期待已久嘅Sunday brunch，由於疫情關係，已改期2次嘅Sunday brunch 終於成行。 之前友人幾年前試過話雖然食物種款唔多，但質素唔錯所以都有少少期待。 Semi-buffet 形容式，3 小時由12-3pm，價錢 $788 + $348 （2小時free flow 香檳）+ 10% service charge。 Appetiser 同 dessert 係自助形式，main course 6選1。 Appetiser : 湯：只有一款mushroom soup，味道正常、普普通通，蘑菇味唔夠濃 沙律：6-8款新鮮沙律菜可自由配搭組合，另外有4款已mixed 好嘅沙律，薯仔沙律、tomato & Mozzarella cheese 及一d mixed 好嘅豆、菜沙律 Cold cut & cheese : 3款cold cut (當中1款係36個月伊比利亞豬火腿）及4款cheese Sushi corner : 款刺身（油金魚、帶子、三文魚）、2款卷物、即整手卷 Dessert: 即整waffle、4款雪糕（冇介紹係咩牌子）、8-10款小甜品 Main course: Port Ribs、Fish & chips、Burger、龍蝦意粉、菜意粉、Egg Benedict 食後感： Appetiser 食物係新鮮嘅，但選擇太少，沙律完全冇海鮮例如蝦、青口沙律，全部係淨菜 Cold cut & cheese 只有36個月伊比利亞火腿比較吸引，但鹹香唔夠 刺身壽司，只試咗油金魚同帶子，味道正常，見到手卷配料有牛油果所以同師傅講想要2片牛油果，但師傅話刺身冇跟牛油果所以唔俾......我真係O咗咀 Main course Burger 最好食，牛肉有淡淡炭燒香味、Fish & chips 普通、龍蝦意粉味道偏甜，意粉唔夠咬口，其他冇試 Dessert 連馬卡龍都冇 總括嚟講，我未試過食buffet 可以記得唔清楚有咩食，因為選擇少得可憐，想唔記得都難。 佢提供嘅嘢食對唔起佢嘅價錢，收得$788 (food cost) 就連海鮮沙律、馬卡龍都冇得畀人食，真係太過份！ PS: 朋友幾年食嘅時候係咪有生蠔同龍蝦，仲久唔久有人推d 特式小食出嚟睇吓客人試唔試。

疫情情況下冇同朋友見面食飯超過一個月！ 朋友咁啱今日星期六要返公司處理公事，順便相約食lunch，咁耐冇見又咁耐冇出嚟食飯，梗係要搵間舒服嘅餐廳聚一聚。 臨時即興食lunch所以冇book位，相信平時星期六lunch冇book位應該係唔會有枱，今日12:30左右嚟到有枱，雖然窗邊位已fully book，但我哋坐嘅位置依然望到海景仲冇咁曬冇咁熱仲好。 一坐低餐廳經理問我哋要飲咩水，呢度唔係淨係問你要still 定sparkling，會自動話有tab water 選擇，我哋諗住炸吓口腔、清下味蕾所以揀咗sparkling。 既然難得出嚟食lunch諗住relax 吓又對住咁靚嘅海景梗係飲番啲酒，呢度有唔少半枝wine 選擇係其他餐廳比較少見，lunch 2人半支white wine 剛剛好。 同朋友冇見成個月所以係支Wine 嚟咗之後都傾咗一陣先至叫嘢食，期間唔會有人係咁追來問你落order，而係等我ready 叫先過嚟take order，我覺得呢樣嘢相當好絕對唔會令你有壓迫感。 一睇Menu已經見到一定要留肚食Apple Tarte ，所以只係叫2個starters + 1 份steak share 。 一開始叫starter 位餐廳經理就同我哋講 “Good start!”，叫埋主菜之後佢仲話 “ perfect match!” ，當然明白無論客人叫咩都會係咁講，但係對客人來講會覺得開心啲食得暢快啲，老實講呢樣嘢通常只會係一啲fine dinning 嘅餐廳或者外國嘅餐廳先會見到。 Starter 本來想叫steak tartare，但諗住主菜叫steak 所以最終決定都係叫Tuna Tartare。 雖然唔係我食過最好食嘅Tuna tartare ，但佢嘅日式醬油及wasabi 帶出 tuna 鮮味，呢個配搭幾得意。 第2分starter 係seared foie gras ，唔係用傳統嘅toast 而係改用有焦糖味好似Bread Pudding 配搭菠蘿粒粒薦底，foie gras over cook 咗未能做到外脆內軟，菠蘿粒粒本身較甜但佢配搭嘅辣椒中和左佢嘅甜膩，又OK喎。 Bread pudding 雖然可有可無，但幾好食唔會太甜，用嚟配搭foie gras 幾得意。 主菜叫咗一份肉眼扒，350g 2人share 剛剛好。 肉味唔夠濃但肉質柔軟，$388 呢個價錢我收貨。 終於嚟到甜品，就係我最鍾意嘅Apple Tarte! 佢寫明2人份，見到好多人都係叫呢個甜品，所以我都非常期待 。 當經理拎過嚟嘅時候都會準備你會影相，會問你要切一半定分4分方便你食，切完之後又會問你想佢幫你serve上碟定放喺枱你自己慢慢切嚟食，又細心解釋點解配搭sour cream 而唔係平時嘅cream，呢啲details 位真係好細心。 Apple Tarte 係偏甜嘅，正如經理所講配搭sour cream 係可以中和佢嘅甜又幾好喎 係呢2.5 小時我真係覺得好relax，一來靚景、二來每個dish 之間有時間俾你休息，就連2個starters 佢都係分開上，等你食完一個starter 至上另一個starter，絕對唔會好似其他餐廳咁一次過上俾你，而且我仲留意到佢哋會喺遠處望一望你係咪食完張枱係咪已經冇碟先至再上另一道菜。 三來服務真係好好感覺好professional，每食完一道菜收碟之後都會抹枱，呢樣喺香港來講比較少見 雖然佢啲嘢食唔係真係一流，但價錢唔係貴，整體我係enjoy，依家香港食飯最怕好似食到好似俾人追交枱，呢度食得絕對舒服，下次我會再嚟食晚飯，希望疫情可以快啲消失，可以快啲恢復晚市堂食！

