Book了1:30pm，提早了10分鐘到餐廳，餐廳未有空位尚能理解，待有位再致電聯絡我。30多度的炎炎夏日、烈日當空，係戶外走動約二十多分鐘，在1:40pm主動前往餐廳了解座位，仍需等待執位才入座，店內人手不足，入座程序較混亂

餐廳冷氣不足!! 十分炎熱! 在食客進出後，未有及時關門，令戶外的熱氣進入餐廳，環境並不舒適。食客談天聲音、店員收碗盤的聲音，令環境嘈雜，又熱又嘈，相當辛苦。
食物方面，前菜沙律、南瓜湯及麵包味道不錯。5成熟的"燒澳洲10安士肉眼扒配薯仔.炒菜"，肉眼扒韌、有筋，較難用刀分開筋部; 炒菜方面, 露筍及小粟米都偏生, 帶有令人不喜歡的草青味，薯仔味道不錯。 坦言，味道、環境都令人失望，並不如其他食評般美好。

餐廳環境舒適，有植物盆栽，播放住音樂，氣氛休閑 食物呢，叫左兩個lunch sets 肉眼扒配燒汁，五成熟一上枱已經好香 牛扒煎香，味火錯，可惜有少少筋，但都食到，而薯蓉都唔錯 另一個係南瓜蟹肉圓椒意大利飯，南瓜味唔太濃，圓椒味特出。蟹肉量唔少，都幾好味 加10蚊加南瓜湯，十分好味，南瓜味濃，正 仲有跟餐飲呢 環境舒適，食物不錯，openrice book枱有discount，幾抵食

環境幾舒適，座位空間闊落，坐得好舒適。 無奈被安排坐係較近門口的位置，樓底比較低（餐廳較入面樓底更高），身邊又比較多三五人既組合食客，嘈呀。到d人走咁d就好好多喇 是日餐湯係周打蜆湯，味道偏鹹，配埋餐包食就剛剛好 俄國串燒黑椒牛柳，睇圖片以為得一串串燒，原來有兩串，份量足夠，牛柳偏淋，岩哂我，但洋蔥就生左dd，薯條香脆，不用點茄汁都夠味，整體而言，十分正 叫左凍奶茶，奶味較重，感覺都唔錯 $125加一，西餐午餐黎講價錢合理，間唔中可以黎悠閒地食個晏

同朋友一齊去食西餐 Westwood Carvery
地點係中環蘭桂坊，舖仔細細，不過坐得好舒服
我地叫幾個菜，一齊分黎食 第一個白汁藍青口，青口肉質肥美鮮甜
為左食埋個白汁 我地額外叫左份包，點白汁一齊食係津津有味 炸蟹球好多蟹肉絲同薯仔，
材料十足，食落去食到滿滿既蟹肉絲又唔會太熱氣 豬仔骨平時我好少食，估唔到肉質好滑，
切開份量不會太少都有四至五條骨，幾個朋友仔分都每人最少有一條
加上燒烤醬汁如虎添翼，好鬼夾 到我至愛食嘅牛扒我比較鍾意食三成熟肉比較鮮甜嫩滑，做到入口即溶。 點可以少得甜品呢？
我點左至愛食嘅朱古力蛋糕+雲呢拿雪糕，唔會太死甜。
又有朱古力味，仲有幾濕潤

人生最緊要係咩，最緊要梗係食啦～
今晚約咗個朋友一齊出嚟食嘢，我地去咗呢間　A.O.C Eat&Drink 地址就係灣仔麥加力歌街，就喺個條街嘅角落頭⋯⋯
入到去就叫左頭盤(青蘋果芒果配帶子)
有青蘋果汁、芒果、帶子😍😍
青蘋果帶出小小酸，芒果又甜，帶子鮮甜味加埋一齊好開胃。 再嚟就再叫（牛肉他他）
生雞蛋加埋牛肉撈埋一齊又滑又鮮甜，不過有少少酸，
係醬汁嘅問題但係唔影響肉質鮮甜味。 係時候食主菜（燒汁羊架）
有我最鍾意食嘅羊架，
羊架肉質鮮甜，係我既最愛
你話羊架最緊要係咩？
一定要三成熟嘅羊架，咁先至係最好食嘅😍😍
食完咁多嘢，點可以少得甜品呢？
我地叫左（朱古力紅莓撻）
香濃嘅朱古力加上脆皮底，咬落去兩個層次外脆內軟
不過呢，紅莓就有小小酸囉。

襯住係公司day off 同屋企去食好野，今次就黎左cwb既鐵魚川式食堂，一個價錢有烤魚、雞鍋，仲有海鮮，就睇下佢比咩食物先。
我地揀左鴛鴦雙拼，為左就媽咪唔係好食得辣咁就叫左個小辣雞鍋，另外再叫個青檸越式烤魚，我地加錢轉左做沙巴龍。

