舖頭很細, 只有六張二人枱, 一張四人枱...我地剛入座既時候還沒有太多人, 到我地走時已經要開始等位..
係台灣人自己開, 所以個女仔都係講國語, 佢會問我地黎過未, 未黎過, 佢會介紹一下啲食物, 有乜野推介咁

我地叫左"台式花枝丸"及"或式貢丸", 有少許醬汁, 汁好味, 花枝丸唔係只得麵粉那款, 入面係食到花枝肉, 貢丸一般, 我個人較喜歡花枝丸多啲 水煎香腸 ($40), 只得兩條, 感覺好貴, 一隻鹵雞腿都只是$25, 但係一場黎到, 就試下啦.! 其實只係普通台灣既或式腸, 煮法冇話特別, 香腸帶少許辣, 食落都不錯 黎到台灣人主打既餐廳, 點可以唔叫台式牛肉麵-"原汁牛肉麵", 我見碗麵其實已放左係枱好耐, 但係個位女仔忙於整理其他外賣或其他枱既事宜 (因為只得一位樓面), 所以到上枱時, 感覺麵已有少許過淋, 因為麵條已淋左, 所以覺得一般, 湯底帶有牛香味, 牛肉夠入味亦到好淋... 冬瓜茶及蘋果梳打, 冬瓜茶過甜, 如果可以少甜些, 感覺會健康啲, 而家飲落去似飲緊一杯糖水一樣....蘋果梳打, 只是打有蘋果味既梳打水, 冇特別...都係太甜了

始從去完西班牙返黎, 簡直愛上左當地, 不論人, 地方, 環境, 食物都令我留下深刻美好既印象! 今次有朋友生日, 俾左多間餐廳佢選擇, 最後楝左西班牙餐廳, 真好, 又可以令我回想返西班牙既美食! 其實哩間餐廳係前幾年已食過, 當時係去河內道那間, 同我老公慶祝拍拖週年, 當時還未去踏足西班牙呢

入正題, 當日有happy hour 17:00-21:00, 我地點左一jar regular sangair, 有一條肉桂, 我對肉桂麻麻, 所以一上枱已將佢拎起, bartender 調得不錯, 飲到淡淡既紅酒, 不會過濃, 好適合女仔用小吃黎送下酒.
叫左啲tapas 送下酒先:
橄欖油蒜片蝦, 盛裝既器皿好特別, 啲蝦好爽口又夠新鮮, 雖然係橄欖油但係一啲都唔油, 啲蒜片走過油, 好香, 配埋啲蝦一啖食, 好好味 黑松露雞茸磨菇春卷
好特別, 入面既餡料係凍既, 但係外表既春卷好脆口, 但唔係好食到松露香, 係一款幾特別既tapas 食得西班牙, 點會唔叫西班牙乳豬件 ($88), 哩個價錢已足夠我地四個女仔食, 每人已有兩件, 皮燒得脆身, 肉身唔肥, 算屬於廋那種, 雖則廋, 但係啲肉唔鞋口, 好淋, 又夠味, 配哩啲酸菜食好開胃 食完tapas, 就點啲main course:
毛蟹pizza, pizza 面鋪滿滿滿既cheese, 有啲蕃茄仔, 望落去係見唔到有蟹肉, 但係食落食到啖啖既蟹肉香, 正.....pizza 係漙底, 類似餅干底那種, 所以食完都不會覺得好飽濟, 好溜既感覺 最後, 當然要點西班牙海鮮炒飯, 雖然menus 寫上係二人份量, 但係絕對足夠四人食, 有四隻蝦, 四隻魷魚圈, 四隻青口, 啲蝦好大隻, 蝦肉彈牙架, 可惜冇膏..., 啲飯唔會話好硬那種, 可能要比較迎合香港人既口味... 本身我地訂枱時留左個甜品"藍莓意大利雪糕脆餅"作為生日蛋糕, 可惜食到最後, 待應竟然走過黎同我地講個甜品已經賣完, 叫我地點另一款, 朋友之後楝左"菠蘿熱情果乳酪球", 十分鐘後, 又走過黎同我地講個甜品又賣完, 叫我地又再楝另一款, 最後我地楝左焦糖花生雪糕棒, 外型似左一條雪條, 內類係雲尼拿雪糕, 外層用焦糖糖漿厚厚咁包住, 其實只食到好甜既焦糖味, 好一般!

