮…埋單$236/2ppl。
整體黎講環境氣氛就好得喇，但係主角意式薄餅真係有點令人失望....
不過其實小食選擇都幾多嫁，細細碟又價錢合理，真係幾o岩happy hour黎摸下酒杯嗌幾樣小食慢慢傾～～

西環★Lifetastic難得黎到香港大學聽talk，又要把握機會黎試下依頭越開越多既cafe今次目標鎖定係以澳洲同快樂為主題既Ｌifetastic地理位置方便，B2出口過一過馬路上條小小斜路5分鐘都唔洗就到喇！
室內以白色為主調，不同角落都佈滿綠色植物，環境寫意又有生氣小小cafe唔算大，但勝在樓底夠晒高，門面又採用落地玻璃，空間感十足呀～坐係bar吧望住出面既小街道食野都幾好feel天花掛住一盞盞特色吊燈，不過最吸晴肯定係牆上果幅充滿快樂原素又有好多動物仔既壁畫，色彩繽紛，望見都開心搵食時間牛油果蕃茄粒烘焙麵包（$88+10%）：★★★★★ ★☆☆☆☆
嘩，好colourful充滿夏日氣息，賣相好吸引烘焙麵包大約一吋厚，口感煙un，如果軟熟d就好喇～麵包上鋪滿牛油果肉，可惜未夠成熟，不如期望中香滑creamy...好彩有兩隻震騰騰流心蛋濕潤下無咁dry
um…好奇怪地除左蕃茄粒同芒果粒，面頭仲灑左搶晒味既蔥花味道上完全唔夾，食落怪怪的。就算整走左，蔥味都揮之不去，敗筆！
明太子蟹肉意粉（$128+10%）：★★★★★ ★★★★☆
嘩，又睇到流晒口水
面頭大量紫菜木魚絲，化身西日fusion菜（又加左dd蔥花，好彩今次無爭味…）意粉al dente上晒creamy醬汁，痴住粒粒明太子，おいしい淨係食意粉mix配料已經好滿足，都無乜留意主角之一既蟹肉添...
Flat white（$38+10%）：★★★★★ ☆☆☆☆☆
咖啡倒入橙啡色瓦杯，面頭有典型雙心拉花，賣相唔錯份量比想像中少，不過更加失望係咖啡比想像中淡 明明flat white應該香濃d，點知d奶落得咁重手，奶味仲重過latte...喚不醒昏睡中的大腦zzz...
草莓西瓜蛋糕（原價$78，跟餐$58+10%）：★★★★★ ☆☆☆☆☆
店主由澳洲回流帶番黎，一睇就知屬於夏天既蛋糕面層大大粒士多啤梨配濃郁玫瑰啫喱加花瓣，味道香甜下面一層層開心果碎/忌廉/蛋糕，中間夾住大約一吋厚既主角西瓜～食落真係幾refreshing嫁，西瓜起沙又juicy只不過個人而言西瓜同蛋糕唔太融合到，最後都係分開黎食……
Um…絕對相信個蛋糕工序繁複，只不過咁既價錢同味道，都係貪新鮮試一次就夠嚕
埋單$344/2ppl。整體黎講環境真係無得輸呀好鬼relaxing，都市人喘息既開心小天地食物賣相就加零一，味道方面就不過不失尚有進步空間，定價略高但當食埋環境都可以接受既。。。

尖沙咀★R&B Research & Bakery一直都想黎試，不過聽講要排隊又限時1.5hrs所以次次都放棄左..今日星期日朋友仔book左位就即儘黎試下（可能因為下晝所以無時限，悠悠閒閒坐左兩粒幾鐘坐到patpat痛先走人）
作為applegreen既姊妹店，R&B開正係同一棟大廈 - 太平洋大廈（鄰近聖安德烈堂）。以前成日去applegreen食棒棒雞絲沙律同明太子意粉，諗諗下都好耐無幫襯喇～
一室木系傢俬，bar台/送餐位就有一大個不鏽鋼櫃，真係有少少lab既感覺室內環境好光猛呀下，幾十盞射燈照亮住大家，好彩冷氣夠大咋
好lucky呀無特別要求都有幸坐到window seat，係就係落雨個view都濛濛地（而且其實出面都只係馬路），不過係落地玻璃隔離感覺上都開揚ｄ搵食時間Hot cheese skillet（$78+10%）：★★★★★ ★★★☆☆
上枱時候職員提醒我地要襯芝士熱用黎捲牛角包食，不過其實好似熱同凍食分別不大，d芝士都係偏固體狀態（唔識捲整到好樣衰添。。哈哈）

Hot cheese skillet $ 78

0

Hot cheese skillet $ 78

鐵板上的芝士味道不如想像中濃郁，但有一陣陣微燶而不苦既煙燻香味牛角包烘到金黃鬆脆，口感有層次，如果可以大件d會更開心雖然主角係芝士，但果一小盤蔬果絕對缺一不可，內有富士蘋果撖欖酸瓜等等，酸甜醒胃，正好中和肥仔芝士餐既油膩感

Double grilled cheese burger （$138+10%）：★★★★★ ★★★★★
果塊裙邊芝士瞬間令我地成為裙下之臣！好失敗到攤凍左先食，不過凝固左既車打芝士仍然帶來味覺上既刺激，芝味爆棚又香脆，兩隻豬忍唔住當佢小食咁一塊塊met黎食漢堡包除左例牌蕃茄洋蔥生菜，仲有兩塊4安士既安格斯牛肉漢堡配秘制醬汁。哈哈，正呀重量级既享受～
嘩，驚喜一浪接一浪d扭扭薯塊真係好·好·食！！外層薄而香脆，食落薯香十足，口感鬆軟綿密我已經好掛住你地啦！

Latte（$36+10%）：★★★★★ ★★★☆☆
杯咖啡既賣相真係hea左少少不過唔緊要，味蕾既滿足比起眼球更重要！哈哈～咖啡香味濃郁，奶泡比例適宜，口感幼滑～仲要都幾大杯下，可以盡情享受咖啡時光

Lemonade（with refill, $42+10%）：★★★★★ ★★☆☆☆
又到左偷飲朋友仔飲品既時間，超冰涼又酸味味好refreshing只係個人而言甜左dd，減少番d syrup就好啦，尤其是如果攤凍左可能會更甜...
職員姐姐好搞笑，朋友仔只係飲左三分一，佢二話不說拎走人杯野，仲以為有咩問題？……原來係去refill。哈哈，其實可以講聲/等多陣先斟～

埋單$324/2ppl。
整體黎講環境舒適（book枱記得爭取window seat），非繁忙時間黎嘆下真係唔錯～食物選擇唔算多，但勝在有特色又有質素！得閒要再黎試埋其他美食＆手工啤先得～
BAKERY。。難怪深得我心