星期五晚除左同朋友相聚, 亦可以同媽咪好好享受美食~
黎到DALLOYAU, 坐得舒適, 心情放鬆, 當然可以慢慢嘆!

點餐後waiter 幫我地極速送上溫暖的麵包, 媽咪大讚好食

怕order set 食唔晒, 於是選擇 a la carte, 但湯同沙律就好似魚與熊掌, 兩樣都想試, 於是就湯同Salad 都 order 各一.
店員好貼心咁幫我地用separate bowl 上, 而cheese toast 都係另上, 貼心服務大大加分!!
味道當然一流, 濃郁嘅洋蔥香味, 甜甜的喺口腔內擴散, 加上勁愛cheese, 滿足.

之後係帶子沙律, 沙律菜同帶子都好新鮮, 加上dressing 好 refreshing, 啱晒夏天

媽咪話想試下lobster roll, 當然好啦~原來仲跟薯條.
lobster roll 份量算係好足, 明顯食到龍蝦肉, 配埋蔬菜, 正.
不得不讚薯條, 外脆內軟, 調味剛好, 就算食到尾都仲脆, 仲要一D都唔油, 驚喜之作.
另外亦order 了slow cook 嘅牛面脥.
slow cook 果然唔同D, 好腍滑, 食落又唔會無晒牛味.
仲有薯蓉超細滑, 我懷疑DALLOYAU係薯仔專家, 哈哈.

最後, 其實仲order 左一人一件cake, 但心急得濟, 食左無影到相lu~
一如以往嘅美味, 為成餐飯畫上完美嘅句號.

趁星期五, 想食個感覺悠閒嘅lunch, 就同同事一齊去左草民
之前睇過D 相好似幾特別咁, 見到真身, 都係開心嘅.
我地坐草地位, 店員會比cushion 我地, 等我地唔會比"草"吉親. 我地點左Carbonara, 半熟蛋, 溝埋意粉感覺creamy.
而且意粉煮得剛好, 唔會太硬/ 太軟, 推介 另外又一邪惡嘢, Fish & Chips, 新鮮炸起, 夠晒脆身. 而且魚塊夠份量, 唔會薄薄一塊, 有滿足感.
薯條係闊身厚切, 唔怕食唔飽, 加埋有沙律菜, 減低罪惡感
整體黎講食物質素比我預期好, 唔止係一個打卡地方咁簡單.

之後可以多D黎~

同朋友行街想搵地方坐坐, 於是就去左Home Square 嘅 Beans The Greenhouse.
雖然要排隊, 但好彩好快有得入坐.

因為係下午茶關係, 當然要點D 甜品令自己開心吓. 我點左 Berries Waffle 同埋 維也納咖啡.
估唔到佢嘅Waffle 係冬甩形, 味道OK, 食落夠軟熟, 有蛋味.
配埋berries 同vanilla ice-cream , 正.

維也納咖啡, 夠cream, 味
道適中, 只係略為細杯, 大杯少少更為滿足. 朋友仲點左兩件cake, 包括係用左Single origin chocolate 嘅Belle Helene 同埋黑芝麻味嘅Stone Belle Helene 朱古力味濃, 朱古力迷不容錯過, 只可惜朱古力味太濃, 完全食唔出個餡仲有咩配料. Stone 嘅芝麻味好香, 食落好順滑, 中間應該仲有煮過嘅蘋果餡, 味道幾夾.
另外, 地方都好好坐, 可以喺血併中間休息吓嘅好地方, 無新城市廣場咁busy~ 