觀塘區不論返工或假日都人頭湧湧, 尤其駱駝漆大廈, 樓下排隊搭LIFT 既人多到很可怕, 我地等左五分鐘都仲未入到 LIFT, 決定做下運動行樓梯上去!

之前上OPENRICE 訂左枱, 有九折, 可惜佢話我訂既係"掌壽司", 但我想食既係"掌@咖啡"既TEA SET, 其實兩個舖係相通, "掌壽司" 都有我想食既梳乎里PANCAKE, 但係已到下午三點, 我冇可能叫個壽司, 實在太飽了! 老公點左個"網燒黑毛和牛飯", 因為係TEA SET, 所以飯唔係好大碗, 啲飯撈左啲麻油, 好香, 有少許芽菜, 話係黑毛和牛, 但係食落同普通牛肉分別不大, 又唔可以話唔好食, 但係一般啦. 個梳乎里係即整, 所以都要少許時間等, 點左配豆腐雪糕, 梳乎里上枱時還郁, 好輕型咁, 係心型既梳乎里, 有心思, 唔似出面一律係圓型, 食落有重重既蛋味, 入面好SOFT, 個豆腐雪糕又係預先雪好既一個個圓球, 所以係超級超級硬, 最後要用刀將佢切開細啲先可以食到, 我最唔鐘意啲雪糕係咁樣, 雖然可以KEEP 耐啲, 唔會因為梳乎里既熱力而令個雪糕太快溶, 但係個雪糕咁硬, 根本就係食唔到, 我還先喜歡, 每次要食時, 先整既一個個球那種 每款TEA SET 都跟一杯飲品, 咖啡類就要另外加錢, 我地點左芒果梳打, 同埋紅棗蜂蜜果茶, 飲品不太突出, 一般

上個月先黎過, 因為上次每人叫左一碗麵, 食唔到我想食既西多士, 同埋又好掛住佢地既厚切豬潤, 所以又再一次到訪, 今次落住大雨, 但係都冇減人潮, 好在等左一陣就可以入座啦! 今次都係叫返我地認為最正既配搭, 豬潤拼炒牛肉, 豬潤當然冇得輸啦...一樣照舊係厚切, 爽而不腥, 牛肉炒過同普通叫既白灼牛肉唔同, 香口好多, 雖然炒過, 但牛肉不會鞋口, 好淋身! 芥苿炸雲吞, 入面包住一粒中SIZE 既蝦...正, 下次要試下佢地既蜆介鯪魚球, 當日未到三點, 已聽到話淨返兩碟, 莫非真係咁好味?! 黎得茶記, 當然唔小得係奶茶啦..茶香奶滑...保持水準 到我最期待既西多士, 等左好耐, 食完晒野, 起碼再等左十五分鐘先到, 差不多枱枱都叫一碟, 佢地既西多士型狀好得意, 係圓形, 可以楝煉奶或糖漿, 我都係鐘意跟返普通出面食法, 要糖漿! 西多新鮮熱辣炸起, 入面既花生醬不會太多或太小, 剛剛好!

之前間四川麵轉左手, 朋友見到約我一齊去試下!
有兩款MENUS 既單品轉左做LUNCH SET, 同單品既價錢一樣, 包埋飲品!

今次我地兩個都點左 LUNCH SET, 安格期牛扒飯, 如果跟SET 就要跟飯, 我地兩個都想食烏冬, 所以加左$5, 跟茶飲SET 定, 冇得楝, 要楝其他要加錢, 今次配龍眼茶! 
烏冬係稻庭烏冬, 唔係跟湯既, 烏冬暖暖既, 跟既醬汁攪好好味, 帶小小酸, 好開胃, 跟既沙律菜冇沙律汁, 所以用左啲烏冬汁攪, 都不錯, 烏冬煮得剛好, 還彈牙的, 牛扒賣相不錯, 煎得剛好, 唔係well done 那種! 可惜杯龍眼茶淡而冇味, 好淡淡既茶色, 我估可能浸/焗得唔夠耐, 出唔到味..希望有所改善, 所以如果大家唔一定要叫野飲而又想食安格斯牛扒烏冬既, 可以不用叫set, 單點所以選擇飯/烏冬而不需另外加錢...