無敵靚景、環境一流！ 今日公司揀咗呢度食lunch，食物質素不過不失，食物新鮮唔係差但冇驚喜，份量少，餐前冇麵包公應，食完有唔飽嘅感覺😅。 前菜3揀1 主菜3揀1 成餐最好原來係杯咖啡😆 食嘢就未必會再嚟，但相信飲嘢應該好正😏

呢幾年荔枝角有好多新餐廳，咁啱今日星期五放假就去試吓lunch。 佢個lunch set確實抵，$158 已經有前菜+pasta+dessert，直情好似dinner 咁。 附近辦公室好多，知道lunch time都會人多，所以1:30 至到有客人開始食完走，等咗一陣就有位。 3人分別前菜叫咗Burrata、牛舌、cold cuts。 Burrata 係好食嘅，cold cuts亦都唔錯，lunch time 咁嘅質素係非常好，但個人覺得份牛舌口感味道有啲古怪，所以我只係食咗一片就冇食，全部由我兩位朋友KO 😂 Pasta 叫咗2份松露手工意粉+1份Lasagna。 Lasagna 上面嘅cheese 覺得非常香脆但成個lasagna 完全唔夠蕃茄味，相比其他意大利餐廳較為遜色。 松露意粉上面啲松露一啲味都冇，真係可有可無，但個汁好香松露，手工意粉亦做到Al Dente 水準相當唔錯 最後由於太飽冇叫dessert 而轉咗3杯cappuccino，但咖啡味實在太淡，作為意大利餐廳杯cappuccino嚟講認真嫲嫲。 整體來講食物質素普通，手工意粉出色，服務質素真係需要提升。 但lunch set 咁嘅價錢其實收貨。

呢間居酒屋環境非常好feel，尤其係而家去唔到日本係呢度搵返日本居酒屋感覺👍🏾 Bar 枱頭頂有小火車不斷行走感覺相當懷舊充滿日本風味。 價錢唔平，當日係平日依然爆場，有walk in 客都做唔到就知有幾受歡迎。 整體服務相當好而且食物質素相當有水準尤其係串燒非常出色好好食 食完一輪串燒又嘆吓酒又食下其他嘢

呢間餐廳近排出咗4 度菜set dinner 優惠，一星期有三款唔同嘅set dinner，今晚星期二嘅 menu 係seafood tower。 $458 有4度菜+ free-flowing wine，淨係價錢已經好吸引，OpenRice 仲有八折優惠，真係冇理由唔試。 先來3人份海鮮，新鮮度唔錯，尤其鮑魚及海螺鮮味 跟住再嚟白酒青口，冇over-cook，唔錯 前菜分別叫咗2份吉列廣島蠔及1份鴨胸Caesar salad，吉列蠔稍為細隻但尚算味道唔錯，Caesar salad 一般 主菜每人加$50 要咗澳洲肉眼及香煎鴨肝，肉眼肉質唔似rib eye，似striploin 多啲，鴨肝未能做到外脆內軟 甜品2份 Movenpick 雪糕加雜莓及㗎$40 轉1份是日蛋糕 (蛋糕忘記影相），但個人認為要另加$40 轉蛋糕有啲貴 餐廳服務員未能主動照顧客人需要，客人需要幫忙時都要舉手一段時間至有服務員見到，但服務員係有禮貌嘅只係質素有待提升。 整體而言，食物質素及free-flowing wine 對得住呢個價錢，尤其是我哋呢啲冇酒不歡嘅人非常適合，會考慮試埋另外2個Menu

