有冇鍾意清酒嘅朋友？介紹呢間日本清酒零售店俾大家！ 逢星期一、二 做緊限時優惠🌟720ML SET $628/3支‼️ 今次試咗三款清酒🍶 澤之花 さら雪 純米大吟釀 秀麗花香，帶清爽水梨果香，清澈乾淨，微氣泡口感 龍之尾 六割磨き 特別純米 米香豐盈，結構感強，乾淨辛口 加茂錦 荷札酒 播州愛山 純米大吟釀 帶白肉水果香氣，入口綿滑，微甘口 門市有超過150款清酒俾大家選擇，依家訂購滿$600免費送貨🚚滿$1000仲會即日送貨～

好耐冇食「牛気」，見天氣凍凍哋就同朋友去咗打邊爐🍲 今次揀咗Lv5 澳洲極上和牛+海鮮放題 ($438/位，限時120分鐘) ，生啤、sake都係任飲🍺🍶 最近推出期間限定「草莓粉紅祭」，可以試到多款草莓甜品🍓 自助bar更有多款熟食、火鍋配料、水耕蔬菜、麵食、湯品、飲品、甜品等 估唔到炸魚皮同炸芝麻雞翼咁有水準！炸魚皮香脆唔油膩，仲係暖嘅♨️芝麻雞翼外脆內嫩好多汁🤤 肉類同海鮮都好多選擇，掃QR code 落單就可以～ 肉類有澳洲極上和牛、穀飼黑安格斯牛、PRIME肩胛肉眼、牛小排、豚肉、雞腿肉等 特別鍾意極上和牛🐮肉味濃郁，肉質軟嫩，encore咗幾次！ 而海鮮方面有大海蝦、鮑魚、墨魚滑、帆立貝、花膠、三文魚刺身等，整體質素不錯，最推薦爽甜海蝦🦐 甜品有草莓卷蛋、草莓雪米糍、草莓大福、草莓吉士泡芙、草莓牛奶雪糕🍦等，仲有棉花糖機俾你自製棉花糖

好耐之前食過黑龍拉麵，到而家仍然人氣不減，平時lunchtime都見到有人排隊。 今次叫返兩款招牌口味，牛筋BLACK、豚骨拉麵 。 湯頭濃郁稠身，加入牛筋熬製更濃厚，帶有黑椒味。牛筋入口軟腍，近乎入口即溶！麵條揀咗硬身，好掛湯，叉燒比較瘦，唔柴口，配料仲有溏心蛋、辣木耳、洋蔥，溏心蛋流心但可以更入味。湯底同樣濃郁黏口，可以揀辣度🌶️加咗少少辣醬味道更香。配料有叉燒、筍、紫菜，紫菜唔係原塊上，而係紫菜碎，更加索湯。 叉燒切成小塊，肥瘦相間，口感軟腍，而且帶醬油甜香，唔會過鹹。珍珠米煙靭有米香，撈埋汁食好滿足🤤

想去呢間cafe好耐，但次次經過都滿座，今次終於食到啦！洛神花係店家自煮，洛神花加柚子酸酸甜甜，清新解渴！奶昔呈淡粉紅色，士多啤梨不太濃，奶味偏重，整體不會過甜。蜆肉份量不少，粒粒飽滿，意粉軟硬適中，帶少少辣味。Pizza係薄脆批底，面頭加咗層薯蓉，上面放咗軟殼蟹，炸得香脆多汁！味道由芝士同煙三文魚嘅鹹香做主導，香濃惹味。Waffle 外脆內軟，口感帶點煙靭，蛋香濃郁。雪糕可以揀玄米茶或豆腐味，玄米茶味幾清香。 甜品擺盤吸引，配上抹茶醬同埋士多啤梨🍓忌廉芝士醬。我比較鍾意抹茶醬，抹茶味突出，帶微微甘苦。

聽朋友說這家中菜水準不俗，適合家人聚餐，網上預訂【御·鮮薈】套餐更有優惠(4人盛$988)，我們一行四人便來了吃晚餐。豬手肉質爽彈，帶淡淡沙薑味，加上酸香爽脆的小青瓜，是不錯的開胃小菜。灌湯餃是位上的，比想像中巨型！餡料飽滿，包著彈牙蝦肉🦐湯頭鮮香濃郁，有花膠、小鮑魚、海參、翅、蟲草花等配料，長輩們都很喜歡。甜豆爽脆清甜，加了XO醬更惹味，但味道可以濃一點。第一次看到這個菜式，海花斑中釀了羊肉，魚肉嫩滑，羊肉餅羶味頗強。坊間有「魚咬羊，天鮮配」的說法，「魚」加「羊」湊成一個「鮮」字，表逹了南、北兩方鮮味代表的結合。鵝加入了黑白胡椒的秘製醬汁去燒，皮脆肉鬆化嫩滑，而且已去骨上碟，方便食用。白菜仔份量多，配了木耳、蕃茄、腐竹，可清清味蕾。跟平日吃到的不同，這馬拉糕烘得金黃焦香，外脆內軟，味道香甜，有點像厚鬆餅。是日甜品是紅棗雪耳雪梨糖水，滋潤養顏，而且甜度適中。