同朋友二人晚饍, 忽然想食重口味食物, 就諗起炸雞.
於是去韓國街走走..
見到紅雞7:30都無人, 開頭有D 驚中伏, 但見好似之前的食評都唔錯, 於是一試. 裝修不錯, 只係唔知點解佢地個冷氣, 只可以一係勁大, 一係全熄....最後, 食部隊鍋食到出左一身汗...=__="
實在係全餐嘅敗筆 先講部隊鍋....賣相...就....真係好一般, 但味道OK, 夠泡菜, 又夠韓式粉絲, 夠開胃.我地仲叫左半半炸雞, 唔怪得D食評唔差, 呢個邪惡嘢係好味嘅, D雞一D都唔乾, 而且唔會只得骨 食落夠味.
兩個人分, 實在一個部隊鍋+炸雞真係有D over, 但整體嚟講味道係OK的

之前試過DALLOYAU 的糕點，後來經過Pacific Place 得知開了Cafe, 便決定要找機會一試. 果然沒有令我失望. 點菜後侍應便立刻送上麵包和暖水, 很貼心. 我自己比較喜受mini baguette, 外脆內軟, 又充滿麵粉的香氣. 配合法國五月, 他們有了一個限定的Summer Menu, Dinner set, 4 courses 只需要$368/ 位, 真係好抵食. 絶對沒有將貨就假. 頭盤選了Salmon Roll, 由多層食材配搭而成, 最驚喜是三文魚中間的溫泉蛋, 為整道菜增添了絲滑口感.
整道菜清新不膩, 真的很適合夏天, 也適合開了胃口! 朋友選了牛肉他他, 我肉他他的選材實在重要, 因為是生牛肉的關係, 肉的質素, 處理一定要充滿信心才會做, 否則...後果可想而知. 我淺嚐了一口, 肉味濃但不腥或騷, 配以薯條一軟一脆, 滿口滋味. 接著是湯品, 龍蝦湯, 味道濃郁, 又充滿粒粒龍蝦肉, 絶不欺場, 真超值. 洋蔥湯, 味道更濃, 最面的Cheese Toast, 根本是愛芝士者不能錯過的, 滿足, 滿足. 整碗又是滿滿的洋蔥絲, 煮到甜味全跑出來, 簡直覺得湯就是洋蔥的水份, 沒有額外加水一般. 每口都是甜甜的洋蔥精華. 其實食完麵包, 湯, 頭盤後, 已經好滿足, 但好戲在後頭, order 了beef burger.
上菜的形式是由你自己組合, 鍾意咩配料先放入去~
牛肉juicy, 配以"窿窿芝士", 又一美味之作. 焗龍蝦, 滿滿的芝士白汁, 舖滿彈牙龍蝦塊, 最底層是菠菜蘑菇, 配以旁邊的green salad 感覺上即時沒有咁罪惡~ 當已經飽到上心口時, 需要啟動'甜品胃', 朱古力mousse cake 軟滑香濃, truffle opera, 喜愛黑松露的朋友萬勿錯過, 每一口都充滿黑松露味, 用料十足! 配以一杯香濃的 hazelnut cafe macchiato, 真係完美的句號, 咖啡滑到不能, 下次經過唔食野都要買杯咖啡飲.

放工同朋友happy hour....就揀附近可以飲下野既地方....
search 到呢間Weinstube好似幾好咁就去試試...

一入到去, 氣氛好好, 好有外國feel....啤酒係OK的....我估坐bar 枱位係會再好氣氛D, 因為眼見bartender 同客氣談笑風生....或者係熟客仔掛....跟住因為係happy hour 的關係, 叫左兩個小食..炸磨菇外面脆, 切開裏面juicy...good
再黎係腸仔Platter....有4種腸仔, 配埋薯條....望落好似唔係好多, 但其實份量好足....又唔會太咸, 好味.
總括黎講, 呢度happy hour 一流, 食物OK之餘氣氛不俗, 三幾個朋友gathering 最適合不過.