本來預咗去日本，點知疫情下唯有取消機票酒店留喺香港安全啲。 既然去唔到日本食就留喺香港食餐好😆。 幾隻旅行腳都冇試過呢間omakase，本身冇抱太大期望，點知原來有驚喜。 由於是日係平日夜晚唔算多人，餐廳有 a la carte menu，但我哋一行四人揀咗坐sushi 枱食omakase。 有2款omakase，$890 同$1090，我哋揀咗$1090。 一坐低每人叫咗一杯自家製梅酒，唔算好甜好香梅味，唔錯但略嫌份量太少，師傅同時間放低兩碟餸嘅「雪魚乾」餐前小食配搭梅酒好味。 飲完梅酒，當然轉sake，當晚叫咗2枝sake配搭，即刻攞番d 身處日本感覺😌 師傅好細心，係上菜前會問有冇咩唔食，先嚟前菜 之後會陸續上刺身 今晚有兩款海膽，分別係「紫海膽」同「馬糞海膽」，紫海膽帶回甘，馬糞海膽鮮甜，個人覺得馬糞海膽相當好味😋 其實食到後面已經好飽，師傅亦好醒目問我哋小飯定走飯，有位朋友要求走飯，但個別壽司師傅會堅持keep住起碼有幾粒飯話咁知好食，有原則👍🏾 其實仲有甜品不過已經冇影相實在太飽太滿足！ 亦相約六月再嚟食佢個海膽主題嘅Omakase

一行4人book 咗6:30pm 友人飯聚，試吓新嘢。 先上麵包，非常鬆軟但唔算特別 前菜King crab cake with prawn power 蟹餅肉係好食，但畀櫻花蝦蓋過蟹味 Homemade Tagliolini Carbonara 個人對Carbonara 一般，食意大利菜從來唔會主動叫，但朋友話一定要食。 蛋味香濃、煙肉鹹香帶出整體味道，係好食嘅 甲羅燒香箱蟹意粉 朋友話好食，但我覺得撈左蟹膏令到成碟意粉好腥，完全唔覺得係食緊pasta，冇意大利感覺 紅蝦pasta 成餐覺得呢碟係最似樣，好香蝦味，起碼我會願意食多兩啖 整體來講，上菜速度快，homemade pasta 口感唔錯，每樣食物味道相當足夠無需加任何調味 （甚至覺得有啲Over咗），pasta 菜式相當有特色，好適合鍾意試新野多元化嘅香港人口味。 但個人都係比較鍾意意大利人煮嘅pasta 簡簡單單已經非常好食，而且限時90分鐘，食完之後仲要同朋搵其他地方再坐低飲嘢傾偈。 叫做試過，但唔會再嚟。

已係第3次到訪，每次都係唔同人及主題，今次同2位閨蜜嚟，眼見大部份都係慶祝生日，雖然我哋唔係但係亦都畀在場氣氛感染🥰 1位朋友叫咗4 courses set dinner，我同另一位朋友散叫a la carte 玫瑰花牛油，每次都覺得佢好靚，尤其襯托咁浪漫嘅環境 法式洋蔥湯 洋蔥湯係我最鍾意嘅西式餐湯，如果見到menu 有通常都會叫試一試。 當然Amigo 嘅洋蔥湯係好味嘅，雖然唔係我飲過最好味但佢都係位頭三位，佢嘅牛骨湯底香濃帶出洋蔥香甜 同朋友share 咗一份$440香煎鵝肝，餐廳好細心咁幫我哋分好2分至上枱，分量相當足夠。 鵝肝煎到外脆內軟非常好食，佢用白蘿蔔鋪底，白蘿蔔嘅清甜減咗鵝肝嘅膩 同2位朋友share 法式田螺，田螺爽嫩，香草蒜蓉汁口感豐富，d 汁俾我朋友搽晒麵包，佢話好正 主菜同朋友share 一份 2人份量嘅Heart of tenderloin，餐廳職員話係tenderloin 最嫩滑嘅部位。 餐廳職員推餐車出嚟至切，每人兩舊厚切，生熟度剛好肉質柔嫩，朋友叫嘅set dinner 都係tenderloin 但差好遠，佢個塊好乾唔好食 終於嚟到甜品環節，係我最鍾意嘅法式甜品Crepe Suzette ~ 呢度嘅Crepe Suzette 係我係香港食過最好食嘅 2人份量，餐廳職員推出餐車之後即場煮個汁，個橙酒汁香甜，味道一流 每次來臨都非常滿足，期待下一次！

話說呢間餐廳冇訂枱服務，所以我只好今晚walk in。 18:20 到達當時落住微雨，所以就算未齊人都畀我先坐低 👍🏾。 朋友於18:40到，我哋4人於18:45 落order 叫嘢食同一支紅酒，食物質素以呢個價錢嚟講真係唔錯。 19:50服務員同我哋講「由於有好多人等位，而用餐時間係一小時，但我哋有4人都畀我地坐一個半小時，所以要我哋畀錢走人」，成個過程都係有禮貌嘅，但成晚由我入餐廳坐低開始都冇人同我哋講「限用餐一小時」，我覺得有問題，如果佢早講的話我哋未必會叫支紅酒因為佢叫我哋走時仲有3分1支酒，又或者去第二間餐廳，起碼有得選擇，但而家我哋要係5分鐘內飲晒畀錢走人！ 老實講，大家明白而家香港地好多餐廳都有限用餐時間，只要事前溝通清楚 ok 咪食，唔ok 咪第二間囉其實係冇問題嘅，但冇講清楚就唔得囉。 本人覺得呢間餐廳只適合快餐人仕，係咁多。