八喜 喺食店位於藍田啟田商場內，為一般新派酒家格局 , 係美心集團開嘅新派台灣菜 ，但我覺得佢嘅格局同食物都應該係尖沙咀水準囉！

卡位夠闊落、坐得又舒服
來到台式酒家，我們當然想點些特色食品，所以最後我們決定散叫不同的小菜

富貴粿煎麵睇吓個賣相幾靚，個名叫粿煎麵其實唔係麵，係用蛋皮、海苔同腸粉捲起而成，再伴以金華火腿、海蝦及蟹柳，上到抬已經好靚，侍應會喺你面前淋上滾熱上湯，然後先食架 !

南北杏雪耳燉鵪鶉係侍應強烈推介嘅老火燉湯，呷一啖就知用料上乘 淆咗好耐，味 道清香鮮甜 ，隻鵪鶉腍到骨都可以食埋

串燒八里香以香料百里香醬搽喺雞柳上面 ，再加上青紅甜椒及馬蒂去烤 ，雞肉嫩 滑、超正

石窩胡椒蝦 一窩8隻蝦size超大，肉質夠鮮味兼帶一點白胡椒嘅辣香 . . . 仲係 好鬼香嗰隻，但食落去唔係咁辣咋！啱晒我呀！ 因為用石窩，所以隔咗段時間都仍然熱辣辣

好立克沙冰比想像中好飲，唔會好似仙x林、仙x岩落鬼咁多冰去打，搞到淡晒味

芝麻豆腐花 - 豆花滑嘟嘟 ，芝麻糊杰撻撻，為豐富嘅晚飯 畫上完美嘅句號 啊 !

1.睇相以為好貴 ，其實八喜嘅價錢好街坊價
2.落地大玻璃那邊的二人抬較細張，景觀亦只係馬路。 想坐卡位就記得登記時講明啦！

整體黎講食物都幾有水準ok! 遺憾服務差了D, 明顯坐唔滿都唔夠待應,個別待應像還沒睡醒,儀容也有待改善

今日同朋友慶祝生日， 於是選擇咗沙田SOHO之Avanti食飯

其實間餐廳環境都唔錯, 去到就見到有幾個外國人o係露天雅座望住河景飲野, 認真有feel~好在室內環境都唔錯, 幾有情調, 而且人唔多, 最啱靜靜地慢慢傾住計食飯, good!

由於2個人食唔到太多野, 所以選擇左叫 Lobster and Steak Set dinner

點菜後，侍應即呈上麵包籃，內有芝麻包及脆條，最好味是芝士棒。食完後仲問我們要唔要加添，真是細心! 俾個GOOD佢!

頭盤係煎鴨肝伴蜜餞蘋果配砵酒汁 。鴨肝ok啦。，蘋果口味幾清新，唔錯。如果大份啲就最好。

跟住有龍蝦湯，Cream 好濃，幾好味

之後食龍蝦+肉眼扒。龍蝦十分唔錯，份量夠，夠熱，好味。最印象深刻的是主菜肉眼扒,肉質非常嫩,肉汁從扒肉慢慢滲出,好好味。 配菜都係瓜菜+薯仔，okay，好味。

甜品Apple Cake - 好香，味道不錯!

Wow!! 抵 ! 重有餐飲!!

侍應生把我們的頭盤,湯,主菜,甜品,逐款送上,非常專業,有service,亦不像催促我們進餐而打擾氣氛。

整體黎講食物都幾有水準，而且侍應既服務好殷勤，唔錯！唔錯！
整整嘆了三粒鐘，可以享受吓悠閒o既一晚。
埋單7舊 for 2 ，可以接受。
遺憾的是在餐廳內會聽到一些車聲及少量噪音從店外的馬路傳來

整體都ok, 價錢合理, 會再黎~