因為早前J先生說過要大肆慶祝, 於是就在Friday night 選了在L’ATELIER de Joël Robuchon 食餐好既~
為著米芝蓮3星的名譽而來, 當然樣樣都想試, 於是就點了9個course 的tasting menu~
Menu 寫明所有麵包都係由佢地bakery team 去做的, 證明佢地對自家製麵包係充滿信心. 佢去到, 佢地serve 麵包時, 我明白點解佢地咁充滿信心, 因為真係有好多選擇, 我先試baguette, 外脆內軟, 好味.食完amuse bouche 後就係caviar with salmon tartare, 魚子醬唔會死咸, 配埋salmon tartare, 鮮味即時提升不少, 加上咁靚既裝飾, 想唔比滿分都唔得.
評分 : 5/5跟住係Maine lobster and baby spinach, 龍蝦新鮮, 但味道略為淡左D, 食唔出龍蝦應有的鮮味.
評分 : 4/5Foie gras & Iberico ham raviolis with celeriac cappuccino and black truffle. 呢個raviolis 煮得剛好, 個皮唔會好淰, 配埋鵝肝同埋ham, 味道好rich.
評分 : 4.5/5Green peas ‘velouté’ with peppermint and onion cappuccino, 味道清爽, 作為間場, 不過不失.
評分: 3.5/5Pan fried sea bass wih lemongrass foam and stewed baby leeks, 個人認為sea bass 煎得有D熟得濟, 同埋魚本身無乜味….但我鐘意個lemongrass foam,可能係因為我對香茅的偏愛….整體黎講, 呢道菜有少少失望.
評分: 3.5/5Pan seared Japanese A5 Wagyu beef with aromatic arugula salad, 諗住反正都係食好D, 就加錢轉左A5 Wagyu beef, 但…真係大失所望….唔知點解, 上碟時牛已經係微溫…食落一D牛味都無, 好淡, 淡到如果我唔知佢係牛的話, 我會唔知道自己食緊乜….只可以講, 牛肉好淰無筋….得呢一個賣點…
評分: 3.5/5Strawberry compote with honey jelly, mascarpone and lime sorbet, 一上甜品, 剛才對牛的失望差唔多一掃而空…首先賣相好精美, 好似有朵花在最面頭咁, 而且味道酸甜既層次感十足…每一啖都有唔同既味道, 好唔捨得食完…
評分: 5/5
再黎一道甜品, Mango mousse and praline cream with lemongrass coulis, mousse 好幼滑, 唔會好酸, 比到一個恰到好處既清新感去完結整個晚餐.
評分: 4.5/5
最後的petit four 配埋一杯茶, 為整晚劃上一個完對既句號.

上星期朋友仔生日試過一個o係dalloyau 買既朱古力撻, 覺得撻底好鬆化, 朱古力味又夠濃, 朋友話係新開既餅店, 所以, 趁星期六行開尖沙咀, 決定買幾件餅返屋企encore.舖頭裏面既餅選擇都叫做OK多, 一次一定唔會試得晒, 我估, 我之後要黎多幾次.
不過, 講真, 餅既造型其實真係無乜花巧, 好在都擺得幾靚同埋試過朱古力撻, 有D信心買多幾件.

首先係店員推介既Dalloyau, 同間舖名一樣, 似乎都係鎮店之寶.
餅既外面舖滿棒子碎, 配埋入面D cream味道似曾相識....原來係有少少似金莎既味道, 但當然棒子味道更濃, 好好味, 鐘意果仁既真係必試~
評分: 4.5/5跟住係朱古力味Eclair, 因為我同店員講我鐘意食朱古力味既野, 但又食過朱古力撻, 於是佢就推介我試呢件.
原來呢件係傳統既法式糕點, 似puff, 但又無日式puff 咁鬆, 入面係填滿....無錯, 係填滿左朱古力cream...鐘意食朱古力既我真係滿足到爆....朱古力味濃得黎唔會好甜, 食得出朱古力既少少苦味, 平衡得好好, 一個人食晒都應該唔覺得膩.
評分:5/5 (個人偏好朱古力~)最後, 我仲試左雜莓撻.
比得呢個價錢, 我當然會expect D 雜莓要新鮮....但最正都係撻底....同上次食朱古力撻一樣, 個撻底都係鬆化, 唔會好似有D撻一係諗晒, 一係勁硬....佢係乾身得黎好鬆化, 有少少似食緊牛油曲奇既感覺, 讚~!
評分: 4/5總括黎講總算無令我失望, 依然有驚喜~好味!