很喜歡大坑這個小社區，有很多特色餐廳，最近發現了一間新開的美式班戟店🥞。 小店主打班戟、牛油果窩夫和奶昔，食物即叫即整，需要等候大約25分鐘。班戟採用北海道3.6牛乳，口感軟熟富奶香～切開還有半溶芝士🧀加上香脆煙肉🥓和炒蛋大滿足！碟邊還有香脆煙肉粒和燒到焦香的芝士😋再倒上糖漿一起吃，很喜歡鹹鹹甜甜的配搭❤️熱騰騰的班戟香氣撲鼻～夾住煙肉🥓和炒蛋，面頭再加上一隻太陽蛋🍳。班戟口感柔軟，略帶甜味，跟鹹香煙肉很搭。 Croffle🥐🧇酥脆不油膩，配上嫩滑燒雞🐔、炒香菇🍄和洋蔥🧅非常豐富！ 吃過一次Lotus脆餅便愛上了😍入口酥脆帶淡淡肉桂香味，看到有這種口味的奶昔就立刻點了🤤 杯邊圍了焦糖爆谷🍿面頭還有棉花糖，造型十分吸引 (隨機的)。奶昔香濃幼滑，焦糖味突出，甜度適中，𥚃頭有餅碎增加口感。 奶昔加了棉花糖和雪糕筒做裝飾，賣相充滿少女心🥰質感同樣濃厚，味道不會過甜，還加了不少曲奇碎🍪

好耐冇食omakase，今次試下呢間新派鮨店，結合咗fusion 同fine dining嘅元素。 除咗有壽司、刺身，仲有以熟食料理為主嘅餐單。螢雪 廚師發辦 $2080 八寸 (前菜) (鹽釜鮑魚、鵝肝配免治鴨胸、白露筍及菜之花) -象拔蚌壽司配膽湯凍 -栗蟹配流心鵪鶉蛋🥚 -炙燒金目鯛配烏魚子乾 -牡丹蝦壽司🦐 -螢光魷魚飯🦑配蒸紫海膽 -赤身醬油漬 -赤海膽配淡雪鹽 -赤睦魚配炸魚鱗 -真鯛配明日葉 -青柳貝壽司 -煙燻鰤魚配燒蘆筍和柚子檸檬汁 -石板燒蠔🦪 -鮟鱇魚肝雪糕配炸沙甸魚 -禾稈草燒鰹魚配洋蔥mousse -醋漬鯖魚 -松葉蟹拌麵🦀 -蒸餾魚湯🐟 -甜品：士多啤梨🍓配菠蘿橙雪葩銅鑼燒講幾樣印象特別深刻嘅，生食最驚喜係赤海膽同鮟鱇魚肝雪糕💛赤海膽軟滑鮮甜，灑上淡雪鹽好似雪花❄️一樣飄落，鹹味唔重，提升咗海膽嘅鮮味！鮟鱇魚肝有別於一般嘅做法，先慢煮再製成雪糕，食落特別濃厚，配埋香脆炸沙甸魚，真係幾創新。熟食方面最鍾意松葉蟹拌麵！先加蟹豉油，再加蟹油，最後倒蟹湯，撈埋蟹肉一齊食好香濃。和食 廚師發辦 $1500 八寸 (前菜)前菜(鹽釜鮑魚、鵝肝配免治鴨胸、白露筍及菜之花) -栗蟹壽司🦀 -香草燒龍蝦🦞 -魚湯雞肉野菜卷🐔🥬 -赤睦魚一夜干🐟 -右口魚背壽司 -石板燒蠔🦪 -備長炭燒拖羅 -備長炭燒和牛🥩 -脆皮鰻魚壽司 -松葉蟹拌麵🦀 -蒸餾魚湯🐟 -甜品：士多啤梨🍓配菠蘿橙雪葩銅鑼燒 全部燒物都有水準，火候控制得剛剛好。備長炭燒拖羅口感柔嫩，油脂極豐富，蘸上蛋漿更滑溜。備長炭燒和牛燒到外脆內軟，食落有焦香，油膩感唔重。 石板燒蠔非常肥美鮮甜，口感軟滑，淋上白酒蒜汁更香🤤最後以香甜士多啤梨🍓配酸香清新嘅菠蘿橙雪葩銅鑼燒作結。

