Corner 32, 一個好可愛既店舖名, 入邊有一個好可愛好nice 既老闆娘主理. 
今次我地一行7人 (6大1小)去品嚐呢一間食店, 雖然門面好細,但食物水準超哂班!
 立即睇下我地今次食左乜野先...
我地差不多一人叫左一SET 套餐,包括有 煙三文魚忌廉焗麵,焗既時間岩岩好, 個忌廉汁唔會太希,麵又夠多!
芝士大啡茹煙肉漢堡 , 個漢堡黎到重大過我拳頭... 最緊要係個大大大大大啡茹好多汁,芝士又流哂出黎...見到都想食左佢.
對於晚餐食好少野既朋友就岩哂! 佢有個炸物都幾岩女仔食, 可以食下野傾下計,個薯條好正!! 呢個應該係豬手意粉, 呢份係朋友食既, 朋友就話個豬生雖然得幾執, 但係個味道好重豬味,評分都唔錯! 另一份小食, 又係薯條...因為真係好好味!! 重影到朋友BB 個頭
成晚最正我覺得係呢一份(焗豬仔脾加蕃茄焗意大利飯配烤蒜頭) , 雖然等得耐左少少, 但個豬仔脾真係一D 都唔差, 配埋個汁真係一流, 最有驚喜反而係烤蒜頭,因為佢既蒜頭呼唔係太勁, 食落好香,食完唔會有好大口氣.
最後梗係要黎返杯招牌飲品熱朱古力啦, 睇佢個拉花都知師傅學左好耐, 有哂功架! 出奇地又唔會好甜喎!! 用黎做成餐飯既ending 真係一絕!  絕對推介!!  Totally 我地除返開一個人都唔洗百五蚊...真係好抵! 有咁既質量同質素!!

跟女朋友行完街去左食呢間日式SHABU SHABU, 第一次試呢一間餐廳, 入到去7:00 人不多Waiter 好有禮貌地安排我地入座. 睇一睇餐牌就點左一個set dinner,佢有得自海鮮5選，我點了鮮蝦及鰈魚.肉類又係五選二，我同女朋友選左安格斯牛兩份及豚肉同埋魚腩.湯款就有兩款選擇，包括米水湯及豆乳湯. 我同女朋友就簡左清湯.一黎可以試下海鮮係咪新鮮，二黎可以又未試過米水咁得意, Waiter話袋完海鮮後個湯底重可以加水後煮海鮮粥. 最最最緊要係有一隻新鮮蟹！

上菜時真係有少少驚喜,因為佢既數量都幾多！新鮮蝦及右口魚全家幅
第一下當然要試下佢個鮮蝦啦！真係好鮮甜..D肉又實！正當食完呢D野後..主角要出場啦！！真係超好味，又甜又多肉.最正係隻蟹D轉角位已經俾大家廚開哂, 等食客可以好輕易就開到黎食.

甜品有來自日本既甜密瓜.最後，食物當然好好味啦！但我都想讚一下Jay Wong ,佢係鋪頭既supervisor, 佢既服務真係好好,由頭介紹哂D食物同埋食法.

因屋企裝修，暫住城市花園酒店, 睇試下佢個蒲飛啦，原來真係幾正！ 甜品好多款好好味重要係movenpick雪糕好多款味！好多地方都有生果水，但又好少會有咁多生果..個味道好得意！

經過一日既工作洗禮 , 朋友帶我去食 元朗 既日式料理 "壽司之神" , 第一次入到鋪頭, 地方不大但座位舒適. 一坐低就有濃味綠茶送上.  由於今次既佞物全部由餐廳員工發板,所以都有少少神秘感.等左大約10分鐘,
第一道菜就送上啦,  就係 "虎蝦茶碗蒸", 賣相相當靚, 碗內重有一堆日本米通, 食落好特別! 虎蝦大大隻又爽!第二度菜原來就係刺身啦!! 包括有日本獅魚,黑松魚同埋象拔蚌, 餐廳員工話全部都係當日由日本新鮮運到. 因為掛住食既關係...唔記得影刺身全家幅...
第三道菜就係我最愛既壽司啦, 包括有 超拖羅 ,深海池魚, 蓮子標 , 小肌 , 牛蒡,子薑, 餐廳員工慢慢介紹包括食法,先後次序, 原本先後次序真係有咁大影響架!   最後食到超拖羅, 個陣肥美咪真係好正. 另外個牛蒡都真係要俾一俾個叻佢,  佢食落口時係先有少少甘甘地, 當咬到尾時竟然會有甜味,真係好神奇!到第四道菜啦!, 原來重壽司, 正呀我最喜愛..特別係馬糞海膽!!   今次呢幾件壽司包括有 香箱魚,馬糞海膽,鯖魚腩,加拿大銀雪魚,甜蒜頭.  我地平時食開鯖魚都係 照燒鯖魚,鹽燒鯖魚.   今次佢地做竟然係新鮮鯖魚做壽司, 入口有少少甜,有D油味好正.  重有重有甜蒜頭, 好多人都好怕陣蒜味, 但佢既做法竟然可以完完全全抽走哂蒜味,好爽口好似馬蹄咁. 最後食既係馬糞海膽.. 入口留香..果然係最正既海膽!第五道菜就係洋蔥鮮茹濃湯 , 點解佢又係濃湯呢?餐廳員工話原來佢地係用原個洋蔥黎慢煮!第六道菜原來話咁快已經係last 啦... 但都無得輸喎! 點解呀又? 因為係甜品呀, 佢有兩個雪糕球, 一個係甜番薯雪糕,一個係柚子雪葩.甜番薯雪糕入邊都重有一粒粒細既番薯肉. 而個柚子雪葩就好清新, 平時我地食雪葩佢都會溶得好快, 但今次呢個佢無乜點溶呀竟然 (可能我食得快掛...)總結:

餐廳用料好新鮮, 特別係刺身. 另外煮法都好新穎, 包括個甜蒜頭及牛蒡 ,雖然只係配菜,但對我黎講好新鮮 呢兩樣我好推介俾各位

附上店內師傅兩個 ~