見到Mr. Steak 有團購, 價錢唔貴, menu 又OK, 於是夾埋幾個frd 一齊去試試.

開頭諗住唔知買團購會唔會好難book 位, 點知又OK喎, 比我地book 到星期日的dinner, 而且去到, 坐既位置好好, 我地4個人, 有一張round table, 傾計, share, o岩晒~! 而且因為個位剛好得我地一張枱, 靜好多, 或者我地嘈D都唔會嘈到其他人.

飲品同食物方面, 都係水準之上, 唔會因為團購而唔好.

首先, 我地揀左支白酒, 因為會有海鮮拼盤...
支白酒OK, 飲落唔會係好難飲既平酒...good.

跟住就上海鮮拼盤, 包括蟹腳, 翡翠螺, 青口同埋蝦評分: 3.5/5
海鮮拼盤, 份量唔算好多, 每個item 都係一人一件, 但尚算新鮮...所以都好快清晒.評分:3/5
其實我地係要medium...黎到上枱時差唔多熟晒咁濟...而且, 無諗過會係咁樣兩塊share....我估, 佢個food cost就係呢度慳左.....真係有D失分.
味道方面, 牛既味道一般, 而且可能真係因為差唔多熟晒既關係...D牛肉變得有D韌...最後到甜品....上枱一刻, 又係呆左一呆....甜品都咁樣一碟拼盤形式上枱?

評分: 4/5
比高分, 係因為個布甸, 係真係好滑同埋好香奶味....真係好好味....全枱人都係瞬間就清左個布甸...
相比之下, 另一款甜品就變得好普通, 無論賣相同埋味道都係一D都唔突出既泡芙...不過因為布甸太好味既關係...所以都係比4分.

其實, 全晚既service 都好好, 食物方面, 咁既價錢, 有咁既質素, 已經算好唔錯.
只係, 如果可以改善埋D presentation, 會令成件事更加加分, 始終..食, 都係一個整體既享受.

晚餐時間抵達Cafe EOS, 入到餐廳內, 第一個感覺係, 一貫Cafe EOS 的田園風, 同之前在銅鑼灣或在北角店的感覺都係一樣.
如果喜歡田園風既朋友, 一定會好開心.
望向窗邊, 窗花夾住一個個咕臣, 咁都比佢諗到可以咁decorate, 又幾特別.

不過, 同朋友坐落先發覺點解星期六晚都只得我地一枱同埋另外一枱客既? 心裏打個突...唔通D食物....

首先上枱既係大蝦茄汁闊麵評分: 4/5
味道OK, 蝦有烤過, 所以特別香口, 而且夠新鮮, 唔會有霉既感覺.
闊麵亦都唔會煮得過軟, 只係, 如果上枱時再熱D就更好味...其實...有D唔明...點解咁少客...食物上枱時都唔係熱辣辣既?跟住係墨魚汁海鮮意粉
評分: 3/5
墨魚汁海鮮意粉味道真係一般, 係海鮮OK搭救....因為之前有o係其他食過墨魚汁意粉, 真係鮮味好多, 呢個意粉, 只係好似普通海鮮意粉加左個黑色汁only....全晚最失色之作..最後係南瓜海鮮飯
評分: 5/5
呢個飯忍唔住要比滿分, 因為佢D用料滿瀉之外, 味道都係最濃郁既, 芝士香味加埋又係烤過既蝦, 絶對係水準之作..而且因為焗過, D南瓜肉又腍又甜, 配埋海鮮, 可以稱得上鮮甜味美, 可以encore~

其實食完之後, 都覺得整體上都OK, 有少少奇怪點解會星期六晚都咁靜, 只可以嘆佢位置真係又唔係幾就腳...希望可以頂得住, 唔會好快結業啦.