首先黎左五款前菜:手拍黃瓜、沙律菜、大豆芽、木耳、手撕包心菜,，大部份都幾麻辣開胃，亦可以叫店員追加 雞鍋惹味，雞肉唔會老身，味道唔錯。而烤魚就酸酸地幾開胃，而且條魚煮得岩岩好，夠哂滑身... 因為我地怕個火太大會煮老哂...咁佢滾起左就熄火，咁慢慢食都唔怕老啦。 食完左烤魚、雞鍋，之後就加湯變做打邊邊，當然就係黎到我地既戲肉海鮮盤 有:鮑魚、生蠔、扇貝、蝦等等，蝦就encall左幾次，非常好食。而蠔就分左2隻，海鮮盤係生蠔，及無限制;數量既:廣島蠔。海鮮盤既生蠔味道較濃，任點既廣島蠔都OK 另一主角就係牛肉啦，雪花都幾均勻，牛味都幾重。而且呢度仲可以任點芝士竹輪，真係好岩我心水架! 仲有唔少得既蔬菜，健康之選。

野飲方面我當時LIKE同SHARE左FB PAGE可以有汽水任飲
埋單每位300蚊連加一，又有海鮮、又有烤魚同雞鍋，而且食物都唔差，值得我地再黎

和朋友去銅鑼灣行街, 最怕是別人遲到了...與其呆等一位友人, 不如和朋友一起去醫醫,貴便等人吧!

金記是一間懷舊風格的冰室, 但其實亦是有段故事。事緣在金記老店原本在筲箕灣, 受壓於業主加租, 而老板考到自己年事己高, 決定退休, 故筲箕灣的老店光榮業, 事隔半年, 被金記的老顧客在老板的同意下, 買下金記的招牌, 將金記冰室延續。

雖然銅鑼灣非當初那間金記, 但從店內的裝潢, 可以看到新老板很尊重那段過去歷史, 電車上仍是筲箕灣總站呢!或者是心情不大好, 那天我點了一份平時少吃的公司三文治呢! 平時考慮到自己的食量...都不敢叫阿!公司三文治是烘底, 豐富的材料包括: 蛋、火腿、芝士、午餐肉、番茄、生菜, 還有碟邊的青瓜呢。邊份都是厚厚的, 一口咬下去, 極有口感。番茄和生菜新鮮, 午餐肉煎至微焦, 很是香口! 整體而言, 味道一流
吃過大大份的公司三文治, 心情也好多了。再飲了一杯熱杏仁霜, 繼續和準時的朋友談談天, 細說工作的辛勞。

朋友點了深海吉列魚柳配沙律, 吃了些味道也不錯, 魚柳是即炸吧, 新鮮熱烘烘的, 香脆可口。

6月代表著正式踏入炎炎夏日～
星期日作為Family day 就在太古城中心商場走動，逛誠品、無印等。
在看電影前，發現sweet monster在此開店喇，決定吃雪糕冰涼一下!雪糕的選擇有數個款式，最經典的脆筒、杯裝、招牌爆谷雪糕，甜品還有tiramisu呢!
一會兒就看電影，今次沒有吃爆谷雪糕，就選擇了雪糕啦發現了正在推廣的綠茶曲奇雪糕，是新口味呢!正好是家母的口味中杯的份量也不少，在牛奶味的雪糕上加了抹茶糖漿及綠茶曲奇碎。綠茶曲奇香脆，荼味濃亦帶有微微澀味，中和了牛奶雪糕的甜味，兩者配合得恰到好處。吃到最後綠茶曲奇已經不足了，份量再多一點點較佳。我選擇了焦糖咖啡雪糕脆筒，以可愛的紙卡隔住，即使雪糕融了都不會弄髒雙手，應該合適小朋友使用呢!
焦糖咖啡雪糕脆筒同樣是在香甜的牛奶雪糕上加上焦糖糖漿及咖啡粉，是焦糖糖漿帶有些溫度吧?牛奶雪糕融化得很快，一到手已經是這樣了
焦糖糖漿較甜，亦沒有獨特的微苦味，有點可惜...而咖啡粉也不錯，而雪糕筒香脆可口呢!整體而言較甜，如果你愛好甜味，可以一試。吃過甜美的雪糕，飲杯冰茶吧!我們兩人分享一杯韓國柚子冰茶，清甜柚子茶內飲到柚子果肉，很有口感呢!手執一杯冰茶繼續逛逛，真是夏日一大享受。

每天思考下餐吃什麼，總令人傷頭腦。
和家人在銅鑼灣逛街，剛好有位熱情的嬸嬸在派單張，在家人同意下就一試尚鮮喇!