又要黎威爾斯抽血, 抽完血當然要食返啲好野啦, 上次黎食過下午茶, 覺得又抵食又好味, 對上次食既厚吐司念念不忘,決定再黎食多次!

今次冇叫珍珠奶茶, 加錢轉一啲特飲, 好想飲啲甜甜地既野, 所以叫左杯"黑武士之劍", 個名好特別, 其實只係將一條3.6牛奶條雪到冰條咁, 再將加熱左既朱古力倒入, 成為一杯凍既朱古力, 味道同一般朱古力奶冇分別, 下次不用再試 老公點左杯"海綿寶寶", 其實即係芒果沙冰, 見到有新鮮既芒果, 好大杯, 好高, 一路飲, 一路係側邊溶下及倒下, 飲得比較狼狽, 及要飲得好快手...因為天氣熱, 溶得比較快..
今次叫左芝麻奶酥吐司, 都係即叫即焗, 所以要耐心等候, 今次黎到既賣相有啲失望, 同相片既相都有啲出入, 冇左上次椰香個種撲鼻既香味, 啲棉花糖有種多此一舉, 只係令賣相漂亮些! 芝麻醬都一般, 唔夠香, 如果再食, 都係極力推介點椰香奶酥吐司味會較好..

之前係沖繩食過既炸包, 知道不久前係香港開左分店, 可惜地點全部都唔就腳無綠品嚐。連續一星期都落雨, 冇戶外活動安排, 只可行商場, 行行下發覺原來係荷里活廣場都有分店, 一於買返個麵包, 懷念一下係沖繩時既感覺先 本身唸住一人一個, 我想食那個紫薯中間夾住年糕既炸包, 可惜話這個已經不做了, 只有淨紫薯炸包, 如果全個都係紫薯我又覺得有點兒太溜, 所以最後我都兩人決定只點一個咖喱炸包過下口癮! 麵包係即叫即炸, 到手時熱辣辣, 麵包雖側炸過, 但係唔覺太油, 就算用手拎出黎食, 隻手點完都有一種油淋淋既感覺, 麵包炸完都仲好鬆完, 好香咖喱味, 但係入面既肉只係好小小小....只有一啲啲肉絲, 佢既賣點係咖喱香...做得不錯...

一路想試太子哩間餃子店, 發現原來佢有間分店係長沙灣區, 有日星期日唸住去試, 點知原來星期日係唔開門既。唯有搵日平日放工去完香工行完一陣, 就過黎食佢...舖頭細細, 牆上寫明餃子即叫即煮, 所以要耐心等候, 點解想黎試係因為哩度既湯底特別, 同出面普通既餃子店唔同, 佢係用"野葛菜生魚豬骨做湯底", 可以就咁叫一碗, 細碗都係$20。有套餐SET, 包括五隻餃子+麵+飲品, 都算平呀! 因為我鐘意食餃子, 所以冇叫套餐, 老公就叫左套餐, 餃子可以楝雙拼, 平均都係貴$2, 不算差太遠
黎到第一啖當然要品嚐佢出名既湯底先, 唔油, 好清, 飲到陣陣既生魚味, 飲好多, 晚夜都唔口渴, 應該冇落到味精, 佢有自家制既辣椒油, 我建議唔好放落湯底, 因為會浪費左個湯底, 所以佢每人都會俾一隻小碟你裝辣椒油, 入面有菜莆粒, 好正, 一定要必試....辣椒油配餃子係絕配.. 老公叫左白菜餃拼幼生麵+豆漿, 白菜餃入面還有水份, 一隻隻都包得好實, 唔會鬆散晒, 餃子皮厚度適中, 皮邊唔會話雪得太耐而變得過份硬 (即係話每隻餃子都保持新鮮度), 生麵冇試, 冇得評份, 豆漿豆味一般, 我覺得過甜
我叫左雙拼: 韭菜餃拼棷菜餃, 韭菜餃好香, 如果鐘意食韭菜既人一定會好喜歡, 椰菜餃較白菜餃好味, 仲要比白菜餃梗多水份......  

