那日在銅鑼灣行過世貿，有人提議到發記食甜品，雖然我未食過，但見門口有不少人站住等，心想應該不錯。大約20分鐘，我們一行五人才等到位，一般來說，兩位等5-10分鐘已經有位。

我們每人叫了一柸特飲，再叫了二個勁出名的甜品share來食。我那柸是發記特飲，由西瓜和士多啤梨打成，感覺沒有什麼特別。

甜品方面有焗香蕉酥皮卷，聽個名是特別，但我食唔到我期望中的酥皮，沒有一一層一層皮的感覺。至於芒果糯米卷，芒果是很大舊，但就好似冇糯米咁，一木都唔煙韌。

店內好大陣榴槤味，相信槤味甜品會較好。

地址：　銅鑼灣波斯富街99號利舞台廣場5樓
電話: 2241-4222
菜式: 京川滬

星期五，一班好友聚會，兼為其中三位朋友慶祝生日，本來選了一間附近的泰國餐廳，但那一間餐廳太旺，要求我們8時交抬或8時才入席，一是太早，一是太晚，最後決定去俏江南，
-因為佢冇時間限制
-切餅費(之前那一間要收$6位)
-而且以前食過，知道佢前身是一間戲院，裝修後環境非常好
-當然，食物有番咁上下水準

最後我去到，我想講實在是better than I expected，因為我訂枱時是話9個人，但重來冇要求佢俾房我，但佢竟然俾間房我，重好靚，好private，讓我哋一大班朋友可以大大聲，好舒服地吹水。

講番食物，中庸來說，大約75分啦，但一切加上賣相、服務和環境，突然一切都變得美好，即時可加到85分。我們共叫了六個餸，一個糯米飯，兩客點心。
-) 晾衣白肉- 白肉以一木架晾著，醬油非常好味，但白肉是比較乾及韌
-) 松鼠桂魚- 麵粉較多
-) 樟茶鴨- 比較乾
-) 石滾肥牛肉- 上枱時是生牛肉，侍應以二百度滾油，配
以大量香草，即時在我們面前煮熟，非常特別，雖然肥d，但d香草弄得d牛肉好好味
-) 羊煵煲- 我本身不是很好羊，但都食，唔錯
-) 上湯莧菜

另外，我帶來了兩個五inch.的小型生日蛋糕，但在冇收切餅費下，依然好有心機把"每個"蛋糕分為9份，真是好服務。

本來只是一間普通的別府，應該沒有什麼特別，但我今日試了一個很得意的菜色，一定要同大家講吓！那一樣就是”北海道焗薯”

當上台時，它外表似一隻面包，砸碎後，發現原來是一隻薯仔，外層包著它的是鹽，切開後，再抺上牛油或沙拉醬便可以吃gala。薯仔經焗過後，非常之香，由於是鹽焗的，所以已經好有味，yammy，啱囇我lee d鍾意食薯仔嘅人。雖然同行食過的朋友話唔夠軟身，但我已經認為唔錯。

另外，當日我哋仲叫了很多嘢食，包括撈烏冬、抄雜菜、薯餅、燒三文魚魚腩、汁燒豬軟骨、串燒牛肉、炸蟹仔、一碟沙拉、鐵版燒豆腐、除了撈烏冬ｄ醬太杰之外，其它都　ｋｅｅｐ　都一般料理店的水準，五個人，食到我哋好飽，９折後，每人＄６０，晚飯來說，幾抵！

嗰日我哋一行四人，未食lunch，重有個幾鐘才夠鐘到朗豪UA睇戲，便到朗豪food court 睇睇，見周圍都是人，唯一這一間竹蘆山房有位，以前食過都ok，便決定在這間食lunch。
由於我們不是太肚餓，便只叫了砂鍋雲吞雞、白灼爽肉、三菇素菜和紅豆桂花糕。

- 先講砂鍋雲吞雞，其中一位朋友以前食過認為可以一試，一試之後，果然ok，味道剛剛好，最怕那些濃到死的味精湯，飲完唔知要飲幾多柸水沖淡，這一個砂鍋雲吞雞真是唔錯，重有，d雞唔會好(鞋)口，我同d朋友都有食。
- 白灼爽肉，食起來好似上海菜中的雲白肉，不過現在變成豬頸肉，口感唔錯，唯一敗筆是d醬一早日撈好，而不是給我們自己點。
- 三菇素菜，好難做得唔好。
- 最後是紅豆桂花糕，是清涼可口，不過紅豆蓋\過了桂花的味道，已名不附實了。

埋單時，原來其中一位有King Parrot Card，有85折，折後才160元，真是令有喜出望外。

星期六到時代廣場的鍾菜飲茶，其實今次都不是第一次來，以前吃過很多次都有美好的回憶，相信今次都不會失望。

那天我兩個人，共叫了５樣東西：

１）蝦醬金沙骨　－　超級好味，蝦醬非常之香，金沙骨已經去骨，經油炸後，外面少少脆，但濃烈的蝦醬肉汁依然能夠保留，總之一句．．．好。

２）叉燒腸　－　鍾菜ｄ叉燒一直都是有水準gala，不過我就未試過佢\ｄ腸粉，嘩！一上台，發現ｄ腸粉薄到好依透明一樣，入口非常之滑，有少少好似食緊河粉，可以直吞下去。叉燒．．．of course la，依然非常炭燒味，而且一ｄ都唔肥。

3) 雲南雜菌餃　－　好似ｄ腸粉一樣透明，真令人佩服，味道好，不過沒有什麼特別，愛清淙的人仕應該會非常喜歡。

4) 上湯泡時菜　－　估都估唔到，原來那一天的時菜是芥菜，其實個上湯好好，不過我對芥菜一般。

5) 香芒捲　－　最失望是這一個，因為實在太油啦，而芒果又酸。

講完食，當然要講吓環境，鍾菜的格局是走高檔路線，地方不是很大，但間隔疏落，很舒服。那一天我是坐卡位，有大cushion，用來睡覺也可以。

最後埋單$170，兩個人，這樣的質素與環境，每人$85，ok ar。