店內環境不錯，我們一行四人被安排到卡位，座位空間足夠，微胖的媽媽都坐得舒適。
店員會先介紹落單用的ipad如何使用，並告訴我們燒肉拼盤、刺身船會先上，不用急於落單燒肉拼盤好快就到了，當然急不及待地燒燒燒喇!款式幾多，而且每款的份量剛好一人一塊，味道也不錯。
我們都按個人口味作調味，桌上有玫瑰海鹽、黑胡椒、燒汁和豉油。我吃沒有醃的肉類，才會加一點點燒汁。刺身船很快都到了，包括:甜蝦、帶子、八爪魚、希靈魚、北寄貝、三文魚等等。同樣份量不多，主要是先吃些試試味吧，味道新鮮，不一會兒就ko了!再按個人的需要選擇喜愛的刺身，其後來的刺身同樣新鮮，但沒有以始巨型的刺身船了，不用佔太多的空間xdd之後都叫了幾次刺身，多了蟹棒卻少了帶子，如果帶子刺身都有任吃就好了...我以海鮮夜形容今次的韓燒，因為新鮮超好味~而且是任叫的!
燒原隻帆立貝，每隻都幾大隻，燒熟收水後仍然啖啖肉~
另一個必點的是虎蝦，除了大隻外，肉質彈牙，而且燒的時間短，吃了一隻又一隻

除了海鮮外，當然還有燒肉和蔬果類喇燒的時候記得多留意火喉，雞肉幾搶火的，放在爐邊會比較好我其中一個最愛~燒菠蘿! 燒過的菠蘿更香更甜，絕對不能錯過如果你熱愛榴槤，不可以錯過榴槤炸彈，即炸的榴槤炸彈不但外皮香脆，內裡是榴槤蓉，即使我不是榴槤fans都深深被吸引呢平日我甚少在放題飲湯，但店內冷氣太強了，大家記得帶外套。飲口熱烘烘的麵豉湯，和暖和暖一下，味道方面尚可。

最後，當然是甜品時間
一人一盒movepick，有士多啤梨、朱古力及雲尼拿可選擇。還有些大福、奶凍、迷你泡芙可自取，我們已經飽到不行了...><

忘了一說，飲料方面，除了可樂、芬達、忌廉外，還有道地荔枝、提子、蜜桃玉露地其他紙包飲品。

數年前，香港興起吃雞煲，又能與打邊爐二合為一，成為香港人喜愛的美食之一。雞煲店開至成行成市，要突圍而出亦不容易。
新南苑的海鮮火鍋半放題，除了雞煲外，有新鮮海鮮拼盆，鮮手切牛頸脊等限量食物外，亦有三十幾款任叫食配料。我們一行四人坐下時，已經準備了前菜了，原來一至四人有一份前菜，五位或以上才有兩份。前菜是咸香可口的鹽炒花生，麻辣的木耳和四季豆。儘管我不擅長吃麻辣，但卻難以抗拒麻辣四季豆，一口接一口，整整一份的四季豆被我一個吃光了，開胃得很

不一會兒，主角雞煲上桌了滿滿的芫茜把雞都隔住了，芫茜的香味經烹煮時，慢慢走入雞內。店員一來就提醒我們要每隔幾分鐘就要翻一翻，不然會痴底，再烹煮一會兒，基本上店員會不時看看我們雞煲的情況，為我們翻弄，服務很貼心煮好後，加了油炸鬼粒下去，店員都建議我們試試好了，不要多吃，會佔肚子的空間阿。香氣噴噴的雞件很入味，雞肉滑身，沒有煮過火的情況，當然是因為店員常常看住我們烹煮加熱的情況啦，而且份量也不少哦。
我個人不喜歡油炸鬼粒，點上雞煲汁後味道很濃，卻變得淋了，但又未至於整個油炸鬼都淋得像配粥吃，怪怪的。我們揀選的湯底是新鮮蟹窩花甲湯底，湯有陣陣的蟹味，蟹大約有半隻左右吧，由一個愛蟹的友人吃光了! 半放題包括的豐富生猛海鮮拼盆，上圖是四人份量，有龍躉片、元貝、蝦、蠔、鮑魚、聖子皇、象拔蚌仔及脆鯇片。基本是一人一件，可以一次吃到不同的海鮮。我個人最愛鮑魚、象拔蚌仔，兩者都是彈牙的肉質，口味十足。鮮手切牛頸脊被切成薄薄的片，在湯底內滾一陣子就可以了，牛肉的味道足夠，但有些部份會較韌任叫的食物也有不少選擇，蝦、魚皮、豆腐、芋絲、不同的丸類等等；蔬菜類有自助吧供食客自取不可不提的是蝦! 蝦是任叫，大大隻的蝦味道很好，蝦肉結實口感彈牙呢
最後以3.6牛乳蛋白作美好的完結。