係銅鑼灣行完街, 唸住搵野食, 突然醒起前幾日係網上見到有人介紹"鄰居", 就決定行過去望下。去到既時候發現, 原來我地經過幾次, 但係門面一啲都唔起眼, 如果唔係認真望, 都唔知係一間西餐廳, 會以為係一間外賣既coffee shop, 餐廳一共有兩層, 地下係主要飲品料, 我見掛左個好咖啡既晝, 應該平時都會做下咖啡外賣咁...一入去就問有冇訂枱, 心唸莫非冇位, 等左一陣, 就叫我地沿樓梯上, 上左一層, 個裝修好樹林feel, 牆身有綠油油既葉...但係眼見已座滿人, 原來我地唔係坐哩層, 待應再引領我地再上多一層, 哩層既風格同樓下那層好唔同, 哩層既牆身係水泥牆, 比較偏暗燈光, 帶有少許工業風feel...我地初入座時, 只有兩枱客, 但係陸陸續續, 不用半小時已座滿客人了, 我見大部份人都有訂枱, 所以如果有心想食, 都係建議訂枱會穩陣啲!
set dinner 有六款, 每款都有湯/飲品及甜品, 我地叫左黑松露鴨胸意大利飯, 沙律係凱撤沙律, 沙律菜爽口, 醬汁已撈好, 味道剛好, 湯應該係類似海鮮湯, 我覺得太"傑", 味道一般
黑松露香味唔太重, 意大利粉偏硬身, 飯既濕度適中, 鴨胸有三塊, 肉質不錯, 但係我覺得太小了...四塊會較好, 就算兩人share 食都每人可有兩塊呀! 另外再單點了一客加拿大豬鞍扒, 薯條係粗薯身, 炸得不夠乾身, 太濕, 豬鞍扒配蘋果溶作為醬汁, 豬鞍煮得太熟, 中間已變晒色, 即已熟透, 一般豬鞍扒中間係帶粉色 (一般人會以為唔熟, 其實咁既豬鞍扒係最好食), 所以哩塊豬鞍較鞋身, 同埋本身應該冇預先調下味, 整塊豬鞍一啲味都冇, 只係靠個啲蘋果溶作為調味, 但蘋果溶係較淡味既配醬, 所以食落係-----"無味" 最後甜品, 好似係自家制椰子味雪糕, 好奶, 同埋拎到黎已經溶掉了..另外再點了一杯"益力多梳打", 味道普普通通

今日去完威爾斯覆診, 之後就楂車過黎哩邊食野, 餐廳位於屋苑範圍內, 所以四點幾都好多人黎食下午茶, 就算唔楝 tea set, lunch set 同一樣去到 5:30pm...款式都頗多, 有飯有麵有麵包...仲有一款啱你.. 因為第一次黎食, 所以好多野都想試, 我地叫左一個LUNCH SET, 一個 TEA SET, 再多個客小食...

黎食得台灣野, 點可以唔叫台灣牛肉麵 (配粗麵), 粗麵有部份痴住晒, 一舊舊, 有點帶硬, 如果可以煮多一分鐘麵條, 可能會較好, 牛肉唔夠淋身, 但味道還可以, 湯底始終都係冇台灣咁香濃牛湯味..
鹽酥雞, 哩度既鹽酥雞會配有七款不同既粉, 你可以自由配搭, 但係每款粉都好難倒出黎, 唔知係唔係潮濕既關係, 孔口位都塞住晒, 最後要叫佢地幫手整好先再拎過啲粉黎俾我地, 我主要試左梅子, 紫菜, 芝士, 香辣... 芝士同紫菜味道普通, 香辣都係啲類似七味粉, 最特別係梅子粉, 不錯..., 雞肉炸得夠辣, 唔鞋口
我真係太鐘意食麵包啦...見到麵包仲會想食, 尤其哩類既厚吐司, 所以忍唔住手點左個tea set, 椰子奶酥吐司, 因為係即叫即焗, 所以等左十五分鐘, 但係等得值得架, 係三樣野入面最好味既一樣, 一上枱已聞到好香既椰子香, 不太甜, 麵包焗到剛剛好, 還好鬆軟
兩款餐都跟野飲, 珍珠奶茶不用加錢, 同台灣一樣, 都係帶奶味重, 茶味淡, 因為忘記左叫小甜, 感覺好甜.