第一次食「餃掂」嘅時候只有一間店，依家已經有七間分店！餃子價錢實惠又飽肚，成日食都唔厭。今次同樣叫咗煎餃同湯餃，等候期間問咗店員要醃蘿蔔，白蘿蔔爽脆，酸酸地好開胃。松茸餃係餃掂既招牌之一，而龍鳳松茸餃就分別用咗黑白松露做餡料。餃子煎得金黃香脆，外皮厚薄適中，食落菌味清新香濃，加入黑白松露更濃郁。湯餃附上狀元九鼎湯，用粉葛、鯪魚、鯽魚、赤小豆等材料熬成，無味精，入口清甜。 餃子挺身飽滿，餡料肉同菜嘅比例平衡，豬肉扎實鮮香，加埋香嫩韭菜，好吃！芫荽豬肉餃餡料新鮮，芫荽味清香但可以濃一點。山楂雪梨水清潤下火，酸酸甜甜，消滯一流。

之前已經去過井巷子 ，但只有四個人試唔到好多菜式。今次叫咗多啲朋友陪我，食到捧住個肚走！先來四小碟，款款都好啱我口味！ 辣子牛舌 我本身好鍾意食牛舌，炸牛舌就比較少見。粉漿唔算厚，牛舌炸至金黃香脆，內裡保持軟腍，辣辣哋好香口！🌶 黃金白玉涼瓜 呢款都係炸嘅，好似黃金條好吸引😍炸得乾身唔油膩，涼瓜帶微微甘苦，滲出鹹蛋黃香氣💛 鴛鴦蒜泥白肉 座上各位都想encore嘅一道菜🤤豬肉片肥瘦均勻，口感爽嫩，醬汁香辣但唔會蓋過肉香。 向日葵甘栗豚叉燒 燒味之中最愛就係叉燒😍厚切叉燒少少燶邊帶焦香，肉質嫩滑鬆化，有蜜香。呢度嘅片皮鴨特別之處係除咗配青瓜、京蔥，亦有金奇異果、哈密瓜，食落更清新。另外，第一次食片皮鴨會見到鴨髀，啖啖肉好滿足！熊本手釣英倉魚貳食： 廿五年黑醋頭腩拆肉酸辣羹 酸辣羹材料豐富，有冬菇絲、木耳絲、筍絲等，仲加咗英倉魚肉更添鮮味。井巷子版本嘅水煮魚並沒有重慶風味嘅油膩感，加入幾種青辣椒，湯底辣中帶麻香。今次用上英倉魚，肉質細嫩滑溜，更吸引我嘅係索盡精華嘅手製紅薯粉。第一次食新鮮杞子，眾人不禁大叫：「嘩！好大粒呀！」，杞子食落脆卜卜，微酸，莧菜亦好爽脆。絕對是全晚重點⭐️⭐️⭐️一上枱已經香氣四溢～～用上新鮮三黃雞，皮脆肉嫩又多汁，驚喜之處係內藏新鮮雞雜！雞肉同內臟都非常入味，散發住茅台嘅醇香。(茅台雞製作需時，需要兩天前預訂)自家製米線配鹿兒島A5和牛，頓時覺得矜貴咗哈哈😆米線比較爽口，和牛軟嫩，湯底辣度不高。食到呢一刻已經好飽，每人分少少當過吓口癮。花膠爽彈，配上麻辣汁更惹味。 食埋甜品先叫圓滿，芒果土紅糖冰粉舖滿台灣愛文芒，香甜多汁，配上花生碎、杞子乾，唔會好甜膩。

終於試到好多人推薦嘅啖啖燕窩😍由人氣網店變成實體店，成立已經超過5年。 店內有唔同種類嘅燉品、甜品、小食，有提供堂食同外賣。特別推薦蜂蜜🍯北海道3.6牛奶🥛木瓜燉桃膠雪燕❤️食到蜂蜜嘅清甜同濃郁奶香，桃膠雪燕份量非常多，夠晒滋補養顏☺️一樽(1060ml)分到4碗，我一個人已經食咗一半。即食麻辣花膠厚身有咬口，麻多於辣🌶，啲汁用嚟撈麵好夾。牛乳奶凍入口滑溜，奶味香濃，唔太甜啱我。台灣Dainties多功能手工果醬有芒果、百香果鳳梨、雜莓、草莓等口味，水果含量達75%以上。我揀咗雜莓味，味道酸酸甜甜，除咗搽麵包，仲可以加落唔同飲品。